Еуропа елдерінің салық жүйесі


Пән: Салық
Жұмыс түрі:  Реферат
Тегін:  Антиплагиат
Көлемі: 15 бет
Таңдаулыға:   

Еуропа елдерінің салық жүйесі

Жоспары:

Кіріспе

I ҚР-ның салық жүйесінің даму кезеңдері мен салық жүйесі туралы жалпы түсінік

II Еуропа елдерінің салық жүйесі

2. 1. Германияның салық жүйесі

2. 2. Испанияның салық жүйесі

Қолданылған әдебиеттер тізімі

Кіріспе

Шаруашылық жүргізудің нарықтық типіне өту елімізде он жылдан астам уақыттан бері жүргізіліп келеді. Ресурстардың тиімді түрде бөлінуін қамтамасыз ету және экономикалық қызметтерді мәжбүрлеусіз реттеу сияқты кейбір жетістіктерімен қатар, нарықтық экономиканың өзіндік кемшіліктері де жоқ емес. Еркін нарықтық экономикадағы бәсекелестік ешкімді кедей немесе ауқатты деп бөлмейтін, бейтарап механизм болып табылатындықтан, оның негізінде бөлінген табыстар қоғам үшін қажетсіз теңсіздіктің туындауына әкеледі. Аталған мәселенің алдын алуда жүзеге асырылып жатқан әлеуметтік шараларға қарамастан халықтың әл - ауқаты, өмір сүру деңгейі турасындағы мәселе әлі де болса көкейтесті экономикалық және әлеуметтік мәселе болып келе жатыр.

Сонымен қатар, Қазақстан Республикасының егемендігі , оның әлеуметтік бағдарлы нарықтық қатынастарға бағытталған даму жолына көшуі, мемлекет және қоғам мүддесіне қажетті қаражаттардың мемлекет құзырында орталықтандырылуы, сондай-ақ, өтпелі кезеңдегі экономиканы реттеу барысында пайдаланылатын салық саясатының экономика мен әлеуметтік аяларда өзіне тиеселі орын алуының басты себебіне айналып отыр.

Нарықтық экономика жағдайындағы Қазақстан Республикасында қоғамдағы қандай болмасын процесстерге мемлекеттік әкімшілік жүргізу арқылы тікелей ықпал ету мүмкіндігінің тарыла бастағаны бүгін баршаға аян. Бұл орайда халықаралық өркениетті стандарттар мен нарық талаптарына сай келетін, қоғамдық және мемлекеттік мүдделерге қол жеткізуге жол ашатын әлеуметтік - экономикалық жанама ықпал етудің елеулі құралы салық жүйесі. Нарықтық экономиканың қалыптасу кезеңінде салық салу саясатының негізгі бағыты - салық жүйесін құру және оның тиімді қызмет етуіне мүмкіншілік беретін салық механизмін іске асыру. Сондықтан да ҚР-да тиімді салық жүйесін құру үшін біз шетел тәжірибесін қарастыруымыз қажет. Салық жүйесінің әлеуметтік - экономикалық мәні мен мағынасы А. Смит, Д. Рикардо, Ж. С. Сисмонди, У. Петти, Ф. Кенэ, Дж. Кейнс, А. Лаффер, М. Фридман және өзге де көптеген ойшылдардың еңбектеріне көрініс тапқан. Олар, өз еңбектерінде сол кездегі өздері ұстанып отырған экономикалық концепцияларға сүйене отырып, салықтардың мәні мен мазмұнын, атқаратын қызметтерін ашып көрсеткен болатын.

Ұсынылып отырған жұмыстың басты мақсаты Еуропа елдерінің (Германия, Испания елдерінің) салық жүйесін зерттеу. Сол мақсатқа жету үшін алдымызға келесідей міндеттерді қойдық:

  • Еуропа елдерінің салық жүйесі туралы теориялық мәселелерді қарастыру;
  • Қазақстан Республикасы мен Еуропа елдерінің салық жүйелерінің ұқсастығы мен айырмашылығы
  • Қазақстан Республикасының салық жүйесін шетел тәжірибесімен салыстыра отырып, жетілдіру жолдары.

I ҚР-ның салық жүйесінің даму кезеңдері мен салық жүйесі туралы жалпы түсінік.

Салық жүйесін мемлекет пен заңды және жеке тұлғалар арасындағы қаржы қатынастары және осы қатынасты анықтайтын салықтар, салық механизмі яғни, салық салу әдістері мен тәсілдері, жолдары, салық заңдары мен салыққа қатысты кесімдердің, салық қызметі органдарының жиынтығы құрайды.

Салық жүйесі мемлекет қаржы көздерін жасаудың ең негізгі құралы болуымен қатар, ел экономикасын қайта құруға, өндірістің ұлғайып дамуына және саяси әлеуметтік шаралардың толығымен іске асуына мүмкіндік туғызады.

Шаруашылық жүргізудің нарықтық типіне өту елімізде он жылдан астам уақыттан бері жүргізіліп келеді. Ресурстардың тиімді түрде бөлінуін қамтамасыз ету және экономикалық қызметтерді мәжбүрлеусіз реттеу сияқты кейбір жетістіктерімен қатар, нарықтық экономиканың өзіндік кемшіліктері де жоқ емес. Еркін нарықтық экономикадағы бәсекелестік ешкімді кедей немесе ауқатты деп бөлмейтін, бейтарап механизм болып табылатындықтан, оның негізінде бөлінген табыстар қоғам үшін қажетсіз теңсіздіктің туындауына әкеледі.

Қазақстан Республикасының егемендігі , оның әлеуметтік бағдарлы нарықтық қатынастарға бағытталған даму жолына көшуі, мемлекет және қоғам мүддесіне қажетті қаражаттардың мемлекет құзырында орталықтандырылуы, сондай-ақ, өтпелі кезеңдегі экономиканы реттеу барысында пайдаланылатын салық саясатының экономика мен әлеуметтік аяларда өзіне тиеселі орын алуының басты себебіне айналып отыр.

Нарықтық экономика жағдайындағы Қазақстан Республикасында қоғамдағы қандай болмасын процесстерге мемлекеттік әкімшілік жүргізу арқылы тікелей ықпал ету мүмкіндігінің тарыла бастағаны бүгін баршаға аян. Бұл орайда халықаралық өркениетті стандарттар мен нарық талаптарына сай келетін, қоғамдық және мемлекеттік мүдделерге қол жеткізуге жол ашатын әлеуметтік - экономикалық жанама ықпал етудің елеулі құралы салық жүйесі. Төмендегі 1-сызба салық жүйесінің жалпы анықтамасының түсінігі болып табылады.

1-сызба

Автордың өзімен құрастырылған.

Еліміздің салық жүйесінің дамуын төрт кезеңге бөліп қарастыруға болады.

  • 1 кезең (1992-1995 жж. ) - жаңа салық жүйесі базисінің, салық кезеңінің өңделуі және іске қосылуы;
  • 2 кезең (1996-1998 жж. ) - нарықтық экономика талаптарына сай келетін салық жүйесін құруды аяқтау;
  • 3 кезең (1998-2000 жж. ) - барлық қағидалардың ескерілуі арқылы салық жүйесіне өзгерістер мен толықтыруларды енгізу, салық жүйесін одан әрі жетілдіру;
  • 4 кезең (2001-2002 жж. ) - Жаңа Салық кодексі қабылданып, іске қосылды.

Қазақстан Республикасының 1991 жылдың 25 желтоқсанында қабылданған Қазақстан Республикасындағы Салық жүйесі туралы Заң тәуелсіз салық жүйесін құрудың ең алғашқы бастамасы болып табылды. Бұл еліміздің экономикасын реформалаудағы күрделі жұмыстардың бірі болып саналады. Осы кезеңдерде елде көптеген өзгерістер болды және экономиканың дамуына көптеген құбылстар, атап айтқанда, меншіктің көптеген түрлерінің дамуы, шаруашылық жүргізуші субъектілер мен мемлекет арасындағы қатынастардың құқықтық негізде жүргізілуі және т. б. құбылыстар іске аса бастады.

Осы Заң бойынша алғаш рет Қазақстан Республикасында 42 салық түрі қызмет етті және олар 3 топқа бөлінді:

  • жалпы мемлекеттік салықтар - 10;
  • міндетті түрде төленетін жергілікті салықтар мен алымдар - 11;
  • жергілікті салықтар мен алымдар - 18.

Бұл салықтардың негізін табыс салығы, пайдаға салынатын салық, қосылған құнға салынатын салық, акциз салығы, жер салығы және т. б. салықтар құрады.

Алғашқы салық жүйесінің көптеген кемшіліктері де болды. Атап айтқанда, басқа елдерге қарағанда біздің салық жүйеміздің жинақталған ғылыми және практикалық тәжірибелерінің жеткіліксіздігі, салық түрлерінің көптігі, халықаралық салық салу қағидаларының назардан тыс қалуы, айналымды анықтаудың қиындығы, дәлелсіз берілген жеңілдіктердің көптігі және т. б. Осыдан келіп еліміздің салық жүйесін реформалаудың қажеттігі туындады. Қазақстан Үкіметі 1992 жылдың басында салық жүйесін кезеңді түрде реформалаудың концепциясын қабылдады.

Аталмыш концепцияны іске асырудағы негізгі кезең болып Қазақстан Республикасы Президентінің 24. 04. 95 ж. қабылдаған «Салық және бюджетке төленетін басқа да міндетті төлемдер туралы» Заң күші бар Жарлығы табылады. Ол 1995 жылдың 1-ші шілдесінен бастап іске қосылды, нәтижесінде бұрын қызмет еткен 42 салық түрінің орнына 11 салықтар мен алымдар қызмет ететін болды. Бұл Салық Заңдылығы бойынша еліміздің салық жүйесі нарықтық қатынастар талабына біршама бейімделіп, халықаралық тәжірибеге мейлінше жақындатылды.

1999 жылы салық жүйесі 5 рет күрделі өзгерістерге ұшырады. Осыған орай, 2000 жылы 1 қаңтарынан бастап Қазақстан Республикасында 17 түрлі салықтар мен алымдар қызмет етті.

4-ші кезеңде, яғни 2001 жылдың 12 маусымында Жаңа Салық Кодексі қабылданып, 2002 жылдың 1-ші қаңтарынан бастап іске қосылды. Салық Кодексінде Қазақстан Республикасында қолданылатын салықтар мен бюджетке төленетін басқа да міндетті төлемдер, атап айтқанда 9 салық, 13 алым, 9 төлем, 1 мемлекеттік баж, 4 кедендік алым белгіленген.

Жаңа Салық Кодексі 2002 жылдың 1-ші қаңтарында Қазақстан Республикасында мынадай салықтар енгізген:

  • корпорациялық табыс салығы;
  • жеке табыс салығы;
  • қосылған құн салығы;
  • акциздер;
  • жер қойнауын пайдаланушылардың салықтары мен арнайы төлемдер;
  • әлеуметтік салық;
  • жер салығы;
  • көлік құралдары салығы;
  • мүлік салығы.

Қазақстан Республикасы салық жүйесін басқару Қазақстан Республикасы Конституциясы бойынша Президентке, Парламентке, Үкіметке, Қаржы Министрлігіне жүктеледі.

Салық қызметі органы Қазақстан Республикасы Қаржы Министрлігі Салық Комитетінен және облыс, Астана, Алматы қалалары, аудандар мен қалалар бойынша салық комитеттерінен тұрады.

Қаржы Министрлігінің салық комитеті салықтар және бюджетке төленетін басқа да міндетті төлемдердің толық әрі уақтылы түсуіне мемлекеттік бақылауды қамтамасыз ететін және салық қызметі органдарын басқаратын орталық атқаруша орган болып табылады. Салық қызметі органдарына салық және бюджетке төленетін басқа да міндетті төлемдердің толық түсуін, міндетті зейнетақы жарналарының толық және дер кезінде аударылуын қамтамасыз ету жөніндегі, сондай-ақ салық төлеушілердің салық міндеттемелерінің орындалуына салық бақылауын жүзеге асыру жөніндегі міндеттер жүктеледі. Салық органдары тиісті жоғары тұрған салық қызметі органдарына төменнен жоғары қарай тікелей бағынады және жергілікті атқарушы органдарға жатпайды.

Төменде 1-кестеден мемлекеттік бюджеттің кіріс көзін толықтырудың бірден-бір құралы салықтар екендігін және қазіргі кезде оның мемлекеттік бюджеттің кірісіндегі үлес салмағының жоғары екендігін байқауға болады.

1-кесте

2005-2007 жылдар аралығындағы мемлекеттік бюджеттің кірістерінің үлесі

млн. теңге

Көрсеткіштер
2005 жыл
2006 жыл
2007 жыл
сомасы
%
сомасы
%
сомасы
%
Көрсеткіштер: Мемлекеттік бюджет кірістері
2005 жыл: 1286734
: 100
2006 жыл: 2098532
: 100
2007 жыл: 2338034
: 100
Көрсеткіштер: Салықтық түсімдер
2005 жыл: 1186137
: 92, 2
2006 жыл: 1998314
: 95, 2
2007 жыл: 2209102
: 94, 5
Көрсеткіштер: Салықтық емес түсімдер
2005 жыл: 81500
: 6, 3
2006 жыл: 66036
: 3, 2
2007 жыл: 54764
: 2, 3
Көрсеткіштер: Негізгі капиталды сатудан түскен түсімдер
2005 жыл: 19096
: 1, 5
2006 жыл: 34182
: 1, 6
2007 жыл: 74166
: 3, 2
Көрсеткіштер: Трансферттер
2005 жыл:
: 0
2006 жыл:
: 0
2007 жыл: 2
: 0
Көрсеткіштер: Несиенің қайтарылуы
2005 жыл: 18390
: 1, 4
2006 жыл:
: 0
2007 жыл:
: 0

Мәліметтер: Статистический ежегодник, Астана, 2007г.

Кестеден көріп отырғанымыздай, 2006 жылдағы салықтық түсімдер 2005 жылға қарағанда, 3% артқан, бұл елімізде 2006 жылы кәсіпорындардың салық есебін дұрыс жүргізгендігін, ал 2007 жылы 2006 жылмен салыстырғанда, 0, 7% кемігендігі, ұйымдардың салық есептілігін дұрыс жүргізбегендін, яғни салықты толығымен төлеуден жалтарынғандығын көрсетеді. Сонымен қатар, кестеден салықтық емес түсімдердің салықтық түсімдерге қарағанда, жылдан-жылға азайғандығын, ал негізгі капиталды сатудан түскен түсімдердің, керісінше, көбеюін көрсетті.

II Еуропа елдерінің салық жүйесі

2. 1. Германияның салық жүйесі

Германияның салық жүйесі Л. Эрхард заманынан бері мынадай қағидаларға негізделіп құрылуда:

  • салыққа жұмсалған шығындар мүмкіндігінше аз болуы керек;
  • салықтар құрылымдық саясатқа сәйкес болуы керек;
  • салықтар табысты әділ бөлуге бағытталуы керек;
  • салық жүйесі екі жақты салық салуды болдырмауы керек;
  • салықтар бәсекеге кедергі болмауы керек;
  • салық жүйесі адамдардың жеке өмірін құрметтеуі керек және т. б.

Германия салық жүйесіне тән ерекшелік - бюджет жүйесі буындарының арасында жиынтық салық түсімдерінің күрделі әрі көп сатылы бөлінуі. Басқа мемлекеттерге қарағанда Германияда табыстар вертикалды және горизонталды деңгейде теңестіріледі. Табысы жоғары Бавария, Вюртемберг, Солтүстік Рейн-Верстфалия тәрізді жерлер өзінің қаржы ресурстарының бір бөлігін Саксония, Шлезвиг-Голштейн сияқты біршама нашар дамыған жерлерге береді.

Германия Конституциясына сәйкес, елде мемлекеттік биліктің екі деңгейі: федералдық және жер билігі бекітілген. Общиналар үшінші билік деңгейі емес, жердің құрамы ретінде қаралады. Осыған байланысты федерация, жер, общиналардың құқықтары салық салу аясында қатаң бөлінген және Конституция және бірқатар салық қатынастарын реттейтін заңнамалармен реттеледі.

Қазіргі кездегі қолданыстағы салық жүйесі 1969 жылғы ірі салық реформасы барысында қалыптасты. Германияның салық жүйесінің нығайып, дамуында 1986, 1988 және 1990 жылдары жүргізілген салық реформалары маңызды рөл атқарды. 1986-1988 жылдары жүргізілген салық реформалары барысында халықтан алынатын табыс салығын, әсіресе, балалы отбасылыларға салынатын салық мөлшерін төмендету мәселелері қарастырылды. Нәтижесінде салық салынбайтын минимум өсті, отбасылы салық төлеушілерге берілетін салық жеңілдіктері ұлғайтылды, салық прогрессиясы оңайлатылды. 1990 жылы жүргізілген салық реформасы барысында салық салынбайтын минимум мөлшері одан әрі арттырылды; прогрессивтік салық салу шкаласы енгізілді; білім алуға кеткен шығындар шегерімге енгізілді; мүлік салығының ставкасы төмендетілді және т. б.

Қазіргі кезде Германия салық жүйесі салықтардың 50 түрін белгілеген. Салықтар былай бөлінеді:

  • федералдық салықтар;
  • жер салықтары;
  • біріккен салықтар;
  • жергілікті община салықтары;
  • шіркеу салықтары.

Реформаға дейін федералдық салықтарға акциздер, баждар, айналымға салынатын салық, мүлікке салынатын салық жатқызылды. Федералдық салықтарға:

  • капитал қозғалысына салынатын салық;
  • кеден баждары;
  • сақтандыру салығы;
  • вексель салығы;
  • сыраға салынатын салықтан басқа тұтыну тауарларына салынатын салық т. б. жатады.

Жер салықтарына:

  • мүлік салығы;
  • мұраға салынатын салық;
  • алынған жер учаскесіне салынатын салық;
  • өрт салығы;
  • сыраға салынатын салық;
  • ойын үйлеріне салынатын салық және т. б. жатады.

Біріккен салықтарға:

  • еңбекақыға және тұрақты табысқа салынатын салық;
  • капитал бойынша табыстан алынатын тұрақсыз табыстар және корпорация салығы;
  • қосылған құн салынатын салық;
  • қолөнер салығы.

Салықтық түсімдердің үлесі негізінен жеке тұлғалардың табыс салығы мен қосылған құнға салынатын салық тәрізді екі үлкен салық есебінен құрылады. Біріккен мемлекеттік бюджетке түсетін барлық салықтарды екі топқа топтастыруға болады:

  • меншікті салықтар;
  • біріккен салықтар.

Меншікті салықтар белгілі бір әкімшілік аумақтық бірлікке белгіленеді және соған толық көлемде түседі.

Біріккен салықтар белгіленген нормалар шегінде федерация, жер, общиналар арасында бөлініп, әр түрлі деңгейдегі бюджеттерге бірдей мезгілде келіп түседі. Біріккен салықтарға табыс салығы, қосылған құнға салынатын салық т. б. жатады.

Жеке тұлғалардың табыс салығы азаматтығынан тәуелсіз барлық жеке тұлғалардан алынады. Салық салу барысында басты назар салық төлеушінің тұрғылықты мекеніне аударылады. Соған байланысты шектелген және шектелмеген салық жауапкершілігі ажыратылады. Шектелмеген салық жауапкершілігіне Германияда тұрақты тұратын және ел ішінде мекен-жайы бар жеке тұлғалар, сондай-ақ шетелдегі неміс мекемелерінің қызметкерлері тартылады. Олар алған көзінен тәуелсіз барлық табыстарынан салық төлейді. Қалған жеке тұлғалардың барлығы шектелген салық жауапкершілігіне тартылады.

Қазіргі кезде Германияда 2 ірі салық түрлері - жеке тұлғалардан алынатын табыс салығы мен қосылған құнға салынатын салық болып табылады, себебі мемлекеттік бюджеттің кіріс бөлімінің салықтық түсімдердегі ҚҚС-ның үлесі 28 пайыз құрайды. Ал жалпы салықтық түсімдердің бюджеттің кірісіндегі үлесі 80 пайызға тең.

Салық салу объектісі ретінде жеке тұлғаның барлық табыстары қаралады:

  • еңбекақысы;
  • капиталдан алған табыстары;
  • бағалы қағаздардан алған табыстары;
  • мүлікті жалға беруден алған табыстары т. б. жатады.

Салық төлеушілер қызмет түріне байланысты бірнеше категорияға бөлінеді. Атап айтқанда:

  • жалғыз басты салық төлеушілер;
  • ажырасқандар, бірақ асырауында баласы бар салық төлеушілер;
  • ерлі-зайыптылар, әрі олардың тек біреуі ғана жұмыс істесе;
  • ерлі-зайыптылар, әрі олардың әрқайсысы салықты бөлек өз алдына төлесе;
  • салықты бірге төлейтін ерлі-зайыптылар;
  • бірнеше жерде жұмыс жасайтын салық төлеушілер.

Әрбір категориядағы салық төлеушілер үшін дербес шегерістер қарастырылған. Салық прогрессивтік шкаламен жеке тұлғаның табысы мен заңға сәйкес бекітілген шегерістер арасындағы айырмадан төленеді.

Табыс салығының ставкалары

Тарифтік зоналар
Салық салынатын табыс (марка)

Салық ставкасы,

пайызбен

Тарифтік зоналар:
Салық салынатын табыс (марка): жалғыз бастылар ерлі-зайыптылар
Салық ставкасы,пайызбен:
Тарифтік зоналар:
Салық салынатын табыс (марка): 0 / 12095 0/24191
Салық ставкасы,пайызбен: 0
Тарифтік зоналар: 1-ші лимиттік зона
Салық салынатын табыс (марка): 12096/55727 24192/111455
Салық ставкасы,пайызбен: 25, 9/33, 5
Тарифтік зоналар: 2-ші лимиттік зона
Салық салынатын табыс (марка): 55728/120041 111456/250083
Салық ставкасы,пайызбен: 33, 5/53
Тарифтік зоналар: Жоғарғы пропорционалды зона
Салық салынатын табыс (марка): 120042 жоғары 250084 жоғары
Салық ставкасы,пайызбен: 53

Ерлі-зайыптыларға және олардың балаларына, 64 жастан асқан қарттарға, мүгедектерге арнайы салық шегерімдері қарастырылған. Емделуге кеткен шығындар, алимент, өмірді және медициналық сақтандыруға төлеген жарналар, шіркеу салығы салық салынатын табыстан толығымен шегеріледі.

Табыс салығы декларация негізінде немесе төлем көзінен төленеді. Жалдамалы жұмыскердің салығын жұмыс беруші табыс салығын салық картасы негізінде есептеп, ұстап қалып, салық органына аударады. Салық картасы коммунадағы (общинадағы) тұрғылықты жерінде толтырылып, қай категорияға жататыны көрсетіледі. Егер күнтізбелік жыл ішінде табыс салығының сомасы отбасы немесе жұмыс жағдайына байланысты ауытқыған жағдайда, өзгеріс дереу салық картасына енгізіледі. Жыл соңында салық картасы негізінде толық есеп айырылысады.

Декларация негізінде табыс салығын есептеу барысында күнтізбелік жыл ішінде алған барлық табыстары қамтылады. Ерлі-зайыптылар ортақ декларация тапсырған жағдайда, олардың жиынтық табысы екіге бөлініп, бір бөлігіне салық есептеледі және сол салық сомасы екіге көбейтіледі. Ерлі-зайыптылар әрқайсысы бөлек декларация тапсырған жағдайда, бұл есептеу механизмі қолданылмайды; жалғыз басты салық төлеушілерге қолданылатын есептеу механизмімен табыс салығын есептеп, төлейді.

Мұра мен сыйға салынатын салық әрбір мұрагердің үлесінен алынады. Салық салу барысында мұрагерлер төрт разрядқа бөлінеді. Мысалы, бірінші разрядқа ерлі-зайыптылар және олардың балалары жатады. Оларға 7 пайыздық ставка қолданылады. Негізінде салық ставкасы мүліктің құнына және туыстық деңгейіне байланысты 7-50 пайыз аралығындағы ставкамен алынады. Жылжымайтын мүлікке орта есеппен 1, 5 пайыз мөлшерінде салық салынады.

Қазіргі кездегі қолданыстағы корпорация табысына салынатын салық 1977 жылғы салық реформасы нәтижесінде енгізілді. Салық сомасы федералдық және жер бюджеттері арасында бөлінеді. Заңды тұлғалар корпорациялық табыс салығын меншік нысанынан тәуелсіз төлейді. Салық салу объектісі болып жылдық жиынтық табыс пен заңға сәйкес бекітілген айырмасы табылады. Салық ставкасы - 40 пайыз. Салық тоқсан сайын бірдей үлеспен бөлініп, төленеді. Корпорациялық салық бойынша декларация салық органына есепті жылдан кейінгі жылдың 31-ші мамырына дейін тапсырылады.

Қосылған құнға салынатын салық Германиядағы негізгі салықтардың бірі болып табылады. Бюджет кірісіндегі үлесі - 28 пайыз. Салық салу объектісі болып айналым саналады. Салық бюджетке түскен соң үш бюджет арасында бөлінеді. Салық екі түрлі ставкамен алынады: 7 пайыз - азық-түлік, газет-журнал, кітаптарға, ауылшаруашылығының өнімдеріне, жолаушы тасымалы қызметіне қолданылса, одан басқаларының барлығына 15 пайыздық ставка қолданылады. Аталмыш салықтан ауыл және орман шаруашылығының өнімдері, экспортқа шығарылған тауарлар босатылған.

Негізгі жергілікті салықтардың бірі қолөнер салығын өнеркәсіп, сауда және т. б. қызмет түрлерімен айналысатын кәсіпорындар, серіктестіктер, жеке тұлғалар төлейді. Бұл салық жанама салықтың санатына жатады. Салық базасы болып компания капиталы табылады. Салық ставкасын муниципалды органдар бекітеді.

Жер салығы ауыл және орман шаруашылығындағы кәсіпорындарға, жер учаскелеріне салынады. Салық салынатын объект 3 жылда бір рет бағаланып отрырады. Салық ставкасы 1, 2 пайыз. Мемлекеттік кәсіпорындар, мектеп жасына дейінгі балалар мекемелері, ауруханалар, интернаттар, діни мекемелер, сондай-ақ ғылыми мақсатта қолданылатын жерлер аталмыш салықты төлеуден босатылған. Германияда тұрғын үй құрылысын ынталандыру мақсатында қайтадан салынған тұрғын үйлердің жерлері 10 жылға дейін жер салығын төлеуден босатылады. Жер учаскесі бір иеден екінші иеге сатылған жағдайда салық сату бағасынан 2 пайыз мөлшерінде төленеді. Салықты өткен кезең үшін аванстық төлем түрінде тоқсан сайын общиналар алады.

Меншікке салынатын салық 1995 жылдан бастап, жеке тұлғаның жиынтық мүлік салығының ставкасы 1 пайыз болып бекітілді, оған дейін 0, 5 пайыздық ставка қолданылған болатын. Өнеркәсіп орындары мен компаниялар үшін салық ставкасы 0, 6 пайыз мөлшерінде. Ауыл және орман шаруашылығындағы мүліктерге салық төмендетілген ставкамен салынады.

Автокөлікке салынатын салық негізгі екі факторға тәуелді: цилиндр көлеміне, яғни двигатель қуатына және катализатордың болуына. Катализатормен жарақтандырылған көліктерге төмендетілген салық ставкалары қолданылады.

Германияда ауыл шаруашылығына салық салудың ерекшелігіне бұл салаға көптеген салық жеңілдіктерінің берілуін, салықты есептеудің оңайлатылған және орташа әдістерін қолдануын жатқызуға болады. Ауыл шаруашылығына берілетін негізгі салық жеңілдіктеріне мыналар жатады:

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Сыртқы экономикалық қызмет
Сыртқы экономикалық қызметке салық салу туралы
ТМД елінің көлік жүйесі
Шағын бизнесті ұйымдастыру
Ұлттық мемлекет тарихының бастауы
Қазақстанның сыртқы экономикалық қызметі
Қазақстан мен Эстония қарым – қатынастары
Сыртқы экономикалық қызметке салық салу
Еуропалық Одақтағы экономикалық интеграциялық элементтері
Еуропалық одақтың құрылуының тарихы
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz