Отбасын нығайту және отбасындағы тәрбиенің рөлін күшейту. Отбасы-тұрмыстық зорлық-зомбылық куәгері болған балалардың жағдайы

Конституцияның 27 бабына сәйкес ата – ана,бала, отбасы мемлекеттің қорғауында. Мыңдаған жылдар бойы отбасының атқарып келе жатқан басты функциясы – бұл баланың туылуы мен тәрбиеленуі. Отбасында ата – ананың құқығы, міндеттерімен тығыз байланыста.
Адамдар арасындағы қарым – қатынасты зерттеу барысында, зорлық –зомбылық әлеуметтік құбылыс түрінде әрқашан да барлық қоғамдық – экономикалық формацияда болған.
Осыған орай зорлық – зомбылықты кең және тар мағынада қарастыруға болады.
Кең мағынадағы зорлық – зомбылық – бұл басқаларға зиян келтірумен түсіндіріледі.
Тар мағынадағы зорлық – зомбылық материалдық зиян келтіруімен түсіндіріледі.
Отбасындағы зорлық – зомбылық қазіргі таңда отбасындағы негативтік, яғни теріс іс - әрекеттер саналады. Себебі: отбасындағы зорлық – зомбылық тек өмір салтын ғана емес, барлық қоғамдық қауіпсіздікті бұзады.
Отбасындағы зорлық – зомбылық кез келген жанұя мүшелеріне қатысты жасалады.Соған қоса балаларға да қарсы бағытталуы мүмкін.
Отбасындағы кең тараған зорлық – зомбылық отбасының тәрбиелік деңгейінің түсуіне әкеп соғады.
Қорыта айта кететін болсақ, отбасындағы зорлық – зомбылықты тудыратын себептер: әлеуметтік жағдайдың төмен болуы, жұмыссыздықтың өршуі, маскүнемдік, нашақорлық, білім деңгейі, отбасындағы міндеттерді басқару, т.б болып табылады.
Біздің көзқарас бойынша салауатты өмір салты мен қоғамға қайшы жат қылықтарға, отбасылық міндеттердің жауапкершілігіне қоғам басқаша қарайтын болса, отбасындағы зорлық – зомбылықтың туындауы күрт төмендеуі мүмкін еді.