Инвестициялық саясат туралы

Пән: Экономика
Жұмыс түрі: Курстық жұмыс
Тегін: Антиплагиат
Көлемі: 37 бет
Таңдаулыға:

Кіріспе.

Инвестиция - Қазақстан экономикасының нарықтық экономикаға өтуі кезінде пайда болған жаңа термин. Орталықтандырылған жоспарлау жүйесінің шеңберінде “жалпы капиталдық салымдар” деген түсінік қолданылатын, осы түсінік бойынша жаңа құрылыс пен қайта өңдеуге, шаруашылық жүргізіп отырған кәсіпорындардың кеңеюі мен техникалық қайта (өндірістік капиталдық салымдар), тұрғын үй мен тұрмыстық - мәдени құрылысқа (өндірістік емес капиталдық салынымдар) жұмсалған барлық қаржылық құралдар түсіндірілетін.

Инвестициялар ақша құралдары, мақсатты банкілік салымдар, пайлар, акциялар және де басқа құнды қағаздар, технологиялар, машиналар, қондырғылар, лицензиялар, соның ішінде тауар белгісіне, пайда табу мақсатында кәсіпкерлік қызмет салынатын интеллектуалды бағалықтар, несиелер, кез келген мүлік немесе мүліктік құқықтар ретінде анықталады және осының бәрі - пайда табу мен әлеуметтік жақсы әсерлерге жету мақсатында. Осы тұрғыда инвестиция түсінігі нарықтық тәсілге едәір жақын келеді.

Келтірілген анықтамалар нарықтық және жоспарлық жүйелерде инвестицияның мәнін түсінудегі айырмашылықты көрсетеді. Ресурстардың бөлінуі әкімшілік жүйесі жағдайында меншіктің бір түрімен жүзеге асатындықтан, инвестицияландырудың қаржылық және басқа түрлерінің бар екендігін отандық экономикалық ғылым қарастырылады. Жоспарлық экономика жағдайында инвестициялар ағымдағы шығындардан тек бір уақыттық сипатымен ғана айыршаланатын залал түрінде көрінеді. Экономика ғылымы мен тәжірибесі дәлелдеп отырғандай, капиталдық салынымдар инвестицияның синонимі болып табылады, берілген терминдер ұқсас емес. Капиталдық салымдарға қарағанда инвестиция түсінігі әлдеқайда кең. Батыс әдебиеттерінде қор нарығын қарастыруға баса назар аударады, себебі нарықтық экономикасы дамыған елдерде ( АҚШ, Канада, Ұлыбритания, Жапония) инвестицияландыру бағалы қағаздар арқылы іске асады. Қазіргі таңда отандық тәжірибеде екі термин де қолданылады.

1 бөлім. Кәсіпорынның инвестициясының мәні және инвестициялық саясатяняң қалыптасу қағидалары.

1. 1. Инвестицияның қажеттілігі және жіктелуі .

“ Инвестиция “ термині латынның investire - “жұмылдыру” сөзінен алынған. Бұл термин ғылыми әне публицистикалық әдебиеттерде кеңінен қолданылады. Ғылыми әдебиеттерде инвестицияны анықтаудың әр түрлі тәсілдері бар. Пол Самуэльсон инвестицияландыру туралы былай жазады: “Біз қоғамның нақты капиталының таза өсімін білдіретін нәрселерді (ғимараттар, қондырғылар өндіріс - материалдық запастар және т. б. ) “таза инвестицияландыру” немесе капитал қалыптасуы деп атаймыз. Тұрғындар үшін жерді, қолданыста жүрген құнды қағаздарды немесе меншіктің кез келген түрін сатып алу инвестицияландыру болып табылады. Экономистер үшін бұл тек таза трансферттік операциялар. Яғни біреуі инвестицияландырса, басқа біреуі . Таза инвестицияландыру тек жаңа нақты капитал қалыптасқан кезде ғана орын алады.

У. Шарп инвестицияны былайша анықталады: “Нақты инвестицияларға әдетте қандай да бір материалдық - көрнекті активтер түріне инвестициялау кіреді, мысалы, жер, қондырғылар, зауыттар сияқты. Қаржылық инвестициялар қағазда жазылған келісім - шарттарды, мысалы, кәдімгі акциялар мен облигациялар сияқтыны білдіреді. Қарапйым экономикаларда инвестийиялардың негізгі бөлігі нақтыға жатқызылса, қазіргі дәуірдің экономикасында инвестициялардың үлкен бөлігі қаржылық инвестициялар болып табылады. Қаржылық инвестицияландыру институттарының жоғары дамуы нақты инвестицияның өсуіне едәуір дәрежеде ықпал етеді. Әдетте, бұл екі форма бәсекелес емес, бір - бірін толықтырушы болып табылады. В. Бочаров инвестицияны табыстың тұтынуға жұмсала алмайтын бөлігі деп түсінеді. Инвестициялық ресурстар инвестициялық іскерліктің капиталдық құнның табыс немесе әлеуметтік әсер түріндегі өсімі алынатын нақты объектілеріне трансформацияланады.

Экономикалық және қаржылық тұрғыдан инвестицияландыру экономикалық ресурстарды болашақта таза пайдаға жету бұл пайданы бастапқы салынған капиталдан асырып түсіру мақсатымен ұзақ мерзімді салу деп анықталады. Капиталдық салым процесінің жалпы анықтамасы: инвестицияландыру дегеніміз бүгінгі қажеттіліктерін қанағаттандыруды оны келешекте инвестициялық игіліктердің көмегімен қанағаттандыру үмітіне айырбастауды білдіреді.

Инвестиция - бұл ақшаны, оның сақталуына немесе құнының артуына және табыстың оң шамасын қамтамасыз етуге үміт арта отырып, орналастыруға болатын кез келген құрал. Бос ақша құралдары инвестиция болып табылады, себебі қолма қол ақшаның құнын инфляция жеп қоюы мүмкін және ол ешқандай да табыс әкелмейді. Капиталды орналастырудың түрлі факторлармен айрықшаланатын әр түрлі нысандары бар: құнды қағаздар мен жылжымайтын мүлікке; қарыздық міндеттемелерге; опциондар мен акцияларға; шағын немесе үлкен тәуекелмен; қысқа немесе ұзақ мерзімге; тікелей және жанама.

Инвестицияның жіктелуі

Инвесимциялардың экономикалық табиғатын оны жіктеу толығырақ түсіндіреді, жіктеу негізінде түрлі белгілер салынған.

Белгілер ретінде мыналар қолданылады:

инвестициялардың түрлері бойынша;
ақша құралдарын салу объектілері бойыеша;
инвестицияландыруға қатысу сипаты бойынша;
инвестицияландыру кезеңі бойынша;
инвестицияланатын капиталдың меншік формасы бойынша;
инвестордың қатысуы түрлері бойынша;
тәуекел дәрежесі бойынша;
ұдайы өндіріс түрлері бойынша;
инвесторлардың аймақтық тиістілігі

1. Инвестициялардың түрлері былайша топтайды:

ақша құралдары, салымдар, пайлар, акциялар және басқа да құнды қағаздар;
жылжымайтын және жылжымалы мүлік;
авторлық құқықпен, тәжірибемен және басқа да интеллектуалды құндылықтармен байланысты мүліктік құқықтар;
жерді, суды, ресурстарды, үйлерді пайдалану құқығы және басқа да мүліктік құқықтар;
қандайда бір өндірісті (бірақ патенттелген “ноу - хау” емес) ұйымдастыруға қажетті техникалық құжат, дағды, өндірістік тәжірибе ретінде рәсімделген техникалық, технологиялық, коммерциялық сауаттылық.

Капитал салыну объектілері бойынша инвестициялар былайша бөлінеді:

нақты инвестициялар немесе құралдардың материалды активтерге салынуы, яғни нақты инвестициялар - кәсіпорынның негізгі және айналыс капиталын қалыптастыратын материалды және материалды емес активтерге салынатын салым. Материалды активтер - ғимараттарға, станоктарға, қосымша материалдық бұйымдарға, дайын өнімдерге айналдырылған құралдар;
материалды емес активтер - лицензиялардың, патенттердің, тауар белгісінің құны, жарнама және кадрларды дайындауға кеткен шығындар;
қаржылық инвестициялар немесе түрлі қаржылық құралдарға ақша құрлдарының салынуы - депорзиттер, құнды қағаздар, банктық салынымдар.

Инвестициялық процестерге қатысу сипаты бойынша инвестициялар келесі түрлерге бөлінеді:

тікелей инвестициялар, мұнда инвестицияландыру және ақша құралдарын салу объектісін таңдауда инвестордың тікелей қатысуы қажет етіледі. Сонымен қатар инвестор инвестициялық циклдердің барлық кезеңдеріне тартылады, оның ішінде алдын ала жүретін инвестициялық зерттеулерге, инвестицияландыру объектілерін жобалау мен тұрғызуға, дайын өнім өндірісіне;
жанама, бұл ақша құралдарын өз қалауынша, неғұрлым тиімді орналастыратын және аккумуляцияландыратын түрлі қаржылық делдалжар арқылы (инвестициялық қорлар және компаниялар) жүзеге асады. Мұндай делдалдар инвестицияландыру объектілерін басқаруға қатысады, ал алатын табыстарын клиенттері арасында бөледі. Тұтас басқарылатын құнды қағаздарға салынатын салымдарды портфельдік деп те атайды.

4. Инвестицияландырудың кезеңдері бойынша инвестицияларды мына түрлерге бөлнді:

қысқа мерзімді, ұзақтылығы бір жылдан аспайда(қысқа мерзімді депозиттік салымдар, жинақ сертификаттар) ;
ұзақ мерзімді, бұның ұзақтылығы бір жылдан көп.

5. Меншік формасы бойынша инвестициялар мыналарға бөлінеді:

жеке азаматтардың, мемлекеттік емес меншік нысанындағы кәсіпорындардың, өкіметтік емес ұйымдардың жеке ақша құралдары;
мемлекеттік, ол түрлі деңгейдегі кәсіпорындар мен мекемелердің бюджет көздерінен қаржыландырылады.

6. Инвестордың қатысу түріне байланысты:

қайта құрылып жатқан кәсіпорындарға жартылай қатысу немесе шаруашылық жүргізіп отырған кәсіпорындардың бір бөлігін иелену;
инвестор толық иеленетін кәсіпорындардың құру немесе шаруашылық жүргізу жатқан кәсіпорындарды өз меншігіне алу;
жылжымалы немесе жылжымайтын мүлікті акция, облигациялар арқылы немесе басқа да құнды қағаздар түрінде алу;
табиғат ресурстарын пайдалануға, жерді пайдалану құқығына, басқа да мүліктік құқықтарға концессия алу.

7. Тәуекел дәрежесі бойынша инвестициялар келесі түрлерге бөлінеді:

тәуекелсіз инвестициялар. Мысалы, бірқатар мемлекеттерге қысқа мерзімді мемлекеттік облигацияларға салымдар салу қауіпсіз деп саналады, ал олар бойынша алынған табыс қауіпсіз қойылымыды анықтайды, бұл қауіпсіз қойылым инвестициялық тәуекел нүктесін санау ретіндегі салымдарды бағалау ретінде қолданылады;

Тәуекелі төмен инвесторлар. Олар тәуекелі орташа нарықтық тәуекелден айтарлықтай төмен инвестициялау объектілеріне капитал салуды сипаттайды.

Тәуекелі орташа инвестициялар . Осы топтың инвестициялау объектілері бойынша тәуекел деңгейі орташа нарықтық тәуекелгн сәйкес келеді.

Тәуекелі жоғары инвестициялар. Бұл топтын инвестициялау объектілері бойыеша тәуекел деңгейі орташа нарықтық тәуекелден асып түседі.

Спекулятивті инвестициялар. Олар инвестициялық табыс деңейі ең жоғары деп күтілетін айтарлықтай тәуекелді инвесициялық жобалаға немесе инвестициялау құралдарына капитал салуды сипаттайды.

Дәрежені бағалау критерийлері мыналар болуы мүмкін:

барлық пайда сомасын жоғалту мүмкіндігі. Тәуекелдің орын алуы мүмкін;
жоба іске асқаннан кейін пайданы ғана емес, жалпы есептемелік табысты жоғалту мүмкіндігі. Тәуекел дағдарысты болып табылады;
барлық активтерді жоғалту мүмкіндігі және инвестордың банкротқа ұшырауы немесе апаттық тәуекел.

8. Ұдайы өндіріс инвестицияның келесі түрлерінің бірінде жүзеге асыру мүмкін:

жаңа алаңда және бастапқыда бекітілген жоба бойынша іске асып жатқан жаңа құрылыстар немесе кәсіпорындардың, ғимараттардың салынуы;
шаруашылық жүргізіп отырған кәсіпорынның кеңеюі - өндіріс қуаттылығын арттыру мақсатымен шаруашылық жүргізіп отырған кәсіпорындардың екінші және келесі кезектерін, қосымша өндіріс кешендерін және өндірістерді, жаңа кәсіпорындарды салу немесе қызмет етіп жүрген кәсіпорындарды кеңейту;

9. Инвесторлардың аймақтық тиістілігі бойынша ұлттық (ішкі) және шетелдік (сыртқы) инвестицияларға бөледі.

Ұлттық немесе ішкі инвестициялар аталған елдің резиденттерінің (заңды және жеке тұлғалар) сол ел аумағында инвестициялау объектілеріне (құралдарына) капитал салымын сипаттайды.

Шетел немесе сыртқы инвесторлар резидент еместердің (заңды және жеке тұлғалар) аталған елдің инвестициялау объектілерін (құралдарына) капитал салуын сипаттайды. Инвестицияның ұсынылған жіктелуі қазіргі заманның инвестициялық жобалау концепцияларын толығырақ түсіну үшін, жүріп жатқан процестерді жан - жақты бағалау үшін қажет.

1. 2. Кәсіпорынның инвестициялық саясаты.

Кәсіпорының инвестициялық қызметі - бұл кәсіпорынның шаруашылық қызметінде маңызды роль атқаратын және өзіне тән заңдылықтармен дамып отыратын, өзіндік логикаға ие объективті процесс, себебі инвестициялар өзінің экономикалық табиғаты жағынан болашақта табысқа жету үшін ағымдағы тұтынудан бас тартуды білдіреді. Инвестициялық қызметтің негізгі мақсаты - кәсіпорынның экономикалық потенциалын кеңейтуге бағытталған капитал салымының ең тиімді нысандарын жүзеге асыруды қамтамасыз ету б. т. Осы мақсатты ескере отырып кәсіпорынның инвестициялық саясатының құрамы анықталады. Инвестициялық саясат кәсіпорынның жоғарғы қарқынымен дамуын және шаруашылық қызметінің экономикалық әлеуметінің кеңеюін қамтамасыз ету мақсатында нақты және қаржылық инвестордың ең тиімді нысандарын жүзеге асырады таңдауды білдіретін кәсіпорынның жалпы қаржылық стратегиясының бір бөлігін көрсетеді.

Кәсіпорынның инвестициялық саясатын жасау келесі негізгі кезеңдерді қамтиды (1 сурет) .

1-сурет. Кәсіпорынның инвестициялық саясатын қалыптастырудың негізгі кезеңдері.

Сол себепті инвестициялық процесс кәсіпорынның инвестициялық жоспарын анықтаудан басталады, оны таңдау төмендегілерге байланысты:

кәсіпорынның өмір сүру циклының сатылары;
жалпы даму стратегиялары;
инвестициялық ресурстардың ішкі және сыртқы нарықтарының жағдайы;
құралдардың салу объектісі ретіндегі кәсіпорынның инвестициялық тартымдылығы.

Сонымен, егер бастапқыда инвестицияны жүзеге асыру жетекшілері өз бетінше инвестицияға қатысты шешім қабылдай алатын кәсіпорынның жұмысы болып көрінсе, онда мұндай жағдайда ең елеулі шешімнің зардаптарын бағалауды үйрену керек, өйткені инвестициялардың жүзеге асырылмауы да өзінше бір стратегия.

Кәсіпорының инвестициялық стратегиясы ұзақ мерзімді мақсаттарға бағытталуы қажет және сәйкес инвестициялық жобалар мен бағдарламаларды іріктеп алу арқылы ағымдағы шаруашылық қызмет процесінде жүзеге асырылуы тиіс. Инвестициялық жоспардың қалыптасуы күрделі шығармашылық процесті білдіреді, ол кейбір жағдайлар мен инвестициялық нарықтың жалпы және жекелеген сегменттер аралығындағы конъюнктурасын болжауға негізделген. Бұл стратегия әрқашанда экономикалық дамудың жалпы стратегиясы шеңберінде қалыптасып, онымен мақсатты, кезеңдері, жүзеге асу мерзімі бойынша үлеседі. 1. 3. 1 - кестеде белгілі бір кезең ішіндегі осындай өзара байланыстылық пен үйлесімділіктің мысалы келтірілген.

Кәсіпорынның инвестициялық қызметке қатысты шешім қабылдауы бәсекелік ортада дамудың балама нұсқаларын таңдау проблемасына тіреледі және бұл бәсекелік орта бір немесе басқа да салаларға тиісті әр түрлі экономикалық, құқықтық және басқа да факторлардың ықпалында болады.

1. 3. 1. -кесте.

Сатылары: Сатылары

Сатылары: стратегиясы

Пайда болуы

өсуі

жетілуі

Ескіруі/пайда болуы

Сатылары: Жалпы

Нарыққа еніп, бекітілу процесінде өмір сүру

Нарық сегментінің кеңеюі, іс-әрекет диверсификациясы мен пайдаданың жоғары қарқынмен өсуін қамтамасыз ету

Іс-әрекеттің салалық диверсификациясы, пайданың қол жеткен нормасына қлдау жасау

Пайда нормасын сақтау және іс-әрекеттің бағыты мен нысандарының бір уақыттық жаңалануының қаржылық тұрақтылығы, дәстүрлі іскерліктің масштабтарын сақтау

Сатылары: Инвестиция

Бастапқы нақты инвестицияның жеткілікті көлемін қамтамасыз ету

Өндірістің және нақты қаржылық инвестиция масштабтарының кеңеюі

Өндірістің техникалық қайта қамтамасыздандырлу және кеңмасштабты қаржылық инвестицияландыру

Жаңа құрылыс пен өндірістің қайта құрылуына нақтылы масштабты инвестицияландыру

Инветициялық қызмет атқарылмаған жағдайда уақыт өте келе өндірістік аппараттардың моральдық және физикалық тозуы және өндірісті ұйымдастырудың төмендеуі салдарынан салынған құралдардың табыстылығы азаяды, бұл нәтижесінде мұндай кәсіпорындардың болашағына күмән келтіріледі.

Кәсіпорынның тұрақты деңгейін ұстап тұру үшін қолданылатын пассивті инвестицияландыру орташа салалық деңгейден қалып қоюға әкеледі және неғұрлым ұзақ мерзімді де осы сияқты зардаптарға ие болады.

Ал табыстылықтың салымның орташа салалық деңгейіне дейін өсуін қамтамасыз ететін активті инвестициялық стратегия инновациялық жобалардың іріктеліп, жүзеге асуын, нарықта белсенді әрекет етуді көздейді.

Тиімді немесе озу стратегиясы жаңа технологиялық шешім қабылдауменен іске асатын және мұндай салымдардың тәуекелділік дәрежесімен айрықшаланатын инновациялармен байланысты.

Кәсіпорынның инвестициялық стратегиясын қалыптастыру кәсінорынның да, потенциялды стратегиялық инвестордың да ортақ мүдделерінің қиылысу кезінде жүзеге асады. Ал инвестиция болса нарықта айналысы бар тауарды білдіреді. Сондықтан оны осы немесе басқа түрде алу мүмкіндігі серіктестердің түсінушілігі мен ортақ мүдделерін есепке алуға және инвестициялық обьектіні стратегиялық инвестор тұрғысынан көре алуымен оны инвестициялық тартымдылығын бағалай алуына байланысты.

Кәсіпорынның экономикалық және қаржылық даму стратегиясына сәйкес оның инвестициялық қызметінің жекелеген бағыттарын қалыптастыру.
Сыртқы инвестициялық орта және инвестициялық нарық коньюнктурасының жағдайларын зерттеу және ескеру. Мұндай зерттеулер процессінде жалпы инвестициялық қызметтің құқықтық жағдайлары және инвестициялаудың жекелегеннысандары ( инвестициялық климат ) зерттеледі, инвестициялық нарықтық және оны анықтайтын факторлардың ағымдағы коньюнктурасы (өзгерісі) талданады, инвестициялық нарықтың жақындағы коньюнктурасы болжанады.
Жекелеген инвестициялау объектілерін іздеу және оны кәсіпорынның бағыттарына сәйкестігн бағалау. Инвестициялық саясаттың бұл бағытын жүзеге асыру үдерісінде инвестициялық нарықтағы ағымдағы ұсыныс зерттеледі; кәсіпорынның инвестициялық қызметінің бағыттарына айтарлықтай толық сәйкес келетін жекелеген нақты инвестициялық жобалар және қаржылық құралдар зерттеу үшін таңдалып алынады; қолданыстағы актив түрлерін жаңарту үшін жекелеген активтерді (техника, иехнология, т. т. с) сатып алу мүмкіндіктері мен шарттары қарастырылады; сараланған инвестициялық объектілерді мұқият сараптау жүргізеді.
Инвестицияның жоғарғы тиімділігін қамтамвсыз ету. Алдынғы этапта таңдалған инвестициялау объектілері экономикалық тиімділік тұрғысынан талданады. Сонымен қатар әрбір объекті үшін тиімділікті бағалаудың нақты әдісімен пайдаланылады. Бағалау нәтижелері бойынша жекелеген инвестициялық жобалар мен инвестициялаудың қаржылық құралдарын олардың тиімділік критерийлері бойынша жіктеу жүргізіледі. Басқа да осыған ұқсас жағдайларда жүзеге асыру үшін айтарлықтай жоғары табыстылықты қамтамасыз ететін инвестициялау обьектілері таңдалады.
Инвестициялық қызметпен байланысты тәуекел деңгейін менемизациялауды қамтамасыз ету. Инвестициялық саясаттың бұл бағытын жүзеге асыру үддерісінде ең алдымен әрбір инвестициялау обьектісіне тән тәуекелдер іріктеліп, бағалануы тиіс. Бағалау нәтижелері бойынша инвестициялау обьектілері тәуекел деңгейлері бойынша жіктелінеді және жүзеге асыру үшін олардан тең жағдайда инвестициялық тәуекелдерді менемизациялауды қамтамасыз ететін обьектілер таңдалып алынады. Жекелеген инвестициялық обьектілер тәуекелімен қатар инвестициялық қызметпен байланысты қаржылық тәуекелдер де бағаланады. Бұл қызмет кәсіпорынның төлем қабілеттілік деңгейінің төмендеуіне және ағымдағы міндеттеріне әкелуі мүмкін үлкен мөлшерінде және ұзақ мерзімге қаржы ресурстарын тартумен байланысты. Сонымен қатар жекелеген инвестициялық жобаларды қаржыландыру кәсіпорынның ұзақ мерзімді кезеңінде қаржылық тұрақтылық деңгейінің төмендеуі мүмкін болатын қарыз капиталын едәуір көлемін тарту есебінен жиі жүзеге асырылады. Сондықтан, инвестициялық саясатты қалыптастыру үдерісінде инвестициялық тәуекелдердің кәсіпорынның табыстылығына, төлем қабілеттілігін және қаржылық тұрақтылығына қалай әсер ететінін алдын ала болжау
Инвестициялардың өтімділігін қамтамасыз ету. Инвестициялық қызметті жүзеге асырып, сыртқы инвестициялық ортаның өзгеруінен күтілетін табыс бірден төмендеуі, тәуекел деңгейі жоғарлауы, және кәсіпорын үшін инвестициялық тартылымдылығының басқада көрсеткіштерінің мәнінің төмендеуіне әкелетін инвестициялаудың обьектілері бойынша кәсіпорынның алдағы кезеңдегі даму стратегиясын немесе инвестицияның нарықтық коньюнктурасынан қарастыру керек. Бұл жекелеген инвестициялық бағдарламаларға (жекелеген инвестициялау обьектілерін сату арқылы) қатысты өз уақытында шешім қабылдауды және капиталды қайта инвестициялауды талап етеді. Осы мақсатпен әрбір инвестициялау обьектілері бойынша инвестицияның өтімділік дәрежесі бағалануы тиіс. Бағалау нәтижесі бойынша өтімділік критерийі бойынша әрбір нақты инвестициялық жобалар мен инвестициялаудың қаржылық құралдары жіктеледі.
Қажетті инвестициялық ресурстар көлемін анықтау және олардың көздерінің құрылымын оңтайландыру. Инвестициялық саясаттың бұл үддерісін жүзеге асыру процессінде қарастырылған көлемде инвестициялық қызметті жүзеге асыруға қажет инвестициялық ресурстарға жалпы қажеттілік болжанады; осы ресурстарды меншікті қаржылық көздер есебінен қалыптастыру мүмкіндігі анықталады; капитал нарығындағы (немесе баға нарығындағы) жағдайға байланысты инвестициялық қызмет күшін қарыздық қаржы қаражаттарын тартудың мақсаттылығы анықталады. Инвестициялық ресурстардың қалыптасу көзінің құрылымының оңтайландыру үддерісінде қазіргі кезеңіндегі қаржылық тұрақтылығымен төлем қабілеттілігінің төмендеуін болдырмау мақсатында жекелеген жобалар бойынша және жалпы инвестициялық бағдарлама бойынша қаржыландырудың меншікті және қарыздық көздерінің рационалды қатынасы қамтамасыз етіледі.
Кәсіпорынның инвестициялық портфелін қалыптастыру және бағалау. Инвестициялық ресурстарды тартудың мүмкін болатын көлемін, сондай - ақ инвестициялаудың жекелеген обьектілерінің инвестициялық тартылымдылығын (инвестициялық салаларын) бағалауды ескере отырып кәсіпорынның жиынтық инвестициялық портфелін қалыптастыру жүзеге асырылады (нақты немесе қаржылық инвестициялар портфелін) . Сонымен қатар, қаржы менеджерлерінің менталитетіне (олардың жол берілетін қаржылық тәуекелдер деңгейіне қатынасы) сәйкес оларды қалыптастыру қағидалары анықталады, содан соң, жиынтық инвестициялық портфель табыстық, тәуекел және өтімділік деңгейлері бойынша жалпы бағаланады. Кәсіпорынның қалыптастырылған инвестициялық портфелі оның алдағы кезеңде жүзеге асырылатын инвестициялық бағдарламаларының жиынтығы ретінде қарастырылады.
Инвестициялық бағдарламаларды жүзеге асыруды жеделдету жолдарын қамтамасыз ету. Жүзеге асыруға белгіленген инвестициялық бағдарламалар келесілерге байланысты мүмкіндігінше тез орындалуы тиіс: ең алдымен, әрбір инвестициялық бағдарламаны жүзеге асырудың жоғарғы қарқыны кәсіпорынның жалпы экономикалық дамуының жеделдетілуіне әрекет жасайды; сонымен қатар, инвестициялық бағдарлама қаншалықты тез жүзеге асырылса, пайда және амортизациялық аудармалар түріндегі қосымша таза ақша ағымы соншалықты тез қалыптасады; инвестициялық бағдарламаларды жүзеге асырылуының тездетілуі қарыз қаражатын пайдалану мерзімін қысқартады (соның ішінде, қарыз қаражатын тартумен қаржыландырылатын нақты инвестициялық жобалар бойынша да) ; инвестициялық бағдарламаларды тез жүзеге асыру инвестициялық нарықтық жағымсыз өзгеруімен және сыртқы инвестициялық ортаның нашарлауымен байланысты жүйелік инвестициялық тәуекел деңгейін төмендетуге әрекет жасайды.

Нақты және қаржылық инвестицияны жүзеге асыру ерекшелігі арнайы қарауды талап ететін, оларды басқару ерекшеліктерін анықтайды.

2 бөлім. Қазақстан Республикасындағы өңдеу өнеркәсібінің инвестициялық әлеуеті және инвестициялық үрдістердің дамуындағы мемлекеттің рөлі

2. 1. Қазақстан Республикасындағы инвестициялық әлеуеті .

2005-2015 арналған инвестициялық даму стратегиясы өңдеу өнеркәсібінің негізгі бағыттары мыналар екенін көрсетеді:

орташа жылдық өсу қарқының 8 - 8. 4% - ке қамтамасыз ету.
2015 жылы 2000 жылмен салыстырғанда еңбек өнімділігін үш есеге дейін арттыру және ЖІӨ-нің қуаттылық сыйымдылығын екі есе төмендету
негізгі қорлардың өнімділігін арттыру
кәсіптік климатты, қоғамдық институттардың құрылымы мен құрамын қалыптастыру. Олар жеке секторды ынталандырады, бәсекелестік артылықшылықтарды жетілдіреді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.