Электронды үкіметті құру мемлекеттік бағдарламаның жүзеге асырылу нәтижелері

Мемлекеттік саладағы басқару технологиясы әзірше жекеменшік сектордан артта қалуда. Бұл барлық салада – мемлекеттік қызмет көрсетуде, қызмет нәтижесін бағалауда шешім қабылдауда байқалып отыр.
Мемлекеттік аппараттың санының өсуі назар аударарлықтай. Егер 2003 жылы елімізде 79 мың мемлекеттік қызметші болса, ал бүгінде оның саны 100 мыңнан асқан. Ал мемлекеттік аппараттың жұмысының тиімділігі артып отырған жоқ.
Басқару шешімін қабылдауда және оны іске асыруда нақты жауапкершілікті бөлісу маңызды проблема болып отыр.
Орталық және жергілікті құрылымдардың функциясын қайталау көрініс табуда.
Орын алып отырған жағдайдың негізгі себептерінің бірі - мемлекеттік қызметшілердің еңбекақысының төмен болуы салдарынан, жылдан-жылға білікті мамандардың жеке секторға ауысуы ұлғайып барады.
Халықаралық сарапшылардың бағалаулары бойынша, Қазақстан мемлекеттік басқарудың тиімділігі және мемлекеттік қызмет көрсетудің сапасы жөнінде экономикалық даму деңгейі бойынша кейбір елдерден көп жағдайда кейін қалуда.
Қалыптасып отырған жоғарыда айтып өткен жайттар мемлекеттік басқару жүйесін жаңғырту жөнінде белсенді жұмыс жүргізуді талап етеді.
Мемлекет басшысының 2006 жылғы 1 қыркүйекте Парламенттің үшінші сессиясын ашарда сөйлеген сөзінде және 2007 жылғы Қазақстан халқына арнаған Жолдауында мемлекеттік басқару саласында қордаланып қалған проблемаларды кешенді шешу қажеттігін айқындап берді.
Елбасы әкімшілік реформаның мақсаты ретінде корпоративтік басқару, транспаренттік және қоғамға есепті болатын принциптерге негізделген қуатты және кәсіби мемлекеттік аппаратты құруды атап көрсетті.
БҰЛ БІЗДІҢ ЕЛІМІЗДЕ ХАЛЫҚТЫҢ ӨМІР СҮРУ ДЕҢГЕЙІН ЖАҚСАРТУ ЖӘНЕ БИЗНЕСТІ ДАМЫТУ МАҚСАТЫНА ҚЫЗМЕТ ЕТЕДІ.
Үкіметтің экономикалық саясатының барлық бағытының арасында әкімшілік реформа мемлекеттік басқару жүйесін жаңартуға бағытталғандығымен ерекшеленеді. Осы орайда, мемлекеттік органдар жұмысының тиімділігін арттыруға басты көңіл бөлінеді. Былайша айтқанда, біз қызмет сапасын жақсаруға мол қаржы бөлуге тиіспіз.
Біз әкімшілік реформаны іске асырудың бастапқы кезеңін жүзеге асырудамыз.
Реформа аясындағы жұмыстар алты блок бойынша жүргізіледі.
Бірінші. Мемлекеттік қызметті реформалау
Бұл блок бойынша мемлекеттік қызметті құқықтық-ұйымдастыруды қамтамасыз етуге байланысты барлық мәселелер енеді: атап айтқанда, еңбекақы, мамандар даярлау, лауазымдық регламент, мемлекеттік қызметшіні ынталандыру, олардың біліктілігін арттыру, міндеттердің қайталануын болдырмау, т. б.