Ақпараттық желілер құрудағы дамыған елдердің тәжірибесі, даму мәселелері мен негізгі бет алысы

Ақпараттық қоғам дамудың және қалыптасудың негізі бола отырып, ақпараттық экономика өзінің қасиеті жағынан жахандық сипатқа ие.
Коммуникация және басқаруда басты рөлді орындайтын бұрынғы индустриалды қоғамға өту туралы Д.Белл, П.Друкер, А.Моль және басқа ғалымдардың айтқан болжауы орындалды. Қоғамдық дамудың жаңа қасиеті Ақпараттық қоғам деген терминмен көпшілік қабылдауында айтылып жүрген қоғамның жаңа сипаты көрсетіледі.
Дамып келе жатқан мекемелердің менеджерлері өзінің жұмыс уақытын орташа есеппен алғанда 30 пайызын ақпартты іздестіруге жұмсауға мәжбүр. Э.Дудинск пен М.Мизлдің есептеуінше қазіргі кезде, бұдан он жыл бұрынғыға қарағанда олардың қарамағында арнайы ақпарттың 60 пайызы жинақталған. Бірақ, шешім қабылдауға кеткен уақыт 3 есеге қысқарды.
Ақпараттық және басқа технологиялардың осы заманғы дамуы, шектеусіз әлемдік рынокқа шығу, бүкіл дүние жүзімен сауда жасау мүмкіндігі, әлемдік білім мен ақпараттың негізгі ортасына кез келген өңірден қосылу мүмкіндігі, бүкіл әлем мен еркін байланысқа түсу, басқа елдерден үйрену, өзге халықтардың мәдениетін білу арқылы рухани баю- мұның қазіргі дүниенің бізге беретін нәрсесінің бір бөлігі ғана. Жахандануды әрекетке келтіретін көптеген себептер бар. Субъективтік жәйттерді орынды бағалай отырып, жаханданудың объективті құрамдастарын- ғылыми- техникалық прогресті, жаңа ақпараттық, коммуникациялық, әлемдік экономиканың даму деңгейін, оның субъектілерін және басқа көптеген нәрсені көрмеу мүмкін емес.
Әлемде озық технологиялардың дүниеге келуімен ақпарат кеңісітігі де айтарлықтай ұлғая түсті. Ұлы державалар да өздерінің техникалық және өзге де жетістіктерін пайдаланып, өз ықпалдарын, пәрменділігін жүргізуге ұмтылуда. Әрине, әлемдегі болып жатқан мұндай өзгерістерден табиғи және адами байлығы мол Қазақстан шет қалуы мүмкін емес. Жахандану процесі жүріп жатқан кезеңде ашық қоғам құруға ұмтылып отырған елміз.