Индонезия

Пән: География
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Мазмұны

Табиғаты

Халқы

Тарихы

Экономикасы

Өнеркәсібі

Транспорты

Ақшасы

Сыртқы саудасы

Индонезия табиғаты.

Индонезия экваторлық ендік бойында орналасқан. Аралдарының жағасы көп жерінде биік, тік, жар болып келеді. Жерінің жартысы - биіктігі орташа және аласа таулар; биік таулары батыс Ирианда кездеседі. Елдің оңтүстік шеті мен Макасар бұғазанаң шығысында жатқан бөлігі - қатпарлы және вулканды таулар, Суматрадан Хальмахера аралына дейінгі аралықта (5000 км) 400-ге жуық вулкан бар, олардың 80-і сөнбеген вулкандар (бастылары - Керинчи 3800 м, Ринджани 3726 м, Семеру 3676 м) . Калимантан, Банка, Белитунг аралдарын мүжілеген, беткейлері көлбеу ескі таулар алып жатыр. Суматра, Ява аралдарының солт. жағы, Калимантан мен батыс Ирианның топырақтан түзілген жазықтар. Пайдалы қазыналары: мұнай, көмір, темір рудасы, марганец, қалайы, алюминий, никель, мыс, қорғасын т. б.

Климаты экваторлық, Ява және Кіші Зонд аралдарында субэкваторлық. Жазық жерлерінде ауаның орташа температурасы 25-с-тан 27-с-қа дейін тауда салқындау; 1500 м биіктіктен жоғары жерлерінде үсік түседі. Жауын-шашынның жылдық мөлшері 2000-4000 мм, көбіне нөсер жаңбыр күйінде түседі. Өзендері шағын, суы өте лайлы болады. Басты өзендері - Капуас, Барито (Калимантанда), Хари (Джамбида), Кампар, Муси (Суматрада), Мамберамо, Дигул (Бат. Ирианда) . Зонд аралдары мен Батыс Ириан жері қызғылт-сары латерит топырақты, Суматра, Калимантан жері тропиктік батпақ топырақты. Таулы бөлігі - экваторлық және тропиктік мәңгі жасыл ориан; аралдардың жағалауында қалың бұта өседі. Жануарлар дүниесінің құрамына Ириан жерінің көбі Үнді-Малайя зоогеографиялық аймағының Малайя тармағына, ал Батыс Ириан, Молукка аралы, Кіші Зонд аралдарының бір тобы Папуас тармағына жатады. Жануарлардан маймылдар(орангутан, гиббон, макака), жалғыз және қос мүйізді керік, піл, малайя аюы, бантенг бұқасы, жалды крокодил және құстардың, бауырымен жорғалаушылардың көптеген түрлері кездеседі. Ириан территориясы 2 табиғи ауданға бөлінеді: Яваның шығыс бөлігі, Сулавесидің оңтүстік-шығысы, Кіші Зонд және Молукка аралдары-субэкваторлық, қалған жері-экваторлық аудан.

Халқы.

Индонезияда 150-ден астам халық пен этникалық топтар тұрады. Тұрғындарының 96%-ы малайя-полинезиялық семьяның индрензия тобына жататын халықтар; олардың ішіндегі сан жағынан үлкендері - явалықтар және оларға жақын халықтар (14 млн-дай), ерекше топ - джакарталықтар (3 млн-дай), ачелер (1, 8 млн), батактар (2, 7 млн), даяктар (2 млн-ға жуық), балиялықтар (2, 2 млн) . Батыс Ирианның солт. бөлігінде меланезиялықтар, оның ішкі аудандарында папуастар, Ириан қалаларында қытайлар (млн), арабтар (100 мың) тұрады. Мемлекеттік тілі - индонезия тілі . Негізгі діні - ислам (мұсылмандар 86%, қалғандары христиандар, үнділер, буддистер мен крнфуцишілдер) . Халқының көбі Ява аралында қоныстанған. Қала халқы 30%; ірі қалалары халқы 1-млн-нан астам - Джакарта, Сурабая, Бандунг; халқы 500 мыңнан астамы - Медан, Палембанг, Семаранг.

Тарихы.

Индонезия жері - қазіргі типтегі адам (питекантроп, явантроп, одан кейін вадьяк адамы) қалыптасқан орталықтардың бірі. Одан төменгі палеолит дәуірінің ескерткіштері табылды. Сірә, б. з. б. 5 ғ. шамасында Индонезияға Үндіқытайдан қола дәуіріндегі Донгшон мәдениеті енген болуы керек; негізгі аймақтары қола дәуіріне б. з. б. 2 ғ. - б. з. 2 ғ. -да көшті. Жағалаудағы аймақтар б. з. 2 ғ. -да темір дәуіріне көше бастады. Халық негізінен егіншілікпен, аздап аңшылықпен шұғылданады. Әлеуметтік ұйымның негізгі түрі рулар мен тайпалар болды.

2-5 ғ. -да өндіргіш күштердің дамуына байланысты, Индонезия жерінде алғашқы таптық қоғамдар қалыптасты. Явада Тарума, Калинга мемлекеттері мен Шығыс Ява мемлекеті, Суматрада Малайю, Калимантанда Кундунг әулеті билеген мемлекет пайда болды.

7 ғ-ға салым Индонезияда феодалдық қатынастар қалыптасты. 7 ғ-дың орта шенінде бірнеше князьдық бірігіп, суматралық қуатты Шривиджайя империясы болды. 8ғ-дың 2-жартысында Шайлендрлер әулеті басқарған Шривиджайя империясы Малакка жарты аралына берік тұрақтады. Орталық Явада 8- ғ-дың 1-жартысында Матарам мемлекеті пайда болды. Мұнда Санджайя құрған Шиваист әулеті биледі. 9-10 ғ-да Шривиджайя империясы дәуірлеп өсті. Ал 11-ғ-дың ортасына салым Матарам мемлекеті Орталық және Шығыс Яваның және Бали аралдарының шұрайлы алқаптарын алып, ірі сауда қалаларын өзіне бағындырды.

11-16 ғ-да Индонезия дамыған феодалдық дәуірге ойысты. Индонезияның бұл кезеңдегі тарихы Кедиридің Явадағы мемлекетінің гүлденуіне байланысты. Сингасари мемлекеті ыдырап, Явада Маджапахит империясы (1293-1520 ж. ш. ) құрылды. Бұл империя орта ғасырдағы ең ірі жалпы индонезиялық мемлекет болды.

14-ғ-да Явада феодализмнің дамуы - қауымдық жер, патша үйі, ғибадатхана жері, жеке меншік жер болып бөлінуіне әкеліп соқтырды. Ірі жер иелері қалыптасты. 14-ғ-да Индонезияға Үндістан мен Малаккадан ислам діні кіре бастады. 15 ғ-дың ортасынан бастап Маджапахит империясы әлсіреп, 16 ғ-дың 2 он жылдығында бірсыпыра мұсылман княздықтарына бөлінді. 1575 жылға салым орт. және шығыс Яваның дені Матарам деп аталатын мемлекетке бірікті. Тек Батыс Явадағы Бантам сұлтандығы тәуелсіз күйінде қалды. 16 ғ-дың 90 жылдары Индонезияға голландиялықтар келіп, отпрлау саясатын жүргізді. Олар жергілікті феодалдар арқылы шаруалар шаруашылығына, сыртқы саудаға қажетті дақылдарды өсіруді енгізді. Сөйтіп сыртқа шығарылатын өнімдерді өндіруді реттей бастады. 18 ғ-да Индонезияға кофе дақылы еріксіз енгізілді. Индонезия феодалдары қосымша өнімнің басым бөлігін голландиялықтарға беруге мәжбүр болды. Бұл Голландияға қарсы күресті өрістете түсті, бірақ ол күшпен жаншылып отырылды.

18 ғ-дың аяғында Голландия және оның отарлары дүние жүзілік үстемдік үшін таласқан ағылшын-франуз қақтығысына душар болды. 1811 ж Индонезияны Англия басып алды. Бірақ 1814 жылғы келісім бойынша Англия Индонезияны Голландияға қайтарып берді.

Экономикасы

Индонезия агрономиялық - ел. Тәуелсіздік алғаннан кейін (1945 ж) ұлттық экономикасын қалпына келтіру және одан әрі дамыту шаралары іске асырыла бастады. Бұрын голландиялық отаршылардың және шетел капиталының қармағанда болған кәсіпорындардан мемлекеттік сектор құрылды. Бірақ мемлекеттік аппараттағы реакцияшыл элементтнр пргрессивтік өзгерістердің іске асуына кедергі жасады, мемлекеттік секторды өз қажеттеріне пайдаланды. Индонезияның экономикалық жағдацы ісіресе 1965 жылғы қыркүйек оқиғаларынан кейін қатты нашарлап кетті. Өндіріс қысқарды, инфляция күшейді. Индонезияның шетелге борышы күшейді(3, 70млрд. доллар, 1970) . Индонезияға бірігіп ықпал жасау үшін АҚШ, Жапония, Нидерланды, Ұлыбритания т. б. империалистік кредитор елдер халықаралық консорциум құрды. Экономикаға шетел капиталының одан әрі кіруіне кеңірек жол ашу туралы арнаулы заң 1967 ж қабылданды. Бір кезде мемлекеттік секторға біріктірілген кәсіпорындар мен шаруашылықтар бұрынғы қожаларына қайтарылып берілді. Джакартада АҚШ, Жапония, Нидерланды, Франция, ГФР банкілерінің филиалдары ашылды. 70 жылдардың басында Индонезия көптеген елдердің агрономиялық және өндірістік шикізат өнімдерін беретін аймығына, экономикасы оларға толық бағынышты елге айналды. Еңбекшілердің жағдайы ауырлады. 1970 ж мүлдем жұмыссыз қалған адам саны 3 млн., жартылай жұмыссыздарың саны 14 млн. Болды. 1969/70-1973/74 жылдардағы экономиканы дамыту жоспарында ауыл шаруашылығына, электр энергетикасына, тау-кен өнеркәсібіне ерекше көңіл бөлді.

Ауыл шауашылығы - Индонезия экономикасының басты саласы; 1968 ж оның үлесіне жалпы ұлттық өнімнің 47%-і тиді. Еңбек етуші халықтың 67, 2%-і ауыл шаруашылығымен, балық және аң аулаумен, орман шаруашылығымен айналысады. Ауыл шаруашылық жері негізінен помещиктердің қолынад, оолар егістікті шаруаларға жалға береді. Плантация шаруашылықтарының көбі Ява және Солт. Суматра аралдарында шоғырланған, олар мемлекет қарамағында. Ауыл шаруашылық табысының 84%-ін егіншілік береді. Суармалы егісі 1, 7 млн. ГА. Басты дақылы - күріш(негізінен Ява аралында) . Экспорттық дақылдары - каучук ағаша, майлы пальма, шай, кофе, какао, қант қамысы, темекі және т. б. Индонезия копра жинаудан дүние жүзінде 2-орын(Филиппиннен кейін), пальма майын өндіруден 4 - орын(Нигерия, Малайзия, Заирден кейін), шайды экспортқа шығарудан 3-орын (Үндістан мен Шри-Ланкадан кейін) алады. Майлы пальма Суматрада, шай Явадв, Суматрада, қант қамысы Явада, темекі Явада, Суматрада, Баоиде, Сулавесиде егіледі. Мал өсіру қосалқа есепті. 1969/70 жылғы мал саны (млн) : мүйізді ірі қара 9, 7, буйвло 2, 7, шошқа 2, 7 ешкі 7, қой 6, 7, жылқы 0, 6, 90-млн. дай үй құсы бар.

... жалғасы

Сіз бұл жұмысты біздің қосымшамыз арқылы толығымен тегін көре аласыз.