Менің университетім

Абай атыңдағы қазақ ұлттық педагогикалық университет -Қазақстан Республикасындағы білімнің қара шаңырағы, тұңғыш жоғары оқу орны. Ол мемлекет өміріңде қоғамымыздың барлық маңызды салаларына білікті маман даярлаумен айналыса отырып, айрықша маңызды іс аткаруда.
Биыл Абай атыңдағы Қаз¥ПУ-ға 79 жыл толады. Осы жылдар ішінде білім беру мен ғылыми зерттеу жұмыстарын жоғары да өскелең талап деңгейінде ұйымдастыруды негізгі нысана деп білген оқытушылар ұжымы үнемі көздеген меже биігінен көрініп келеді.
2003 жылы мемлекеттік аттестация мен тіркеуден ойдағыдай өткен университет өзінің жоғары да биік талал деңгейінде жұмыс істейтінін тағы бір дәлелдеп берді. Ал, кейбір факультеттер - тәуелсіз шетелдік сарапшылардың әлемдік білім беру стаңдартына сай деген халықаралық аудит бағасын алды.
Университеттің 10 факультетінде 94 мамандық бойынша білім беріледі. Дәріс — қазақ, орыс, араб, түрік, ағылшын, неміс, француз, парсы, ұйғыр және басқа тілдерде жүргізіледі.
Қазіргі таңда университетімізде оқып жатқан 22000 студент, магистрант, 956 аспирант, докторант және ізденушілер бар. Оқу орнының 69 кафедрасында 1500 оқытушы қызмет істесе, олардың 278-і ғылым докторлары мен профессорлар, 620-ден астамы ғылым кандидаттары мен доценттер.
Университетте төрт Ғылыми-зерттеу институты және екі Халықаралық орталық бар. 23 мамандық бойынша 20-дан астам докторлық және кандидаттық диссертация қорғау кеңесі жемісті жұмыс істеуде.