Жіті уланулар

Уланулардың себебі мен болған жеріне қарай жіктелуі.
Өндірістік уланулар.
Уланулардын диагностнкасы.
Жедел улануларды емдеудің жалпы принциптері.

Индустрия мен химия өнеркәсібінің жылдан жылға жоғары дамуына байланысты өмір деңгейі жақсарып отыр. Сонымен қатар жанұяларда тұрмыстық химиялық заттармен қатты әсер ететін дәрілер көбеюде. Әсіресе балалар арасында уланулар жиірек.
Жіті уланулар шұғыл патологиялар ішінде алғашқы орындарда тұр. Жіті уланулар қайғылы оқиғалар ішінде үшінші орында, жиілігі жағынан жарақаттармен күйіктерден кейін тұр. Жіті уланулар ересектерге қарағанда балаларда басқаша болады, метоболикалық үрдістердің әлсіздігіне байланысты (су -тұз алмасуы).
Балаларда коматозды жағдайдың дамуына гематоэнцефальды барьердің, қан -тамырлар өткізгіштігі жоғарылығаның, орталық жүйке жүйесінің, жүрек -қантамыр жүйесі, асқазан -ішек жолы, бауырдын анатомофизиологиялық ерекшеліктерінің үлкен маңызы бар. Жоғарыда аталған ерекшеліктер балалар ағзасының улы заттарға тезімділігінің төмендігіне, эксикоз, токсикозға бейімділігі және ағзаға удың тез сіңірілуіне байланысты.
Балалар арасындағы уланулардың ішінде бірінші орынды дәрі-дәрмектермен улану 40 -60% алады, олардың басым көпшілігі кездейсоқ (1-5 жас аралығындағы балалар) және суицидальды (жасөспірімдер арасында) уланулар. Екінші орында қышқылдар мен сілтілермен улану, алкоголь, наркотиктер сонымен қатар өндірістік газдармен көмір қышқыл газдарымен улану жиірек кездеседі. Балалардың улануы айқын түрде өтеді, Бірақ, басталуы жеңіл өткендей болып, уақыт өткеннен кейін өмірге қауіпті жағдай туғызуы мүмкін, Сол себептен жедел уланған ауруды ауруханаға жатқызып бақылауды қажет етеді. Уланудың нәтижесі емнің сапасы мен уақыты және мезгілінде ауруханаға жатқызуына байланысты.
Жыландармен жәндіктердің шағуы дәрігер жұмысында жиі кездеспегенімен олар адам өміріне қауіп туғызуы мүмкін. Жаз және күз мезгілдерінде жыландармен жәндіктердің шағуы уланулардың ішінде 1-3 % құрайды.