“КазТрансОйл” АҚ зиянды шығарындыларын бағалау


Пән: Бухгалтерлік іс
Жұмыс түрі:  Материал
Тегін:  Антиплагиат
Көлемі: 8 бет
Таңдаулыға:   

ТАҚЫРЫБЫ: “КазТрансОйл” АҚ зиянды шығарындыларын бағалау

КІРІСПЕ

Бүгінгі таңда өндірістің қай саласы болмасын қоршаған ортаға зиянды әсерін тигізбей қоймайды. Кез келген өндіріс атмосфераға зиянды заттектерін шығарса, гидросфераны өндірістік ақаба суларымен, литосфераны үлкен мөлшердегі қалдықтарымен ластап отырады.

Қазақстан Республикасының алдыңғы қатардағы өндірістерінің бірі - мұнайды өндіру, оны тауарлы өнімге дейін жеткізу, мұнай өңдеу заводтарына тасымалдау болып табылады. Еліміздегі мұнайды тасымалдаушы негізгі кәсіпорынға “КазТрансОйл” АҚ Батыс Филиалы жатады. Ол да кез келген өндіріс сияқты қоршаған ортаға зиянды әсерін тигізіп отырады. Осы баяндамамда “КазТрансОйл” АҚ БФ “Бейнеу” НПС-інің жағдайына анализ жасалған.

Өндіріс туралы жалпы мәлімет

“Бейнеу” НПС-і 1969 жылы іске қосылған “КазТрансОйл” АҚ-ның құрылымдық бөлімшесі болып табылады.

НПС Бейнеу поселкісінің шығысынан 600 м қашықтықта орналасып, өндіріс ауданы 11, 4 га жерді алып жатыр. “Бейнеу” НПС-і Ақтау, Жаңа-Өзен және Жетібай кентімен темір жол арқылы байланысқан.

Кәсіпорынның негізгі өндірістік қызметі - Өзен-Атырау магистралды мұнай құбыры учаскісінде Бозащи және Маңғышлақ мұнайын жылыту және тасымалдау. Мұнай құбырының қызмет көрсететін аумағы 191 км.

“Бейнеу” НПС-і мұнайды тасымалдаумен қатар, техникалық сападағы суды тасымалдап, диаметрі 1000 мм “Астрахань-Маңғышлақ” су құбырына қызмет көрсетеді.

2000 жылы Өзен - Атырау магистралды мұнай құбыры арқылы мұнайды тасымалдау 7673, 0 мың тоннаға жетті, оның ішіндегі Бозащы мұнайы 3761, 8 мың т., Маңғышлақ мұнайы 3905, 2 мың т.

Өндіріс технологиясының қысқаша сипатамасы

Жоғарыда атап көрсеткендей, кәсіпорынның негізгі өндірістік қызметі - Өзен-Атырау магистралды мұнай құбыры учаскісінде Бозащи және Маңғышлақ мұнайын жылыту және тасымалдау. Мұнай құбырының қызмет көрсететін аумағы 191 км.

Кәсіпорында келесідей технологиялық операциялар жүргізіледі:

  • мұнайды жылыту;
  • мұнайды тасымалдау;
  • құбыр жүйелерінің сызықтық бөлігін жұмыс жағдайында ұстау;
  • техлогиялық қондырғыларды жөндеу және дайындау;

НПС-тің функционалдық міндетін атқаратын негізгі қондырғы ретінде мұнайды жылыту пештері мен мұнай насос қондырғылары қарастырылады.

Жылыту пештері атмосфераға зиянды заттектер шығаратын негізгі көз болып табылады. Алаңда мұнайды жылыту пештерінің 2 типі қондырылған:

  • ПТБ-10/64 пеші - 2 дана;
  • Г9П02В пеші - 3 дана.

ПТБ-10/64 құбырлы пештері (2 дана, оның біреуі резервтегі) жылына 8 ай немесе 5856 сағат жылдың суық кезеңінде жұмыс істейді. Қолданылатын отын - құрамында күкірт сутегісі жоқ табиғи газ. Әр пеш газды жағу үшін 4 жану камераларымен, циклон типіндегі форсункалармен және айдамалау вентиляторларымен жабдықталған. Бұл отынның толық жануын және жоғарғы жылу тиімділігін қамтамасыз етеді. Форсункаларға берілетін газ мөлшері сыртқы ауа температурасы мен жылытылатын мұнай мөлшеріне байланысты реттеліп отырады. ПТБ-10/64 пешінің жылу өнімділігі-10 млн. ккал/сағ, КПД-75 %. 2000 жылы отын ретінде қолданылатын газдың жылдық шығыны 2 924 000 м 3 , бір пештің максималды сағаттық шығыны 800 м 3 -ты құрайды.

Г9П02В құбырлы пештері (3 дана, оның біреуі резервтегі) жыл бойына жұмыс істейді: жылдың салқын кезінде (8ай) екі пеш, ал жылы кезеңде (3ай) бір пеш жұмыс істейді. Пеш 12 форсункамен жабдықталған. Отын ретінде құрамында күкірт сутегісі жоқ табиғи газ қолданылады. Форсункаларға берілетін газ мөлшері сыртқы ауа температурасы мен жылытылатын мұнай мөлшеріне байланысты реттеліп отырады. Г9П02В пешінің жылу өнімділігі-8 млн. ккал/сағ, КПД-75 %. 2000 жылы отын ретінде қолданылатын газдың жылдық шығыны 10 476 220 м 3 , бір пештің максималды сағаттық шығыны 1000 м 3 -ты құрайды.

Пештердің жұмысы тоқтағанда мұнайды құйып алу үшін әрқайсысының сыйымдылығы 75 м 3 болаттан жасалған екі жер асты горизонтальды резервуарлары орнатылған. Резервуарларға жылына 3 рет 30-40 м 3 көлемде мұнай құйылады.

Өндірістік және қызметтік-тұмыстық ғимараттарды жылыту үшін НПС территориясында НР-18 типіндегі екі қазан орнатылған. Әр қазанның қуаты-0, 6 Гкал/сағ. Отынның максималды шығыны 70 м 3 /сағ (техникалық паспорт бойынша) . Қолданылатын отын - құрамында күкірт сутегісі жоқ табиғи газ.

5 магистарльды насос орнатылған: бір НМ3600/230 насосы (өнімділігі-3600 м 3 /сағ, қысым-230м) суды құю үшін, ал 4 НМ2500/230 насосы (өнімділігі-2500 м 3 /сағ, қысым-200м) мұнайды құю үшін қолданылады.

Төгілген мұнайды жинау насос агрегаттарын шөрке төсеу арқылы тығыздауға (торцевые уплотнения) арналған сыйымдылығы 10 м 3 жер астында горизонталды резервуарлар орнатылған. Резервуар СМДК-50 дем алатын қақпақпен жабдықталған.

Кәсіпорындағы құйылатын мұнайдың физикалық-химиялық қасиеттерін бақылау өндіріс блогында орналасқан химия лабораториясында жүргізіледі.

Мұнай құбырының сызықтық бөлігінің ішкі бетін тазалау үшін өндіріс алаңында айына 1 рет құбырға жіберілетін қырғышты іске қосу және қабылдау камерасы бар. Шламды қабылдаған жерде сақтаудың максималды ұзақтығы 1 тәулік.

Өнеркәсіп территориясында 4 РВС-5000 м 3 резервуарлардан тұратын резервуар паркі бар. Барлық резервуардар 1995 жылдың қаңтарынан бастап іске қосылып, 2001 жылдан бастап бөлшектеуді қажет етіп отыр. Қазіргі кезде резервуарларда мұнай қалдығы шлам түрінде сақталған.

Жоспар бойынша резервуарды тазалағанда мұнай шламы сыйымдылығы 5000 м 3 тығыздалған түбі бар ашық жер амбары -шлам жинағышқа түседі. Қазір амбар бос тұр.

Резервуарларды тазалау уақытында мұнай шламдарын қайта айдау үшін ЦНС 300/420 2 құю насостары қондырылған.

Өндірістегі жөндеу жұмыстары слесарлық шеберхана қондырғыларымен және пісіру мен сырлаудың қозғалмалы посттарыменжүзеге асырылады.

Диаметрі 1000 мм магистральды мұнай құбырының қызмет көрсету аумағы 191 км құрайды.

Атмосфераны ластаушы көз ретіндегі өнеркәсіп сипаттамасы

“Бейнеу” НПС-інің құрамына келесідей өндірістік және қызмет көрсету объектілері кіреді:

  • Г9П02В және ПТБ-10/64 мұнайды жылыту пештері;
  • мұнайды жинау сыйымдылығы;
  • элетрмен жабдықтайтын авариялық көз-дизельді электростанция;
  • насосты магистраль;
  • мұнайдың төгілу сыйымдылығы;
  • қазандық;
  • шеберхана;
  • лаборатория;
  • АЗС;
  • резервуарлы парк;
  • шлам жинағыш;
  • насос магистралінің манифольді;
  • қырғышты іске қосуды қабылдау түйіні;
  • ішкі алаңда мұнайды құю насосы;
  • магистральды мұнай құбырының сызықтық аумағы.

Қозғалмалы көздерге металл конструкцияларын пісіру және ғимараттар мен станция қондырғыларын сырлау посттары.

01. 01. 2001жылғы мәлімет бойынша 16 стационарлы көз анықталған: 11 ұйымдастырылған, 5 ұйымдастырылмаған шығарушы көз, оның ішінде 2000 жылы 2 ұйымдастырылмаған көз жұмыс істемей тұрған.

Атмосфераға 12 түрлі зиянды заттек және біріккенде күкірт пен азот диоксидінің шаңмен қосылғандағы зияндылық әсерін тигізетін олардың 2 тобы шығарылады. Өнеркәсіп бойынша атмосфераға шығарылатын зиянды заттектің жалпы мөлшері 72, 5343 т/жыл құрады, оның ішіндегі:

  • қатты заттектер-0, 0055 т/жыл;
  • газ түріндегі 72, 5288 т/жыл, оның ішіндегі азот оксиді-29, 8807 т/жыл, көміртек оксиді-15, 7312 т/жыл, метан-14, 2713 т/жыл, көмірсутектер-8, 9837 т/жыл.

Қозғалмалы көздерден-пісіру мен сырлау посттарынан 7 түрлі заттек 0, 1607 т/жыл мөлшерінде шығарылады.

Өнеркәсіптің зиянды заттектерді шығаруы алдыңғы шекті рауалы шығарындымен салыстырғанда төмендеген. Зиянды заттектерді шығаруының төмендеуі келесідей келесідей себептерге байланысты:

  1. Мұнайды жылыту пештерінен шығатын зиянды заттектердің азаюы жылытылатын және тасымалданылатын мұнай көлемінің төмендеуіне байланысты, яғни жылыту пештері бойынша отын шығыны төмен.
  2. Бұрынғы кезде қажетті ережелердің дұрыс сақталмағандығынан көмірсутек мөлшері көп шығарылса, бүгінгі таңда “КазТрансОйл” АҚ БФ барлық бөлімшелерінде қондырғыларды іске қосу ережелері қатал сақталынады, қондырғыларды белгілі уақыт аралығында техникалық бақылаулардан өткізіледі, істен шыққан қондырғылар дер кезінде ауыстырылады, мұнайдың жоғалмауын, төгілмеуін, сенімділікті қамтамасыз ететін қондырғыларды, материалдарды, арматураларды қолдануда.
  3. Қазіргі нормативті - әдістемелік құжаттар бойынша шығарынды көлемінің есебі анықталды.

Төменде объекттердің атмосфераны ластаушы көз ретіндегі қысқаша сипаттамасы келтірілген.

Жылыту пештерінің шығарынды көзіне түтін құбырлары жатады. Зиянды заттектердің пайда болуы отынды жаққанда жүзеге асырылады. Жаққан кезде түтін құбырлары арқылы азоттың оксиді мен диоксиді, көміртек оксиді және метан бөлінеді. Зиянды заттекті шығару көзі-Г9П02В: түтін құбырының биіктігі 25м, диаметрі 1м, газды - ауалы қоспаның шығардағы температурасы 400 о С. Зиянды заттекті шығару көзі-ПТБ-10/64: биіктігі 12 м төрт түтін құбыры, диаметрі 0, 5 м, газды - ауалы қоспаның шығардағы температурасы 500 о С.

Мұнайды шығару сыйымдылықтарынан көмірсутектердің шығуы биіктігі 3 м, диаметрі 0, 05 м СМДК-50 қақпақтарының дем алатын түтікшелері арқылы жүзеге асырылады.

Авариялық электростанция жұмысының барысында атмосфераға азоттың оксиді мен диоксидін, күкірт диоксидін, көміртек оксидін, көмірсутегісін, күйені, акролеинді шығаратын дизель отыны қолданылады. Шығарындылар атмосфераға биіктігі 5 м, диаметрі 0, 1 м құбыр арқылы шығарылады.

Магистральды насос ғимаратында көмірсутек пары мен май парының шығарылуының негізгі себебі - қондырғылардың тығыздалмауы. Зиянды заттекті шығарушы көз - сорып алатын шкаф: Н=8 м; d э =0, 8 м.

Мұнайдың төгілу сыйымдылығының дем алатын аппаратурасы - СМДК-50 қақпағы бар. Атмосфераға диаметрі 0, 05 м 3 м биіктікте дем алу түтікшесі арқылы көмірсутектің шығарылуы жүзеге асырылады.

Қазандардың жұмысы табиғи газды жаққанда бөлінетін газды-ауалы қоспалардың шығарылуымен жүзеге асырылады. Атмосфераға азот диоксиді мен көміртек диоксиді шығарылады. Шығару биіктігі 18 м, диаметрі 0, 5 м түтін құбыры арқылы жүзеге асырылады. Газды-ауалы қоспаның шығардағы температурасы 190 о С.

Шеберханадағы ұштаушы станоктан түрпілі (абразивные) және металды шаң бөлінеді. Ғимараттың сыртында қондырылған шаңды тұндыратын камера шаңды-ауалы қоспаны шаңды ұстайтын камераға жеткізетін жергілікті сору және ауа құбырлар жүйесінің жоқтығынан қолданылмайды. Шаң тығыздалмаған терезе ойықтары арқылы сыртқа шығарылады. Көздің биіктігі 3, 0 м.

Лабораторияларда уайт-спирит пен азот қышқылын шығару биіктігі 7, 5 м, диаметрі 0, 2 м сорғыш құбырлар арқылы жүзеге асырылады.

АЗС-тарда отын парлары - көмірсутектер автокөлік бензобактарының түтікшелері мен отын резервуарларының дем алатын қақпақтары арқылы бөлінеді.

Резервуарлы парк көмірсутектерді шығаратын негізгі көзге жатады. Шығару дем алу аппаратурасы-КД-250 және КД-350 қақпақтары арқылы 12, 0 м биіктікте жүзеге асырылады.

Шлам жинағыш - көмірсутектердің ұйымдастырылмаған шығарындысының ашық көзі.

Қырғышты іске қосу-қабылдау түйіні ашық орналасқан. Көмірсутектердің бөлінуі шламды қабылдау кезінде жүзеге асырылады.

Ішкі насостың жұмысы барысында тығыздалмаған қондырғылар арқылы атмосфераға көмірсутегісі шығарылады.

Қозғалмалы көздер- пісірі және сырлау посттары жұмыс істегенде атмосфераға марганец оксиді, кремний диоксиді, фторидтер, фторлы сутек, азот диоксиді, жүзгіндер мен уайт-спирит бөлінеді.

Түсетін жауын-шашынның мөлшерінің жағдайы бойынша территория құрғақ, сусыз аудандарға жатады. Атмосфералық жауын-шашынның орташа жылдық мөлшері 200-250 мм. Жылы кезең (сәуір-қазан) өте аз мөлшердегі жауын-шашын мөлшерімен сипатталады-100 мм. Жауын-шашынның ең көп мөлшері мамыр-иаусым аралығында және желтоқсанда болады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Көлік инфрақұрылымын дамыту
Атырау бас мұнай айдау стансасының резервуарлық паркін кеңейту жобасы
Газ өнеркәсібі
Өндіріс бөлмелеріндегі зиянды заттар
Ластаушы заттардың тізбесі
АҚ "Қазxром "жұмыс орындарын атестациялау негізінде өндірістік орындағы зиянды факторлардың әсері
Кәсіпорында еңбекақы төлеудің ұйымдастырудың жіктемесі
Кәсіпорынның сыртқы экономикалық қызметінің дамуы
Шектеулі рауалы шығарындылар нормативтерін есептеу және анықтау
Ішкі жану қозғалтқыштарының шығарындылары
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz