Банк қызметі және оның түрлері

Пән: Банк ісі
Жұмыс түрі: Дипломдық жұмыс
Тегін: Антиплагиат
Көлемі: 77 бет
Таңдаулыға:

Кіріспе

Профессор М. М. Агарков банктің түсінігін оның функциялары арқалы анықтаған: Банк өз клиенттеріне 3 категориялы қызмет көрсетеді. Біріншіден банк өзгелердің ақшасын жинап, оның сақталуын жүзеге асырады, клиенттердің кассирі боладыағымдық есептер немесе оларға өз капиталдарын орнатуға (инвестиция) мүмкіндік береді (банктерің облигациялық қарыздары, жедел салымдар) . Екі жағдайда да банк келесі екі қызметті жүзеге асыруға жол ашады.

Екіншіден, банк клиентке процентсыз ақша талап ету нысанында несие береді, негізінен вексельді талаптар (есептік операциялар), немесе өздеріне клиент міндеттері бойынша жауаптылықты алу арқылы (кепілдік несие, акцептілік кредит) . Үшіншіден, бенк клиенттің төлемдері жайлы әр түрлі тапсырмалар орындайды. Мысалы: чектерді төлеу, ақша аудару, аккредиттер, төлемдердің вексельдері және өзге құжаттары бойынша инкассациясын жасау.

Сәйкесінше, бұл үш түрлі қызмет категорияларына үш түрлі банкіге тән функцияларды анықтау қажет: 1) Өзгелердің қаражатын жинау 2) несие қызметін көрсету 3) төлемдік айналымға жәрдемдесу. Сонымен қатар банк бұл 3 негізгі функцияға қоса өзге де қызмет көрсетеді. Мысалы, тауарлық сауда саласында (тауарлық - комиссиялық операция), қорлық құндылықтар саудасы т. б.

Бұл үш көрсетілген функциялар барлық банк деп есептелетін мекемелерге тән болып келмейді.

«Банк» түсінігін ашу қажеттілігі екі ойдан туындайды. Бірінші ой - банк деп аталатын мекеме мен құқықтық субъектісі қандай екендігін, оның құқықтық мәртебесі қандай екендігін, құзіреті және шаруашылық айналымдаға рөлін анықтау қажеттілігі. Яғни бұл субъекті заңды тұрғыдан нақты қандай екендігі, оның потенциалды жағымды мүмкіндіктері және қандай міндеттер мен жауаптылық құралдары арқылы оған әсер етуге болатындығын көрсету қажет.

Екінші ой да өте маңызды. Онда банкті қандай жағдайда қалыптастыру қажет, банктен басқа қандай іс - әрекет түрлеріне өзге құқықтық нысандыр жоқ екендігін анықтау. Яғни қандай жағдайда мемлекет азаматтарды белгілі бір іс - әрекеттерді жүзеге асыру үшінбанк қалыптастыруға міндеттейді, және орындалмағаны үшін жаза тағайындайды.

Коммерциялық банктің заңды анықтамасы «Банк және банктік қызмет туралы » заңның бірінші бабында берілген.

Банк - заңға сәйкес банктік іс - әрекетті жүзеге асыруға құқылы, коммерциялық ұйым болып табылатын заңды тұлға.

Банктің ресми мәртебесі оның банк ретінде әділет министрлігі органдарында мемлекеттік тіркеуі арқылы және қаржылық гарық пен қаржылық ұйымдарды реттеу мен қадағалау органдарының банктік операциялар жасауға лицензиясы арқылы анықталады.

Ресми «банк» деген мәртебесі жоқ ешбір заңды тұлға өзін «банк » деп атауға немесе бнактік іс - әрекетпен айналысуға құқығы жоқ.

Коммерциялық банк түсінігі келесі белгілер арқылы анықталады:

Банк коммерциялық заңды тұлға болып табылады, яғни табыс табуға бағытталған іс - әрекет жүргізетін ұйым;
Банк тәуелді және дочерлі қоғамдардың акционерлік қоғамы түрінде қалыптасады; банк үшін өзге ұйымдық - құқықтық нысандарға жол берілмейді;
Банк несиелік ұйым болып табылады, яғни банктік операциялар жүзеге асыруға қалыптастырылған.
Банк Қазақстан Республикасының Ұлттық Банкі берген лицензия негізінде жұмыс істейді;
Банк арнайы құзіретке ие, яғни белгілі операциялар жасау арқылы табыс табады;
Банк заңшығарушы тарапынан банктік жүйенің элементі ретінде қарастырылады.

Бұл белгілердің бірнешеуі азаматтық құқықта жақсы қарастырылға, ал басқалары толықша талдау талап етеді. Бірінші топқа банктің ұйыдық - құқықтық нысанын, банктік құқықтың шегінен шығатын болмысын, коммерциялық заңды тұлға түсінігін, және өзге де азаматтық құқықта қолданылатын түсініктерді жатқызуға болады.

Банктің сипатамасын оның жасауға құқылы операциялар шеңберін анықтауды жатқызамыз. Ал заңға жүгенер болсақ, несиелік ұйым өз ішінен тек банктерді емес, сонымен қатар бантік емес несиелік ұйымдарды қосады. Шынында бұл мүлдем олай емес. Банк ең мүлтіксіз несиелік ұйым болып табылады, яғни ол тек банкке тән іс - әрекетпен қатар өзге де іс - әрекеттер жүзеге асыра алады. Банктік емес несиелік ұйымдар заң бойынша банкке жүктелген операциялардан басқа барлық операцияларды жасац алады. Сондықтан да банк түсінігі «несиелік ұйым » түсінігінде «банктік емес несиелік ұйымдармен » қатар тұр .

Банкке несиелік ұйым ретінде фирмалық атау беріледі, оны жүзеге асыру «банк және банктік қызмет туралы» заңның 15 бабымен реттелген. Несиелік ұйымның атауының құрамында «банк» сөзін қолдану арқылы оның заңды тұлға ретінде атқаратын қызметінің сипаты болуы тиіс. Сонымен бірге, оның ұйымдық- құқықтық нысаны көрсетілуі керек. Бұл бапқа сәйкес банк фирмалық атауға (толығымен ресми) және атауы көрсетілген мөрге ие болады. Ұлттық банктен лицензия алған заңды тұлғалардан басқа, Қазақстан Республикасында ешбір заңды тұлға өз атауына «банк» сөзін қоса алмайды.

Банк атауы оның заңды тұлға ретінде жекеленуінің құқықтық жолы болып табылады. Сондықтан да фирмалық атауға азаиаттық - құқықтық нормалар жүктелген. Ойлап табылған атау банктің қызметін анықтау үшін тауарлық белгіде көрсетілуі мүмкін.

Банк Қазақстан Республикасының Ұлттыұ Банкі берген лицензиясының негізінде өз іс - әрекетін жүзеге асыра алады. Лицинзия - банктің нақты банктік операциялар жасауға құқығын бекітетін мемлекеттік басқару органының акті болып табылады.

Жаңа құрылған банкке келесідей лицензиялар берілуі мүмкін:

Теңге қаражаты арқылы операциялар жүзеге асыру лицензиясы
Теңге және шетел валютасы арқылы операциялар жүзеге асыру лицензиясы
Құнды металлдардың қойылымы мен орналасуын тарту лицензиясы
Генералды лицензия
Бір мерзімдік лицензия

Банктің бағалы қағаз рыногындағы іс - әрекеттері бөлек лицензияланады. Егер бұл іс - әрекет банктік операциялармен және бағалы қағаздарды басқару сенімімен қамтылмаса.

Банктік лицензиялармен тек банктік операциялар қамтылады. Егер де банк өзге де іс - әрекет түрін жүзеге асыратын болса, онда ол сол іс - әрекеті үшін бекітілген ережелерді ұстануы тиіс.

Коммерциялық банк мүлігі. Жарғылық капитал және оның құрылу тәртібі.

Коммерциялық банктің мүлігі дегеніміз банк іс -әрекетін жүзеге асыра алатын заттардың, материалды емес құндылықтары мен мүліктік талаптардың жиынтығы. Қандай да бір банктің мүліктік базасы жайлы білу үшін оның активтерц мен пассивтері, табыстары мен шығындары жазылған балансын талдау қажет. Балансты талдау арқылы банктің жалпы жағдайына баға беруге, банктің саясатын анықтауға, қызмет ету саласын білуге болады. Осы талдауға жүгене отыррып, банктің тұрақтылығын немесе сенімсіздігін білуге болады.

Банк мүлігіне оның қаражаты кіреді, яғни мншік құқығы бойынша иеленетін мүлік (өйткені, барлық банктер АҚ нысанында құрылады, банкте өзге мүлік болуы мүмкін емес) және тартылған, жалға алынған, қандай да бір келісімшарт негізінде баланста жатқан қаражат (мысалы, бұл банкке сақталуға берілген кепіл ретіндегі мүлік) .

Мүлікті оның физикалық критериі мен қолдануына байланысты негізгі және айналымдағы қаражат, мүліктік құқық, материалды емес активтер, интеллектуалды мүлік объектісі деп бөлуге болады. Олар жарғылық капиталға кірмейді, бірақ банктің жұмыс істеу мерзіміндеоларды алуға болады. Олардың қатарына банктік технологиялар, ақпараттар, компьютерлік программалар кіреді.

Коммерциялық банктың жарғылық капиталы - несие алушылардың мүдделерін қамтамасыз етуге арналған құрылтайшылардың салымдарынан тұратын заңды тұлғаның минималды міндетті мүлігі. Оның құрамына ақша, бағалы қағаздар, өзге де заттар мен мүліктік құқықтар немесе ақшалай құны бар құқықтар кіреді. Ол құрылтайшылардың саламанан құралады және салынғаннан кейін оның меншігіне жатады.

Коммерциялық банк АҚ нысанында құрылады. Сондықтан оның жарғылық капиталына АҚ туралы заңның 3 тарауының талаптары да қойылады. Жалпы алғанда бұл талаптар құжатсыз сипаттағы бірдей номиналды шығарылатын акция болып табылады. Олар алғашында құрылтайшылар арасында бөлінеді. Бұл акциялар болуы мүмкін (олар жарғылық капиталдың 25 % аспауы тиіс) .

Жарғылық капитал құрылу барысында тартылған ақша қаражатын қолдану банктік заңдармен тыйым салынған. Бұл банк несие алушыларына кепіл болып табылады.

«АҚ туралы» заңның 10 бабына сәйкес жарғылық капиталдың минималды көлемі 5 АЕК құрауы тиіс. Бірақ Қазақстан Республикасының Ұлттық банкінің басшылығының 2001 ж. 2 маусымының «Екінші деңгейлі банктердің минималды жарғылық және өзіндік капиталы туралы» қаулысында жарғылық капитал 2 млрд. Теңге көлемінде көрсетілген. Жарғылық капиталдың 50 % толығымен ұлттық алютада, бір күнтізбелік жылдың мерзімінде, тіркеу кезінде төленуі тиіс. Яғни тіркелгеннен кейін 1 жыл ішінде. Егер де құрылтайшы осы жыл мерзімінде ақшаны төлей алмаса, онд Ұлттық Банк банк құруға рұқсатнамасын қайтарып алу құқығына ие.

Әлемнің көптеген мемлекеттерінде банктер үшін белгілі нормативтер бар. Ұлыбританияда жарғылық капиталдың минималды көлемі 5 млн. фунт стерлинг, Францияда 15 млн. франк құрайды. Германияда әр жаңадан ашылған банк үшін несиелік ұйымдарды бақылау комитеті мен Ұлттық банк әр түрлі көлемде жарғылық капитал тағайындайды. Тек қана бұл сомма несие алушылардың алдында жауапкершілікті орындауға және өз мүлігінің қауіпсіздігін қамтамасыз етуге жеткілікті болуы тиіс.

Ең қызықты АҚШ тәжірбиесі. Онда банктің минималды жарғылық капиталы толығымен банк орналасқан аймақ пен қалаға, қайда орналасқанына және қандай тұрғындар мен ұйымдарға қызмет көрсететіндігіне байланысты. Егер банк халық саны 2 мың адам құрайтын жерде ашылса, онда оған 25 мың доллар жеткілікті; егер 30 мың адам тұратын болса, онда 50 мың доллар қажет, ал егер де тұрғындар саны 30 мыңнан көп болса, онда 100 мың доллар талап етіледі. Осылайша, банктің минималды жарғылық капиталын тағаиындау қағидасына қарап, оның қандау банктік жүйе мен саясатын ұстанатындығын көре аламыз. Жарғылық капиталды төлеу үшін Ұлттық банк коммерциялық банк үшін корреспонденттік есеп ашады. Онда қатысушылардың барлық салымы түседі. Жарғылық капитал қалыптасу кезінде бұл есеп басқа мақсатпен қолдана алмайды. Антимонопольдік талап - ешбір тұлға Ұлттық банктің рұқсатысыз банктің 10 %-дан көп акцияларына ие бола алмайды. 20 %көп болу үшін, Ұлттық банктің алдын - ала келісімі болуы керек.

Жарғыылқ капитал жиналғаннан кейін, банктің өз іс - әрәкеті масштабын анықтайтын, өз меншіктік қаражатының негізі болып табылады.

Негізгі бөлім

2. 1 БАНК ТАРИХЫ

2003 жылы Қазақстан Халық банкіне 80 жыл толды.

Халық Банкінің тарихы - бұл Қазақстан аумағындағы жинақ жүйесінің құрылу және даму тарихы. «Қазақстан Халық Банкі» акционерлік қоғамының негізі қайта құрылған Қазақстан Республикасы Жинақ банкінің базасында қаланған.

Еліміздегі алғашқы жинақ кассасы сонау 1923 жылы, төңкеріс жылдарынан кейінгі жаңа экономикалық қарым-қатынастар қалыптаса бастаған кезеңде, Ақтөбе қаласында ашылған болатын, кейіннен ұжымдандыру (коллективтендіру) және индустрияландыру науқандары жүргізілген тұста, 1936 жылы, Алматы қаласында КСРО Жинақ банкінің филиалы ашылды. Ақтөбедегі жинақ кассасы ашылғаннан кейін небәрі 4 жылдың ішінде республикадағы мұндай кассалар саны 335-ке жетті. 1929 жылы Республикалық жинақ кассасы құрылып, ол Қазақстандағы барлық кассалар қызметіне жалпы басшылықты іске асырды. Касса салымшыларының қатарына жұмысшыларды, қызметкерлер мен колхозшыларды неғұрлым көбірек тарту мақсатында жинақ кассаларын тікелей зауыт-фабрикалардың өзінен, колхоз-совхоздарда, байланыс мекемелері мен кәсіпорындардан ашу қолға алынды.

Социалистік қоғамда қалыптасқан әлеуметтік-экономикалық және қаржылық қатынастардың өзі әрбір кеңестік азаматтың Жинақ банкі салымшыларының қатарына қосылуына ықпал етті. Халыққа қызмет көрсетудің орасан зор ауқымдағы жүйесі қаражат жинақтау мен банк ісінің қалыптасқан тарихи дәстүрлерін Қазақстан аумағында да бекітуге қолайлы жағдай туғызды.
Жинақ кассалары сонымен қатар мемлекеттік қарыз облигацияларының, басқа да бағалы қағаздардың кепілдігімен мерзімдік несиелер берумен айналысты. Сондай-ақ оларға қор операцияларын, басқа да бірқатар қаржылық және банктік операциялар жүргізуге рұқсат етілді.
Бұл кезеңдегі жинақ ісінде мемлекеттік кредит беру қалыптасып, біртіндеп дами бастады.
Ол жылдары сегіз рет мемлекеттік қарыз шығарылды, оның үшеуі - натуралдық түрде (астықпен, қантпен) болса, екеуі алтынмен есептелген болатын (ақша реформасына дейін) .
1960 жылдың аяғына қарай жинақ кассаларындағы салымшылар саны 1 770 мың адамға жетті, ал салым ақшаның көлемі 322, 7 млн сомды құрады, салымның бір адамға шаққандағы орташа мөлшері 182 сом болды. Жинақ кассаларының саны 1950 - 1960 жылдар арасында 1, 8 есеге өсіп, 1960 жылдың аяғында 2805-ке жетті.
Қазақстандағы жинақ ісі мен жинақ кассалары желісінің кеңінен қанат жаюы
ең алдымен еліміздегі тың және тыңайған жерлердің игерілуі нәтижесінде халық шаруашылығының қарқынды дамуымен, еңбекшілердің материалдық тұрмыс жағдайының айтарлықтай жақсаруымен байланысты болды. Тек 1955 жылдың өзінде еліміз бойынша салымшылар шоттарының 44, 1 пайызы, ал салымдар қалдығының 44 пайызы тың жерлерді игеру жаппай жүргізілген солтүстік өңірдегі Көкшетау, Қостанай, Солтүстік Қазақстан, Ақмола, Павлодар облыстарының үлесіне тиді
(М. Жолдасбеков, «Незаменимые услуги», Алматы, 1986 ж. ) .
60-жылдардың басында жинақ кассаларында тұрғындардан пәтерге, коммуналдық қызметттерге төлейтін төлемақыларын қабылдау операцияларын жүргізу қолға алынды. Сонымен бірге жинақ кассаларының құзырына зауыт-фабрикалардың, жергілікті кәсіподақ комитеттерінің, өзара көмек кассаларының және шаруашылықпен айналыспайтын қоғамдық ұйымдардың ағымдағы шоттарын жүргізу берілді.

Жинақ жүйесінің одан әрі дамуы үшін ақша бірлігін күшейтудің маңызы зор болды.
Алайда 1961 жылы жүргізілген реформа айналымдағы ақша массасын бақылау және ақша шығаруды шектеу шарасы ретінде ойластырылғанымен, көздеген мақсатқа қол жеткізілмеді, ол үшін бүкіл шаруашылық құрылымы қайта өзгертілуге тиіс еді, сондықтан аталған реформа ақша белгілерін ауыстырумен және сомның жаңа бағамын белгілеумен ғана шектелді.
1963 жылдан бастап жинақ кассалары Қаржы министрлігінің құрамынан шығарылып, Мемлекеттік банк қарамағына берілді, халық салымдарының қаржысы бұдан былай банктің кредит ресурсын толықтыруға жұмсалатын болды. 60-жылдардың аяғында жинақ ісінің нағыз даму шегіне жетіп, көркейген кезеңі болды: дәл сол жылдары халық шаруашылығына кредит беруге күрделі капитал қаражаты жіберілді, ал оның негізгі көзін тұрғындардың кассалардағы жинақ салымдары құрады.
1988 жылғы банктік реформа бойынша банк жүйесін екі деңгейге көшіру көзделді: орталық банк және арнаулы банктер. Мемлекеттік еңбек жинақ кассалары КСРО Жинақ банкіне айналдырылып, халыққа және заңды тұлғаларға қызмет көрсететін мемлекеттік арнаулы банк болып құрылды.
Қазақстан Республикасының мемлекеттік тәуелсіздік пен егемендіккке қол жеткізуімен жинақ ісінің дамуында үшінші қайта құру кезеңі басталды - дәл осы кезден бастап Қазақстан Халық Банкінің құрылымдық банкингке және функционалдық қайта бағдарлауға негізделген ісі қолға алынды.
1990 жылдың желтоқсанынан бастап Қазақстан өзінің нарықтық экономика талаптарына жауап бере алатын банк жүйесін құруға кірісті. 1991 жылдың қаңтарында-ақ «Қазақ ССР-індегі банктер және банк қызметі туралы» деген заң қабылданды, мұның өзі тәуелсіз Қазақстанның банк ісіндегі реформа жұмысының алғашқы қадамы болған еді.
Мемлекеттік тәуелсіздігіміз ресми түрде жария етілген соң бір жылдан кейін, 1992 жылы Қазақстан Республикасының Жинақ банкі құрылды, оның заңды түрдегі ресми құқық иеленушісі бүгінгі Қазақстан Халық Банкі болды.
1993 жылы Жинақ банкі Қазақстан Республикасының үкіметіне қарайтын дербес заңды құрылым - «Қазақстан Халық Банкі» болып ұйымдастырылды. Ал 1995 жылы Банк жабық тұрпаттағы акционерлік қоғам болып қайта құрылды. Қайта құру рәсімі банк басшылығын ауыстырумен, жұмыс стилін түпкілікті өзгертумен ұштастырылды.
Жаңа басшылық банк жұмысына әмбебап қызмет көрсету қағидатын негіз етіп алды және бүгінгі күнге дейін банк қызметі түрлерін барынша кеңейтуді, банкингтегі ақпараттық-коммуникативтік технологиялардың соңғы жетістіктерін пайдалануды барынша қолдап әрі дәйектілікпен іске асырып келеді.
1995 жылдың аяғында-ақ Қазақстан Халық Банкі республикадағы ірі операциялық банк болып танылды. Қазіргі уақытта Банк қаржы рыногындағы өзінің сол айқындамасынан ауытқымай, қол жеткізген жетістіктерін сақтап қалуға ұмтылып келеді.
1998 жылдың шілдесінде акционерлердің жалпы жиналысының шешімімен Банк жабық тұрпаттағы акционерлік қоғамнан Үкіметтің қатысуы 100 пайызды құрайтын «Қазақстан Халық жинақ банкі» ашық акционерлік қоғамына айналдырылды.
Сол жылы Қазақстан Республикасы Үкіметінің 1998 жылдың 6 шілдесінде шыққан
№ 644 «Қазақстан Акционерлік Халық жинақ банкін 1998-2001 жылдары кезең-кезеңмен жекешелендірудің негізгі бағыттары туралы» деген қаулысына сәйкес акционерлік қоғам капиталын ұлғайту бағытында жұмыс жүргізілді.
2001 жылдың қараша айында өткен сауда-саттық аукционында Қазақстан Үкіметі өзіне тиесілі 33 пайыз + бір акцияның бақылау пакетін сатты. Осы уақыттан бастап Қазақстан Халық Банкі еліміздегі ірі әмбебап әрі жетекші коммерциялық банктердің бірі болып келеді. 80 жылдан астам өз клиенттеріне қалтқысыз қызмет етіп, сенімді қаржылық мекемеге айналып отыр.

2. 2. ҚР «Халық Банкі» АҚ талдау

Банк Қазақстан Республикасының заңына сәйкес, өзінің меншігінде оқшауланған мүлкі бар және сол міндеттемелері бойынша жауап беретін, өз атынан мүліктік және мүліктік емес жеке құқықтар мен міндеттерге ие болып, сотта талапкер немесе жауапкер болатын заңды тұлға болып табылады.

Банктің ресми мәртебесі Қазақстан Республикасының Әділет органдарында заңды тұлға ретінде тіркелуімен және уәкілетті органның банктік операцияларды жүзеге асыруына беретін лицензиясы негізінде анықталады. Банктің меншік нысаны- жеке меншік болып табылады.

Қазақстан Республикасының заңдарына сәйкес, Банк Қазақстан Республикасының аумағындағы және оның аумағынан тыс жерлердегі заңды тұлғалардың жарғылық капиталын құруға қатыса алады.

Банк өз қызметін Қазақстан Республикасының Конституциясын, өзге де заңдарын және Қазақстан Халық жинақбанкінің жарғысын және Банктің ішкі ережелерін басшылыққа ала отырып жүзеге асырады.

Қазақстан Республикасының заңнамаларына Банк атын сәйкестендіру мақсатында акционерлердің Жалпы жиналысының шешімімен «Қазақстанның жинақтаушы Халық Банкі» атауын «Қазақстанның Халық жинақ Банкі» акционерлік қоғамы деп өзгертті. Банк міндеттемелері бойынша өз мүлкі шегінде жауап береді, акционерлерінің міндеттемелері бойынша жауап бермейді. Сәйкесінше, Банктің міндеттемелері үшін акционерлер жауап бермейді және Банк қызметіне байланысты өзіне тиесілі ауциялар шегінде ғана тәуекел етеді. Банк мемлекет міндеттемелері үшін, мемлекет Банк міндеттемелері үшін жауап бермейді.

Директорлар Кеңесінің шешіміне сәйкес, Банк Қазақстан Республикасының аумағында және одан тыс жерлерде филиалдар мен өкілдіктер құруға құқылы. Банктің филиалдары мен өкілеттіктері заңды тұлға болып табылмайды және директорлар Кеңесі бекіткен ережелер шегіндк қызмет етеді. Филиалдар мен өкілдіктер басшылары Банк берген сенімхат негізінде әрекет етеді. Филиалдар мен өкілеттіктердің құрылуы Қазақстан Республикасының заңнамасымен және олар орналасқан аумақтағы мемлекет заңнамасымен реттеледі. Банк филиалы бір облыс, қала аумағында бірнеше мекен - жайда орналасқан ғимараттар иеленуге құқылы. Сондай-ақ, Банк ҚР- аумағында және одан тыс жерлерде еншілес ұйымдар құра алады.

Банк өз қызметін жүзеге асыру барысында оны дараландыратын құралдары бар. Олар: корпоративтік мөр, арнаулы мақсат үшін қолданылатын өкілдіктер мен филиалдардың мөрлері, штамп, бланкі, белгілер мен реквизиттер. Банк реквизиттері бірнеше тілдерде, яғни қазақ, орыс, ағылшын тілдерінде толтырылады. «Қазақстан Халық Банкі» акционерлік қоғамының Жарғысының 7- бабына сәйкес, Банктің қызмет ету мерзімі шектелмейді1.

2. 2 Халық Банкін корпоративтік басқару Қазақстан Халық Банкі акционерлік қоғамының акционерлерінің Жалпы жиналысының шешімімен бекітілген Кодекс арқылы реттелінелі. 2006 жылдың 20 желтоқсанында бекітілген Жарғыға сәйкес, оның толық атауы «Қазақстанның Халық Банкі акционерлік қоғамын корпоративтік басқару кодексі» деп аталды. Бұл кодекс Қазақстан Халық Банкі акционерлік қоғамын басқару барысында қолданылатын негізгі стандарттар мен қағидаларды анықтайды. Корпоративтік басқару стандарттарын қолдану мақсаты Банк акционерлерінің мүддесін қорғау болып табылады. Корпоративтік басқару Банк акционерлері және органдары мен лауазымды тұлғалары арасындағы жоғары деңгейдегі іскерлік әдебін қамтамасыз етуге бағытталған.

... жалғасы

Сіз бұл жұмысты біздің қосымшамыз арқылы толығымен тегін көре аласыз.