Абдрахманов Сауытбектің аударма саласына сіңірген еңбегі

Абдрахманов Сауытбек 1951 жылы 7 қарашада Оңтүстік Қазақстан облысы Қазығұрт ауданында дүниеге келген. 1975 жылы ҚазМУ-нің журналистика факультетін бітірген.
1975-1987 жылы «Социолистік Қазақстан» газетінде тілші, бөлім меңгерушісі, редакциялық алқа мүшесі болып қызмет атқарады. 1987-1995 жылдары ҚазКП Орталық комитетінде нұсқаушы, мәдениет секторының меңгерушісі, ҚР Президентінің және Минстрлер кабинеті аппаратында Ішкі саясат бөлімі меңгерушісінің орынбасары, 1-орынбасарының қызметін атқарды. 1995-1997 жылдары Мәдениет минстрінің орынбасары, 1997-2000 жылдары «Қазақ телевизиясы мен радиосы» республикалық корпорациясының 1-вице-президенті, 2000-03 жылдары «Егемен Қазақстан» республикалық газеті ашық акционерлік қоғамының президенті болды.
2003-04 жылдары ҚР Ақпарат минстрі болды. «Біздің Пушкин», «Тәуелсіздік шежіресі», «Азамат күнтізбесі», «Елдік сыны» кітаптарының, «Париж. Юнеско. Әуезов», «Қажылық», «Ертегілер елінде екі күн», «Мадридтегі мереке», «Мәңгілік мұрат», «Армысың, Астана», «Биіктік» фильмдерінің авторы.
Қырыққа жуық көркем фильмді қазақшалап, В.Солоухиннің, Д.Коволевскидің шығармаларын, арабтың Бейбарыс султан туралы халық романын аударды.
«ХХ ғасыр жырлайды» атты қазақ поэзиясы антологиясының құрастырушы авторы. Қазақ әдебиет және фольклорінің дәстүрінде А.С.Пушкиннің «Евгени Онегин» романының алатын орны, поэзия аударудың эволюциялық жолы, суретші Орал Тансықбаев шығармалары туралы зерттеудің иесі.
Аударма адам баласымен қатар жасасып келеді. Ежелгі Римдіктер мәдени даму жағынан өздерінен бір саты жоғары тұрған көне Греция даналарынан көп үйренген. Ол кезде мұның өзі таза лингвистикалық қарым-қатынастың аясынан асып, белгілі бір дәрежеде идеологиялық сипатқа ауысқан-ды.
Пушкин «Мильтон және «Жоғалған жұмақтың» Шатобриян жасаған аудармасы жайында» деген мақаласында: «Өткен ғасырда жарық көрген аударма кітаптардың арасында «Біз білімге қанық француз оқырмандарының нәзік талғамын жәбірлейтіндей жерлерін ашып тастап отырдық, ондағы ойымыз жамиғатқа, сол арқылы өзімізідің авторымызға да жақсылық жасау болатын» деген сыңайда түсіндірмесі жоқ бірден бір алғы сөзді таба алмайтынсыз; «Кім, кімнен, кімнің алдында осылай кешірім сұрады екен дегенді ойласам, таң-тамаша қаласыз! Қалайда халыққа жақын боламын деп жанталасудың мұндайлық топтас түрін көргеніңіз бар ма?» деп ызалана жазған еді.

1. Абдрахманов С. Елдік сыны. Әр жылдардағы жазбалар. – Алматы: «Қазығұрт» баспасы, -2003.-496бет.
2. ХХ ғасыр басындағы Қазақ жазушылары, - Алматы 2003.
3. Абдрахманов С. Өлең аудармасының теориясы мен поэтикасы. –Алматы 2007
4. Егемен Қазақстан газеті.