Әуетасымалдаудың тарихы және оның қазіргі туризмдегі ролі

Пән: Транспорт
Жұмыс түрі: Дипломдық жұмыс
Тегін: Антиплагиат
Көлемі: 67 бет
Таңдаулыға:

«Әуетасымалдаудың тарихы және оның қазіргі туризмдегі ролі»

1 Әуетасымалдаудың тарихы және оның қазіргі туризмдегі ролі . . . 3

1. 1 Азаматтық авиацияның даму тарихы . . . 4

1. 2 Көлік саяхатын топтастыру мен жобалау . . . 11

1. 3 Тасымалдау түрлерінің тиімділігін салыстыру . . . 16

1. 4 Әуе тасымалдауларын ұйымдастыру . . . 19

1. 5 Құқық аспектілері . . . 27

2 ӘУЕ КӨЛІГІНІҢ ХАЛЫҚАРАЛЫҚ ТУРИЗМДЕГІ МӘНІ . . . 48

2. 1 Әуе тасымалдауларының дүние жүзіндегі жағдайы, тенденциялары . . . 48

2. 2 Халықаралық тасымалдады реттеуші ұйымдар . . . 51

2. 3 Әлемдегі әуе компаниялар . . . 59

3 ҚАЗАҚСТАН РЕСПУБЛИКАСЫНЫҢ ӘУЕ НАРЫҒЫ . . . 69

3. 1 Көлік жүйесінің жағдайы, туризм үшін мүмкіндіктері . . . 69

3. 2. Қазақстандағы әуе нарығы75

3. 3 Әуе көлігінің қазіргі жағдайы. «Эйр Астана» әуе компания қызметінің жалпы сипаттамасы . . . 77

3. 4 «Эйр Астана» әуе компаниясының негізгі бағыттары…… . . . 86

3. 5 «Эйр Астана» әуе компания қызметінің мәселелері мен болашағы………92

ҚОРЫТЫНДЫ . . . 101

ПАЙДАЛАНҒАН ӘДЕБИЕТТЕР . . . 103

Кіріспе

Адамзат тарихында әуе тасымалдау тәсілдерінің пайда болуы, оның дамуы және саяхатта қолданылуы, туризмнің әдістері мен тәсілдерін тамырынан өзгертті. Бұл туризмнің дамуына үлкен серпіліс берді және туристік құрылымның кірісіне, әсіресе трансұлттық тасымалдау және туризмнің көпшілік түрінің дамуына, саяхаттар географиясының және туристік ағымдардың құрылымының өзгеруіне әкеп соқты. Туризмнің дамуы бос уақыттың болуымен байланысты сондықтан, неғұрлым турист демалу орнына тез жетсе, соғұрлым оның рекреациялық демалысқа уақыты көп жетеді. Әсіресе туристік бизнес саяхатта әуе тасымалдаудың ролі ерекше. Сондықтан да әуе көлігінің даму тарихын, оның қазіргі таңда халықаралық туризмде алатын орнын зерттеу таңдалған тақырыптың өзектілігі болып табылады.

Тақырыбтың зерттеу мақсаты халықаралық әуе нарығы жұмысын (соның ішінде Қазақстанның) және келешектегі даму перспективалары мен болашақ технологиялардың негізгі тенденцияларын анализдеу болып табылады. Жұмыстың міндеті:

Әуе нарығының қазіргі жағдайын талдау
Әуе көлігінің халықаралық туризмде алатын орнын анықтау
Жүргізілген кешенді сараптама мен негізгі тенденцияларын анықтау арқылы Қазақстандағы әуе нарығының даму перспективаларын анықтау.

Негізгі мақсаттардың орындалуы басты міндеттердің орындалуымен жүзеге асырылды - негізгі публикациялардың анализі, бұл саладағы ғылыми зерттеулер мен бақылаулар. Сонымен қатар бұл салада ең танымал ұйымдар: ІАТА(Халықаралық әуе көлігі ассоцияциясы), ІСАО(Халықаралық азаматтық авиация ұйымы), АСІ(Халықаралық аэропорттар кеңесі) және Boeing компаниясының статитсикалық бөлімшесінің қазіргі заманғы статистикалық мәліметтері мен анализдері қолданылды. Сонымен бірге қазіргі заманғы нарық пен әуебизнесіндегі әуе компания әріптестерін жүйелеу мен жүйелік бейнелеу әдісі қолданылды.

Келешекте әуе тасымалдау туристік саяхатта алғашқы орынды алып, бұл көлік түрі көптеген саяхатшыларға қолжетерлік болады деген болжам бар. Сол себепті зерттеу обьектісі ретінде әуетасымалдау және оның туризмдегі ролі тақырыбы алынды. Зерттеу обьектісінің бүгінгі таңдағы өзектілігі, қазіргі кездегі әуе көлігінің басқа көлік түрлерінен әлде қайда алдынғы орында болып тұрғандығы. Әуе көлігін пайдалана отырып (әсіресе тікұшақ пен шағын самолеттер) қиын жететін, экзотикалық және адам баспаған жерлерге жетуге болады.

Жұмыста келесідей тәсілдер қолданылды: ақпаратты жинау мен жүйелеу тәсілі, ғылыми ізденістік, әдеби көздермен танысу, туристік, экскурсиялық құрылымдардың мақсаттарымен танысу. Дипломдық жұмыстың теориялық базасы шетел, ресей және қазақстандық ғалымдары Биржаков М. Б, Ильина Е. Н, Гуляев В. Г еңбектері негізінде жасалды. Сонымен қатар, жұмыста Қазақстан Республикасының Ұлттық статистика агенттігінің және зерттеліп жатқан сұрақтарға байланысты жарыққа шыққан еңбектер мен баспасөз мәліметтері, интернет сайттар қолданылды.

Алынған мәліметтерді жүйелеу нәтижесінде әуе нарығын кешенді сараптауға мүмкіндік берді.

1. Әуе тасымалдау тарихы және оның қазіргі замандағы туризмдегі ролі

Азаматтық авиацияның даму тарихы

«Самолет» сөзі алғаш рет қанатты машиналардың пайда болуынан бұрын, көне ертегілерде туды. Осыдан адамның ұшуға деген арманы пайда болды. Біздің заманда бұл арман орындалды. Көгілдір аспанда ТУ-лар, ИЛ-дер, АН-дар, ЯК-тар ұшып жатыр. Жыл сайын олар он мындаған миллион жолаушыларды тасымалдайды, олардың әрқайсысына комфорт пен жақсы көңіл күй ойластырылған.

Бірінші адамның қолынан жасалған ұшу аппараты, қытай ауа жыланы (б. з. д VІ ғ) болды. Бірақ ол құс секілді ұша алмады, ол тек бір орында тіреліп тұрды. Уақыт өте келе адамды көтеру мақсатымен, ауа жыландарын едәуір үлкен етіп жасай бастады. Өкінішке орай аспанға көтерілген алғашқы адамның есімі әлі күнге дейін белгісіз, өйткені қытайлықтар бұл тәжірибилерді қылмыскерлер мен тұтқындарға жасады. [2] .

Физика мен Химияның XVII ғасырда дамуы, атмосфералық ауаның құрамын және оның қайнағанда тығыздығының кішірейгенін табуына мүмкіндік берді. Бұл қасиетті тұңғыш португал имамы Бартоломео де Гусман пратикада қолданды. Ол кішігірім қағаз қабыршағын ойластырып, оның астына қабыршақты ысытатын, жанар материалы бар кесені іліп қойды. 1709 жылы 8 тамызда Гусман португал патшасына өзінің ойластырғанын көрсетті. Әлемдегі тұңғыш ауа шары бірнеше ұшуларды жасады. Бірақ құрылыстың жетілмегені және инквизиция жағынан қудалау қаупі, кейінгі тәжірибилерді тоқтатуға мәжбүр етті.

Адамның алғаш аспанға ұшуы 1783 жылы 15 қазанда жасалды. Пилотсыз үш ұшулардан кейін 1783 жылдың жаз айында париждік Пилатр де Розье 26 метр биіктікке көтеріліп, ауада 4 минут 30 секунд болды. Бірақ бұл уақытта шар байланып тұрған.

Дүниежүзіндегі алғашқы нағыз пилотты ұшу 1783 жылы 21 қарашада өткізілді. Де Розье және маркиз д`Арланд монгольфьермен Ла Мюетт қамалындағы бақтан 450 метр биіктікке көтеріліп, 9 километр қашықтықты ұшып өтіп, Бутте-о-Калле кентінің жанында отырды. Бірінші аспанға ұшу 25 минутқа созылды.

1784 жылдан бастап, Еуропада баллономания басталады. Монгольфьерлер мен шарльерлердің жаңашаланған түрлері бүкіл Еуропада пайда болады. Олар одан әрі ұзағырақ және одан әрі алысқа ұшады. 1785 жылы француз ауа кезуші Жан-Пьер Бланшар американдық Джон Джеффрисонмен бірге Англиядан Францияға дейін, алғаш рет Ла-Маншты кезіп өтеді. Бірақ осындай үздік көрсеткіш болса да, бұл әуе саяхаттау амалы бола алмады. Шарлар ұшқанымен, олар саяхаттаушылардың қалаған жерлеріне бара алмады, тек қана желдің соққан жеріне ғана ұшты. XIX ғасырда адмадар шармен тек спорадически қолданылды. Оған қарамастан жаңа жетістіктер, мысалы Сен-Луистен (Миссури) Хендерсонға (Нью-Йорк) дейін 1800 км алыс сапары жасалды. Оны Уайс, Ла Монтэн және Гейджердің экипажы 1859 жылы 2 шілдеде орындады. Сонымен қатар биіктікке ұшудың үздік көрсеткіштері белгіленді. Сол ғасырдың ең үлкен жетістігі ретінде неміс ғалымы Берсонның PHOENIX баллонында 1894 жылғы 4желтоқсанда 9155 метр қашықтыққа аспанға көтерілу болды.

1804 жылы планердің бірінші моделі жасақталды. Бүкіл Еуропа баллономанияға көңіл бөлсе, бұл кезде ағылшын Джордж Кейли әуе кеңістігіне көтерілудің басқа жолдарын іздестіре бастады. Ол үлкен құстардың аспандағы самғауын бақылап, қозғалмалы қанатты ұшу аппарратын ойлап табуға болатынын тапқан. Кейлидің бірінші планері 18-27 метрге ғана көтерілсе де, аппараттың қанаты едәуір көтерілу күшін құрды. [3] .

Әлемдегі алғашқы әуекомпания Aerial Steam Carriage Company 1843 жылы 24 сәуірде Ұлыбританияда құрылды. Бірақ бұл соқыр тәуекел ғана болды, өйткені ұшу құралдары болған жоқ. Уильям Хенсонның тек Кейли планерлеріне ұқсас, істелінбеген бу двигательдері мен ұшақ проектісі болды. Бұл машина ауаға көтеріле алмаушы еді. Британдық үкіметтің үлестіріп берген ақшасын құртып, ұшақты жасамай, Хенсон 1847 жылы АҚШ - қа қашты. [2] .

1850-1860 жылдары бірнеше онметрлік қысқа ұшуларды жасайтын, одан сайын жаңа планеристер пайда болды. Планерлердің өзерінің құрылыс одан сайын жақсара берді. Бір мезгілде ықшам бу двигательдері пайда бола бастады. Бұл француз теңізшісі Феликс дю Тампльге бірінші ұшақты құрасытруға мүмкіндік берді. Бірақ бу двигателінің аз қуаты 4 а. к және аппараттың үлкен салмағы 260 кг, оған жерден көтеріліп кетуге мүмкіндік берген жоқ. Сонымен XIX ғасырдың соңына дейін бу двигателі бар, жарамды ұшақтарды жарата алған жоқ. Бірақ 1858 жылдан бастап резеңке моторлы кішігірім ұшақ модельдері ұша бастады.

Іштен тұтанатын двигателмен бірінші дирижабль неміс Карл Вёлфертпен 1888 жылы 12 тамызда жасалды. Аппаратта бірцилиндрлі автомобильдік Daimler 2 ат күшіне шағылған тежегіш күші орнатылған.

XIX ғасырдың соңғы онжылдықтарында планерлер одан сайын жеңіл және берік бола бастады. Көптеген елдерден планеристер одан сайын алыс қашықтыққа басқарылатын ұшулар жасады.

Іштен тұтанатын жаңа двигатель бұрынғыларға қарағанда, одан сайын жеңіл және берік болды, бұл авиаторларға жаңа үміт берді. Бірінші болып жаңа қозғауышты өзінің ұшағына Австро-Венгрияда тұратын неміс Вильгельм Кресс қолданды. Оның сұранысы бойынша 30 ат күшіне шағылған тежегіш күші бар двигатель Daimler фирмасы құрастырды. 1901 жылы 3 қазанда Кресс Тулнербахер көлінің үстінен көтерілуге тырысты, бірақ көтеріле бастағанда апатқа ұшырады.

Американдықтар Уилбур мен Орвилл Райттар 1902-1903 жылдары өзіндік құрылысы бар қозғауышпен (12 ат күшіне шағылған тежегіш күші) Flyer ұшағын құрастырады. 14 желтоқсанда басталған Китти-Хок кентінің құм төбелерінен, Орвилл Райт ұзақтығы 3, 5 секунд және қашықтығы 32 метрге созылған алғаш тіркелеген ұшуын жасады. Жақын арада оның жетістіктері одан сайын жақсарды 1904 жылы Flyer-2, 4 километр қашықтыққа, Flyer-3, 1905 жылы дерлік 35 километрге, ұшу ұзақтығы жарты сағатқа дейін созылды. Райт ағайындылардың аппараты ұшуларды жүйелі жасауға мүмкіндік берді. Содан бері 1903 жыл 14 желтоқсан авиацияның басталу дәуірі болып табылады.

1906 жылы 23 қазанда бразилиандық Альберто Сантос-Дюмон өзінің құрастырған Santos-Dumont - 14 bis атты аппаратымен Еуропаның Париж қаласында, қашықтығы 60 метрге жалғасқан бірінші ұшуын жасады. 1907 жылы 28 ақпанда европалықтардан бірінші болып Шарль Вуазен «Voisin Delegrange-1» ұшағымен ауаға көтерілді.

Әлемдегі алғашқы жолаушысы бар ұшуды Уилбур Райт өзінің жаңа Wright-A ұшағында Чарльз Фернас деген кісімен 1908 жылы 14 мамырда жасаған. Китти-Хокта бұл ұшу 29 секундқа жалғасса да, Фернасқа әлемдегі алғашқы жолушы болу жеткізілді.

1908 жылы 30 қазанда Анри Фарман «Voisin-Farman-1 bis» ұшағымен Шалона қаласынан Реймс қаласына дейін (қашықтығы 27, 3 км., ұзақтығы 20 минут) бірінші болып қала арасында ұшқан. 1908 жылдың соңғы күнінде Уилбур Райт алғашқы рет ұшақ үшін қашықтығы 100-километрлік тосқауылды жеңді. Бұл европалық гастрольдерінің бірі Камп д`Овор (Франция) қаласында болған. Райттың ұшағы 2 сағат 20 минут 23 секунд аралығында тұйық маршрутта ұшқан.

1909 жылы Шеппи (Великобритания) аралында бірінші Шеллбич атты әуежай салынған. Оның ұшу алаңы, ұшаққа арналған тұрақ және қызмет ету жүйесі болды. Бұл ермек ойынның бастамашысы болып Британдық аэроклуб және Shorts Brothers фирмасы болды. Ал 1909 жылы 25 шілдеде ұшақ алғаш рет Ла-Маншты кезіп өтті. Ла-Маншты ауадан ауыр аппаратпен кезуі, тура осындай ауа шарының кезуінен анағұрлым беделді оқиға болды. Бұл жалпы авиацияның дамуына және жеке әуе көлігінің дамуына үлкен серпіліс берді.

Сол күннің ішінде Одессада голландтық ван ден Шкроф Ресейге «Voisin» ұшағымен алғашқы ұшуын ұйымдастырды. Орыстардан бірінші болып өз отанында Михаил Никифорович Ефимов ұшты. Бұл 1910 жылы 8 наурызда тағы да Одессада болып өтті. Бірінші орыс конструкциясының ұшағы - Кудашев-1 1910 жылы 23 мамырда Киевте ұшты. Оны ауаға көтерген конструктор, инженер-теміржолшы Александр Сергеевич Кудашев болған. [2] .

Бірінші жолаушы тасымалдау қызметін 1910 жылы Германия қалалары арасында жолаушы әуехабарын қолдаған және орнатқан "Цеппелин" болды. Бірінші тұрақты кестесі бар жолаушы әуе тасымалы 1914 жылы АҚШ-та тіркелді. [4] .

Бөлек әуетасымалдаулар Үндістанда, Еуропада және АҚШ-та бірінші дүниежүзілік соғыс алдында орын алған. Бірақ тұрақты әуетасымалдау қызметтері соғыс аяқталғанда енгізілді, ал оның алдында ұшақтар әскери және эксперименталды мақсаттарда қолданылды. 1918 жылы АҚШ-тың Пошта Департаменті бірінші бүкіламерикандық тұрақты кестесі бар әуерейстерін енгізген, оның есесінде ұшақтар мен пилоттар Әскери Департаментпен берілді. Ұшқыш және әскер адам ұғымы сол кездері синоним болып есептелген.

ХХ ғасырдың ортасына қарай АҚШ-тың батыс және шығыс жағалаулары арасында, сол кездері тұрақты жолаушы әуетасымалдары жасалған. Түнгі ұшулар кезінде ұшқыштар ұшу маршруттарында орналасқан жерасты станциялардың жыпылақ оттары арқылы бағдарлаған. 1925 жылы қабылданған пошта әуетасымалына тиісті Акт бойынша, (АҚШ-та белгілі "Акт Келли"), жеке әуежелілер контракт негізінде пошталық жіберулерді жеткізуді ашық бірмоторлы ұшақтарда бастаған.

1926 жылғы басқа федералдық заң «әуекомерциясы туралы» Актта аэрорпорттар желісінің дамуы үшін үкіметтік агенттіктер, радионавигация және жолаушы әуекөлігімен байланысты басқа салалардың құрылуына көмектескен. Бірақ бірнеше тәуелсіз әуекомпаниялар жолаушы тасымалын былтырғы жүзжылдықтың 20жылдардың басында бастаса да, олардың ешқайсысы да беделді коммерциялық жетістікреге жетпей, нарықта тұрақтай алған жоқ.

1925 жылғы қарастырылған Акт бойынша субсидиялар ғана, «American», "Американдық Әуежелілер", "Дельта", United - "Біріккен Әуежелілер" секілді, кейбір әуежелілер ғана олардың қызметтерінде табыс әкеле алды. Аталған әуежелілер жақын арада жабық кабиналы (бір уақытта 15 жолаушыны тасымалдай алатын "Форд-Тримотор" секілді) мықты ұшақтармен жібере бастады. Еуропада көптеген үкіметтер әуежелілердің аумақты желісін дамытты. Бірақ ерте «пошталық» әуемаршруттар, американдық тәулік бойғы жеткізулерден гөрі жеңіліс тапты. Еуропалық жолаушы тасмалдаулар уақыт өте келе, мұхиттың арғы жағынан гөрі кәміл бола бастады.

1919 жылы Лондонмен Париж арасындағы бірінші күнделікті жолаушы әуерейстері жұмыс істей бастады, ал 1929 жылы "Империялық Авиахабарлар" британдық әуекомпаниясы коммерциялық маршрутпен Үндістанға жібере бастады.

Осыдан кейін бірнеше жылдар аралығында басқа да еуропалық мемлекеттер поштаны, жүкті, жолаушыларды алыс мемлекеттер мен колонноларға құрамды тасымалдарды жүзеге асыратын болған. Авиация дәуірі 1919 жыл мен Екінші Дүниежүзілік Соғыс (1939) аралығында ауа- райын болжауда, навигациялық жабдықтарда, аэродинамиканы зерттеуде және новаторлық менеджментте біршама жетістіктер мен табыстарды енгізді.

Осы барлық үрдістердің бейнесі болып, 1930 жылдардағы әуекомпаниялардың металдардан салынған және одан әрі берік және эффективті моторлармен, пропеллерлермен, қонуға арналған жабдықтармен және басқа да кемелденулер ұшаққа деген әуекомпаниялардың сұранысын көтертті. Әйгілі «Империя» типті мықты «ауа кемелері» Екінші Дүниежүзілік соғысқа дейін туризмнің дамуында аса елеулі роль атқарған жоқ. Ұшақтар өте кішкентай, билеттер өте қымбат, ұшақтың өздері де жетісіп тұрмаған немесе қауіпті саяхат болған. Жолаушы әуе тасымалдары негізінен ірі кәсіпкерлер мен шенеуніктердің келуімен шектелген. Екінші Дүниежүзілік соғыс барысында әуе көлігі халықаралық жолаушы тасымалдау жүйесінде өзінің орнын мықты қылып алған.

Соғыстан кейін қолданысқа борандар мен турбулентті ауа ағындарына төтеп бере алатын толық гермитизделген кабиналар мен жақсы жабдықталған жаңа төртмоторлы модельдер енгізілді. Индивидуалды пакет негізіндегі міндетті атрибуттар біртіндеп екінші планға шыға бастады.

Жаңа ұшақтар әуетасымалдары тұтынушыларға одан әрі экономды және әуе желілердің өзіне ұтымды жағдай жасады. Екіншісі өте маңызды болды, өйткені оның алдында әуекомпаниялар таза табыс сирек ала алды, сонымен қатар мемлекеттік дотациялардан тәуелді болды.

1. 2 Көлік саяхаттарын топтастыру мен жобалау

Қазіргі уақытта көлік саяхаттары туризмнің жеке бір түріне айналды. Жалпы айтқанда көлік саяхаттары - бұл алдын-ала құрастырылған маршрут бойынша жолдамасы бар ұйымдастырылған туристердің көлікті пайдалану мен түрлі қызметтер көрсету (тамақтану, орналасу, экскурсиялық және т. б. ) арқылы саяхаттары.

Көлік саяхаттарының топтастырылуында негізгі мінездемелерінің бірі - маршрут типі. Туризмде қозғалудың әуе, жер, су және аралас түрлері пайдаланады. Жер көлігі өз кезегінде темір жол және автомобильді, ал су - теңіз және өзен болып бөлінеді.

Көлік түрлері моторлы және моторсыз бола алады. Моторлы түріне поезд, ұшақтар, автобустар, теплоходтар, мотоциклдер және т. б. жатады. Қозғалудың моторсыз түрлеріне техникалық жабдықтар жатады: қайық, велосипед, дельтаплан және т. б., сонымен қатар жануарлар да жатады.

Маусымдық көлік түріне және аймақтың табиғи-климаттық жағдайына байланысты. Әсіресе көліктің навигациялық периодқа байланысты су түрлері маусымды болып табылады. Турфирмалар тәжірибесінде көлікті негізінен бірретті тапсырыс бойынша пайдаланады.

Трассаның құрылуы бойынша маршруттар сызықтық (бірінші нүктеден екінші нүктеге), сақиналы (маршруттың нүктелері бойынша басталған нүкте- ден басқа пунктер арқылы қозғалу), радиалды (бір пунктен бірнеше түрлі нүктелерге бару), аралас (бұған әр түрлі құрылысты трассалар кіреді) болады.

Саяхаттың ұзақтығы бойынша ұзақ және қысқа мерзімді болып бөлінеді. Қысқа мерзімді саяхаттарға «демалыс күндік сапарлар» жатады. Өкінішке орай олардың үлесі қазіргі уақытта қысқарды. Бұл өте қанық және арнайы демалысты алуды керек етпейтін саяхаттар. Ұзақ мерзімді саяхаттар демалыс, емделу, терең танымдық, т. б. мақсаттар үшін арналған.

Меншік түріне байланысты маршрутта жалдамалы, мамандандырылған, жеке және жалпыға арналған (демек, графиктік) көлік болып бөлінеді.

Әрине, автобус, әуе және темір жол саяхаттары ең әйгілі, ең жиі қолданатын саяхаттар болып табылады (көлік саяхаттарының жалпы көлемінің 90 %) .

Өзінің саяхатын жоспарлағанда, турист баратын жеріне жету жылдамдығы, саяхат жайлылығы, бағасы, жүкті тасымалдау мүмкіндігі мен оның салмағы, тамақтану жағдайы, шу мен сілкініс деңгейі, ұйықтау мен демалу жағдайы, сапар барысындағы кең шолу мүмкіндігі, зиянды экологиялық факторлардың болуы, қауіпсіздік сияқты факторларды ескереді.

Таблица 1. Көліктің негізгі түрлерінің халықаралық туристік саяхаттардағы тартымдылығы (10- балдық рейтинг бойынша) [1]

Бағалау критерийлері

Көлік түрлері

өзен кемесі

теңіз кемесі

темір жол

автобустар

жеңіл автом.

ұшақ

Бағалау критерийлері: Қозғалу қауіпсіздігі

Көлік түрлері: 7

Бағалау критерийлері: Экологиялық қауіпсіздік

Көлік түрлері: 6

Бағалау критерийлері: Тасымалдау ақысы

Көлік түрлері: 8

Бағалау критерийлері: Жылдамдығы

Көлік түрлері: 1

Бағалау критерийлері: Туристтің қалауы бойынша жол бойында тоқтау мүмкіндігі

Көлік түрлері: 2

Бағалау критерийлері: Жолда ұзақ өмірлік қамсыздандыру мүмкіндігі

Көлік түрлері: 8

Бағалау критерийлері: Сыйымдылық

Көлік түрлері: 7

Бағалау критерийлері: Капиталды шығындар

Көлік түрлері: 2

Бағалау критерийлері: Жайлылық деңгейі

Көлік түрлері: 8

Бағалау критерийлері: Мобилділік

Көлік түрлері: 1

Бағалау критерийлері: Барлығы

Көлік түрлері: 50

Осыдан, көлік түрлерінің рейтингі онша ерекшеленбейтіні көрінеді. Мұнда анықтаушы негізгі рольді қарама-қарсы факторлар ойнайды (бағасы, капиталды шығындар, эксплуатациялық жылдамдығы, сыйымдылығы және т. б. )

Приоритет бойынша, бұл талаптар келесідей бөлінеді: саяхат қауіпсіздігі; бағасы және түрлі жеңілдіктердің бар болуы; ыңғайлылық; әкелу жылдамдығы; т. б. факторлар. Әрине, оңды факторлар көбірек болғанда, көлік саяхатының бағасы да жоғары болады. Бірақ ешбір көлік түрі барлық талаптарға жауап бермейді.

Туристік кәсіпорындардың қызметкерлері көлік ұйымдарының негізгі міндеттерін білу керек:

Жолаушыларды тасымалдау үшін лицензия алу;
Жолаушылардың қауіпсіздігін қамтамассыз ету;
Сертификаты бар көлік түрін ұсыну;
Қызмет көрсетудің жоғары сапасымен қамтамасыз ету (өз уақытында қызмет көрсету, тазалық, әдептілік, т. б. ) .

Көлік қызметін көрсетумен байланысты құқық негіздерін білу туризм мамандарына өзара пайдалы келісім жасауға және саяхат маршрутын дұрыс құрастыруға мүмкіндік береді.

Қазіргі кезде туристік саяхаттарды жобалаушылар үшін маршруттың көптеген ерекшеліктерін ескеретін технологиялық карта құрастырылады. Оған келесі пункттер кіреді:

1) Маршруттың негізгі көрсеткіштері: түрі; қиындық категориясы; ұзындығы(км) (оның ішінде қозғалыстың активті түрлерімен) ; саяхат ұзақтығы(тәулік) ; туристік топтардың саны; топтағы туристердің саны; маршрут бойынша жалпы туристер саны; қызмет көрсету күндерінің саны; бірінші топқа қызмет көрсетудің соңы; жолдаманың бағасы; 1 айдағы туристердің саны, туристік топтардың ай бойынша келу графигі; 1айдағы топтар саны; туристік кәсіпорындарының мекен-жайы(одан саяхат басталады) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.