Қазақстан Республикасы Үкіметінің 2005-2007 жылдарға арналған орта мерзімді фискалдық саясаты
Қазақстан Республикасы Үкіметінің 2005-2007 жылдарға арналған орта мерзімді фискалдық саясаты
МАЗМҰНЫ
Кіріспе3
1. Әлеуметтік-экономикалық ахуал4
1. 1. Елдің 2003 жылғы әлеуметтік-экономикалық дамуын талдау және 2004 жылға арналған маңызды көрсеткіштер серпінін бағалау4
1. 2. Салық саясатын іске асыру5
1. 3. Бюджет жүйесін жетілдіру6
2. 2005-2007 жылдарға арналған фискалдық саясаттың мақсаты мен міндеттері9
2. 1. Фискалдық саясаттың мақсаты мен міндеттері9
2. 2. Фискалдық саясатты іске асырудың негізгі бағыттары9
3. Фискалдық саясатты іске асыру тетіктері10
3. 1. Елдің әлеуметтік-экономикалық дамуының 2005-2007 жылдарға арналған негізгі көрсетікштері10
3. 2 Кірістер саясаты13
Салық саясаты13
2005-2007 жылдарға арналған мемлекеттік бюджет кірістері14
3. 3 Шығындар саясаты17
Жалпы сипаттағы мемлекеттік қызметтер көрсету19
Қорғаныс21
Қоғамдық тәртіп және қауіпсіздік22
Білім беру23
Денсаулық сақтау25
Әлеуметтік қамсыздандыру және әлеуметтік көмек27
Тұрғын үй-коммуналдық шаруашылық29
Мәдениет, спорт, туризм және ақпараттық кеңістік30
Отын-энергетикалық кешен және жер қойнауын пайдалану32
Ауыл, су, орман, балық шаруашылығы және қоршаған ортаны қорғау35
Өнеркәсіп және құрылыс37
Көлік және байланыс38
3. 4. Бюджеттік кредит беру41
3. 5. Қаржы активтерімен жасалатын операциялар42
3. 6 Бюджетаралық қатынастар. 43
3. 7. Мемлекеттік және мемлекет кепілдік берген қарыз алу мен борышты басқару46
4. Фискалдық тәуекелдер52
Қорытынды54
Кіріспе
Ағымдағы жылы қабылданған Бюджет кодексі бюджет процесін жүзеге асырудың жаңа ұстанымдарын айқындады. Ең алдымен, мемлекеттің экономикалық саясатына сәйкес орта мерзімдік бюджетті жоспарлау қажеттігіне назар аударылуда. Бюджетті жоспарлау процесіне стратегиялық бағдар беру мақсатында алдағы үш жылдық кезеңге арналған салық-бюджет саясатын анықтайтын құжат - Орта мерзімді фискалдық саясатты жыл сайын әзірлеу шешімі қабылданды.
Бұл құжаттың қажеттілігі экономикалық реформалар жетістігінің қоғамның қаржы жүйесін дамыту бағыттарына, жүргізіліп жатқан салық-бюджет саясатының заман талабына барабарлығына тікелей тәуелділігімен негізделген. Қазақстандағы экономикалық өсудің жоғары қарқындары, бюджет кірістерінің өсуі, қаржы институттарының нығаюы, Ұлттық қордың құрылуы, мемлекеттік бюджет тапшылығының ыңғайлы деңгейі мемлекеттің неғұрлым белсенді фискалдық саясатын жүргізуді талап етеді. Мұндай жағдайларда бюджет мемлекеттің ресурстарын жұмылдыру мен жұмсаудың басты құралы ретінде саяси билікке экономикаға ықпал етуге, оның құрылымдық қайта құрылуын қаржыландыруға, экономиканың басым секторларын дамытуды көтермелеуге, халықтың неғұрлым аз қорғалған жіктерін әлеуметтік қолдаумен қамтамасыз етуге шынайы мүмкіндік береді. Тиісті қаржы жылына арналған бюджетті әзірлеу кезінде Орта мерзімді саясат негіз болып табылады.
Қазақстан Республикасы Үкіметінің 2005-2007 жылдарға арналған орта мерзімді фискалдық саясаты (бұдан әрі - Орта мерзімді фискалдық саясат) Қазақстан Республикасы Үкіметінің 2003-2006 жылдарға арналған бағдарламасы, Қазақстан Республикасының әлеуметтік-экономикалық дамуының 2005-2007 жылдарға арналған орта мерзімді жоспары, мемлекеттік және салалық (секторалдық) бағдарламалар негізінде әрі Қазақстан Республикасы Президентінің «Бәсекеге қабілетті Қазақстан үшін, бәсекеге қабілетті экономика үшін, бәсекеге қабілетті халық үшін» атты Қазақстан халқына Жолдауын есепке ала отырып әзірленді.
1. Әлеуметтік-экономикалық ахуал
1. 1 Елдің 2003 жылғы әлеуметтік-экономикалық дамуын талдау және 2004 жылға арналған маңызды көрсеткіштер серпінін бағалау
2003 жылы ЖІӨ-нің нақты өсуі 9, 2 %-ды құрады, ал орташа жылдық инфляция 6, 4 %-ға деңгейінде қалыптасты.
Өткен жылы болжамдалғандай, әлемдік экономика үрдістерінің негізінде мұнайдың жоғары бағасының және доллардың еркін айырбасталатын басқа валюталарға қатысты 20 %-дан астам құнсыздануының әсерінен теңгенің АҚШ долларына қатысты айырбас бағамы күшейді.
Саудадағы негізгі әріптес елдер валюталарының қоржынына (евро, ресей рублі, қытай юані) қарағанда, теңгенің АҚШ долларына қатысты күшейуіне қарамастан, теңгенің нақты мәні 2, 5 %-ға құнсызданды.
Елдегі макроэкономикалық тұрақтылық экономиканың дамуына ынталандырушы ықпал етуін жалғастырды, бұл тауарлар мен қызметтер көрсету өндірісін, тікелей шетелдік инвестициялардың едәуір ағыны мемлекеттік бюджетке кірістер түсімін ұлғайтудың және, сайып келгенде, ел халқының әл-ауқатын арттырудың басты факторына айналды.
Бағалау бойынша 2004 жылғы бірінші жарты жылдықта өткен жылдың осындай кезеңімен салыстырғанда жалпы ішкі өнімнің (ЖІӨ) өсуі 9, 1 %-ды құрады. 9, 4 %-ға өнеркәсіптегі, 5, 2 %-ға ауыл шаруашылығындағы көлемнің ұлғаюы өсуді қамтамасыз етті. Қызметтер көрсету секторында барлық көлік түрімен жүк тасымалдау көлемі 9, 3 %-ға, бөлшек тауар айналымының көлемі 7, 1 %-ға ұлғайды.
2004 жылғы бірінші жарты жылдықта 2003 жылғы осындай кезеңмен салыстырғанда ЖІӨ құрылымында айтарлықтай өзгеріс болған жоқ. Бағалау бойынша, тауарлар өндірісінің ЖІӨ-гі үлесі 40, 6 %-ды құрады (2003 жылғы қаңтар-маусымда 39, 1 %), қызметтер көрсету өндірісі - 53, 3 % (55, 5 %) .
Ағымдағы жылдың бірінші жарты жылдығының қорытындылары бойынша инфляцияның орташа деңгейі 6, 6 %-ды құрады және өткен жылдың тиісті кезеңімен салыстырғанда айтарлықтай өзгеріске ұшыраған жоқ (6, 7 %) .
Әлемдік рыноктағы қазақстандық негізгі тауарлардың әлемдік бағаларының жоғары деңгейі экспорттық түсімдер көлемінің едәуір ұлғаюына ықпал етті. Ағымдағы жылдың бес айы ішінде сыртқы сауда айналымы 11, 5 млрд. АҚШ долларын құрады және 2003 жылғы осындай кезеңнен 46 %-ға артық болды. Экспорт 7 млрд. АҚШ долларын құрады, импорт - 4, 5 млрд. АҚШ доллары, өсу тиісінше 42 және 52 %.
Мұнай өндіру саласында шетелдік инвесторлардың қатысуымен ірі инвестициялық жобаларды, Индустриялық-инновациялық даму стратегиясын іске асыру, сондай-ақ бірқатар салалық бағдарламаларды жүзеге асыру экономикаға тартылатын инвестициялардың көлемін жоғары деңгейде сақтап қалуға мүмкіндік берді. Өткен жылғы осындай кезеңмен салыстырғанда негізгі капиталға инвестициялар 12, 1 %-ға ұлғайды.
Мұнайдың сақталып отырған жоғары бағалары және елге валюта түсімінің ірі көлемінің ағыны теңге бағамы нығаюының негізгі себебіне айналды. Осылайша, 2004 жылғы бірінші жарты жылдықта теңгенің орта өлшенген айырбас бағамы 1 АҚШ доллар үшін 138, 42 теңге құрады. Жыл басынан бері АҚШ долларына номиналды көріністегі теңге 5, 07 %-ға нығайды.
Бағалау бойынша 2004 жылы инфляцияның орташа деңгейі 5, 6-7 %-ды құрайды, бұл индикативтік жоспардың болжамына сай келеді.
Бағалар өсуіне қатысты қайта қаржыландырудың ресми ставкасының деңгейі әлсіз оң болып ұсталады (7 %), бұл іскерлік белсенділікті кеңейтуді көтермелеуге мүмкіндік береді.
Елдің сауда теңгерімі нығайтылады. 2004 жылы оң сальдо 4, 5 АҚШ доллары мөлшерінде бағаланып отыр.
Өнеркәсіптік өндіріс көлемінің өсуі 9, 2 %-ды құрайды, ауыл шаруашылығының жалпы өнімінің көлемі өткен жылғы деңгейге қарағанда 2, 8 %-ға өседі. Негізгі капиталға инвестициялар 10 %-ға артады.
Қызметтер көрсету саласындағы даму қарқындарының басып өсуі күтілуде.
2003 жылғы деңгейге қарағанда көрсетілетін байланыс қызметтері көлемінің өсу қарқыны 30 %-ды, көліктікі 8, 6 %-ды, сауданікі 8, 5 %-ды құрайды.
1. 2 Салық саясатын іске асыру
2003 жылы салық заңдарындағы өзгерістер салық жүктемесін азайту, жаңа техника мен алдыңғы қатарлы технологиялар ағынын көтермелеу және оларды енгізу жолымен елдің экономикалық өсуін көтермелеуге, мемлекет пен салық төлеушілердің өзара қарым-қатынастарын жақсартуға бағытталған және елдің инвестициялық тартымдылығын жоғарылатуға арналған.
Қазақстан Республикасы Президентінің «Ішкі және сыртқы саясаттың 2004 жылға арналған негізгі бағыттары» атты Қазақстан халқына Жолдауына, Қазақстан Республикасының индустриялық-инновациялық дамуының 2003-2015 жылдарға арналған стратегиясына сәйкес салық жүктемесін азайту және елдің экономикалық өсуін ынталандыру, сондай-ақ белгілі бір санаттағы азаматтардың кірістерін заңдастыруын ынталандыру және еңбекақыны ұлғайту мақсатында 2004 жылдан бастап жеке табыс салығының ставкалары азайтылды, әлеуметтік салық бойынша ставкалардың кемімелі шәкілі енгізілді, қосылған құн салығының ставкасы азайтылды, арнайы экономикалық аймақтар аумағында салық салудың ерекше режимі белгіленді, арнайы салық режимдерін қолдану салалары кеңейтілді.
Экономиканы одан әрі тұрақты дамыту, жүргізіліп жатқан реформаларды тереңдету мақсатында мұнай операцияларына, қаржы лизингіне, резидент еместерге, қаржы құралдарына салық салу, сондай-ақ салықтық әкімшілендіру нормалары жетілдірілді.
Жер қойнауын пайдаланушыларға салық салудың жаңа шарттарын енгізудің негізгі мақсаттары: бюджет кірістерін мұнай операцияларынан барынша көп алу, жер қойнауын пайдаланушылардың экономикалық ниеттерін сақтай отырып, тараптар мүдделерінің ең жоғарғы теңгеріміне қол жеткізу болып табылады.
Қаржы лизингіне салық салуды жетілдіру Қазақстанда негізгі құралдарға инвестицияларды қаржыландырудың аса маңызды құралдарының бірі ретінде лизингті одан әрі дамытуға ықпал етеді.
1. 3 Бюджет жүйесін жетілдіру
Бюджет жүйесін жетілдіру мақсатында соңғы жылдары Қазақстанда бірқатар шаралар кешені жүргізілді.
Тұрақты негізде жұмыс істейтін бюджет комиссиялары құрылды, олардың мақсаты бюджеттер жобаларының уақтылы және сапалы әзірленуін қамтамасыз ету, бюджеттерді нақтылау және атқару жөнінде ұсыныстар тұжырымдау, әкімшілердің бюджеттік бағдарламалардың іске асырылуы туралы есептерін қарау болып табылады.
Елдің әлеуметтік-экономикалық дамуының басымдықтарын көрсететін бағдарламалық, мақсатты бюджетті қалыптастыру жүзеге асырылуда. Қазіргі уақытта мемлекеттік, салалық (секторалдық) бағдарламалар мемлекеттің әлеуметтік-экономикалық саясатын іске асырудың негізгі құралы болып табылады.
2003 жылдан бастап қолданыстағы және әзірленетін мемлекеттік, салалық (секторалдық) бағдарламалар тізбесі Қазақстан Республикасының әлеуметтік-экономикалық дамуының орта мерзімді кезеңге арналған индикативтік жоспарының құрамында бекітіледі. Бюджеттен қаржыландыруды талап ететін мемлекеттік, салалық (секторалдық) бағдарламалардың бәрінде жылдар мен қаржыландыру көздері бөлінісінде қаржы қаражатының талап етілетін көлемі айқындалған.
Елдің әлеуметтік-экономикалық дамуының басымдықтарын көрсететін нақты бюджетті қалыптастыру мақсатында, 2002 жылдан бастап бюджет оның есебінен мемлекеттің ағымдағы мұқтаждарын орындауға бағытталған бағдарламалар жүзеге асырылған ағымдағы бюджет және экономикаға инвестициялық шығыстарды, яғни инфрақұрылымды дамытуға, қала құрылысына, ақпараттық жүйелерді, ғылымды, адами капиталға инвестицияларды құру мен дамытуға және т. с. с. арналған шығыстарды қамтитын даму бюджеті болып бөлінді. Бюджеттің мұндай бөлінуі мемлекеттің заңдарда айқындалған және мемлекеттік мекемелердің бар желісін ұстауға бағытталған өзінің функцияларын орындау құнын және мемлекеттің әлеуметтік экономикалық дамуына оның инвестициялық салымының көлемін нақты бағалауға, сондай-ақ бюджеттік бағдарламаларды жүйелеуге мүмкіндік берді.
Бюджет қаражатын жұмсаудың ашықтығын қамтамасыз ету және олар бойынша бюджеттік бақылау жүргізу үшін 2002 жылдан бастап әкімшінің өзіне жүктелген функцияларды орындау жөніндегі қызметін бағалаудың негізгі құжаты ретінде бюджеттік бағдарламаның паспорты енгізілді. Мұндай шараны ұтымды жоспарлау, бюджеттік бағдарламаларды орындау және әкімшілердің бюджет ақшасының тиімді пайдаланылуы үшін жауапкершілігін күшейту қажеттігі айқындап берді.
Бюджет жүйесін жетілдіру жөніндегі жекелеген іс-шаралар барысында шешімі жүйелік ұстанымды талап ететін көптеген мәселелер анықталды. Осыған байланысты қолданыстағы заңдар нормаларын реттеуге және жүйелеуге, олардың неғұрлым икемді құрылымын қамтамасыз етуге мүмкіндік беретін Бюджет кодексі әзірленді.
Бюджет кодексінде бюджет жүйесінің орнықтылығы мен тұрақтылығын қамтамасыз ететін жаңа қағидаттар бар, бұрын қолданылған бюджетті жоспарлау қағидаттары, барлық бюджет деңгейлерінің шығыс және кіріс бөліктерін қалыптастыру жөніндегі ұстанымдар қайта қаралды.
Қолданыстағы заң кесімдеріне функционалдық талдау жүргізу нәтижесінде және орталық пен өңірлер арасындағы қатынастардағы жинақталған оң және теріс тәжірибені ескере отырып, бюджетаралық қатынастар қағидаттары, ресми трансферттердің нысандары, республикалық бюджеттің, облыстық бюджеттің, республикалық маңызы бар қала, астана, аудандар (облыстық маңызы бар қалалар) бюджетінің кірістері айқындалды. Барлық бюджет деңгейлеріне қаржылық орнықтылық беру мақсатында Бюджет кодексінде бюджет деңгейлерінің шығыстық өкілеттіктері нақты бөлінді. Бюджеттердің дербестігін күшейту үшін, сондай-ақ бюджетаралық қатынастардың тұрақтылығын қамтамасыз ету үшін бюджеттік субвенциялар мен алып қоюлардың мөлшері үш жылға арналып белгіленетін болады.
Бюджет кодексінде бюджеттiк бағдарламалардың тиiмдiлiгiн бағалау туралы бап көзделген, оған сәйкес тиісті есептерді жүргізу, бюджеттiк бағдарламалардың негiздемесiн, олардың орындалу барысы мен олар көрсететін елдің әлеуметтiк-экономикалық жағдайына ықпал етуiн талдау және бюджеттiк бағдарламалардың тиімсіз бағыттарын айқындау болып табылады.
Қазақстан Республикасының Үкіметі әзірлеген және бекіткен бюджеттiк бағдарламалардың тиiмдiлiгiне бағалау жүргізу әдістемесі бюджетті жоспарлау, атқару және оның атқарылуын бақылау процесінде бюджеттік бағдарламалардың тиімділігіне бағалау жүргізу тәртібі мен көрсеткіштерінің жүйесін айқындайды.
2005 жылға арналған республикалық бюджетті қалыптастыру кезінде бюджеттік бағдарламалар әкімшілерінің 2005-2007 жылдарға арналған бюджеттік өтінімдерін қараған кезде Республикалық бюджет комиссиясы республикалық бюджеттік бағдарламалардың 2003 жылы және 2004 жылғы бірінші жарты жылдықта іске асырылуы туралы ақпаратты қарады. Қарау нәтижелері нақты бюджеттік бағдарламаны алдағы қаржы жылында орындаудың орындылығына және оны қаржыландыру көлемдеріне қатысты шешімдер қабылдау үшін негіз болды.
Бюджеттік инвестициялар ұғымы кеңейтілді, инвестициялық жобаларды кезең-кезеңмен іріктеу, сондай-ақ жобалардың тиімділігін бағалау тәртібі енгізілуде.
Жергілікті атқарушы органдардың тек жоғары тұрған бюджеттен ғана қарыз алу құқығы сақталып, сыртқы және ішкі капитал рыноктарынан қарыз алуы алынып тасталады.
Ұлттық қорға қаражат аударудың жаңа тетігі енгізілді, осыған сәйкес Ұлттық қорды қалыптастыру көзі болып табылатын барлық ресми трансферттер тікелей мемлекеттік бюджеттен аударылатын болады.
2. 2005-2007 жылдарға арналған фискалдық саясаттың мақсаты мен міндеттері
2. 1 Фискалдық саясаттың мақсаты мен міндеттері
Орта мерзімді кезеңдегі фискалдық саясаттың негізгі мақсаты тұрақты экономикалық дамудан және барлық өңірлердегі азаматтардың әл-ауқатының өсуінен көрінетін ел экономикасының бәсекеге қабілеттілігін арттыру болып табылады.
Орта мерзімді кезеңде бұл мақсатқа қол жеткізуге мынадай негізгі міндеттерді шешу:
экономика салаларын әртапартандыру, ұзақ мерзімді жоспарда сервистік- технологиялық экономикаға көшу үшін жағдайлар дайындау;
көлеңкелі экономика үлесін азайту;
ЖІӨ-ге қатысты мемлекеттік борыштың мөлшерін қысқарту, оның құрылымын оңтайландыру;
инфрақұрылымды және адами капиталды дамыту;
мемлекет көрсететін қызметтер сапасын арттыру ықпал етеді.
Бұдан басқа, фискалдық саясат мемлекеттің жалпы экономикалық саясатының маңызды құрамдаушысы бола отырып, жоспарланған кезеңде инфляцияның орташа жылдық деңгейі бойынша белгіленген межені, төлем балансының орнықтылығын, тауарлар мен қызмет көрсетулердің соңғы тұтынуының өсуін және капиталдың жинақталуын қолдауға ықпал етуі тиіс.
2. 2 Фискалдық саясатты іске асырудың негізгі бағыттары
Фискалдық саясат міндеттерін іске асыру мынадай негізгі бағыттар бойынша жүзеге асырылатын болады:
салық заңдарын және салық әкімшілігін жүргізуді жетілдіру;
мемлекеттің мұнай кірістерін Қазақстан Республикасының Ұлттық қоры арқылы пайдалану тетіктерін жетілдіру;
шығыстарды, бір жағынан, мемлекеттік функциялардың толық көлемде тиімді орындалуын және, екінші жағынан, макроэкономикалық тұрақтылыққа жәрдемдесуді қамтамасыз ететін деңгейде ұстау;
мемлекеттік шығыстардың нәтижелілігі мен тиімділігін, соның ішінде бюджет процесінің барлық деңгейлерінде бюджеттік бағдарламалау әдістерін одан әрі енгізу жолымен арттыру;
дамуға бағытталатын бюджет шығыстарын тиімді қалыптастырудың жүйелілігін қамтамасыз ету мақсатында инвестициялық жобаларды дайындау, қарау, іріктеу процесін реттеу;
бюджетаралық қатынастарды жетілдіру бюджет жүйесінің түрлі деңгейлері арасында кіріс және шығыс өкілеттіктерді нақты ажыратуды белгілеу.
3. Фискалдық саясатты іске асыру тетіктері
3. 1 Елдің әлеуметтік-экономикалық дамуының 2005-2007 жылдарға арналған негізгі көрсеткіштері
Мақсатты өлшемдерді, қолдағы даму резервтері мен сыртқы және ішкі факторлардың күтілетін әсерін есепке ала отырып айқындалатын республиканың әлеуметтік-экономикалық дамуының ықтимал сценарийлерін қалыптастыру Үкіметтің орта мерзімді перспективадағы салық-бюджет саясатының мүмкіндіктерін айқындауға, мемлекеттік шығыстар туралы салмақты шешімдер қабылдауға және тиісінше мемлекеттік қаржы ресурстарын пайдаланудың тиімділігін арттыруға мүмкіндік береді.
Орта мерзімді фискалдық саясатты іске асырудың міндеттері мен негізгі бағыттарын айқындау кезінде ел экономикасын дамытудың 2005-2007 жылдарға арналған базалық сценарийі негіз ретінде алынды (1-кесте) .
Базалық сценарийде мұнайға әлемдік баға бір баррель үшін 28-33 АҚШ доллар аралығында болады деп болжанады. Сыртқы конъюнктура индексі 2003 жылмен салыстырғанда 2005 жылы тағы да 1, 6 %-ға одан әрі азая отырып, 5, 4 %-ға кемиді. 2006-2007 жылдары индекс неғұрлым аз, жылына 0, 5 %-ға өсетін болады. Мұнайдың экспорттық бағасы бір баррель үшін 21-25 АҚШ доллары деңгейінде тұрақталады. Сауда теңгерімінің оң сальдосы жылына орта есеппен 2, 3 млрд. астам АҚШ долларын құрайды.
Осы сценарийге сәйкес ЖІӨ-нің орташа жылдық өсуі 2005-2007 жылдары 8, 1 %-ды құрайды.
Тауарлар өндірісімен салыстырғанда қызметтер көрсетудің басып өсу үрдісі сақталады. Болжанып отырған кезеңде тауар өндірісі орта есеппен жылына 7, 8 %-ға, ал қызметтер көрсету өндірісі 8, 7 %-ға өседі.
Кәсіпорындардың қаржы жағдайының жақсаруымен бірге халықтың нақты кірісінің ұлғаюы экономиканың нақты секторына инвестициялардың өсуі үшін қажетті жағдайлар жасайды.
Инвестициялық сұраныстың кеңеюі бірінші кезекте кәсіпорындардың дербес қаражаты есебінен алынатын инвестициялық қаржыландырудың ішкі көздерімен байланысты болады. Негізгі капиталға инвестициялар көлемінің өсу қарқыны жоспарланып отырған кезеңде 12-15 %-ды құрайды.
Инфляция деңгейі орта есеппен 2004 жылғы 5, 6-7 %-дан 2007 жылы 4, 1-5, 5%-ға дейін төмендейді.
Үкіметтің фискалдық саясатының іске асырылуына тәуелсіз макроэкономикалық факторлар өзгерген жағдайда оның негізгі параметрлері кейіннен мұндай өзгерістердің дәрежесіне қарай түзетілетінін не нақтыланатынын атап өту қажет.
1-кесте
Қазақстан Республикасының макроэкономикалық көрсеткіштерінің
2004-2007 жылдарға арналған болжамы
(базалық сценарий)
2-кестеде Қазақстан Республикасының Бюджет кодексінде айқындалған құрылым* бойынша ел экономикасын дамытудың базалық сценарийі негізінде жасалған 2005-2007 жылдарға арналған мемлекеттік бюджет болжамы көрсетілген.
2-кесте
2005-2007 жылдарға арналған мемлекеттік бюджет болжамы
(ЖІӨ-ге пайызбен)
* Ескерту.
Қазақстан Республикасының Бюджет кодексіне сәйкес салық және басқа да мiндеттi төлемдер, ресми трансферттер, мемлекетке өтеусiз негiзде берiлетiн, қайтарылатын сипатта болмайтын және мемлекеттiң қаржы активтерiн сатуға байланысты емес, бюджетке eceптелуге тиiстi ақша бюджет кiрiстерi болып табылады.
Қайтарылмайтын негiзде бөлiнетiн бюджет қаражаты бюджет шығындары болып табылады.
Операциялық сальдо бюджет кiрiстерi мен шығындары арасындағы айырма ретiнде айқындалады. Бюджет шығындарында бюджеттiк даму бағдарламалары болған жағдайда терiс операциялық сальдоға жол берiледi.
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz