Өткелдердің құрылысы, мазмұны мен оларды пайдаланудағы қауіпсіздік шаралары

1. Мұздағы өткелдер.
2. Мұздың қалыңдығы мен жүк көтеру шамасын анықтайтын әдіс
3. Тұщы сулы мұздың жүк көтерім кестесі

Мұздағы өткелдерді ұйымдастыру мен эксплуатациялау адамдардың, көліктердің қауіпсіздігін, алып өтіп бара жатқан жүктің сақталуын қамтамасыз етуі қажет.
Өткелдер орны, ашылу және жабылу уақыты, өткелдегі қозғалыс, сонымен қатар жұмыс тәртібі қала, аудан әкімдерімен құрылған комиссия арқылы белгіленеді. Өткел ретінде белгіленген орындар келесі талаптарға жауап беруі тиіс:
- Өткелдер ауданында және маңында кәсіпорындардан шыққан жылы суларды шығару орындары, сонымен бірге жыралар, ойықтар, мұзды оюға болатын аудандар, қауіпті сызаттар мен жарықтар болмауы керек.
- Өткелде ведомстволық құтқару күзеті ұйымдастырылуы тиіс.
- Өткелдерге кіре берісте анық көрініп тұратын өткелдің аты, жұмыс уақыты мен оның құрылысы мен мазмұнына жауап беретін жауапты тұлғаның аты-жөні жазылып ілінуі керек.
- Өткелге кіре берістер жақсы жарықтандырылуы тиіс, мұз жолдар трассасы бір жақты қозғалысты, бір-бірінен 40-50 м арақашықтықта жүруі және міндетті түрде жол белгілері орнатылған болуы тиіс. Жол шекарасы бір-бірінен осьі бойынша 3-5 м қашықтықтағы және 15-20 м қашықтықтағы қадалармен белгіленуі қажет. Қадаларда қызыл жалаушалар бекітіледі.
- Өткелге кіргенде суқойманың екі жағынан арнайы мұз жарылған жағдайда алғашқы көмек көрсетуге арналған қысқы құтқару құралдары: ілгекті бақандар, баспалдақтар, құтқару шеңберлері, «Александров» түйіндері, 5-6 м ұзындықтағы, 120-160 мм диаметрлі 7-8 бөрене, сонымен қатар мұздағы қауіпсіздік ережелері жазылған плакаттар мен парақтар, жақын маңдағы құтқару станциясыны, милицияның, жедел жәрдемнің номері жазылған көрсеткіштер қойылады.
- Көліктің қозғалыс тәртібі мен жүктерді, жолаушыларды тасымалдау нормасы өткел әкімшілігімен мұз жағдайын болжауды, гидрометеоқызметтің ұсынған мұзға түсірілетін максималды жүктемені есепке ала отырып белгіленеді
- Қозғалысқа қауіпті жерлерде қозғалыстың қауіпті екендігін ескертетін арнайы белгілер қойылады.
- Өткелдердің құрылыс мен ұйымдастырылуына жауапты ұйымдар күн сайын таңертең және кешкілік, жылыну байқалған кезде күндіз де мұзды өлшеуге және оның жүк көтерімділігін анықтауға міндетті.
- Мұзды өлшеуді трасс бойы және тереңдігі үлкен, ағысы жылдам жерлердежүргізу керек. Мұздың жібіп және бұзылысқа түспеуі үшін жолдың өтпелі бөлігін қоқыстардан, шөптерден, қар үйінділерінен тазартып, құм мен қиыршық тастар себу қажет.
- Мұздағы құтқару ережелері мен алғашқы медициналық жәрдем көрсетуді жақсы білетін кезекші тағайындап, ведомстволық құтқару күзетінің қол астына жылытылатын орын, қысқы құтқару құралдарын, медициналық дәрі-дәрмек қобдишасын, байланыс құралдарын бөлуі керек.