Қазақстан Республикасының бюджет қазынасын толтырудағы салық жүйесі мен салық салу

МАЗМҰНЫ

КІРІСПЕ . . . 3

I САЛЫҚТАРДЫҢ ЭКОНОМИКАЛЫҚ МӘНІ МЕН АТҚАРАТЫН ҚЫЗМЕТІ

1. Салықтар және салық саясаты . . . 5

1. 2 Кәсіпкерлікті салықтық реттеу . . . 13

1. 3 Салықтың элементтерi, қызметi . . . 18

II ҚАЗАҚСТАН РЕСПУБЛИКАСЫНЫҢ БЮДЖЕТ ҚАЗЫНАСЫН ТОЛТЫРУДАҒЫ САЛЫҚ ЖҮЙЕСІ МЕН САЛЫҚ САЛУДЫҢ АЛАТЫН ОРНЫ

2. 1 Қазақстан экономикасы мен еліміздегі кәсіпкерлікті дамытудағы салық салудың рөлі . . . 26

ҚОРЫТЫНДЫ . . . 35

ҚОЛДАНЫЛҒАН ӘДЕБИЕТТЕР ТІЗІМІ . . . 38

КІРІСПЕ

Еліміздің нарықтық экономикаға өтуіне байланысты экономикамызда микро және макродеңгейде қатынастары күрделеніп, экономикамызға әр түрлі әсерін тигізуде.

Салықтар мемлекеттің құрылуымен бірге пайда болады және мемлекеттің өмір сүруі мен дамуының негізгі қаржылық көзі болып табылады. Мемлекет құрылымының өзгеруі, өркендеуі қашан да болса оның салық жүйесінің қайта құрылуымен, жаңаруымен бірге қалыптасады. Әрбір мемлекетке өзінің ішкі және сыртқы саясатын жүргізу үшін белгілі бір мөлшерде қаржы көздері қажет. Салықтар - мемлекет қаржысының тұрақты қайнар көзі. Мемлекет салықтарды экономиканы дамыту, тұрақтандыру барысында қуатты экономикалық тетік ретінде пайдаланады.

Еліміздің қазіргі таңдағы даму барысындағы өзекті мәселелердің бірі болып тұрақты әлеуметтік-экономикалық даму арқылы халықтың тұрмыс деңгейінің сапасының артуын қамтамасыз ету, шағын және орта бизнесті одан әрі жетілдіру болып табылады. 2015 жылға дейінгі индустриялдық-инновациялық даму стратегиясында кәсіпкерлік ортаны одан әрі нығайту мәселесіне, оның ішінде ұлттық экономиканы инновациялық технологиялар негізінде диверсификациялауды жүзеге асыруда шағын және орта бизнеске жетекші орын беріліп отыр. Осыған байланысты әрі Қазақстан Президентінің 2006 жылғы 1-ші наурыздағы Жолдауында салық тәртібін күшейту және елдегі салық салу механизмін одан әрі жетілдіру бойынша қойған міндетіне орай қаржы, салық, несие саясатын және сәйкесінше олардың механизмдерін одан әрі жетілдіру жолдарын іздестіру - өзекті міндет болып отыр.

Нарықтық экономика жағдайындағы Қазақстан Республикасында қоғамдағы қандай болмасын процестерге мемлекеттік әкімшілік жүргізу арқылы тікелей ықпал ету мүмкіндігінің тарыла бастағаны бүгінде баршаға аян. Бұл орайда халықаралық өркениетті стандарттар мен нарық талаптарына сай келетін, сондай-ақ қоғамдық және мемлекеттік мүдделерге қол жеткізуге жол ашатын әлеуметтік-экономикалық жанама ықпал етудің елеулі құралы салықтар, салық салу жүйесі және мемлекеттің салықтық құқығы пайдаланылады.

Салықтарға тән барлық функциялар мемлекеттік бюджеттің ақшалай қаражаттарын негізінен корпоративтік шаруашылық аясы субъектілерінің табыстары есебінен қалыптастыруға нысаналанған тұрақты байланыстың мемлекет пен салық төлеушілер арасында туындауы мен дамуы барысында іске асырылады. Өндіріс пен салық салу және мемлекеттік бюджет кірістерін қалыптастыру арасындағы тәуелділік ұтымды салық жүйесін құрудың, сондай-ақ тиімді салықтық заң актілерін қабылдаудың теориялық және практикалық негізін құрайды. Сонымен салық объективті-субъективті, қаржылық-экономикалық және құқықтық құбылысты, ал салық салу мемлекеттік бюджеттің (салықтық кірісін) кіріс базасын қалыптастыруға байланысты қарқынды салықтық қатынастарды көрсетеді.

Мемлекеттің салықтық құқығының аясында жүргізілетін салық әкімшілігі макроэкономикалық өсу тұрғысынан және халықаралық салық салу стандарттарының өркениетті үлгілеріне сай қоғам мен мемлекеттің, сондай-ақ корпоративтік шаруашылық (ішінде жеке меншік негізіндегі жеке кәсіпкерлік қызмет) субъектілерінің экономикалық-қаржылық мүдделерінің балансты болуын көздейді және соны қамтамасыз етуге ат салысады.

Жоғарыда айтылған мәселелердің бәрін ескере отырып, мен курстық жұмысымнды еліміздегі салық салу саясатына, салық жүйесіне арнауды жөн көрдім. Курстық жұмысты жазудағы мақсат Қазақстан Республикасының бүгінгі салық жүйесін қарастыру, салық салу саласының нормативтік құқықтық базасын жетілдіру, кісәпкерлікке салынатын салық мөлшерінің азайтылуының тиімділігін анықтау, сондай-ақ осы саланы салық төлеушілердің мүдделерін есепке ала отырып жалпымемлекеттік тұрғыдан басқару жөнінде ғылыми негізделген ұсыныстар мен тұжырымдар және қорытындылар беру болды.

Осы салық салуға байланысты әр дәуірлерде мемлекет қайраткерлері, экономистер, философтар, ойшылдар көптеген еңбектер жазған. Мысалы, Ф. Аквинский «салықтарды ұрлаудың рұқсат етілген нысаны» ретінде анықтаса, салық салу теориясының негізін салушылардың бірі А. Смит «салық төлеушілер үшін құлшылықтың белгісі емес, бостандықтың белгісі» деп тұжырымдаған. Қазір, біздің дәуірімізде де салық салуға байланысты қазақстандық азаматтар да өз пікірлерін білдіруде. Мысалға, еңбектерінің мақсаттары менің курстық жұмысымның мақсатымен тең, тақырыбымның өзектілігінің маңыздылығын қолдаған әл-Фараби атындағы ҚҰУ-нің э. ғ. к., доцент - Б. Ермекбаева «Салықтар және салық салу» еңбдегі, «Кәсіпкерлікке салық салу механизмін жетілдірудің кейбір мәселелері» мақаласы; Т. Рысқұлов атындағы ҚазЭУ-нің э. ғ. к., доцент - П. Б. Исахова «Орта және шағын кәсіпкерлікті дамытудағы салық салудың рөлі» мақаласы; Халықаралық бизнес Университетінің э. ғ. д., профессор - М. Х. Тусеева «Салық тәртібі деген не?» мақаласы; Найманбаев С. М. «Салықтық құқық» еңбегі; Нурумов А. А «Налоги и финансы рыночной экономики» еңбегі

Бұл тақырыптың өзектілігі нарықты экономикадағы мемлекеттің салық саясатын жүргізу стратегиясы, салық салудың экономиканың әлеуметтік-экономикалық салаларына, мемлекет бюджетіне тигізер оң және теріс әсерлерін қарстыру.

I САЛЫҚТАРДЫҢ ЭКОНОМИКАЛЫҚ МӘНІ МЕН АТҚАРАТЫН ҚЫЗМЕТІ

1. 1 Салықтар және салық саясаты

Салық - жеке адамдардың, кәсіпорындардың не мекемелердің жергілікті немесе мемлекеттік бюджетке төлейтін міндетті төлемі. Ол қоғамның таптарға бөлінуіне және мемлекеттің пайда болуына байланысты туған. Мемлекеттің шығындарын қаржыландыруға жұмсалады.

Салық мөлшері мен төлеу мерзімі заңмен белгіленеді. Негізгі екі міндетті атқарады, олар:

1. Салық салу мақсатына қарай мемлекеттің кәсіпорындармен және азаматттармен (соның ішінде шетелдік) өзара қарым-қатынасын реттейтін экономикалық тұтқа.
2. Бюджеттің кіріс бөлігін қалыптастыру мен толықтырудың негізгі көзі.

Салық негізінен мынадай екі түрге бөлінеді:

1. Төте салық- салық төлеушінің табысынан немесе мүлкінен тікелей төленетін салық. Мысалы: табыс салығы, жер салығы, көлік құралдарына салынатын салық, т. б.
2. Жанама салық- сатылған тауарлар, орындалған жұмыстар, көрсетілген қызметтер үшін төленетін және бағаға немесе тарифке үстеме түрінде белгіленетін, салық төлеушінің табысымен немесе мүлкімен тікелей байланысты емес салық. Мысалы: қосылған құн салығы, акциз, кеден алымдары. /1, 534бет/

Көне Грекияда алымдар мен салықтарды алудың әр алуан тәсілдері мен түрлері пайдаланылған. Классикалық Грекияда алғашқы тікелей алымды тек құдайлар мен храмдарға құрбандық шалу ретінде берілетін мал-мүліктер түрінде алып отырса, кейіннен кемелер жасауға, белгіленген тәртіпті қамтамасыз етуге, қала шаруашылығы мен порттағы жұмыстарды жүзеге асыруға деп аздап салық алынатын болған. /2, 11 бет/

Біздің эрамызға дейінгі 7-6 ғасырларда ауқаттылардың өкілдері табыстың онға бөлгендегі бір бөлігін немесе жиырмаға бөлгендегі бір бөлігін қазынаға алу қажет деп белгілеген. Ал 6 ғасырдың соңы мен 5 ғасырдың басында қоғамдық ауыртпашылықтар - литургиялар пайда болған. Литургиялық міндеттерін өтегендер басқа салықтарды төлемейтін болған.

Бесінші ғасырдың ортасына таман салықтарды алудың жаңа түрлері ойластырылған. Мысалы: базарлардағы сауда-саттыққа салынатын салықтар, шетелдік азаматтардан алынатын салықтар, кедендік баждар алынған. Жезөкшелерге де салық салынған. Бұлар кірістерді құраса, шығыстарға: қаланы астықпен және ағашпен қамтамасыз етуге кететін қаражаттар; спорт ойындарын қаржыландыруға, дипломатиялық қатынастарды қаржыландыруға, полицияны ұстауға қажетті қаражаттар жатқан. Бұл ретте басқару нысанына, мемлекеттерге және басқа да жайларға қарамастан, салықтардың қажеттілігі және әрдайым әрі ұдайы алынатындығын, сондай-ақ салық төлеуден ешкімнің тыс қалмайтындығын байқаймыз. Мысалы, ауқатты азаматтар триеархияға 200 таланттан (алтын ақша) төлеп отырған. 378-377 жылдары ауқатты және басқа азаматтардың мүліктері мен байлықтарын жаппай бағалау жүзеге асырылған. Ерікті қоғамдық төлем литургия да өкінішке орай салыққа айналдырылған болатын.

Көне Римдегі алғашқы салықтар цензус (ценз) деп аталған. Ценздер әрбір 5 жылдың көлемінде азаматтардың мүліктеріне сәйкес белгіленіп, алынған.

Кейде салықтар мен баждардан және жерді жалға беруден түскен түсімдер қала шаруашылығына кететін шығындарды жаппаған жағдайда, тек қалада тұратын азаматтардан « мунира » деп аталатын салық алынған. Мунирадан басқа мемлекеттік салық « трибутумды » төлеу рим азаматының борышы әрі міндеті болған. Провинциялардағы жерлердің аумағы өлшеніп, қалалар бойынша кадастрлар жасалынып отырған. Римдегі (оның провинцияларындағы) негізгі салықтардың бірі жер салығы « аннона » болған. Оның төлемдері ауылшаруашылығы өнімдері түрінде алынған. /2, 12 бет/

Қазақстанда да заман-кезендеріне сай салық жүйесі болғаны ешбір күмән тудырмайды. Бір ғана дәлел ретінде «Ұлы жібек жолы»мен өркендеп, дамыған қамал-қалалар «Сығанақ», «Отырар», «Тараз», «Мерке», «Исфиджаб», «Құлан», «Яссы», «Сауран», «Бароысхан», «Аспара», «Баласағұн», «Қойлық», «Талхиз», «Екіөгіз», «Баба-ата» жөніндегі мағлұматтарды айтуға болады. Тек бір өкініштісі, жазба мәліметтердің сақталмағанына байланысты осы салықтар жөніндегі дерек көздерінің өте аз болуы.

Кезінде Қазақстан тарихына, сонымен бірге салық салу мәселелерін шешуге орасан зор үлесін қосқан бірден-бір құқықтық дерек көзі Тәуке ханның (Әз Тәуке) хандық құруы кезінде, оның тікелей қатысуымен қабылданған « Жеті жарғы » болып табылады. /2, 13 бет/

Қазақстанның Ресей боданы болуына байланысты оның аумағында да Ресейдің заңдарында көзделген салықтар мен өзге де міндетті төемдер алынатын болған. Тек Қазақстанның өзіне тән алымдар да белгіленіп отырған. Мысалы, «кибиточный сбор», «ясачная подать», «паспортный сбор», «ямская повинность» және т. б.

8 - 12 ғасырларда айтарлықтай дамыған салық салу теориясы экономикалық және мәдени гүлденуі шарықтаған ислам әлемі елдерінің мұсылмандық құқығында шариатта көрініс тапқан болатын. Салық салудың мұсылмандық жүйесінің көптеген элементтері қазіргі Қазақстан мен Орта Азия аумағындағы мемлекеттерде, олар 19 ғасырда Ресей экономикалық жүйесіне қосылмай тұрып таралған еді. /2, 14 бет/

Айтылғандардың түпкі тұжырымы ретінде салық салудың қағидаларын айта кетуге болады:

• Салықтарды барлық азаматтардың арасында, олардың табыстарына сай біркелкі бөліп, белгілеу;
• Салықтық төлемнің сомасы, тәсілі және уақыты оны төлеушіге күні бұрын әрі нақтылы белгілі болғаны дұрыс;
• Салықтар әрбір салық төлеушіге қолайлы уақытта және ыңғайлы тәсілмен алынуға тиіс;
• Салық алу кезінде салық төлеушінің шығындары мүмкіндігінше аз болуға тиіс;

Салықтың белгіленуі, салық салу мемлекеттің құрылысына, қалыптасқан қоғамдық дәстүрлерге, мемлекет экономикасы мен фискалдық саясатының мән-жайына, билік етуші тармақтардың өктем өкілеттіліктерінің демократиялық деңгейіне, нақты қалыптасқан әлеуметтік, саяси және әкімшілік жағдайларға қарай жүзеге асырылады. Былайша айтқанда, салықты мемлекеттің экономикалық әлуетінің функциясы деп санауға болады. Осы орайда қатты ескеретін жәйт, салықтың (экономикалық) мән-жайы мен заң жүзінде іске асырылатын мәнінің арасында қарама-қайшылық туындамауы қажет. Демек салық, салық салу, мемлекеттің салық жүйесі деген сөздердің мағынасын мемлекеттің кірісін салық төлеушілердің - заңды және жеке тұлғалардың материалдық мүдделеріне мүмкіндігінше нұсқан келтірмей қалыптастыру керек деп түсінген дұрыс. /2, 16 бет/

Салықтар мемлекеттің пайда болуымен бірге қалыптасты. Сондықтан да салық пен салық салу мемлекеттің басқару қызметінің немесе мемлекеттің тіршілік етуінің айырылмас маңызды бөлігі болып болып табылады. Себебі, мемлекеттің бюджет кіріс көзінің 85-90 пайызы тек салықтардан тұрады.

Салық және салық салу жүйесі бір-бірімен тығыз байланысты, олардың бір-бірінсіз әрекет ете алмайтын элементтерін 1- суреттен көре аласыздар. /3, 21 бет/

Салық жеңілдіктері дегеніміз - салық төлеушіні салық төлеуден толығымен немесе ішінара босату. Салық жеңілдігі қолданыстағы заңнамаға сәйкес беріледі. Салық жүйесін мемлекет: ғылыми-техникалық прогресті ынталандыру, өндірістің келешегі зор салаларының дамуын жеделдету; экологиялық талаптарды сақтау қажеттігіне байланысты кәсіпорынға түсетін туынды қаржы ауыртпалығын жеңілдету; қоғамның ауқаты төмен жіктерін әлеум. қорғау; белгілі бір демографиялық саясатты жүргізу мақсаттарына пайдаланады. Қазақстан Республикасының Салық кодексінде жеке сипаттағы салық жеңілдіктерін беруге тыйым салынған. Салық жеңілдіктерін беру кезінде іскерлік және өндірістік қызметті көтермелеу көзделеді. Салық жеңілдігінің өтелуі, мерзімді және мәлімдемелі сипатта болады. Салық жеңілдіктерін беру нысандары: салық негізін немесе салық сомасын азайту, салық мөлшерін төмендету; салық несиесін қамтитын мақсатты салық жеңілдігінің маңызды салық жеңілдігінің бірі - салық салынбайтын минимум (салық объектісінің салықтан босатылатын ең төмен мөлшері) . Салық несиесі дегеніміз - кәсіпорынның инвестициялық жобаны іске асыруына, мемлекеттік билік тарапынан ұсынылатын белгілі бір талаптарды іске асыруға байланысты салық төлемінің мерзімін ұзартатын жеңілдік. Бұл несие салық қызметімен немесе мемлекеттік әкімшілікпен несие келісімін жасасу нысанында беріледі: онда салық несиесінің мөлшері мен оны беру мерзімі, оның қайтарылу шарттары, несие бойынша пайыз мөлшерлемесінің көлемі келісіледі. /1, 534 бет/

1. сурет - салық және салық жүйесін байланыстыратын элементтер

Жаңа Салық Кодексі 2002 жылдың 1-ші қаңтарында Қазақстан Республикасында мынадай салықтар енгізілген:

1. Корпорациялық табыс салығы
2. Жеке табыс салығы
3. Қосылған құн салығы
4. Акциздер
5. Жер қойнауын пайдаланушылардың салықтары мен арнайы төлемдері
6. әлеуметтік салық
7. жер салығы
8. көлік құралдары салығы
9. мүлік салығы /4, 15 бет/

Мемлекет қазынасын толтырудың бірден-бір қайнар көзі - салықтар, ал егемен еліміздің экономикасын дамыту жөніндегі басым бағыттардың бірі - шағын және орта бизнесті дамыту. Нарықтық экономика жолын ұстанған егемен елімізде шағын және орта бизнес барысына кедергі келтірмейтін салық жүйесін қалыптастыру өзекті мәселелер қатарынан орын алып отыр. Осы мақсатта елімізде шағын бизнес субъектілеріне арнайы салық режимі қолданылады.

Арнайы салық режимінің мәні:

Арнайы салық режимі салық әлеуметтік және корпорациялық немесе жеке табыс салықтары (жалдамалы қызметкерлердің еңбек ақысынан ұсталатын табыс салығынан басқа), сондай-ақ салық жүктемесін кемітуге бағытталған жеңілдік ставкалары мен басқа да тетіктер бойынша салық есебін беру, төлеу және аударудың оңайлатылған тәртібін көздейді.

Мына салық төлеушілердің арнайы салық режимін қолдануға құқығы жоқ:

• филиалдары, өкілдіктері бар заңды тұлғалардың
• филиалдардың, өкілдіктердің
• заңды тұлғалардың еншілес ұйымдарының және тәуелді акционерлік қоғамдардың
• әр түрлі елді мекендерде оқшауланған құрылымдық бөлімшелері бар тұлғалардың

Арнаулы салық режимі:

1. акцизделетін өнімді шығару
2. кеңестік, қаржы, бухгалтерлік қызмет көрсету
3. мұнай өнімдерін сату
4. шыны ыдысты сату
5. жер қойнауын пайдалану және заңда берілген жекелеген қызмет түрлеріне қолданылмайды.

Арнайы салық режимін немесе салық салудың жалпы белгіленген тәртібін таңдауды кәсіпкер ерікті негізде жүргізеді. Кәсіпкер, яғни шағын бизнес субъектісі бюджетпен есеп ацырысудың бір нысанын ғана таңдауға құқылы. /4, 88 бет/

Шағын бизнес субъектілері үшін, арнайы салық режимі шегінде бюджетпен есеп айырысудың үш тәсілі ұсынылады:

1. бір жолғы талон негізінде
2. патент негізінде
3. оңайлатылған декларация негізінде

Бір жолғы талон негізінде арнайы салық режимі қызметі мезеттік, тұрақты емес сипаттағы жеке тұлғалар үшін көзделген. Мұндай қызмет деп бір жылда жалпы алғанда 90 күнненаспайтын қызмет түсініледі. Бұл ретте жеке тұлға жеке кәсәпкер ретінде мемлекеттік тіркеуден босатылады және бақылау-кассалық аппараттарын қолданудан босатылады. Оларға қойылатын жалғыз талап - қолдарында бір жолғы талоны болу керек. /4, 89 бет/

Бұл режим негізінде жұмыс жасауға болатын қызмет түрлерінің тізбесін тиісті уәкілетті орган белгілейді. Бір жолғы талонның құнын қызметті жүзеге асыратын орналасқан жеріне, түріне, көлеміне және қызмет барысына ықпал ететін тағы басқа факторлардың негізінде жергілікті өкілді органдар мәслихаттар белгілейді. Бір жолғы талонды бір күнге де, бірнеше күнге де алуға болады.

Патент негізіндегі арнайы салық режимі бизнесі тұрақты сипат алатын жеке кәсіпкерлер үшін бюджетпен есеп айырысу үшін көзделген. Жеке кәсіпкерге патент негізінде қызмет істеу мынадай шарттар орындалған жағдайда ғана рұқсат етіледі:

1. жалдамалы қызметкерлердің еңбегін пайдаланбайды
2. жеке кәсіпкерлік нысанындағы қызметті жүзеге асырады
3. орта есеппен 1 жыл ішінде табысы 1, 0 миллион теңгеден аспайды

Патент алу үшін кәсіпкер салық органына болжанатын кірісті көрсете отырып, патент алуға өтініш беріп және жеке кәсіпкерді мемлекеттік тіркеу туралы куәлігін, лицензиялауға жататын қызметті жүзеге асырған жағдайда, ол мұндай қызметті жүзеге асыруға құқық беретін лицензиясын көрсетуге міндетті. Патент кәсіпкердің лицензиясының қызмет ету мерзімінен аспайтын мерзімге беріледі.

Салық органдары өтініш берілгенін және бюджетке патенттің құны мен жинақтаушы зейнетақы қорларына міндетті зейнетақы жарналары төленгенін растайтын құжат көрсетілгеннен кейін патент беруді жүзеге асырады. Жеке кәсіпкердің мемлекеттік тіркеу туралы куәлігі көрсетілмейінше, патент берілмейді. Патенттің құны кәсіпкер мәлімдеген кіріске 3 пайыз мөлшеріндегі ставканы қолдану жолымен анықталады. Патенттің құны жеке табыс салығы және әлеуметтік салық түрінде бірдей үлеспен бюджетке төленеді. Патентті жеке кәсіпкердің ниеті бойынша салық органы бір айға да, бірнеше айға да, бірақ бір жылдан аспайтын мерзімге бере алады. /4, 90 бет/

Егер жеке кәспкердің табыс сомасы патент үшін белгіленген шектен артық болса немесе патент үшін белгіленген өзге де міндетті шарттарға сай келетін жағдайда, ол оңайлатылған декларация негізіндегі арнаулы салық режиміне немесе жалпы белгіленген тәртіпке көше алады.

Оайлатылан декларация негізіндегі арнайы салық режимі шағын бизнес субъектілері үшін бюджетпен есеп айырысу үшін көзделген. Бұл нысан жалдамалы қызметкерлердің еңбегін пайдаланатын кәсіпкерлерге арналған. Оңайлатылған декларация негізіндегі арнаулы салық режиміне салық кезеңі басталғанға дейін көшу үшін шағын бизнес субъектілері өз қызметін жүзеге асыратын жері бойынша салық органына уәкілетті мемлекеттік орган белгілеген нысанда өтініш береді.

Оңайлатылған декларация негізіндегі арнайы салық режиміне сәйкес бюджетпен есеп айырысуды қалап алған шағын бизнес субъектілеріне мынадай талаптарға жауап берген жағдайда ғана аталмыш режимге көшуге рұқсат беріледі:

1. жеке кәсіпкерлер үшін:

• жеке кәсіпкердің өзін қоса алғанда, қызметкерлердің шекті орташа тізімдік саны салық кезеңі ішінде он бес адамнан көп болмаса
• салық кезеңі ішінде шекті табысы 4500, 0 мың тг-ден аспаса

2. заңды тұлғалар үшін:

• қызметкерлердің шекті орташа тізімдік саны салық кезеңі ішінде жиырма бес адамнан көп болмаса
• салық кезеңі ішінде шекті табысы 9000, 0 мың теңгеден аспайтын болса /4, 92 бет/

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс