Жеңіл бетондар қасиеттері

Жеңіл бетонның орташа тығыздығы, жоғарыда келтірілгендей, толтырғыш тығыздығына байланысты. Неғұрлым толтырғыш жеңіл және шығыны көп, солғұрлым бетонның орташа тығыздығы төмен. Сондықтан жеңіл бетонның құрамын анықтарда оны жеңіл толтырғышпен мүмкіншілігінше көбірек толтыруға тырысады. Мұндай жағдайда толтырғыш түйіршіктерінің тығыздана орналасуының арқасында азғана цемент шығынында берік бетон құрылымын алуға мүмкіндік туады. Онымен қатар бетонның басты қасиеттерін (тығыздығын, жылуөткізгіштігін, беріктігін) тиімді үйлестіру мүмкіндігі пайда болады.
Бетонды кеуекті толтырғышпен мүмкіншілігінше толтыруды ірі және майда толтырғыштар араласын рационалды түйіршіктер құрамынан алу жолымен және де компоненттерді еріксіз араластыру, бетондық араласпаны үдемелі нығыздау (жүк түсіре дірілдету, дірілдепрокат, дірілдебастырма және т. б.) және т. б. технологиялық әдістерін қолдану арқылы қамтамасыз етеді.
Жеңіл бетон беріктігі, кәдімгі ауыр бетон беріктігі сияқты, қолданылған материалдар саласына және цемент тасының кеуектілігіне байланысты. Жеңіл бетон құрамын анықтау үшін бетон беріктігі су шығынымен байланыстыратын эксперименталдық тәуелділікті пайдаланған ыңғайлы. Бұл жерде суцемент қатынасын пайдалану қолайсыз, себебі кеуекті толтырғыштың берілген шығынында жеңіл бетон қоспасының суқажеттігі тұрақты болып қалады, ол цемент шығынына ол аз байланысты. Мұны кеуекті толтырғыштың суқажеттілігі цементтікінен әжептеуір жоғарылығымен түсіндіруге болады.
Минималдың шығу коэффициенті - кеуекті толтырғыштармен жеңіл бетон араласпасын даярларда оны ерітуге қажетті оптималдық су шығын белгісін білдіретің маңызды көрсеткіш.
Жеңіл бетондық қоспа оны араластыруға кететің су шығыны жетімсіз болғанда да және артық болғанда да ыңғайлы төселімділігінің нашар болатындығымен сипатталынады. Су шығыны оптималдығынан кем болғанда байланыстырушы илемесінің жұмсақтығы қоспа құрамаларын өзара жақындатып біріктіруге және тұтас структура құруға жетімсіздеу болып қалады. Ал, оптималдығынан артық су бетондық қоспаның бөлектелуіне әкеліп тірейді, демек бетондалынатын конструкцияның әр бір бөлігінде бетон қасиеті әртүрлі болып шығады.