Қазақстан ұлы отан соғысы кезінде

1)Қазақстан ұлы отан соғысы кезінде
2)Қазақстан экономикасын соғысқа бейімдеп қайта құру
3)Қазақстандықтар Москва үшін шайқаста
4)Қазақстан халқының материалдық жағдайы

1941 жылғы 22 маусымда гитлерлік Германия Отанымызға соғыс жарияламастан, опасыздықпен шабуыл жасады. Фашист әскерлері Кеңес мемлекетінің шекарасына басып кірді.
«Барбаросса» жоспарын жасаған кезде фашистік Германияның басшылары КСРО-ны «сансыз көп ұлттың жасанды және тұрақсыз бірлестігі», өзінше бір «ішкі бірліктен жұрдай этникалық конглумерат» деп қарастырды.
«Ресейдің кең байтақ жерін мекендеген халықтар жөніндегі біздің саясатымыз,- деді Гитлер өз сыбайластарына ,-алауыздық пен жікке бөлінудің кез кеоген түріне қолдау көрсету болуға тиіс».
Фашистер басып алынған кеңес аумағында Остланд (Белоруссия мен Балтық жағалауы), Украина, Московия (Ресей) және Кавказ, елдің шығыс шет аймақтарында Түркістан және Еділ-Орал рейх-комиссариаттарын құруды жоспарлады. «Ғылыми-зерттеу институты» деген бет-пердені жамылған «Арбайтегемайншафт Туркестан» атты неміс жоғары барлау мектебі болашақтағы «Үлкен Түркістан» отары кариасының жобасын әзірледі.
Оған Қазақстан , Орта Азия, Татарстан, Башқұрстан, Әзірбайжан, Солтүстік Кавказ, Қырым, Шыңжаң, Ауғанстанның солтүстік бөлігі енгізілді.
Қуыршақ мемлекет құру идеясы экономикалық мақсат та, саяси мақсат та кездеген еді. «Экономикалық жағынан,-деп жазылды 1941 жылғы 2 сәуірдегі меморандумда, бұл аймаққа ұлы герман империясы үшін қуатты шикізат және қосымша азық-түлік базисін құру міндеті қойылады».
Кеңес елін отарға айналдыру, ал оның халықтарын құлдыққа түсіру—гитлершілдіктің дүние жүзіне үстемдік орнату жолындағы жоспары міне осындай болды. Фашистік идеологтар кеңес адамдарын саяси және нәсілдік тұрғыдан аяусыз қырып—жоюдың кең көлемді бағдарламасын әзірледі. Социалистік құрылыс шындығы бұл зұлымдық ойлардың тас-талқаның шығарды. Шығыс Қазақстан облысындағы «Еңбек» ауыл шаруашылық артелінің колхозшысы Рахым Қондыбаев қазақ халқының ой-сезімін мынадай сөздермен білдірді: «Фашистік құзғындар еркіндік сүйгіш халықты құлдыққы түсіруге, жерімізді, малымызды тартып алып, мойнымызға арқан салуға тырысады. Бұлай болмақ емес! Қазақ халқы бойындағы Амангелдінің айбынды рухы өлген жоқ. Біздің даламызда ержүрек жігіттер сен сәйгүлік аттар қашанда бар.

1)«Қазақстан тарихы» Алматы 1993.
Авторлары:Қозыбаев М.Қ. ,Қозыбаев І.М.
2)«Ұлы Отан соғысы» Москва 1985
3)Қазақстан тарихы көне заманнан бүгінге дейін(очерк)Алаты 1994