Қазақстанның банк жүйесіндегі қызметті талдау

Қазақстандағы банктергі бәсекелестікті талдағанда банктерді 4 топқа бөлуге болады:
1. Ірі банктер
2. Орташа банктер
3. Ұсақ банктер
4. Шетел қатысушысы бар банктер
Отандық банк нарығында 40-тан астам коммерциялық банктер бар. Эксперттік талдауға жүгінетін болсақ банк нарығының 65% -на төрт банк жатады. Олар: Казкоммерцбанк, Халық банк, БТА, Альянс банкі. 30%-AMNAMRO Қазақстандық банк, Нұрбанк, АТФ банкі, Банк Центр кредит, Евразиялық банк, Темір банк, Каспий банк, Қазақстандық HSBK банкі жатады. Қалған банктерге нарықтың 5% жатады. Қазіргі таңда Ұлттық банктен бөлек 2 мемлекеттік банк бар. Олар Қазақстан Даму банкі мен Қазақстанның Тұрғын үй құрылыс жинақ банкі.
«Қазақстан Даму банкі» АҚ даму банкі ретінде ҚР Президентінің 2000 жылғы 28 желтоқсандағы «Қазақстан Даму банкі туралы» номері 531 Жарлығын орындау үшін қабылданған Қр Үкіметтің 2001 жылғы 18 мамырындағы номері 659 Қаулысымен құрылды. Мемлекетік банк акцияларының 100% -ы тиесілі. Оның акционерлері: ҚР Индустрия және сауда министірлігі, жергілікті атқарушы органдар – Қазақстанның 14 облысы және Астана мен Алматы қалалары. Заңға сәйкес банк қызметтерінің мақсаттары – мемлекеттік инвестициялық қызметті жетілдіру және тиімділігін арттыру, өндірістік инфрақұрылым мен өңдеуші өнеркәсіпті дамыту, ел экономикасына сыртқы және ішкі инвестицияны тартуға жәрдемдесу болып табылады. Банктің міндеттері:
• Инвестициялық жобаларды орта мерзімді және ұзақ мерзімді несиелеу;
• ҚР резиденттерінің экспорттық операцияларын өнімді экспорттауды ынталандыру мақсатымен несиелеу;
• ҚР экономикасының өндірістік секторына өзге кредиттік институттар беретін займдар мен кредиттер бойынша кепілдік міндеттемелер беру және қосымша қаржыландыру жолымен ынталандыру;
• ҚР Үкіметі жүзеге асыратын инвестициялық жобаларды қаржыландыру тетіктерін жетілдіру.
«Қазақстан тұрғын үй құрылыс жинақ банкі» АҚ Қазақстанда тұрғын үй құрылысын, ипотекалық кредиттеуді дамыту, мемолекеттік тұрғын үй бағдарламасын жүзеге асыру мақсатымен 2003 жылы Үкімет Қаулысымен құрылды. Жарғылық капиталының 100% -ы республикалық бюджеттен құрылды. Ол халықтың жиған-тергенін жеке тұрғын үй құрлысына тартуға, сөйтіп халықты, соның ішнде табысы аз, әлеуметтік жағынан нашар қорғалған топтарды тұрғын үймен қамтамасыз етуге тиісті арнайы банк ретінде құрылды.