Бірінші орыс революциясы және ұлттық демократиялық қозғалыстың өрістеуі

1.Кіріспе.Өлкеде маркстік.лениндік идеялардың тарауы;

2.Революцияның басталуы.

3.Революцияның өрлеу кезеңіндегі революциялық
қозғалыс;

4.Қорытынды.Бірінші орыс революциясының тарихи
маңызы.

Қазақстанның барлық қаларында 17 қазандағы манифестке арналған саяси шерулер, митингілер мен жиналыстар толқыны жайылды. Перовскідегі, Оралдағы, Қарқаралыдағы, Павлодардағы және басқаларындағы манифестациялар неғұрлым ірі болды. Оларды орыстар арасынан да, қазақтардан да шыққан жергілікті зиялылар ұйымдастырды. Омбы жандарм басқармасы бастығының мойындауынша, Ә.Бөкейханов “барлық митингілер мен петициялардың және үкіметке қарсы үгіттердің ұйытқысы, даладағы ... қазақтардың барлық діни-саяси қозғалысының көшбасшысы және жетекшісі сияқты” болды. Бұл күндерде Оралда Б.Қаратаев пен Ж.Сейдалин, Қарқаралыда А.Байтұрсынов, Бекметовтер және Ж.Ақбаев және т.б. ерекше белсенділік көрсетті. Ә.Бөкейханов былай деп жазды: ”Ж.Ақбаевтың Павлодардан Қарқаралыға баруы үгіт сапарына айналды. Жол бойында шешенді барлық жерде топтанған қазақтар қарсы алып, көптен күткен қонағы сияқты қабылдады... онымен туыстары сияқты қоштасты. Ол туған қаласы Қарқаралыға қарашаның ортасында жетті. Полиция басқармасының қарсы алдындағы бірден-бір алаңда митинг ұйымдастырылды”. Сөйтіп 1905 жылғы 15 қарашада әйгілі Қарқаралы оқиғалары басталды, ол мұсылмандардың құрбан айт мейрамына тұтас келді. Негізінен қазақтардан, татарлардан, орыстардан және басқаларынан тұратын 400-дей адам қатысқан митингіде Ж.Ақбаевтан басқа бітістіруші судья Вайсерт, сот тергеушісі Михалевич, священник Иванов, орманшы Астрейн, мұғалім Чемоданов, жергілікті әскери команданың бастығы Гомбинский, әскери дәрігер Богуславский, орыс-қазақ училищесінің мұғалімі Аяғанов, бітістіруші судьяның хат жүргізушісі Төлеңгітов, саяси бақылауда жүрген Соколов және басқалар сөз сөйледі.

1) Қазақ ССР тарихы 3-ші том, 381-382, 414-417 беттер.

2) Ч. Мусин. 18-ші тарау 176-183 беттер.

3) Асылбеков М.Х.. Орыс революциясының 1-ші жартысындағы Қазақстан теміржолшылары.”Алматы, 1965 ж.”

4) Галиев А.Б. Қазақстандағы социал-демографиялық процес.

5) Қазақстан тарихы (көне заманнан бүгінге дейін) 3-ші том. ”Алматы,2002”.614-615 беттер.