Қысқа мерзімді дебиторлық борыштардың, қаржылық инвестициялардың аудиті

Пән: Қаржы
Жұмыс түрі: Дипломдық жұмыс
Тегін: Антиплагиат
Көлемі: 45 бет
Таңдаулыға:

Мазмұны

Кіріспе

1 Қысқа мерзімді дебиторлық борыштардың, қаржылық инвестициялар-дың аудиті . . . 5

1. 1 Қысқа мерзімді дебиторлық борыштардың мәні . . . 5

1. 2 Қысқа мерзімді дебиторлық борыштардың аудиті . . . 10

1. 3 Қысқа мерзімді қаржылық инвестициялардың аудиті . . . 15

2 Тауарлы-материалдық қорлардың аудиті . . . 18

2. 1 Тауарлы-материалдық қорларының мәні, мақсаты . . . 18

2. 2 Тауарлы-материалдық қорлардың аудиті . . . 23

2. 3 Сатып алу, өндіріс және өткізу циклдерінің қозғалысының аудиті . . . 28

3 Ағымдағы активтерінің аудиті . . . 32

3. 1 Ақша каражаттарының мәні, мақсаты . . . 32

3. 2 Ақша каражаттарының аудиті . . . 36

3. 3 Ақша қозғалысының аудиті («Нұрберген Жол» ЖШС мысалы

ретінде) . . . 40

Қорытынды

Қолданылған әдебиеттер тізімі

Кіріспе

Кәсіпорындар мен ұйымдардағы болып отыратын барлық үдерістерді алдымен бақылап, орындалған жұмыстар мен атқарылған қызметтердің нәтижесінде өндірілген өнімдерді, олар үшін жұмсалған материалдар мен шикізаттарды, қаржы-қаражаттарды сандық өлшемге келтіріп және оны арнаулы құжаттарға қарай реттеп соңынан тіркеу жұмысын жүргізетіндігі бухгалтерлік есептің басты міндеті болып табылады. Қандай да болмасын шаруашылыққа қажетті күнделікті қолданылатын есеп жұмысының белгілі бір кезеңдерге сай дамитындығы белгілі. Ал шаруашылық есеп мәліметтері өндірістің экономикалық жағдайын белгілі бір дәрежеде жан-жақты сипаттап, талдап, қандайда бір шешім қабылдаудың басты мақсаттарын жүзеге асырушы экономикалық пән болып табылады. Қандайда бір шаруашылық құбылыстарын зерттеп оларға экономикалық талдау жасау үшін белгілі бір есеп көрсеткіштеріне сүйенуімізге тура келеді. Шаруашылық есептің алғышарты материалдық өндірістің теориялық негізін зерттеуге байланысты. Қандайда болмасын есеп көрсеткіштері экономикалық жағынан маңызды мәселе болып табылады. Кәсіпорынның қаржы-шаруашылық қызметі туралы ақпараттық мәліметтерді жинақтау бухгалтерлік есеп пәні болып саналады.

Қоғамымыздың даму кезеңдерінің қай сатысында болмасын дамудың объективті экономикалық заңдылықтарын анықтау және ол заңдарды пайдалану шараларын дұрыс белгілеу үшін есеп жұмыстарын, әсіресе бухгалтерлік есеп жұмыстарын дұрыс ұйымдастырудың маңызы зор.

Қоғамдық нәтижесінде бухгалтерлік есептің ұйымдастырылуына қойылатын талаптардың өсіп, міндеттерінің даму үстінде болғаны, оған сәйкес бухгалтерлік есеп формаларының үнемі жетілдіріп отырғаны бухгалтерлік есептің даму тарихынан белгілі.

Қазіргі кәсіпорындар, мекемелер мен ұйымдар жөніндегі заңға сәйкес, халық шаруашылығының қайсы саласындағы кәсіпорындар болмасын, олардың өндірістік және қаржылық іс-әрекеттері өз шығындарын өзі қайтару және өзін-өзі қаржыландыру принциптеріне негізделуі тиіс.

Қазіргі нарықтық экономикаға түбегейлі көшу кезеңінде бухгалтерлік есепке жүктелетін міндеттер қай кездегіден болмасын күрделірек болып отыр.

Ұйымның іс-әрекеттерін қамтамасыз етудегі міндетті шарт, қолда бар айналым қаражаттарының болуы.

Ағымдағы активтер - бұл өндірістік айналым қорларын құру, пайдалану және үздіксіз өндірістік процестермен өнімді өткізуді қамтамасыз ету үшін авансталудың ақшалай қаражаттарының жиынтығы.

Айналым капиталы термині (оның синонимі отандық есепте - айналым қаражаттары) ұйымның ағымдағы активтеріне жатады. Олар өндірістік процесті үздіксіз қамтамасыз етеді.

Дебиторлық борыш дегеніміз, бұл - иелік ету құқығын қосқандағы заңды құқықтармен байланысты активте қамтылған алдағы уақыттағы экономикалық тиімділік және сатып алушылардың немесе тапсырыс жүргізуші субъект алдындағы өткізілген тауар үшін қанша төлеу бойынша міндеттемелері.

Тауарлы-материалдық қорлар дегеніміз - өндіріс циклінде қолданылатын әр түрлі еңбек заттары. Олар процесінде тұтынылып, өзінің құнын өндірілетін өнімге толығымен аударады.

Ақша каражаттары - барлық ұйымдар өз ақша қаражаттарын банк мекемелерінің тиісті шоттарында сақтап және міндеттемелері бойынша төлемдерін, әдетте, осы мекемелер арқылы ақшасыз нысанда, ал қажет жағдайда Қазақстан Республикасының Ұлттық банктің нормативтік құжаттарымен белгіленген шегінде нақты ақшамен есептесуді жүзеге асырады.

Келесі тарауларда жоғарыдағы активтер толығымен қарастырылады.

1 Қысқа мерзімді дебиторлық борыштардың, қаржылық инвестициялардың аудиті

1. 1 Қысқа мерзімді дебиторлық борыштардың мәні

Кәсіпорындар мен ұйымдардың басқа заңды немесе жеке тұлғалардан оларға сатқан тауарлары, көрсеткен қызметтері, сондай-ақ аванс ретінде алдын ала төлеген төлемдері үшін алашақ қарыздары - Дебиторлық борыштар (Алынуға тиісті шоттар) деп аталады. Осы кәсіпорындар мен ұйымдарға берешек борышы бар заңды және жеке тұлғалар дебиторлар болып табылады. Өтелетін (алынатын) уақытына қарай алынуға тиісті дебиторлық қарыздар ағымдағы алынуға тиісті қарыздар және ұзақ мерзімді алынуға тиісті қарыздар болып екіге бөлінеді. Бұл қарыздардың есебі «Қысқа мерзімді дебиторлық қарыздар» бөлімінің шоттарында есептеледі.

Дебиторлық қарыз - сатып алушылардың немесе тапсырыс берушілердің (бизнес контрагенттерінің) шаруашылық жүргізуші субъект алдындағы өткізілген тауар (жұмыс, көрсетілген қызмет) үшін ақша төлеу бойынша міндеттемелері. Ол ағымдағы (өтеу мерзімі бір жыл бойы) немесе операциялық циклді және ағымдағы емес болып бөлінеді. Есепте саудалық және саудалық емес дебиторлық қарызды бөліп көрсетеді.

Саудалық дебиторлық қарыз - негізгі іс-әрекет нәтижесінде өткізілген тауарлар мен көрсетілген қызмет үшін сатып алушылардың міндеттеме сомасы.

Саудалық емес дебитолық қарыз - іс-әрекеттің басқа түрлері нәтижесінде (субъект қызметкерлеріне немесе филиалдарына аванстар, шығынды жабуға арналған депозиттер, алуға арналған дивиденттер, проценттер, үкімет органдарына салықтарды қайтару жөніндегі тілек-талап және басқалар) пайда болады.

Дебиторлық борыш үш топқа бөлінеді:

1. Алынуға тиісті шоттар

2. Алынған вексельдер

3. Басқалар

Алынуға тиісті шоттарға : ақшалай қаражатқа, тауарға, көрсеткен қызметке және субъектілердің ақшалай емес активтеріне деген тілек-талаптары кіреді. Дебиторлық қарыз алынуға тиісті шоттарды төлеу мерзіміне немесе қарызды өтеу күтілетін күніне қарай ағымдық және ұзақ мерзімді болады. Әдетте дебиторлық қарыз шот-фактуралармен расталады. «Алынған вексельдер» бабы ресми қарыздық міндеттемелермен расталады.

Қолма -қол ақшасыз есеп айырысулар жүйесінде дебиторлық қарыздың пайда болуы субъектінің шаруашылық іс-әрекетіндегі объективті процесс болып саналады. Дебиторлық қарыз пайда болу сипатына қарай қалыпты және ақталмайтын болып бөлінеді. Субъектінің өндірістік-шаруашылық іс-әрекетінің барысында, сондай-ақ есеп айырысудың қолданыста жүрген нысандарымен пайда болғандары қалыптыға жатады.

Кәсіпорынның балансындағы алынған вексель деп аталатын бабындағы сома басқа заңды немесе жеке тұлғалардың ұйымға вексель бойынша төлейтін ресми берешегі болып есептелінеді. Алынуға тиісті шоттар бойынша қарыздар (дебиторлық қарыздар) иелік ету құқығымен қоса, заңды құқығымен байланысты актив болып саналады.

Ұйымның қаржы жағдайын сипаттайтын көрсеткіштердің қатарына дебиторлық қарыздардың айналымы жатады. Яғни дебиторлық қарыздардың есептелген уақыты мен өтелу уақытының арасындағы мерзім күндерінің саны. Ұйымның дебиторлық қарызы оған байланысты кіріс танылған жағдайда ғана анықталады. Дебиторлық қарыздар сатылған өнімдер мен тауарлардың құнынан баға жеңілдіктерін және қайтарылған тауарлардың құнын алып тастағандағы қалдық сома брйынша есептеледі. Бір жылдан астам уақыт бойы алынбаған дебиторлық қарыздар «Ұзақ мерзімді дебиторлық қарыздар» болып есептеледі. Дебиторлық қарыздардың пайда болған уақыты мен өтелу уақытының арасындағы мерзімге байланысты пайыздар бойынша кіріс көп жағдайларда ескерілмейді. Кәсіпорындар өздерінің тауарларын сатқанда кейде сатып алушыларға баға жеңілдіктерін береді. Ұйымдардың бұндай қадамға баруының басты себебі сатып алушыларды қызықтыру арқылы сатылатын тауарларының көлемін арттыру болып табылады. Сонымен қатар баға жеңілдіктерін пайдалану ұйымның күмәнді қарыздарының сомасын қысқартуға үлкен әсер етеді. Халықаралық тәжірибе баға жеңілдіктері терминімен бірге сауда жеңілдігі термині қатар қолданылады. Өз экономикасын нарықтық жолмен жүргізіп келе жатқан елдердегі ұйымдар сауда жеңілдігін тауарларды сатудағы жарнама ретінде пайдаланады. Ұйымдардың сауда жеңілдігін қолдануының мақсаты баға жеңілдіктерін пайдаланғандағы жағдаймен бірдей деп айтуға болады.

«Дебиторлық қарыздар» бугалтерлік есеп шотында 1200 бөлімдерден тұрады.

1210 «Сатып - алушылар мен тапсырыс берушілердің қысқа мерзімді дебиторлық борыштар».

1220 «Еншілес (тәуелді) серіктестіктердің дебиторлық қарызы».

1230 «Қауымдасқан және бірлескен ұйымдардың қысқа мерзімді дебиторлық борыштары»

1240 «Филиалдар мен құрылымдық болімшелердің қысқа мерзімді дебиторлық борыштар»

1250 «Жұмыскерлердің қысқа мерзімді дебиторлық борыштар».

1260 «Жалдау бойынша қықа мерзімді дебиторлық борыштар»

1270 «Алынуға тиісті қысқа мерзімді сыйақылар»

1280 «Басқа да қысқа мерзімді дебиторлық борыштар»

1290 «Күмәнді талаптар бойынша резервтер».

Яғни осы жоғарыда аталған баптар бойынша кәсіпорындар мен ұйымдардың басқа заңды немесе жеке тұлғалардан алашақ сомалары дебиторлық қарыз болып табылады.

Кәсіпорындар мен ұйымдардың «Сатып алушылар мен тапсырыс берушілердің қарызы» деп аталатын бөлім шоттары сатып алушылар мен тапсырыс берушілердің осы кәсіпорынға деген әр түрлі қарыздары жайлы ақпараттарды қорытындылау үшін арналған. Аталған бөлімде келесідей шоттар қаралған:

«Алынуға тиісті шоттар».

«Алынған вексельдер».

«Сатып алушылар мен тапсырыс берушілердің өзге де қарыздары».

Бұлар активті шоттар болып табылады. Сондықтан да бұл шоттардың дебетінде қарыздың сомасы жазылса, ал кредитінде қарыздың азаюы көрсетіледі. Алынуға тиісті шоттар (дебиторлық қарыздар шоты) сатып алушы заңды немесе жеке тұлғалардың сатып алған тауарлары, сондай-ақ кәсіпорынның оларға көрсеткен қызметі үшін қарыз сомаларын білдіреді.

1210 «Сатып - алушылар мен тапсырыс берушілердің қысқа мерзімді дебиторлық борыштар» деп аталатын шотта тиеліп жіберілген өнімдер (тауарлар), атқарылған жұмыстары мен тапсырыс берушілердің банк мекемесі қабылдаған есеп айырысу құжаттары бойынша төлеуге тиісті сомасы есептеледі. Жалпы «Алынуға тиісті шоттар» шотын сипаттай келе олардың қысқа мерзімді активтер екендігін және олардың сату нәтижесінде пайда болатындығын аңғаруға болады. Сондықтан оларды кейбір уақыттарда «саудалық міндеттемелер» деп те атайды. Олар тауарларды несиеге сату кезінде де пайда болады. Міндеттемелердің өтелу (орындалу) көздеріне басқадай нұсқаулар болмаған жағдайда, оларды сатудан алынды деп санайды. Халықаралық тәжірибеде кез келген адамға тауарларды несиеге сату кең көлемде етек алған, сонымен бірге сатып алушылар үшін сатып алған тауарларының төлкмін бір немесе бірнеше айдан кейін төлеу құқығы да берілген. Мұндай несиені коммерциялық несие деп те атайды. Тауарларды несиеге сататын фирмалар, сатып алушының шотты тиісті уақытында төлеу қабілеттігі бар болатындығына бақылау шараларын жүргізулері қажет. Сол үшін әрбір ұйымдарда несиелік бөлімдер жұмыс істейді. Бұл бөлімдер арқылы, жеке және заңды тұлғалардың немесе компаниялардың қаржылық жағдайларын білуге, сатып алушыға тауарды несиеге сатуға немесе бермеу жайлы мәселені шешуге керекті ақпараттарды білуге болады, сонымен қатар тауарлар сатушының арнаулы ақпараттың несиелік бюролар арқылы да клиент жайлы басқадай мәліметтер алуға мүмкіндігі бар. Осындай несиелік ақпарат бөлімдерінің мәліметтері бойынша да несиеге тауарларды сату, сатпау жайлы шешімдер қабылданады. Несиелік бөлім төлем сомасын ұсынуды, несие көлемін шектеуді және сатып алушылар мен тапсырыс берушілерден несиені уақытылы өтеуді қамтамсыз ететін белгілі бір қаражаттарды талап етуі мүмкін. Осыған орай кәсіпорындар мен ұйымдардың таңдап алынған ережелері мен негізгі қағидалары есеп саясатында атап көрсетуі қажет. Бұл шотта сатылған материалдық емес активтер, негізгі құралдар, бағалы қағаздар және тағы басқа дебиторлық қарыздар есептеледі.

Кейбір жағдайларда сапасының төмендігінен немесе тауарлардың ақау болу есебінен сатылған тауарларды қайтаруға тура келеді. Бұндай тауарларды қайтарып алу сатушы ұйымдар үшін тиімсіз болады. Сондықтан да кәсіпорын сатып алушы заңды немесе жеке тұлғаның осы тауарлар бойынша қарыз сомаларының мөлшерін қысқарту туралы талабын қабылдауға келісуіне тура келеді. Әрине аталған жеңілдікті жасау ұйымның келіп түсуге тиісті табыстарының көлемін азайтатындығы сөзсіз. Бұл жағдайда ұйымның бухгалтериясында жасалатынған жеңілдік сомасына:

Д-т: 6030 «Бағадан және сатудан женілдіктер» - шоты

К-т:1210 «Сатып алушылар мен тапсырыс берушілердің қысқа мерзімді дебиторлық борыштары»- шоты түріндегі бухгалтерлік жазуы жазылады.

Егер сатылған туар ұйымға қайтарылған болса, ол үшін жазылатын бухгалтерлік жазу мына түрде бейнеленеді:

Д-т: 6020 «Сатылған өнімдердің қайтарылуы»- шоты

К-т: 1210 «Сатып алушылар мен тапсырыс берушілердің қысқа мерзімді дебиторлық борыштары» - шоты.

Кейбір жағдайларда жабдықтаушы сатып алушыға тиеліп жіберілген тауарлары үшін вексель алуы мүмкін. Алынған вексель анықталған мерзім ішінде белгіленген соманы төлеу бойынша жазбаша міндеттемені білдіреді.

Вексель дегеніміз - оның иесінің белгіленген мерзім, яғни уақыт біткен соң қарызгердің ақша төленуін талап ететін құқығын куәландыратын жазбаша қарыздық міндеттемесі. Сатып алу және сату объектісі, сондай-ақ капиталды қысқа мерзімді инвестициялау құралы бола отырып, вексель құнды қағаздардың ерекше бір түрі ретінде қызмет етеді.

Егер вексель бойынша есеп айырысу біржыл мерзім аралығында жүргізілетін болса, ремитент алынған вексельді баланстың актив бөлімінің өтімділігі жоғары активтер бабында көрсетуі керек. . Бұндай міндеттерге мыналарды жатқызуға болады:

дебиртолық қарыздың өтелу мерзімін белгілі бір уақытқа ұзарту;
шот- фактураға немесе басқа да құжаттарға қарағанда дебиторлық қарыздарды нақты дәлелдеу;
пайыз түрінде төлем алу үшін негіз;
айналымға жіберілу мүмкіндігі.

«Алынуға тиісті қосылған құн салығы » шоты ұйымның сатып алынған негізгі құралдары, материалдары тағы да басқалары бойынша жабдықтаушыларға төленген қосылған құн салығы сомасы жайлы ақпараттарды жинақтайға арналған. Салықтың бұл түрі барлық тауарлар мен қызметтерді қамтитын жанама салық болып саналады. Осыған орай бұл салықты сатып алушылар тауардың құнына қосып төлейді. Жанама салықтар бюджетке тауарларды сатып алатын заңды және жеке тұлғалардан түспейді, керісінше осы тауарларды сатушылардан түседі. Неғұрлым баға жоғары болса, соғұрлым салық сомасы да жоғары болады. Бюджетке төленілетін қосылған құн салығы сатылған тауарлар үшін сатып алушылардан алынған салық пен материалдық ресурстар үшін жабдықтаушыларға төленген қосылған құн салығы сомалары арасындағы айырмашылық ретінде анықталады.

Алынған тауарлар мен материалдық ұүндылықтар және орындалған жұмыстар мен қызметтер бойынша есептелінген қосылған құн сомасына:

Д-т: 1420 «Алынуға тиісті қосылған құн салығы» шоты

К-т: 3310 «Жабдықтаушы және мердігерлермен есеп айырысу» шоты немесе

Д-т: 1420«Алынуға тиісті қосылған құн салығы» шоты

К-т:3010 «Басқадай несиелік қарыздар мен аударымдар» шоты түріндегі бухгалтерлік жазуы жазылады.

«Есептелген пайыздар (проценттер) » шотында ұйымның шартта қаралған жалға берген негізгі құралдары, берген несиелері мен қарыздары, алған вексельдері үшін пайыз түрінде алатын сомасы, сондай-ақ салынған инвестициядан алатын дивиденттерінің сомасы есептелінеді. Осыған байланысты «Есептелген пайыздар» шотына сәйкес негізгі бухгалтерлік жазулар мына түрде жазылады:

Жалдағы негізгі құралдар, алынған вексельдер, берілген заемдар бойынша пайыздар есептегенде:

Д-т: 1270 «Есептелген пайыздар» - деп аталатын шот,

К-т: «Акциялардың дивиденттері және пайыз түріндегі кірістер» деп аталатын шот түріндегі бухгалтерлік жазу жазылса,

Есептелген пайыздар бойынша қарыздардың жабылуына:

Д-т: 1010, 1030 «Ақша қаражаттары» шоттарының тиістілері,

К-т 1270 «Есептелген сыйақылар » деп аталатын шоты түріндегі бухгалтерлік жазу жазылады.

Қорытындылап айтатын болсақ «дебиторлық борыш» дегеніміз, бұл - иелік ету құқығын қосқандағы заңды құқықтармен байланысты активте қамтылған алдағы уақыттағы экономикалық тиімділік және сатып алушылардың немесе тапсырыс жүргізуші субъект алдындағы өткізілген тауар үшін қанша төлеу бойынша міндеттемелері.

1. 2 Қысқа мерзімді дебиторлық борыштардың аудиті

Сатып-өткізу және қаржылық нәтижелердің құралу циклы бойынша тексеру жургізу кезінде аудитор осы цикл арқылы шаруашылық операцияларының өтуін куәландыратын ақпараттарды зерттейді:

Сатып-өткізу және қаржылық нәтижелердің құралу циклына дайын өнімдерді (жұмыстарды, қызметтерді) сатып-өткізумен, негізгі құралдардың, материалдық емес және басқа да активтердің сатылуымен, кәсіпорыннан шығуымен байланысты шаруашылық операциялары кіреді. Бұл операциялардың нәтижелері бойынша кәсіпорында дебиторлық борыштар пайда болады және қаржылық нәтиже анықталады.

Бұл циклдың шаруашылық операцияларын тексеру үшін аудитор ішкі ақпарат көздерінен алынған мәліметтердің де ( сатып өткізілген өнімдердің өзіндік құнын есептеулер, дайын өнімдерді жөнелту накладнойлары, негізгі құралдарды жою актілері), сыртқы көздерден алынған мәліметтердің де ( банк үзінділері, дебиторлық борыштар сомаларын расталуы) дұрыстығына дәелдеулер алады. Аталмыш цикл аудитінің орталығы 1210 «Алынуға тиісті шоттар», шоттын дебеті мен кредитін расту болып табылады.

Есеп айырысуды бақылаудың ықпалды тәсілі дебиторлық және кредиторлық қарыздың, кірістік құжаттарды тіркеудің дұрыстығына функционалдық аудитті уақытылы өткізу, тіркелген құжаттарды төленген құжаттармен салыстыру болып табылады. Бұл тұрғыдан қарағанда, кірістік ордерлер бойынша алынған ақшаны сіңіріп кетуді жеңілдететін жағдайларды анықтау қажет. Кассалық ордерлерді төлегенде және төлеушінің өолына құжат беруді тіркеудің жоқтығы немесе шоттардың төленбеуін атап өту маңызы.

Дебиторлық және кредиторлық қарызда, әсіресе, көбіне теріс пайдаланулар жасалады.

Дебиторлық қарыздың функционалды аудитінің негізгі процедураларының үлгі бағдарламасы 1 - кестеде ұсынылған.

Дебиторлық борыштың аудитінің бағдарламасы

Кесте 1

Аудит процедуралары: Аудит процедуралары

Ақпарат көздері, бағалау тәсілі мен критерийлері: Ақпарат көздері, бағалау тәсілі мен критерийлері

Аудит процедуралары: 1. Келісім-шарттың міндеттемелерін орындау мен дебиторлық қарыздың шынайылығын тексеру

Ақпарат көздері, бағалау тәсілі мен критерийлері: Жабдықтау-келісім-шарттар, шарттарды, жабдықтаушыларды, шот-фактураларды, нарядтарды, тапсырыстарды тіркеу журналдары

Аудит процедуралары: 2. Дебиторлық қарыз есебі, жабдықтауды және оларға төлеуді бақылау функцияларын орындауды талдау

Ақпарат көздері, бағалау тәсілі мен критерийлері: Есеп, аудит және ішкі бақылау-стандарттары, нұсқаулықтар, бұйрықтар, 1210, 1250 шоттар

Аудит процедуралары: 3. Мәліметтерді жинау мен дебиторлық берешек түрлері, көлем және мерзімдер бойынша жіктеу

Ақпарат көздері, бағалау тәсілі мен критерийлері: Сатып алушылармен, есеп беретін адамдармен, кәсіпорын қызметкерлерімен және де басқа дебиторлармен есептесулерді түгендеу материалдары

Аудит процедуралары: 4. Дебиторлық қарыздың жағдайын дебиторлармен есеп айырысуды түгендеу, өткізу жолымен тексеру

Ақпарат көздері, бағалау тәсілі мен критерийлері: Бас кітап, 10 журнал-ордер, «Күмәнді талаптар бойынша резервтер» аналитикалық есептің 1210 бөлімшесі

Аудит процедуралары: 5. Дебиторлық берешектің жаратылысы мен көлемін талдау және төлемеу себептерін анықтау

Аудит процедуралары: 6. Күмәнді талаптар бойынша резервті жасаудың негізділігі мен оларды пайдаланудың дұрыстығын тексеру

Аудит процедуралары: 7. Дебиторлық берешекті уақытылы өтеудің заңдылығы мен шынайыллығын талдау

Ақпарат көздері, бағалау тәсілі мен критерийлері: 11 журнал-ордер, сатып алушылармен есеп айырысудың есебі жөніндегі тізімдеме 1210 шоттары бойынша аналитикалық есеп мәліметтері

Аудит процедуралары:

Ақпарат көздері, бағалау тәсілі мен критерийлері: 1- кестенің жалғасы

Аудит процедуралары: 8. Сатып алушылармен, тапсырыс берушілермен, есеп айырысуды атқарудың, вексельмен төлегендегі операцияларды көрсетудің дұрыстығын тексеру

Ақпарат көздері, бағалау тәсілі мен критерийлері: Контрагенттермен шарттар, төлем тапсырмалары, банк көшірмелері, анықтамалық-нормативтік ақпарат

Аудит процедуралары: 9. Дебиторларға тілек-талапты рәсімдеу мен ұсынудың уақытылы мен дұрыстығын тексеру

Ақпарат көздері, бағалау тәсілі мен критерийлері: Сатып алушылармен және тапсырыс берушілермен шарттар, дебиторларға және т. б. тілек-талаптар

Аудит процедуралары: 10. Баланс көрсеткіштерінің дебиторлық қарыз есебі шоттары бойынша Бас Кітаптың мәліметтерімен сәйкестігін тексеру

Ақпарат көздері, бағалау тәсілі мен критерийлері: Баланс, 210, 1220, 1230, 1250, 1260, 1270, 1280, 1290 Бас кітап шоттары бойынша

Аудит процедуралары: 11. Дебиторлық қарыздың синтетикалық есебін жүргізудің дұрыстығын тексеру

Ақпарат көздері, бағалау тәсілі мен критерийлері: Жоғарыда көрсетілген шоттар жөніндегі Бас кітап, 11, 7, 8, журнал-ордерлер, берілген аванс, контрагенттермен есеп айырысу есебі бойынша тізімдемелер

Аудит процедуралары: 12. Еншілес және басқадай тәуелді серіктестіктермен есептесу жөніндегі операцияларды шоттарда көрсетудің дұрыстығын тексеру

Ақпарат көздері, бағалау тәсілі мен критерийлері: 8, 11 журнал-ордерлер, Бас кітаптың 1220, 1230 шоттары бойынша аналитикалық есеп мәліметтері

Дебиторлық қарызды көбінесе, кәсіпорын еңбеккерінің берешегін жедел өндіріп алу теріс пайдалануға кедергі келтіретін маңызды шара болып табылады. Ордерлерді дұрыс тіркеу мен түбіртекті тікелей кассаға беру, бухгалтерияға төленбеген кірістік ордерлер қайтаруды бақылау жазбалардың анық сенімділігін арттырады және теріс пайдалануды болдырмайды. Ақшаны сіңіріп кетумен күресу ең алдымен барлық мүмкін жағдайда қолма-қол ақшасыз есеп айырысу жүзеге асуын талап етеді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.