«Мәдени мұра» бағдарламасы

1. Кіріспе
1.1 Бағдарламаның мақсаты
1.2 Бағдарламаның міндеттері
1.3 Қаржы көздірі
1.4 Күтілетін нәтиже
2. Негізгі: «Мәдени мұра» бағдарламасы . ұлттың рухани азығы
2.1 Халық руханиятының қайнар көзі
2.2 Ана тіліміздің мәртебесін арттыру бағдарламасы
2.3 Әлемдік тарихи ой.сана
2.4 Әлеуметтану жауһарлары
2.5 Ұлттық мұраға жәдігерлер
3. Қорытынды

«Біздің ұлттық мәдениетімізде жалпы азиялықтарға тән биязылық, өткенге салауаттық жасау, үлкенді сыйлау, жасқа қамқорлық, қысылғанға қол ұшын беру, ағайынның ауыз бірлігін сақтау – бәрі-бәрі де бар. Ендеше, сол ұлттық мәдениетімізді ұлықтап, бар мен жоғымызды түгендеп, жүйелеп, келер ұрпаққа аманаттау – біздің басты мақсатымыз болуға тиіс. Тұтастай алғанда бізге өзіміздің мәдени мұраларымызды дүние жүзінің көруіне және көрсетуімізге мүмкіндік беретін жүйелі көзқарас қажет», - деп түйіндеді Елбасымыз Н.Ә.Назарбаев 2004-2006 жылдарға арналған «Мәдени мұра» мемлекеттік бағдарламасын қабылдау рәсімінде сөйлеген сөзінде [3,3 б.].
«Мәдени мұраның бай әрі сан-салалы болуы - өткен замандарда да халқымыздың түрлі өркениет биіктеріне көтерілгенінің айғағы. «Мәдени мұра» - өте кең ұғым. Ауыз әдебиеті, ғасырлар тереңінен жеткен әндер мен күйлер, әдет-ғұрып, салт-сана, адамның мінез-құлқына өлшем болып келген қасиеттерді де осы ұғымға жатқызуға болады» [4, 5 б.]
Бағдарламаның мақсаты: Елдің мәдени мұрасын тиімді пайдалану мен сақтауды қамтамасыз ету, рухани-білім саласын дамыту мақсатында кең көлемдегі жобаны әзірлеу және жүзеге асыруда өзіне қосатын: ұлттық мәдениетіміз үшін айрықша мәні бар маңызды тарихи-мәдени және сәулет ескерткіштерінің қайта қалпына келтірілуін қамтамасыз ету; зор мәдени мұраны, соның ішінде қазіргі заманғы ұлттық мәдениет, ауыз әдебиеті, дәстүрлер және әдеттерді зерттеудің тұтастық жүйесін құру; ұлттық әдебиетіміз бен жазуымыздың көп ғасырлы тәжірибесін қорыту, тармақталған көркем, ғылыми серияларды жасау; мемлекеттік тілде әлемдік ғылыми ойдың, мәдениет пен әдебиеттің озық жетістіктері негізінде толық құнды гуманитарлық білім қорын жасау.
«Мәдени мұра» бағдарламасының мақсаты – рухани және білім беру саласын дамыту, елдің мәдени мұрасының сақталуы мен тиімді пайдаланылуын қамтамасыз ету.
Ұлттық мәдениет үшін зор маңызы бар маңызды тарихи-мәдени, сәулет, ескерткіштерін, яғни Абат-Байтақ, Айша Бибі кесенелері, Қараман ата, Шопан ата мазарлары, Ақыртас, Баба ата сарайлы кешендерін ғылыми-зерттеу және қайта қалпына келтіру, Қойлық, Есік, Сарайшық, Берел және т.б. ортағасырлық қалашықтары, қорғандары мен тұрақтарының археологиялық қазбасын жүзеге асыру; зор мәдени мұраны, соның ішінде қазіргі заманғы ұлттық мәдениет, ауыз әдебиеті, дәстүрлер және әдеттерді зерттеудің біртұтас жүйесін жасау: оған Әл-Фараби, Ж. Баласағұн, М. Дулати, Қ. Жалайыридың еңбектері кіреді, «Кодекс Куманикус», «Қорқыт ата кітабы», «Оғыз-наме», «Бабыр нама» секілді сирек кездесетін көне басылымдар мен кітап қолжазбаларының көшірмесін табу және сатып алу