Бұқарамен байланыс

Пән: Социология, Демография
Жұмыс түрі: Дипломдық жұмыс
Тегін: Антиплагиат
Көлемі: 77 бет
Таңдаулыға:

Мазмұны

Кіріспе

1 тарау. Бұқарамен байланыстың маркетингтік коммуникациялардағы қызметінің ерекшеліктері

1. 1 Бұқарамен байланыс және маркетингтік коммуникациялар кешені

Бұқарамен мен маркетингтің өзара байланысы

2 тарау. Бұқарамен байланысты қалыптастыруда интеграцияланған маркетингтік коммуникация құралдарын пайдалану.

2. 1 Интеграцияланған маркетингтік коммуникация ұғымы және мәні

Тұтынушылармен тиімді қарым-қатынас орнатуда интеграцияланған маркетингтік коммуникация құралдарын пайдалану

3 тарау. Қонақ үй бизнесін жүргізудегі қоғаммен байланыс ќызметін тиімді пайдалану.

Қорытынды

Әдебиеттер тізімі

Қосымшалар

КІРІСПЕ

Бұқарамен байланыс (PR) - қоғаммен байланыс жүйесі, ұйым (фирма) мен қоғам арасындағы қатынастарды жақсартудың көпқырлы әрекеті.

Бүгінгі күні кез-келген фирма немесе компания өздерінің еңбектерінің нәтижесіне қоғам алдында жауапты болуы қажет. Өздерінің акционерлері мен серіктестерінің алдында тиімді түрде жұмыс істеуі қажет. Сөйтіп елінің экономикасының дамуына өз үлесін қосуы қажет. Әлемнің алдыңғы қатарлы елдерінде бизнестің философиясы мынандай ұранмен дамып келе жатыр: «Әлеуметтік жауапкершілік - бұл жақсы бизнес, ал жақсы бизнес - әлеуметті жауапты» [1] .

Қазіргі жағдайда экономиканың дамуы, көптеген ірі коммерциялық жобаларда қалың бұқара белсенді түрде қатысып жатқан кезде қоғамдық қатынастарды баянды ету, оған әсер ету және қоғамдық пікірді ескеру тауар-ақшалық қатынастардың дамуының негізгі шарты болып отыр.

Курстық жұмыстың маңыздылығы. Қазіргі кезеңде бұқарамен байланыс бизнесте нәтижеге жетудің үлкен факторына айналып отыр. Ол әрқашан шындыққа және толық ақпараттандыруға сүйене отырып фирманың дұрыс имиджінің қалыптасуына ықпал етеді, өсек-сөздерден алып шығуға көмектеседі, сонымен қатар тұтынушылардың нарықтық сұраныстарын қамтамасыз етеді.

Маркетингтік жобалардың жетістікке жетуі көбінде өз уақытында қоғаммен байланысты орнатумен байланысты. Қоғаммен байланысты олар бұқаралық ақпарат құралдарын кеңінен қолдану арқылы жүзеге асырады, яғни баспа, радио, теледидар. Бұқарамен байланысты дамыту проблемасының шешімі ғылыми тұрғыда қалыптасып жатыр және үлкен өнерді талап етеді.

1. Синяева И. М. Паблик Рилейшнз в коммерческой деятельности: Учебник / Васильева Г. А. - М. : ЮНИТИ, 1998. - с. 5

Бұқарамен байланыс мамандарының көмегінсіз көптеген тұтынушылар институтымен, серіктестермен, мемлекеттік билік органдарымен және жалпы қоғаммен қатынасты орнату мүмкін емес.

Бұқарамен байланыс жұмысы өз уақытында және жылдам жүргізілсе стратегиялық жоспарлауда, коммуникациялық іс-әрекеттің жетілуіне, сонымен қатар жалпы басқару жүйесінде тиімді нәтижеге алып келеді.

Бұқарамен байланыстың басты мақсаты - тарихи түрде қалыптасқан кәсіпкерліктің дәстүрлерін жинау, түсіндіру және позитивті түрде тарату. Осы жаңадан туылып жатқан кәсіпкерлер біздің мемлекетті терең кризистен алып шығып экономиканы қайта жандандыруы қажет. Сондықтан ПР-дың әдістері мен механизмдерін рационалды түрде қоғамдық өмірді тұрақтандыру үшін жүзеге асыру керек.

Бұқарамен байланыс басқару жүйесінің бір бөлігі болып табылумен қатар, индустрияландыру және ғылыми-техникалық прогрестің проблемаларын шешіп қана қоймай, тікелей түрде тауар-ақшалық қатынастардың механизімін тұрақтандырады.

ПР- коммуникациялар маркетингтік коммуникациялардың құрамдас бөлігі болып отыр. Қоғаммен байланыс нарықты, маркетингтік стратегияны, ұйымның және сатып алушылардың мүддесін біріктіретін жүйе болып табылады. Сондықтан ПР-дың негізін кез-келген маркетингтік іспен айналысатындардың барлығы білу қажет.

Маркетингтік коммуникациялар нарықтық іс-әрекеттің барлық сферасының негізгі элементі болып табылады. Оның мақсаты - тұтынушылардың қажеттілігін қанағаттандыруда жоғары дәрежеге жету. Маркетингтік коммуникациялар коммерциялық құрылымда қоғаммен байланысты іске асырудың негізгі элементі болып табылады.

Маркетингтік коммуникациялар серіктестермен қатынастың, тауар, ақпарат, технология, білім және тәжірибенің алмасуын көрсететін кешендік модель. Маркетингтік коммуникациялардың негізгі элементі - ақпарат болып табылады. Соның негізінде компания немесе ұйым нарықтық коньюктура және тұтынушылардың талғамы мен сұранысы туралы ақпараттарды біліп отырады.

Маркетингтің коммуникациялық моделінің құрылуы келесі прицип бойынша жүзеге асырылады:

Серіктестердің гармониялық атмосферасын, екі жақты тиімділігін, түсінушілігін, жауаптылығын құру қажет
Шешім қабылдау үшін кез-келген ұйымда ақпараттар банкін қалыптастыру қажет
Маркетингтік концепцияға байланысты жұмысшылардың мотивациясы және орындаушылардың персоналды нәтижесі
Еңбек коллективінде психологиялық микроклиматтың деңгейін ескеру қажет.

Маркетингтік коммуникациялардың даму концепциясы экономикалық және өнегелік критерилері арқылы анықталады.

Өнімнің сатылу көлемін өсіру және пайда табу үшін тұтынушылардың санасына тауардың немесе қызметтің пайдасы бар екендігін жеткізу керек. Маркетингтік коммуникациялар тауарды немесе қызметті аудиторияға қызықтыру арқылы көрсету жолын іздейді. Шынында да, тұтынушылармен тиімді коммуникация кез-келген ұйымның жетістікке апаратын жолы болады.

Әртүрлі бағыттағы ұйымдар, шағын бөлшек саудагерлерден бастап, ірі тауар өндірушілерге дейін, сонымен қатар ақысыз ұйымдар (оқу, емдеу, діни мекемелер, музейлер, симфониялық оркестрлер және т. б. ) өз әрекетін әрқашан жылжытуға тырысады, мақсаттарын іске асыруға тырысады.

перспективті тұтынушыларына өз тауар, қызметі, сату шарттары туралы ақпарат беріп тұрады.
тұтынушыларды нақты осы тауар немесе маркаға талғам беруін, белгілі бір дүкендерден сатып алуына ынта көрсетіп, сендіреді.

Бұл мақсат жарнаманың, сатушылардың, дүкен аттарына, витринаны көркемдеудің, қораптамалаудың, ақысыз купондар мен баспа-релиздерді ұйымдастыруға тікелей байланысты. Бұлардың барлығы жылжыту немесе маркетингтік коммуникациялар деп аталады.

Маркетингті оқытушылар «Тиімді сатуды басқару» деген терминді, ал тәжірибедегі маркетологтар «Маркетингтік коммуникациялар» деген терминді жиі қолданады. Бұл терминдер «Маркетинг кешені» деген түсінікпен тығыз байланысты.

Маркетинг кешені шешім қабылдаудың келесі төрт элементімен тығыз байланысты:

өнім өндіру туралы шешім
баға туралы шешім
тарату каналдары туралы шешім
тиімді сату туралы шешім

Ал маркетинг және ПР маманы нарықты оятып іске қосудың, соның ішінде өздерінің мүдделеріне байланысты әрекет жасаудың жолын іздестіреді.

Курстық жұмыстың мақсаты маркетингтік коммуникациялар кешені мен бұқарамен байланыстың айырмашылығы мен ерекшеліктерін көрсету.

Бұл салалардың қазірігі кездегі біздің елде қалыптасқан нарықтық экономикада қолдану дәрежесін көрсету.

Бұл дипломдық жұмыстың негізгі қамтитын тақырыбы: «Бұқарамен байланыс маркетингтік коммуникациямен ықпалдасудың құрамдас бөлігі ретінде». Мұнда маркетингтік коммуникациялардағы қоғаммен байланыс қызметінің ерекшелігі, мәні, мазмұны, ұйымның маркетинг және ПР саласы бойынша құрылымына, ПР мүмкіндіктерін маркетинг концепциясында жүзеге асыру жолдары туралы мәліметтерге анығырақ тоқталып өтілген.

Бұл дипломдық жұмыстың соңғы бөлімінде қонақ үй бизнесін жүргізудегі бұқарамен байланыс қызметін тиімді пайдалану мәселесі қарастырылған.

І. Бұқарамен байланыстың маркетингтік коммуникациялардағы қызметінің ерекшеліктері

1. 1 Бұқарамен байланыс және маркетингтік коммуникациялар кешені

Бұқарамен байланыстың маркетингпен ассоциациялануы бекер емес. Маркетинг дегеніміз концепция жасау, баға, құру, идея, тауар және қызметті тарату және тиімді сату, алмасудың қарым-қатынасын қанағаттандыру процесі.

Алмасу - маркетингтің негізгі идеясы. Алмасу процесі жүзеге асу үшін 3 негізгі шарттың орындалуы қажет:

екі немесе одан да көп жақтардың болуы, бір-бірімен құнды ақпараттарды алмасу
әрбір жақтардың құнды ақпараттарды келесі жаққа беруге деген ниеті мен қабілетінің болуы
жақтардың коммуникациялық тәсілі (ақпараттармен алмасу)

Алмасу процесіне тұтынушылар өз ресурстарын (ақша, уақыт және іс- әрекет) компаниялардың өнімі мен қызметіне алмастырады.

Алмасу процесін маркетинг тұтынушылардың қажеттілігі мен ниетін зерттеуден кейін ғана қамтамасыз етеді:

қажеттілікті орындайтын өнім немесе қызмет жасап шығару
өнімді нақты бағамен беру және ұсыныс жасау
ол өнімді белгілі-бір жерде тұтынушының қол жеткізуін қамтамасыз ету немесе тарату каналдарын құру
қызығушылық және көз жеткізуді туғызу үшін жылжыту және коммуникация бағдарламасын құру.

Келесі көрсетілетін төрт «P» (пи) - product (өнім), price (баға), place (орын), promotion (тиімді сату) дәстүрлі түрде маркетингтік кешен немесе маркетинг (marketing mix) деп аталады. Маркетингтік кешенде осы элементтердің қосылуы нарықта жұмыс істейтін ұйымның барлық шешімдері осылардың кешендік арақатынасының есебі арқылы қабылдануы керек.

Кейбір маркетологтар маркетинг кешенін бес және одан да көп «p» арқылы көрсетеді, олар оған public relations - ды (ПР) , physical evidence

(физикалық куәландыру), process (процесс, технологиялар, операциялар) жатқызады.

Тиімді сату - маркетингтік кешеннің негізгі құраушысы, өнімнің нәтижелігін нарықта белгілі бір мақсат кешенін шешу арқылы жүзеге асыру процесі. Дизайн, тиімді өндіру, рационалды баға және тарату жүйесі мақсатты нарықтың қажетті бөлігін қамтамасыз ете алмауы мүмкін.

Алмасу процесінде тиімді сату өте үлкен рөл алады:

тұтынушыларды ұйымның өнімдері мен қызметтері туралы ақпаратпен қамтамасыз етеді
тұтынушылардың ниеті мен қажеттілігін толық қамсыздандыратынына сендіреді

Қазіргі кезде тиімді сату терминіне синоним ретінде «Маркетингтік коммуникация» қолданылады. Маркетингтік коммуникация - бұл маркетингтік ақпараттың екі немесе одан да көп адамдар арасында алмасуы. Маркетингтік коммуникациялар «Маркетинг» пәнінің бір бөлігі болып табылады. Біздің еліміздің тәжірибесінде де маркетингтің мәні өсіп келе жатыр. Ол ұйымның немесе кәсіпорынның нақты проблемаларын шешуде коммуникацияның рөлі үлкен екендігін түсінумен байланысты.

Тиімді сату кешені: маркетингтік коммуникациялар

Ұйымның немесе индивидтің маркетингтік мақсатқа қол жеткізуі үшін маркетингтік коммуникацияның негізгі төрт әдісін қолданады - жарнама, жеке сатулар, тиімді сату және паблик релейшнз.

Шынында да маркетингтік ақпарат тарату әдістері өте кең көлемде қолданылады. Маркетингтік кешеннің әрбір элементі тұтынушыға белгілі- бір ақпаратты жеткізіп отырады.

Маркетингтік коммуникацияның төрт негізгі әдісінен (жарнама, жеке сатулар, тиімді сату және ПР) басқа да әдістерін айтуға болады. Олар: демеушілік, Интернет, қораптау, сату нүктелерінде экспозициялау. Шынында да, коммуникацияның барлық әдістері маркетингтік ақпараттарды құрайды. Мысалы, жарнамалық және ПР ақпараттары Интернетте болуы мүмкүн. Ал тікелей маркетингке тұтынушымен тікелей жұмыс істеу кіреді. Демеушілік позитивті имидждің қалыптасуын қамтамасыз етеді. Қораптау процесі жарнама элементін құрайды және сату нүктелеріндегі экспозиция да осы сияқты. Сату орындарындағы экспозиция өнімді қорапта немесе әрекет үстінде (жеке сатуларды таныстыру элементі) демонстрациялау.

Тиімді сату процесінде ПР- дың мәнін анықтау үшін әрбір маркетингтік коммуникацияның мықты және әлсіз жақтарын қарастырып өтейік. Оның мысалы төменде көрсетілген кесте: (1. 1 кесте қосымшада)

Енді осылардың әрқайсысының артықшылықтары мен кемшіліктеріне, мәніне жеке-жеке тоқталып өтейік

Бұқарамен байланыс (ПР) [1]

ПР - ортаның ұйымға деген жағымды мінез-құлқын туғызу, ұйымдық ортада коммуникацияларды қолдау.

ПР - жеке емес коммуникация, мұнда ұйым, өнім, қызмет, идея, туралы ақпараттар кіреді. ПР-бұқаралық аудиториямен жеке емес коммуникация түрі. Жеке емес компонентті қолдану дегеніміз ПР-ды масс-медия (телевидение, радио, газет, журнал, Интернет) қолданады. Осылар арқылы бір уақытта индивидиумдарға хабар жіберіледі [1] .

ПР-дың негізгі бағыты тұтынушыларға өнімді жылжытумен емес, қоғамның мақсатты топтарына ұйым туралы ақпараттарды жеткізу және

жылжыту. Тұтынушылар ПР-дың керекті және жаңғыз аудиториясы емес.

Қоғамда ақпараттық алмасудың дамуы маркетологтар мен маркетингтік коммуникацияларды тұтынушылардың дәстүрлік сегментінің шегінен тыс шығаруға бағыттады.

1. Алешина И. В. Паблик Рилейшнз для менеджеров. Учебник. - М. : ИКФ «ЭКМОС», 2002 г. - с 68.

Маркетингтің мақсатты аудиторияларына ықпал ету топтары, көз-қарас лидерлері, маманданған қауымдастық, таңдаушылар және қоғамның кең топтары жатады. тікелей маркетингке тұтынушымен тікелей жұмыс істеу кіреді. Демеушілік позитивті имидждің қалыптасуын қамтамасыз етеді. Қораптау процесі жарнама элементін құрайды және сату нүктелеріндегі экспозиция да осы сияқты. Сату орындарындағы экспозиция өнімді қорапта немесе әрекет үстінде (жеке сатуларды таныстыру элементі) демонстрациялау.

Енді осылардың әрқайсысының артықшылықтары мен кемшіліктеріне, мәніне жеке-жеке тоқталып өтейік

Жарнама - ақылы түрдегі жеке емес тауармен таныстыру. Тауар, қызмет, идеяны жылжыту процесі. Бұл коммуникацияның төлемділігі жарнамалық хабардың кеңістігі немесе уақыты сатылып алынатыны белгілі. Ал әлеуметтік жарнама ақысыз, оны АҚШ - та қоғамдық қызметтің хабарламасы деп те атайды. Мұндай жағдайда медиада жарнамалық кеңістік пен уақыт ақысыз түрде беріледі. Жарнаманың жеке емес компоненті, ПР сияқты жарнама да масс-медиа, яғни телеарна, газет, Интернет, радио, журналдар қолданады. Осылар арқылы хабарлама үлкен топтарға бір уақытта және жиі-жиі беріліп отырады.

Жарнаманың артықшылығы

Компания жарнамалық кеңістікке ақы төлегендіктен, ол әрқашан хабардың мазмұнын бақылап отыруы керек.
Жарнама коммуникациялардың шығынды және тиімді әдісі болып табылады. Соған орай жарнамаға деген төлем көп уақытта қымбат болып келеді. Белгілі бағдарламаларды кешкі уақытта миллиондаған телекөрермендер көреді. Мың үй шаруашылығына кеткен АҚШ-да 2-ден 10 долларға дейін жетеді. Жарнама- ірі аудиторияға жетудің тиімді әдісі болып табылады.
Жарнама тауар мен қызметтің имиджін жасаушы болып та құрылуы мүмкін. Мұндай әдіс онша да танымал емес компаниялардың тауары мен қызметіне тиімді. Мысалы, көптеген тұтынушылар сағыздың, сыраның және темекінің маркасын бір-бірінен ажырата алмайды. Ал имидж немесе психологиялық ассоциация, тұтынушыларға жасалған маркаолардың шешім қабылдауына тікелей әсер ететін жағдай. Мальборо темекісі - өнім мысалы, жарнамалық компанияның нәтижесінде нарықтық лидер болды. Бұл жарнамалық кампания марканың еркектік имиджін қалыптастырады.
Жарнама маркалық актив (brand equiby) туғыза алады. Маркалық актив анық емес активтің әртүрлілігі болуы мүмкін, оған қосымша басқа да құндылықтар қосылады.

Жарнаманың кемшілігі

Жарнамада өндіру және орналастыру шығындары жоғары болуы мүмкін. Теледидарлық жарнаманы барлық компаниялар жүргізе алмайды. АҚШ-та отыз секундтық жарнамалық роликтің бағасы 200 мың долларды құрайды. Ал Рессейлік телебағдарлама «Поле чудесте» 1998 жылы бір минуттық жарнама 25 мың доллар тұратын.
Тікелей кері байланыстың болмауы. Бұл жарнама берушінің бағасын қиындата түседі. Мақсатты нарық хабарды кең көлемде қабылдады ма, жоқ па оны біле алмайды.
Жарнамаға толық сенімділіктің болмауы. Тұтынушылар жарнаманы адамдарды қандай да жағдайда сендіру және ой-пікірді байлау деп ойлайды.

Жеке сатулар (паблисити)

Жеке сатулар (паблисити) дегеніміз өнімді өткізуге бағытталған ауызша таныстыру. Бір немесе бірнеше перспективті тұтынушылармен жүргізіледі. Жеке сатулар - «персона-персона» формасы. Мұнда сатушы мүмкін тұтынушыларға белгілі бір тауарды сатып алуға көмектеседі, яғни өз ойын ұсынады. Жеке сатудың маркетингтен айырмашылығы: жеке сатуда жеке контакт болады, яғни персоналды коммуникация. Тікелей маркетинг жеке емес коммуникация түрінде де болады. Мысалы, тележарнамадағы тікелей жауап (экранда немесе хабарландандыруда координаталар жазылады - телефон, адрес) . Интернет-магазин, мысалы, Amazon. com (Интернеттегі адресі- www. amazon. com) жеке коммуникациялар элементі мен тікелей сатулар бірігеді. Потенциалды тұтынушы өзі индивидуалды түрде өнімді іздеп, өзіне қажетті ақпаратты тауып ала алады. Осылай, тұтынушымен индивидуалды жұмыс жүргізіледі.

Жеке сатулардың артықшылығы

Сатушы мен сатып алушының арасындағы контактінің болуы (ол жарнамада жоқ) . Бетпе-бет немесе телекоммуникациялар (телефон) арқылы болуы да мүмкін.
Таныстырудың тиімділігіне сатушы сол арада баға бере алады. Егер де жағымсыз реакция туса, сатушы оны модификациялау мүмкіндігі бар.
Арнаулы нарыққа және тұтынушының түрлеріне бағдарлана алу мүмкіндігі.

Жеке сатулардың кемшіліктері

Контактінің қымбатқа түсуі. Келесідей шығындар болуы мүмкін: сатушыны оқыту, оның жалақысы, транспорттық және командировкалық шығындары. АҚШ - та мұндай жеке сатудың орташа шығыны 300 долларды құрайды. Паблисити арқылы ірі аудиторияларға қол жеткізу қымбатқа түседі.
Аудиторияны қамтудың шектеулілігі. Жеке сатулардың қымбаттығы үлкен көлемді аудиторияны қамти алмайды.
Көптеген адамдар хабарламаны нақты және бірдей жеткізе алмайды.

Тиімді сату

Тиімді сату- сатушыларға, таратушыларға немесе соңғы тұтынушыларға қосымша ынта көрсету.

Тиімді сату (sales promotion) - жылжытудың (promotion) құрамдас бөлігі. Тиімді сату негізгі екі категорияға бөлінеді-соңғы тұтынушыларға және сатушыларға бағытталған. Соңғы тұтынушыларға бағытталған өнім немесе қызмет бірнеше құралдардан тұрады. Мысалы: купондар, марапаттаулар, жарыстар, лотереялар және сауда нүктесіндегі әртүрлі материалдар. Сатушыларға бағытталған өткізу әдісі маркетингтік делдалдарға арналған. Олар: көтерме сауда орындары, дистрибьюторлар, бөлшек сауда фирманың тауарын сатып алғаны үшін ынталандыру шараларын көрсетеді. Мұндай әдістерге мыналарды жатқызуға болады: төмен баға (promotional allowances-сатушының өндіруші тауарын жарнамалауы, тауарды тақтада дұрыс орналастыруы) және тауарға деген жеңілдіктер (merchandising allowances-сатып алынған тауардың көлеміне байланысты. Мысалы, әрбір 11-ші пицца тегін акциясы), жарыстар және сатушылық көрмелер.

Тиімді сатудың артықшылықтары

Компанияның өнімін тиімді сатуда делдалдар мен сатушылардың жұмысын ынталандырады
Тұтынушының тез арада сауда жасауын ынталандырады, мысалы: купондар, бағасын жеңілдету, лотереялар мен жарыстарды ұйымдастыру тұтынушылардың тауар немесе қызметке деген қызығужылығын туғызады және жарнамаға деген қызығушылық туғызады.
Бағасына сезімтал тұтынушылар үшін сатуды қамтамасыз етеді, оларға купон немесе жеңілдіктер береді.

Сатуды жылжытудың кемшіліктері

Нәтиженің көп уақытқа созылмауы
Ынталандырудың өте көп түрлері тұтынушылардың қабылдауын толығымен жаулап алады (лотерея, жарыс, купондар)

Біздің көріп отырғанымыз бойынша маркетингтік коммуникациялардың әрбір негізгі әдістерінің артықшылығы және кемшілігі бар. Жоғары дәрежедегі нәтижеге жету үшін олардың артықшылықтарын кеңінен қолдануымыз керек. Сондықтан паблик рилейшнз, жарнама, жеке сатулар және тиімді сатулар маркетингтік коммуникация кешеніне кіруі керек. Мұндай жағдайда: коммуникация әдісінің дұрыс пропорциясын анықтайды, уақыт және кеңістіктікте дұрыс орналастыру, олардың арасында ұйымның қаржылық, материалдық және адамдық ресурстарын дұрыс бөлу. Сонымен қатар ұйымның сыртқы және ішкі, көлденең және тік коммуникацияларын дұрыс интерпретациялау, маркетингтік-коммуникациялық кешенін жасау тиімді сатудың мақсатын анықтаумен байланысты.

Бұқарамен мен маркетингтің өзара байланысы.

Бұл тарауда біз РR мен маркентинг арасындағы байланыстың шекараларын анықтауымыз қажет. Бұл екі қызмет түрі қоғамменен, сыртқы ортаменен коммуникация жасаудың жолдары болып табылады. Соңғы 10-15 жылдар ішінде РR мен маркетинг мәнді айырмашылықтар туралы ғалымдар арасында қызу талас туып отыр.

Мәселен Котлер бұл екі аталған қызмет түрлерін бір - біріне қарсы қоймай, керісінше оларды корпоративтік одақтар ретінде қабылдау керек екендігін айтады. Бұл пікірді Дж. Китчен де қолдайды. Ол РR мен маркетинг арасындағы ұқсастықтарды айта келе олардың бизнес - ұйымдарда атқаратын өз қызмет салалары бар екендігін атап көрсетеді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.