Дербес ЭЕМ-нің элементтік базасы

Пән: Информатика, Программалау, Мәліметтер қоры
Жұмыс түрі: Реферат
Тегін: Антиплагиат
Көлемі: 12 бет
Таңдаулыға:

Жоспары:

Дербес ЭЕМ-нің элементтік базасы
IBM дербес компьютерінің негізгі блоктары
Графиктік адаптер
Дербес компьютерді іске қосу және өшіру
Микропроцессор
Қолданылған әдебиеттер

Дербес ЭЕМ

Дербес ЭЕМ-нің элементтік базасы

Дербес ЭЕМ-нің (ДЭЕМ) элементтік базасы болатын электрондық компоненттері информация өңдеудің белгілі бір қызметін немесе оны сақтау ісін атқарады. Мұндай компоненттер интегралдық схемалар деп аталады. Интегралдық схема металдан не пластмассадан жасалған қорапқа салынған жартылай өткізгішті крсталдардан тұрады. Жіңішке жіп секілді арнайы сымдар осы кристалды қораптың шеткі тақшаларымен жалғастырады.

Жартылай өткізгішті кристалл көбінесе таза кремнийден жасалады, оны жасауда вакуумдық бүрку, тырналау, қоспаларды иондық түрде енгізу, дәлме-дәл фотолитография тәрізді және де басқа жоғары сапалы технологиялар қолданылады.

Осындай күрделі технология нәтижесінде кристалда электр схемасына біріктірілген «электрондық молекулалар» жасалады. Олар бір кристалл көлемінде (5х5 мм) жүз мыңнан аса бір-бірімен байланысқан «электрондық молекулаларды» құрастырып, өте күрделі информацияны түрлендіру жұмыстарын орындай алады. Мүмкін болашақта осындай схемалар элементтері рөлін тікелей ұғымдағы заттардың молекулалары атқаратын шығар.

Интегралдық схемаларды жасау, тексеру, олардың сапаларын бақылау - барлығы да автоматтандырылған, оның үстіне оларды сериялық түрде шығару да меңгерілген. Интегралдық схемаларды шығаруды баспаханаларды кітапты көбейтіп шығарумен салыстыруға болады. Олар өздерінің атқаратын функцияларына қарай ЭЕМ-нің әртүрлі тетіктерінің - шифраторлардың, сумматорлардың, күшейткіштердің түрлеріне байланысты бөлек-бөлек топтарға жіктеліп, серияларға бөлініп шығарылады.

Бұл схемалардың интегралдық (біріктірілген) деп аталу себебі олардың бір кристалды күрделі логикалық функциялардың белгілі біреуін орындай алады, сосын олардан транзисторлар мен диодтардан құрастырылған сияқты машина қондырғылары оңай жасалады.

ДЭЕМ бірыңғай аппараттық жүйеге біріктірілген техникалық электрондық құрылғылар жиынынан тұрады. ДЭЕМ құрамына кіретін барлық құрылғыларды олардың функционалдық белгілеріне қарай екіге бөлу қалыптасқан, олар: жүйелік блок және сыртқы құрылғылар.

Жүйелік блок мыналардан тұрады:

микропроцессор;
оперативті есте сақтаушы құрылғы немесе жедел жады;
тұрақты есте сақтаушы құрылғы;
қоректену блогы мен мәлімет енгізу-шығару порттары.

Ал, сыртқы құрылғылар былайша бөлінеді:

информация енгізу құрылғылары;
информация шығару құрылғылары;
информация жинақтаушылар.

ДЭЕМ-нің құрамында ең аз жүйелік блок, бір-бірден енгізу, шығару құрылғылары және ең аз деген бір информация жинақтаушы құрылғы кіреді. ДЭЕМ-де шешілетін мәселеге байланысты пайдаланушы адам оның минималды конфигурациясына қосымша шеткері құрылғыларды қосу арқылы кеңейтуіне болады.

Информация мен басқару командаларын енгізетін негізгі құрылғыларға пернетақта (клавиатура), «тышқан» тәрізді тетік және сканер (із кескіш) жатады. Осындай функцияларды бұлардан өзге жарық қаламұштары, жарық сезгіш планшеттер, джойстиктер (ұршық тәріздес тетік) және басқа да мәселелерді шешуге қолданылатын құралдар орындайды. Мысалы, осылардың кейбіреуін жобалау жұмыстарын автоматтандыруда қолдануға болады.

ІВМ дербес компьютерінің негізгі блоктары

Әдетте ІВМ дербес компьютерлері мынадай бөліктерден (блоктардан) тұрады:

жүйелік блок (тік немесе жатық қорапқа орналасқан) - 1 - блок;
мәтіндік және графикалық информацияны кескіндеуге арналған монитор немесе дисплей - 2-блок;
әртүрлі символдарды компьютерге енгізуге арналған перне тақта немесе пернелік - 3-блок;

Компьютердегі ең негізгі құрылғы - жүйелік блок, оның ішіне ДЭЕМ-нің басты құрылғылары орналасқан. Жүйелік блогы құрамында микропроцессор, жедел жад, тұрақты есте сақтаушы құрылғы, қоректену блогы мен енгізу-шығару порттары және мәлімет жинақтауыштар бар.

Бұлардан басқа компьютердің жүйелік блогына мынадай құрылғыларды қосуға болады:

мәтіндік және графикалық информацияларды басып шығаруға арналғанпринтер;
гафикалық курсормен басқарылатын құрылғы -«тышқан»графикалық қолтетігі;
джойстик- компьютерлік ойындарда қолданылатын қолмен басқарылатын тетік;
графиксызғыш немесе плоттер- сызбаларды (графиктерді) қағазға шығаруға арналған құрылғы;
сканер (ізкескіш) - графикалық немесе мәтінді информацияларды оқуға арналған оптикалық құрылғы;
CD-ROM - компакт -дискілерді оқуға арналған құрылғы, ол қозғалатын бейнелерді, мәтіндерді және дыбыстарды шығару үшін кеңінен пайдаланылады;
модем- телефон желісі арқылы басқа компьютерлермен информация алмасуға арналған құрылғы;
стример- мәліметтерді магниттік таспада сақтауға арналған құрылғы;
Желілік адаптеркомпьютерді жергілікті желіде (торапта) қолдануға мүмкіндік береді.

Сонымен, ДЭЕМ-нің негізгі құрылғыларына процессор, жад (жедел және сыртқы), сыртқы құрылғыларды қосу және мәліметтерді жеткізу құрылғылары жатады. Енді компьютерге кіретін немесе оған қосылатын әртүрлі құрылғылардың сипаттамаларын қарастырайық.

Графиктік адаптерлер

Монитор немесе дисплей - ДЭЕМ - ге міндетті түрде қажет шеткері құрылғы, ол компьютердің жедел жадында өңделетін информацияны экранда көру үшін қажет. Экран түстеріне қарай дисплейлер монохромды (ақ- қара ) және түрлі түсті болып, ал экранға шығарылатын информация түрлеріне байланысты символдық (тек символдық информация ) және графиктік ( символдық және оған қоса графиктік информация ) болып бөлінеді.

ЭЕМ- нің бейнелік құрылғысы екі бөліктен: монитор мен адаптердан

Тұрады. Біз тек мониторды көреміз, ал адаптер ЭЕМ қорабының ішінде орналасқан мониторды басқару блогы. Монитордың өзінде тек электрондық - сәулелі түтікше бар. Ал, адаптерде бейне сигналдарын беретін логикалық схемалар орналасқан.

Электрондық сәуле экранда секундтің 1/50 бөлігінде жүріп өтеді, бірақ экран бейнесі одан жәй өзгереді. Сондықтан экранның бір көрінісі үшін бейне сигналды бірнеше рет қайталап беріп отыру керек. Адаптерде бейнелер көрінісін сақтауға арналған бейнелік жад бар.

Көбінесе символдық режимде дисплей экранына 80 таңбадан тұратын 25 жол мәлімет шығарылады ( барлығы - 2000 таңба - стандартты машин-ка қағазындағы символдар саны) , ал графикалық режимдегі экранның бейнелеу (көрсету мүмкіндігі ) қабілеті адатер тақшасын жүйелік блокпен байланыстыру құрылғысының мүмкіндіктеріне сәйкес болады.

Экрандағы кескін көрінісінің сапасы графикалық адаптердің типіне қарай өзгеріп отырады.

Кең тараған адаптерлерге мыналар жатады: EGA, VGA және SVGA. Қазіргі кезде VGA және SVGA ( Super VGA ) кеңінен қолданылады, SVGA - ның көрсету қабілеті өте жоғары. Адаптерлер бейнелерді айқындап көрсету қабілетімен ерекшеленеді.

Қазіргі ДЭЕМ-дерде көптеген көлемді программалар CD-ROM компакт-дискілеріне жазылады. Қарапайым компакт-дискінің көлемі 600 Мб, яғни оған 600 миллион символ сияды, бірақ бұдан тек мәлімет оқуға болады, ал жазуға болмайды. Мәлімет жазуға болатын компакт-дискілер бар, бірақ олар әзірше өте қымбат тұрады.

Қазіргі кезде компакт-дискілерде өте сапалы фотосуреттер жинағы, фильмдер мен бейнеклиптер, әртүрлі дыбыстық эффектілермен, музыкамен безендірілген ойындар, үйренуге арналған әртүрлі программалар - барлығы CD-ROM дискілерінде болады.

Дербес компьютерді іске қосу және өшіру

Компьютерді іске қосу үшін мынандай әрекеттерді орындау қажет:

ДЭЕМ-ге жалғанып тұрған шеттік құрылғыларды тоққа қосу керек (принтер, сканер, т. б) .
жүйе блогын іске қосу керек.
мониторды іске қосу керек.

Бұл іс-әрекеттерден кейін экранға компьютерді алғашқы жүктеу және құрылғыларды тексерту жүріп жатқаны жайлы мәліметтер шығады. Операциялық жүйе жүктелген соң, компьютер жұмыс істеуге дайын күйге енеді.

Жұмыс істеп болған соң компьютерді өшіру үшін:

істеп тұрған программалар жұмысын доғару керек.
ДЭЕМ-ге жалғанып тұрған шеттік құрылғыларды токтан ағыту керек (принтер, сканер, т. б)
мониторды өшіру керек.
жүйелік блокты өшіру керек.

Сонымен компьютер өзінің жұмысын аяқтайды.

Микропроцессор

Микропроцессор бір кристалда дайындалған (үлкен) интегралдық схемалар - БИС, олар әртүрлі типтегі ЭЕМ жасауға керекті элемент болып табылады. Оны әртүрлі логикалық функцияны орындайтын етіп программалауға болады, сондықтан программаны өзгерту арқылы микропроцессорды арифметикалық құрылғы немесе енгізу-шығару жұмыстарын басқарушы рөлінде қолдануға болады. Микропроцессорге жедел және тұрақты жад, енгізу-шығару құрылғыларын қосуға болады.

IBM тәрізді компьютерлерде INTEL фирмасының және басқа да фирмалардың бір-біріне үйлесімді микропроцессорлары пайдаланады.

Микропроцессорлардың бір-бірінен өзгешілігі олардың типтерінде (модельдерінде), яғни оның қарапайым амалдарды орындайтын жұмыс жылдамдығының көрсеткіші - мегагерц - МГц берлігімен берілген тақтылық (қадамдық) жиілігінде жатыр. Бұған дейін кең тараған модельдерге Inter - 8088 ( ~5МГц), 80286 ( ~20МГц), 80356 SX ( ~25МГц), 80386 DX ( ~40МГц), 80386 DX ( ~40МГц), 80486 (100МГц-ке дейін), Pentium (75 МГц-тен жоғары) Pentium-Pro (~300 МГц-тен жоғары), Pentium II, Pentium III (800 МГц-ке дейін) және Pentium IV (1000 МГц-тен жоғары) жатады, бұл тізім олардың жұмыс өнімділігі мен соған сәйкес бағасының өсуі бойынша реттеліп келтірілген. Кейде конструкциялық ерекшеліктеріне қарай бір модельге кіретін процессорлардың жиіліктері әртүрлі бола береді - жиілігі артқан сайын оның жұмыс жылдамдығы да өсе түседі.

Intrl 8088, 80286, 80386 тәрізді бұрын шыққан микропроцессорлардың аралас сандар мен амалдарды жылдам орындайтын арнаулы командалары жоқ, сондықтан олар жұмыс өнімділіктерін арттыратын қосымша математикалық сопроцессорлармен (Turbo режимі) жабдықталады.

Компьютерлер алып жүруге ыңғайлы вариантта да жасалады (Laptop немесе Note book) . Мұндай ЭЕМ-дерде жүйелік блок, монитор және пернелік бір қорапта жасалған жүйелік блок пернелік астында, ал монитор пернелік қақпағы түрінде жасалған.

... жалғасы

Сіз бұл жұмысты біздің қосымшамыз арқылы толығымен тегін көре аласыз.