Қазақстандағы «Грейс благодать» шіркеуінің қызметі

Пән: Дінтану
Жұмыс түрі: Курстық жұмыс
Тегін: Антиплагиат
Көлемі: 43 бет
Таңдаулыға:

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

Философия және саясаттану факультеті

Дінтану және мәдениеттану кафедрасы

КУРСТЫҚ ЖҰМЫС

Қазақстандағы «Грейс благодать» шіркеуінің қызметі

Орындаған:

1 курс магистранты Ермұхамед МӘУЛЕН

Ғылыми жетекші:

ф. ғ. д., профессор Қайрат ЗАТОВ,

д., ғ., докторы.

Норма бақылаушы:

ф. ғ. к., доцент

Қорғауға жіберілді

“___” 2011 ж.

Кафедра меңгерушісі:

ф. ғ. д., профессор

Алматы, 2012

Мазмұны

Кіріспе . . . 1

І ҚАЗАҚСТАНДАҒЫ ДІНИ СЕКТАЛАР ҚЫЗМЕТІ

1. 1 Қазақстандағы миссионерлік және діни секталар . . . 4

1. 2 Дәстүрлі емес діни қозғалыстар және «Грейс Благодать» . . . 9

ІІ «ГРЕЙС БЛАГОДАТЬ» СЕКТАСЫНЫҢ СИПАТЫ

2. 1 Грейс благодать діни сектасының ерекшеліктері . . . 18

2. 2 ««Грейс Благодать» шіркеуінің Алматы қаласындағы әрекетіне әлеуметтік талдау . . . 21

Қорытынды . . . 39

Пайдаланылған әдебиеттер тізімі . . . 41

КІРІСПЕ

Жұмыстың негізгі сипаттамасы. Қазақстанда қазіргі кезде миссионерлік саясаттарын емін-еркін жүргізіп келе жатқан секта «Грейс благодать» немесе олардың екінші атауы «Күзет мұнарасы қауымы» деп аталады. Бұл діни ағым жалған христиандық (псевдохристиандық), ариандық, апокалиптикалық, милленаристік (хилиастық) болып табылады.

Елімізде әрбір азаматтың діни сеніміне бостандық және әрбір діни бірлестікке заң алдында тең құқығы берілген. Осы еркіндікті ұтымды пайдаланған шетелдік миссия өкілдері өз миссиясын атқарып келеді. Кейбір діни ұйымдардың мақсаты мемлекет заңдарын сыйламаушылық, қоғамдық әдеп қағидалары мен ұлттық дәстүрге немқұрайлық, жеккөрушілік, жоққа шығару сонымен қатар ұлт, тіл тұтастығына нұқсан келтіруі мүмкін. Мұндай ұйымдар біз адамды тура жолға салып, шынайы құдайлық өмірге жеткізушіміз, парызымызды өтеп жүрміз (өзінің діни сенімі бойынша) деп түсіндіреді. Бұл діни бірлестіктер қоғамдық әдеп қағидаларын өздерінше түсінеді және халықтың ұлттық құндылықтары мен салт-дәстүрін сырттай құрметтегендей көрінгенімен, шын мәнінде жоққа шығарады, яғни ой мүдделерін жасырын ұстайды, мақсаттары діни сенімдеріне тарту.

Олардың ішінде «Грейс Благодать» өзіне ерекше назар аударады. Осы күні көшеге шыға қалсаңыз, өз дініне шақырған уағызшыларды жиі кездестіресіз. Олар алдымен: «Мынау киелі кітап сөздері» дейді. Артынан сізге отбасы, өмір мәселелері жайлы сұрақ қояды, пікіріңізді сұрайды. Олар сізбен сөйлесіп, соңында қолыңызға әсем безендірілген бүктемелі бір парақша, не болмаса журнал ұстатады.

«Грейс Благодать» діни бірлестігіне кірген адамдар өмірінде күрт өзгеріс орын алып, адам отбасында жақын адамдармен басқаша қатынас жасап, өз сенімін насихаттап, дәлелдеуге тырысады. Өзімшілдікке бой алдырып, тіпті кейбір діни бірлестік мүшелері жеке мүлкін сатып, ортақ қауымдық меншікке қосады. Бұл дәстүрлі қоғамдық өмірді өзгертуге алып келеді.

Олар көшеде де, үйде де қыр соңыңыздан қалмайды. Арасынан қазақша сөйлеген басқа ұлт өкілдерін көресіз. Бұл әрбір қазақстандық кездестірген жайт. Қазақша сөйлейтіндер сирек кездесетін немесе ауылдан келген бауырларымыз ғана сөйлейтін көшелерімізде басқа ұлт өкілдері қазақша тіл қатса, әрине сіз оған ризашылығыңызды білдіріп, көңіл аударасыз. Мұндай қазақ тіліндегі уағыздың себебі айтпаса да түсінікті. Бұл бір ғана тәсіл емес.

«Грейс Благодать» мүшелерінің негізгі міндеті - өз ілімдерін насихаттау, діни ұйымға адамдарды кіргізу. Үгіт-насихатқа ұйым мүшелері табыстарының 10% береді және үгіт-насихат жұмыстарына айына кемінде 10 сағат бөлуі тиіс және бұл шарамен өте белсенді айналысады. «Грейс благодать» мүшелері басшыларының бұйрығын орындауға әр уақыт дайын болуы керек. Ұйымның әрбір мүшесі ай сайын қанша рет миссионерлікпен айналысты, неше рет ұйым жиынына қатысты, Библияны оқуға қанша уақыт бөлгені, ұйымға қанша ақша қосқаны туралы есеп жүргізіп отырады, жыл соңында басшылыққа есеп береді.

Курстық жұмыста «Грейс благодаттің» Қазақстанға таралуы, ерекшеліктері, мақсаттары талданып, олардың жұмыстары мәліметтер, статистикалық есептер арқылы қарастырылды.

Жұмыстың өзектілігі. Қазіргі кезде кез келген адам үшін өте қиын, әрі ауыр уақыттар өтіп жатыр. Бұлай дейтін себебіміз, адамды жан-жағынан психологиялық түрде аздыратын, санасына салмақ салып, жынды ететін, ауру ететін неше түрлі ағымдар Қазақстанда таралып жатыр. Баспасөз беттерінде адасқан секталардың арбауына ілініп, өмірлері қиылған, отбасылық өмірде келеңсіз жайттар орын алған жекелеген субьектілердің бастан кешірген жанайқайлары туралы материалдар жиі-жиі жарық көруде. Осының бәрі Қазақстан қоғамы үшін керітартпалық сипатқа, қауіпті құбылысқа айналып отырған діни факторлардың тамырын танып, тереңінен зерттеуге итермелейді.

Курстық жұмыстың пәні. Қазақстандағы «Грейс Благодать» сектасының таралу тарихы мен қазіргі кездегі жағдайы. Сонымен қатар курстық жұмыста олардың психологиялық зардаптары, қоғамға зияны туралы да кеңінен сөз болады. Және социологиялық талдау арқылы Алматы қаласындағы миссионерлердің қызметтері сарапқа салынған.

Курстық жұмыстың нысаны. Жалпы Қазақстандағы миссионерліктің тарихы мен «Грейс Благодать» діни сектасының келуі жайлы. Әрі қарай «Грейс Благодать» сектасының зияндары, жамандықтары туралы да айтылады. Осылардың барлығын талдай отырып, белгілі бір қорытынды шығару зерттеудің нысанына жатады.

Бітіру жұмысының мақсаты мен міндеттері.

- Қазақстандағы «Грейс благодать» сектасының тарихын анықтау, оларды барлау, негізгі ерекшеліктерін танып-білу;

- Қазақстандағы сектаның жұмыс әрекеттеріне, сонымен бірге олардың деструктивті сипаттарына тоқталу;

- Секталармен күресуде қажет болатын негізгі іс-шараларды анықтау.

Зерттеу жұмысының әдіс-тәсілдері. Бітіру жұмысының мақсат-міндеттеріне сәйкес сипаттамалық зерттеу, жүйелеу, тақырыптық-мағыналық топтастыру, талдау әдістері қолданылды.

Зерттеу жұмысының дереккөздері . Курстық жұмыста төмендегідей әдебиеттер пайдаланылды:

І ҚАЗАҚСТАНДАҒЫ ДІНИ СЕКТАЛАР ҚЫЗМЕТІ

1. 1 ҚАЗАҚСТАНДАҒЫ МИССИОНЕРЛІК ЖӘНЕ ДІНИ СЕКТАЛАР

Миссионерлік-діни қызметтердің ерекше бір түрі. Сонымен бірге миссионерлік-шіркеу немесе бір діни ұйымның сенім негідерін насихаттау үшін қолданылатын діни сипаттағы әрекеті. Миссия-латын тілінде «missio» міндет, жауапкершілік, орындалуы тиіс тапсырма деген мағынаға келеді. Әлемдік және дәстүрлі діндер Иудаизмнен басқасының барлығы да осы миссионерлікке мүдделі [1] . Иудайзмде миссионерлік қызметтің болмауының себебі оның сенім негіздеріндегі догматтарға байланысты

Миссионерлік қызмет барлық дәстүрлі діндерде бірдей сипатқа ие болған емес. Мәселен буддизм дінінде қасиетті Будда ілімін тыңдаған шәкірттеріне: «Дін тақуалары! Адамзаттың құтылып, бақытқа жетуі және дүниеде мейірімділікті насихаттап, Тәңірлер мен адамдардың сәттілігі үшін жолға шық!» [2], - деп ескерткеніндей, қазіргі таңдағы әлемнің осы дінді ұстанатын халықтарының арасында Будда дінінде біркелкілік жоқ. Себебі Буддизм дінінің басты идеясы-христиан дініндегідей саяси мәселелерді көздемей, өмірлік рахаттардан бас тартып, қайғы-қасыреттен адам жанын құтқару және барынша сергектенуге-Нирванаға қол жеткізу. Әрбір адам Нирванаға өзінің күші арқылы ғана жете алады. Сондықтан Буддизм жайылған халықтардың бұрыңғы діни сенімдерімен және жергілікті әдет-ғұрып, салт-дәстүрлермен синтезделіп, өзгерістерге ұшыраған. Мәселен Үндістанның өзінде Буддизм Махаяна формасымен таралса, Ү-ғасырда Қытайда чань-Буддизм, Тибетте ХІҮ-ХҮІ ғасырларда Ламаизм түрінде таралған.

Миссионерлік басқа діндерге қарағанда Христиан дінінде өзгеше мәнеге ие. Миссионерлік дәстүрді христиандар Исаның серіктеріне және Маркос, Лұқа және Жохан нұсқасындағы Інжіл мен Павелдің хаттарына негіздейді. Інжілдің жаңа өсиетіндегі Матай, Марқа және Лұқа жазған ізгі хабарларындағы: «28:18. Маған көк пен жердің барлық билігі маған берілген! 28:19. Сондықтан барлық күллі халықтарға барыңдар! Оларды Менің шәркірттерім етіп, Құдай Әкенің, Рухани Ұлының және Киелі Рухының атымен шомылдыру рәсімінен өткізіңдер! 28:20. Әрі сендерге өсиет еткендерімнің бәрінде ұстануға үйретіңдер! Естеріңде болсын, мен бұл дүниенің ақыр соңына дейін әр күні өздеріңмен бірге болып, сендерге жар боламын. 10:5; 6; 7. Осы он екі елшісін Иса төмендегі тапсырмалармен жіберді:-Басқа ұлт адамдарының жерлеріне бар май, самариялық қалаларға кірмеңдер. Қайта, Исрайл халқының адасып кеткен қойларға ұқсасадамдарына барыңдар!

- Бүкіл жер бетіндегі күллі адамдарға барып, Ізгі хабарды жариялаңдар! Кім сеніп, шомылдыру рәсімінен өтсе, сол құтқарылады! Ал кім сенбесе, сотталады.

24:47. Оның атынан Иерусалимнен бастап барлық ұлттарға да теріс жолдан қайтқан адамдардың күнәларын құдай кешіреді деген хабарды жариялау да қажет»(5. 97, 35, 153, 247б. ), -деп көрсетілген негіздерге сүйене отырып, Әке, Ұл және Киелі Рух атынан христиандар әлемге миссионерлікті ғасырлар бойы белсенді түрде насихаттап келеді.

Христиандар Павелді тұнғыш миссионер және құдайдың елшісі ретінде таниды. Оның миссионерлік анықтамаларында алар орны ерекше. Христиандықтың негізінде (тарихында, теологиясында, этикасында) Павел үлкен фигура болып есептеледі. Ол миссионерлікті белсенді түрде жүргізуде шәкірттеріне былайша бағыт береді: «Мен бүкіл адамдардан тәуелсіз болсамда, олардың барынша көбін Мәсіх жолына түсіру үшін өзімді барлығының құлы еттім. Яһудилерді сол жолға түсіру үшін араларында яһуди сияқты өмір сүремін. Таурат заңына бағынған оларды Мәсіхке әкелу үшін өзім Тауратқа бағынышты болмасамда, оған бағынушыдай араларында жүріп тұрамын. Таурат заңын білмейтін басқа халықтарды әкелу үшін Тауратты білмейтіндей араларында өмір сүремін. Бұл, құдай заңынсыз жүремін деген сөз емес, шынында мен Мәсіхтің өсиеттеріне мойынсұнып келемін. Сенімі әлсіздерді әкелу үшін оларға ұқсап өмір сүремін. Әр түрлі адамдар арасында ең болмағанда бірсыпырасын құтұару үшін оларға бейімделудемін. Осының бәрін хабардың таралуы үшін істеп жүрмін, сонда оның игілгінен үлесімді алатын боламын» [3, 493] Павелдың Інжілдегі Корыннттықтарға жазған хатындағы өсиеттер шәкірттернің айнымас қағидаларына айналды. Миссионерлер ерте уақыттарда және қазіргі замандада осы хатта берілген мәтіннің негізінде жүреді.

Миссионерліктің 13 ғасырға жуық және жеті сатылы тарихы қалыптасқан. Әрбір саты өзіндік әдістемелік және кезеңдік шарттарды көрсететін даму жолының көрсеткіші десекте болады. Бірінші саты 33-100 жылдар аралығы-Иса серіктертерінің кезеңі, 800-1500 жылдар арасы-орта ғасыр кезеңі, 1500-1650 жылдары реформалық кезеңі, 1650-1793 жылдары аралығы постреформа кезеңі, 1793-жылдан бүгінгі күнге дейінгі кезең модернизация кезеңі болып есептеледі [4] .

Христиан діні үшін миссионерліктің үш сатылы мақсаты бар. Бұл еш өзгермейтін қасаң қағида. Әлемге Христиан дінін жайып Иса Мәсіхке сенушілердің санын арттыру, шіркеу құрылыстарын салмас бұрын миссионерлік әрекеттерін жалғастыратын мамандар мен адамдар табу және тұрғылықты халықтың ғылыми-әдеби шығармаларына, мәдени құндылықтарына христиандық элементтерді еңгізу болса сонымен бірге дамыған Батыстық өркениетті христиандық пен бір деп көрсету. Батыс өркениеті мен мәдениетін мәдениетін негізгі өлшем, эталон ретінде ұсыну, еліктіру шарт [5] .

Христиан миссионерлік орталықтарына саяси-әлеуметтік жауапкершіліктерде артылып отырғаны тарихтан белгілі. ХҮ-ХҮІ-ғасырларда католик шіркеуінің миссионерлері испан және португал басқыншыларының Оңтүстік Америка құрылығын жаулап алудағы белсенділіктерін арттырды. Басқыншылар жаңа жерлерді жаулап алуына өз «көмектерін» көрсетіп отырған католик шіркеуінің миссионерлік әрекетіне басшылық жасаған Рим папасы Григорий ХҮ 1622 жылы өз конгрегациясын (лат. congregatio-қоғам, одақ) жариялады. Ол 1968 жылы әлемді Інжілдендіру деген атпен қайта жарияланды

Миссионерлік-діни ілімдер арқылы мақсат-мүдделерін іске асыру үшін қолданылатын саяси қызметтің бір түрі десек те болады. Қазіргі таңда бір қатар империалистік мемлекеттердің құрылымдары, қайырымдылық қорлары, үкіметтік емес ұйымдарымен қаржылық топтары материалдық және моральдық тұрғыдан көмектесіп, отарлау саясатын шіркеумен бірлесе отырып жүргізеді. Бұлардың мақсаттары діни ағарту немесе адамды күнаһарлықтан құтқару емес керісінше, сол мемлекеттің халқының мәдениетімен өткен тарихын жадынан шығарып мәңгүрттендіру арқылы жер байлығына ие болу. Бұндай әректтер біздің ғана халықтың басындағы нәубет емес, орта ғасырларда Христиан миссионерлері өз әрекеттерін Африка және Азия халықтарының да ортасында жүргізді. Соның нәтижесінде көптеген жергілікті халықтардың мәдени, діни құндылықтары деформацияланып, өздеріне құлдық қамытын кигізгені тарихи ақиқат.

Өткен тарих тереңіне бойласақ, христиан миссионерлігі белгілі бір халықтың ұлттың болшағы үшін қызмет етпегенін, керісінше шағын мәдениеттер мен ұлттарды ассимилицияға ұшырату, жер бетінен жоюдың таптырмас құралы болғанын байқаймыз. Мәселен ХVIII-ғасырда Батыс отаршыл мемлекеттері Австралия құрылығының байырғы тұрғындарын ұлттық табиғи қалпынан айырған өзі осы миссионерліктің үлкен жемісі болатын.

Миссионерлік қызметін атқаратын ғалымдар алдымен баратын жердің географиялық ерекшеліктерін, халқының рухани болмысы мен өткендегі тарихи жолын, психологиясын, мінез-құлқын, салт-ана дәстүрінің ерекешелігін, билеу жүйесін, яғни өзіне қажет буынды да ұрымтал тұстарын терең барлап зерттей отырып, миссионерлік саясатының стратегиялық негіздері мен тактикалық әдістерін, мақсаттарын анықтап алады

Еліміздің аумағында христиандардың пайда болғаны туралы алғашқы деректер V-VI ғасырлаға жатады. Әсіресе ІХ-Х ғасырларда Ұлы Жібек жолы бойынша ауып келген христиан миссионерлерінің белсенді қызметінің нәтижесінде несториандық кең таралды. Дереккөздер мәліметтеріне сүйенсек, Тараз бен Меркіде сонымен қатар Сырдария өзені бойында христиан шіркеулері болғандығы археологиялық қазбалар арқылы мәлім. Алайда Х-ХІ ғасырларда аймақта исламдандыру процесі етек алып, христиандық шіркеулер мешіттерге айналдырылды [7, 16]

Ал, миссионерлік әрекеттер біздің елімізде және Орта Азия территориясындағы түркі халықтарының арасында өте ерте заманнан-ақ жүргізілгені белгілі. XVI-ғасырда Ресейдегі Қасым хандығының соңғы мұрагері Сайын Болатханның шоқынып, өз атын өзгертіп Самсон атанғаны тарихтан белгілі жәйт. Өйткені шоқынған бұратана атаулының ата-анасы қойған есімі міндетті түрде өзгертіліп, оның аты мен фамилиясы жаңадан орысшалап қойылатын дәстүр сол тұстан-ақ қалыптасқандығын аңғартады(8) .

Христиан миссионерлігінің Қазақ жеріне орналасуы төрт кезеңге бөлінеді. Оның бірінші кезеңі-ІІІ-ХІҮ ғғ. аралығын қамтиды. Бұл уақытта еліміздің және Орта Азия территориясына мелькиттер, яковиттер, несторияндар Армияндық Апостоль және Католик шіркеулері болатын. Бұл кезеңде Христиан діні жергілікті басқада діндермен яғни, Зороастризм, Иудайзм, VIII-ғасырда Ислам дінімен амалсыз ымыраласып әрекет етуге мәжбүр болды. Алайда ХІV ғасырда Христиандық Ислам дінінің ықпалымен Қазақ даласынан біраз уақыт ығыстырылды.

Қазақстанда миссионерлік әрекеттің қарқындаған уақыты Ресей империясы қазақ жерін мемлекет меншігі ретінде жариялаған тұста және шекарасын ресми түрде белгілеп, картасын сызып бекіткен соң патша үкіметі бұрыңғы уақытша ислам дінін тарату саясатынан бас тартып, 1862 жылдан бастап ресми түрде қазақ халқын шоқындыру, сол арқылы біртіндеп орыстандыру саясатын ашық жүргізе бастады(12) . Патша үкіметі бұл миссионерлік әрекетті жан-жақты зерттеп әрі сақтықпен жүргізді. Мәселен ең шұрайлы жерлерден қазақ шаруаларын ығыстырып, орыс мұжықтарын көбірек қоныстадыру, жер-су аттары мен адам есімдерін өзгерту, елді мекендерде аралас мектептерін ашу, жергілікті халықтың жазу емлелерін ауыстыру, билік структурасы мен туыстық нинститутарына өзгерістер енгізуді шіркеу мемлекетпен бірлесе жүргізді.

Бұл саяси процесс Ұлы Қазан төңкерісі кезінде біраз уақытқа тоқтағанымен әрі қарай Кеңес үкіметі миссионерлікті басқаша сипатта жүргізді. Қысқаша айтқанда Кеңес үкіметі өзіне бағынышты аз халықты қызыл орағымен орып, балғасымен жаншып, төл діні мен мәдениетінен айырып дінсіз ұрпақ тәрбиелеп, дүбәрә ұлт жасады. Жетпіс жыл өмір сүріп, тарих сахнасынан кеткен «ұлы держава» миссионерлікке айқара жол ашып берді.

Екінші кезең-ХҮІІІ ғасырдың аяғы-ХХ басында Қазақ хандығының Ресей бодандығын алғаннан кейін, әскерилер арқылы келген. Бұл кезеңнен бастап орыс православ шіркеуі іргесін берік орнатып миссионерлік әрекеттерін жүзеге асыра бастады. Сонымен бірге ХІХ ғасырдың аяғында Ктоликтер, Протестанттар, Баптистер, Адвентистер және Менониттерде келе бастады. Бұл Протестанттық секталармен қоса орыс православ шіркеуінен бөлініп шыққан ескі дәстүрді қолдаушы ағымдары молокандар, скопцылар, иеговист-ильинцилар Қазақстанға жер аударылған қара шекпенділер арқылы да келіп орналысты.

Үшінші кезең-1917 жылмен 1991 жылдар арасын қамтиды. Бұл дінге деген жаппай қарсылық білдіріліп, діни ғибадат орындары жабылып, діни қызметкерледі қудалаған кезең болды.

Ұлы Отан соғысына дейін көптеген діни қызметкерлерді жер аударып, қатаң түрде жазалап, келген Кеңес үкіметі соғыс басталғаннан кейін дінге деген қатаң саясатын сәлде болса босаңсытты. Көптеген жабылып қалған ғибадат үйлері қайтадан ашылып, 60-80-жылдары Католиктер мен түрлі Протестанттық секталар да ресми тұрғыда пайда бола бастады [7] .

Соңғы кезең-еліміздің тәуелсіздік алған жылдармен тұспа-тұс келеді. Осы уақыт ішінде Республикамыздың территориясында бұрын соңды кездеспеген ағымдар мен секталар атап айтар болсақ, пресвитариандық және методистік, протестанттық конфессиялар: «Агапе», «Жаңа өмір», «Грейс благодать», «Бахай сенімі», «Ібіліс шіркеулері», «Саентология шіркеуі» және т. б. өз алдарына діни бірлестік болып құрылып орналаса бастады [8, 56] .

Тәуәлсіздігіміз жарияланып егеменді ел болғалы бері елімізде жасыратыны жоқ діни экспанция үдеп, дін мәселесі қоғамымызда басты назарда тұрғаны да жасырын емес. Іргесі бекімеген егемен еліміздің Діни-сенім бостандығы туралы заңымыздың тым асығыс әрі еш дайындықсыз қабылдануын пайдаланған кейбір түрлі жат пиғылдағы діни секталар миссионерлік әрекеттерін белсенді түрде жүргізіп келеді.

Тәуелсіздік алғалы миссионерліктің қарқынды түрін Дәстүрлі емес діни қозғалыстар жалғастырды. Бұл діни қозғалыстар өз қызметтерін заманауи ғылымның соңғы жетістіктерін пайдалана отырып жүргізеді. Көпшілік жиналатын акт залдырында, стадиондарда сенімді түрде сұхбаттар өткізіп, жеке интернет сайттары, телеарналар, радиожелілері арқылы хабарлар таратып, өздерінің жекелеген газеттері мен журналдарына мақалалар, жарнамалар жариялап отырады. Батыс мемлекеттерінен елімізге және де басқада тәуелсіз мемлекттерге жіберілетін әдебиеттердің 1991 жылдың қыркүйек айына дейінгі саны екі миллионнан асып түскен. Соңғы жыдары Қазақстанда қазақ және орыс тілдерінде шығатын кітап пайызы (қазақша 5%, орысша 21%) сырттан келетін кітап санының төрттен бірін құрайды [9, 29] .

Миссионерлік әрекетті әлемнің бірнеше мемлекеттерінде белсенді түрде атқарып жүрген «Грейс благодать» журналдар шығарып, көптеген елде үгіт-насихат жұмыстарын жүргізеді. Орталығы Лос-Анжелес (АҚШ) қаласындағы Еваглистер сектасының «Благодать» шіркеуі бағдарламасында былай делінген (сөйлемнің мағынасын бұзбау үшін орысша қалпымен келтірейік) : «Видение: Словом Божиим изменим мышление народов Казахстана. Цели: Устоновить «Центр по подготовке лидеров» чтобы к 2005 году поднять и воспитать мощных и оптных лидеров в Средней Азии и Казахстане для практического служения в церкви. Открыть молитвенный центр в Средней Азии и Казахстане, чтобы мобилизовать молитвенных войнов для защиты и пробуждения в окне 40-70. Достич полной Евангелизации стране к концу 2010 года. Стратегия: 1. Поднять мощных духовных лидеров через ячечное служение и к концу 2005 года поставить не менее 4000 ячеек. 2. Донести Царство Божие В этом обществе разрушая духовные твердыни этого региона через духовное картографирование и ходатайственное молитзенное служение» (77) . Міне бұл республикамыздағы барлық діни секталардың көздеген түпкі мақсаты. Миссионерліктің жалпы тарихы мен сан-салалы қырларын ашатын мәліметтер өте көптеп кездеседі. Десекте біздің еліміздегі миссионерлік әрекеттер туралы жазылып жүргенмен әлі бір түбегейлі зерттелмеген тақырыптардың бірі саналады. Сол себептен біз осы еліміздегі христиан миссионерлігі туралы зерттеуімізді Қазақстан территориясына қай уақытта келгені және олардың өз кезеңдерінде қоғамға тигізген кері әсерлерін нақты фактолар арқылы берсек.

1. 2 ДӘСТҮРЛІ ЕМЕС ДІНИ ҚОЗҒАЛЫСТАР ЖӘНЕ ИЕГОВА СЕКТАСЫ

... жалғасы

Сіз бұл жұмысты біздің қосымшамыз арқылы толығымен тегін көре аласыз.