Жорықтың тактикалық әзірленуі

1. Жорық ауданының сипаттамасы (қысқаша географиялық мәлімет)
2. Жорықтың маршруттық схемасы (түнеу орындары,арақашықтықтары, асулар категориясы, биіктігі)
3. Топ құрамы
4. Құрал.жабдықтар тізімі
5. Ас мәзірі
6. Смета.шығындар есебі

Солтүстік Тянь-Шань. Кетпен, Күнгей Алатау, Іле Алатауы, Қырғыз Алатауы мен Шу-Іле тауларынан тұрады. Сотүстік Тянь-Шань жоталары 4,5 мың метрден биік. Каледон тау жаралымында қатпарланған. Қазіргі жер бедері неоген мен төрттік кезеңдегі жаңа тектоникалық қозғалыстардың нәтижесінде қалыптасқан.
Климаты шұғыл континентті, құрғақ. Шілде айының орташа температурасы, тауаралық қазаншұңқырлардың төменгі бөлігінде 20-250 С, орта өңірде 15-170 С, биік тау басында 00 С. Жылдық жауын-шашын мөлшері тау етегінде 300 мм, жоғарғы бөлігінде 800 мм. Өзендері Орта Азияның ішкі алаптарына (Нарын, Сарыжаз, Сырдария, Іле, Шу, Тарим т.б.) жатады. Ірі көлдері- Ыстықкөл, Сайкөл, Шатыркөл.
Іле мен Күнгей Алатауының солтүстік беткейінде биіктік белдеулік айқын байқалады. Абсолют биіктік 600-800м. Аралықта шөл зонасы, одан жоғары құрғақ дала белдеуі, онда: жусан, бетеге өседі. Одан әрі дала зонасына ауысады, онда: арпабас, бидайық, тарғақ шөп өседі. Одан жоғары орманды дала зонасында жабайы алма, долана, итмұрын, көк терек т.б. өседі. Орманды дала зонасынан жоғары орманды-шалғынды белдеуге ұласқан. Мұнда, Тянь-Шань эндемигі Шренк шыршасы өседі. Орманды-шалғынды белдеуден жоғары 2700-3000м. биіктікке дейін субальпілік, альпілік белдеу алып жатыр. Мұнда альпілік көкнар, сарғалдақ, тасжарғыш, қоңырбас, жабайы жуа, Тянь-Шаньнің әдемі еңлікгүлі өседі.
Іле Алатауы. Тянь-Шань таулы жүйесінің солтүстік жотасы 350км. ендік бойына созылып жатыр, ені 30-40км., абсолютті биіктігі Талғар шыңы-4973м.
Іле Алатауында бірнеше белдеулер бар: биіктігі 3000м аса. Таудың шыңдары жартасты, үшкір, баурайлы көп жылғы қар және мұздықтармен басылған. 478 шаршы метр аумағында 381 мұздық бар. Орташа рельефтің биіктігі 1000-3000м. Еңбекшіқазақ шеңберінде Шелек, Жіңішке, Есік өзендері алқаптарына бөлінген.
Іле Алатауының ортаңғы бөлігінде төмендей келе солтүстікке Қараш, Бақай, Сөгеті, Боғұты тауларын құрайды. Қара топырақ аймақта 900-1700м биіктікте- шырша, қайың, жабайы алма, өрік өсуде. Ормандарда тиін, аю, борсық, түрлі құстар мекендейді. Биіктікте- рақар, барыс, марал, таулы ешкі және басқалар мекен етеді.