Салық салу теориясының негізгі концепциялары.Қазақстан Республикасының және дамыған мемлекеттердің салық салу жүйесінің ерекшеліктері

Пән: Салық
Жұмыс түрі: Дипломдық жұмыс
Тегін: Антиплагиат
Көлемі: 55 бет
Таңдаулыға:

Реферат

Диплом жұмысы ___ беттен тұрады, кесте саны __, диограмма ___.

Мақсаты: Салық салуға қатысты ғылыми-практикалық тәжірибесін, ғалымдар мен салық қызметкерлерінің жариялаған еңбектерін талдау және тұжырымдау нәтежесінде салықтардың экономикадағы атқаратын рөлі мен қызметін, салық саясаты мен салық жүйесінің даму бағыттарын, салық салу ісінің қазіргі кездегі жағдайын ашып көрсету. Салық салу саласындағы біліктілікті тереңдету, әр түрлі мемлекеттердің салық жүйелері, салықтардың түрлері туралы мағлұмат беру, салықтың құрылысын, салықтық құқықтың және салықтық заңдардың кейбір өзекті мәселелерін ашып көрсету. Қазіргі кезде мемлекеттің салықтық органдарының аса мүдделі бағыттары: салық төлеушілерді салық есебіне қоюды жетілдіру; жекелеген салық салу объектілерін есепке алуды қастамасыз ету, салық түсімдерін есепке алудың жаңамеханизмін құру, салық органдарының автоматтандырылған ақпараттық жүйесін халықаралық деңгейге сәйкес құрудың әдістемелік және ұйымдастыру мәселелерін шешу болып саналады.

Баршамызға белгілі еліміздің салық жүйесі біршама өзгерістерге ұшырып, дамып және нығайып келеді. Бұл орайда 2002 жылдың 1-ші қаңтарынан іске қосылған Салық Кодексіне байланысты салық салу ісінде көптеген өзгерістер мен жаңалықтар енгізілді.

Бұл құралында осы өзгерістер негізге алына отырып, Қазақстан Республикасының салық жүйесіне толық сипаттама берілген.

Бірінші бөлімде салықтардың экономикалық мәні мен мазмұны жан-жақта ашылып, салықтардың атқаратын негізгі қызметтері көрсетілген. Салық механизмі мен қағидалары анықталып, оның құрамына талдау жасалған.

Екінші талдауда Жаңа салық Заңдарының қабылдануына байланысты салық жүйесін басқару және оны жетілдіру жолдары және салықты бюджетке аудару механизмі көрсетілген.

Міндеті: Мақсатқа жету үшін салық салу теориясының негізгі концепцияларын, салық салу теориясының дамуы, салықтың экономикалық мәні және мазмұны, атқаратын қызметі, механизмін, салық салудағы шетел тәжірибесін, рыноктық экономика жағдайындағы Қазақстан Республикасының салық салу теориясының қалыптасуы және дамуын, ҚР салық құқықтық нормалар және салықтық құқықтық қатынастар мен Қазақстан экономикасы дамуындағы салық жүйесінің рөлін, мемлекеттік бюджеттегі салықтың үлесін толық ашып, жеткізу.

Диплом жұмысына еліміздегі және шетел мамандарының еңбектері, ҚР статистикалық көрсеткіштер, Интернеттен алынған мәліметтер пайдаланылған.

Мазмұны

Кіріспе

: І Тарау. Салық салу теориясының негізгі концепциялары

Кіріспе:

Кіріспе: 1. 1

: Салық салу теориясының дамуы, салықтың экономикалық мәні және мазмұны, атқаратын қызметтері, механизмі, қағидалары

Кіріспе: 1. 2

: Салықтық құқықтық қатынастардың теориялық негіздері

ІІ Тарау. Қазақстан Республикасының және дамыған мемлекеттердің

салық салу жүйесінің ерекшеліктері

Кіріспе:

Кіріспе: 2. 1

: Қазақстан экономикасы дамуындағы салық жүйесінің ролі. Мемлекеттік бюджеттегі салықтың үлесі

Кіріспе: 2. 2

: Шетел мемлекеттерінің салық салу тәжірибесі

ІІІ Тарау. Қазақстан Республикасының салықтық құқықтық қатынастарын

реттеу жүйесінің қалыптасуы

Кіріспе:

Кіріспе: 3. 1

: Қазақстан экономикасының кейбір салаларының Ладфер теориясы негізінде (мысалы, «Кондитер комбинаты») талдау жасау

Кіріспе: 3. 2

КІРІСПЕ

Өзектілігі: Нарықтық экономика шарттарына сәйкес дамыған елдердің тәжірибесінде салықтар тек қана мемлекеттік қаржылық негізі емес сонымен қатар экономиканы мемлекеттік реттеудің негізгі құралы болып табылады. Ғылыми негізделген, рационалды салық салу жүйесі нарықтық экономика негізінде әлеуметтік мәселелерді шешу мен өндірістік дамуы үшін бюджеттің балансын құру қажет.

Қазақстан Республикасы тәуелсіздік алғаннан бері, нарықтық экономика шарттарына сәйкес ұлттық экономикамыз да салық салу жүйесін қалыптастыру алға қойылды. Дамыған елдердің салық жүйелері фискалдық функциямен қатар, әлеуметтік-экономикалық және сыртқы экономикалық қатынастарды дамытуда реттеушілік функциясын да ұтымды жұмыс жасатуда. Көпшілік жағдайда салық жүйесі үш деңгейлі болып келеді. Бұл жерде мемлекеттік салықтар жетекші, ал жергілікті салықтар көмекші роль атқаруда және әр ел бюджетіндегі пайыздық арақатынастары әртүрлі. Барлығына тән ортақ сипат - мемлекеттік салық ретінде, әдетте, табысқа салынатын салықтардың, жергілікті салық ретінде мүлік салығы, қосылған құнға салынатын салық, сатудан алынатын салықтың болуы.

Қазіргі кезде экономика жүйесін жақандандыру кезеңінде, ішкі қаржыландыру мүмкіндіктерінің шектеулі жағдайында, үкіметтің іс-әрекет бағдарламасын негізінде құрылымдық қайта қалыптастыруды қамтамасыз ету үшін, салық салу жүйесін дамыту және оларды ақпараттық технологияларымен қамтамасыз ету маңызды орын алады.

Мақсаты: Салық салуға қатысты ғылыми-практикалық тәжірибесін, ғалымдар мен салық қызметкерлерінің жариялаған еңбектерін талдау және тұжырымдау нәтежесінде салықтардың экономикадағы атқаратын рөлі мен қызметін, салық саясаты мен салық жүйесінің даму бағыттарын, салық салу ісінің қазіргі кездегі жағдайын ашып көрсету. Салық салу саласындағы біліктілікті тереңдету, әр түрлі мемлекеттердің салық жүйелері, салықтардың түрлері туралы мағлұмат беру, салықтың құрылысын, салықтық құқықтың және салықтық заңдардың кейбір өзекті мәселелерін ашып көрсету. Қазіргі кезде мемлекеттің салықтық органдарының аса мүдделі бағыттары: салық төлеушілерді салық есебіне қоюды жетілдіру; жекелеген салық салу объектілерін есепке алуды қамтамасыз ету, салық түсімдерін есепке алудың жаңамеханизмін құру, салық органдарының автоматтандырылған ақпараттық жүйесін халықаралық деңгейге сәйкес құрудың әдістемелік және ұйымдастыру мәселелерін шешу болып саналады.

Баршамызға белгілі еліміздің салық жүйесі біршама өзгерістерге ұшырып, дамып және нығайып келеді. Бұл орайда 2005 жылдың 1-ші қаңтарынан іске қосылған Салық Кодексіне байланысты салық салу ісінде көптеген өзгерістер мен жаңалықтар енгізілді.

Бірінші бөлімде салықтардың экономикалық мәні мен мазмұны жан-жақты ашылып, салықтардың атқаратын негізгі қызметтері көрсетілген. Салық механизмі мен қағидалары анықталып, оның құрамына талдау жасалған.

Міндеті: Мақсатқа жету үшін салық салу теориясының негізгі концепцияларын, салық салу теориясының дамуы, салықтың экономикалық мәні және мазмұны, атқаратын қызметі, механизмін, салық салудағы шетел тәжірибесін, нарықтық экономика жағдайыңдағы Қазақстан Республикасының салық салу теориясының қалыптасуы және дамуын, ҚР салық құқықтық нормалар және салықтық құқықтық қатынастар мен Қазақстан экономикасы дамуындағы салық жүйесінің рөлін, мемлекеттік бюджеттегі салықтың үлесін толық ашып, жеткізу.

I Тарау. САЛЫҚ САЛУ ТЕОРИЯСЫНЫҢ НЕГІЗГІ КОНЦЕПЦИЯЛАРЫ

1. 1. Салық салу теориясының дамуы,

салықтың экономикалық мәні мен атқаратын қызметтері, түрлері, механизмі, қағидалары

Салықтар қоғамдық қатынастарды бірдіндеп дамып келе жатқан адамзат өркениетінің бастапқы кезеңдерінде пайда болған.

Көне Үндістанда «Ману заңдарында»: «шалынған кұрбандықты өзіне, яғни құрбандыққа шалынған мал-мүліктерді өзіне тек брахмандар ала алады» деп белгіленген болатын, сонымен бірге осы заңда «Патша жыл сайын елде тұратын бұқара халықты дербес кәсіппен айналысуға мәжбүр етсін және оларды салық деп аталатын төлемді төлеуге мәжбүрлесін» деп көрсетілген.

Енді көне Грецияға көз салсақ, онда алымдар мен салықтарды алудың әр алуан тәсілдері мен түрлері пайдаланылғанын байқаймыз. Классикалық Грекияда алғашқы тікелей алымды тек құдайлар мен храмдарға құрбандық шалу ретінде берілетін мал-мүліктер түрінде алып отырса, кейіннен кемелер жасауға, белгіленген тәртіпке қамтамасыз етуге, қала шаруашылығы мен порттарға жұмыстарды жүзеге асыруға деп аздап салық алынатын болған.

Көне Римдегі алғашқы салықтар цензус деп аталған. Ценздер әрбір бес жылдың көлемінде азаматтардың мүліктеріне сәйкес белгіленіп, алынған.

Кейде салықтар мен баждардан және жерді жалға беруден түскен түсімдер қала шаруашылығына кететін шығындарды жаппаған жағдайда, тек қалада тұратын азаматтардан «мунира» деп аталатын салық алынған. Мунирадан басқа мемлекеттік салық «трибутумды» төлеу рим азаматының борышы әрі міндеті болған. Провинциялардағы жерлердің аумағы өлшеніп, қалалар бойынша кадастрлар жасалынып отырған. Римдегі негізігі салықтардың бірі жер салығы «аннона» болган. Оның төлемдері ауылшаруашылығы өнімдері түрінде алынған.

Ресей мемелекетінің салық жүйесі IX ғасырдың соңына таман қалыптаса бастады. Ең бірінші алынған салық «дань» деп аталынатын. Сол кездерде алынатын салықтардың бәрі баждар болып саналынатын. Баждардың мына түрлері алынған «мыть», «гостиная», «вес и мира», «торговая», «вира», «продажа».

Казақстанда да заман-кезеңдеріне сай салық жүйесі болғаны ешбір күмән тудырмайды. Бір ғана дәлел ретінде «Ұлы жібек жолы» мен өркендеп, дамыған қамал-қалалар «Сығанақ», «Отырар», «Тараз», «Мерке», «Исфиджаб», «Құлан», «Яссы», «Сауран», «Барысхан», «Аспара», «Баласағұн», «Қойлық», «Талхиз», «Екіөгіз», «Баба-ата» жөнінде мағлұматтарды айтуға болады.

Кезінде Қазақстан тарихына, сонымен бірге салық салу мәселелерін шешуге орасан зор үлес қосқан бірден-бір құқықтық дерек көзі Тәуке ханның хандық құруы кезінде, оның тікелей қатысуымен қабылданған «Жеті Жарғы» болып табылады.

Қазақстанның Ресей боданы болуына байланысты оның аумағында да Ресейдің заңдарында көзделген салықтар мен өзге де міндетті төлемдер алынатын болған. Тек Қазақстанның өзіне тән алымдар да белгіленіп отырған. Мысалы «кибиточный сбор», «ясачная подать», «паспортный сбор», «ямская повинность» және т. б.

Салықтар, салық салу және салықтық құқық жөнінде кезінде А. Смит, Д. Рикардо, У. Петти, Н. Тургенов, М. Сперанский, Ш. Уәлиханов, Ы. Алтынсарин, А. Құнанбаев, А. Байтұрсынов, А. Бөкейханов, кейіннен бұрынғы Кеңес кеңістігі мен қазіргі егеменді ғалымдары М. Оспанов, А. Худяков қалыптастырған маңызы зор теориялар, экономикалық және құқықтық көзқарастар осы салықтардың қоғам және мемелекет үшін ауадай қажет екенін дәлелдеп отыр.

А. Смиттің пікірі бойынша «Халықтар байлығының табиғаты мен себебін зерттеу» еңбегінде «салық-өзінің табысының бір бөлігін беру арқылы мемлекеттік табыс көзін құруға қатысады және ол мемлекетке жүктелген шығындарды жабуға жұмсалады». Олар төлейтін төлем - салықтың мөлшері өте дәл айқындалғаны дұрыс болады, сондай-ақ төлеу мерзімі - төлеу тәсілі және төленетін сомасы өте анық болуы қажет. Салықты алу кезеңі мен уақыты немесе тәсілі салық төлеуші үшін ыңғайлы әрі қолайлы болуы тиіс.

Салықтың экономикалық мағынасын алғаш рет Давид Рикардо өз еңбегінде зерттеген болатын. Еңбек пен өндірілген өнімнің бір бөлігі және ол үкіметтің меншігіне қарайды, сол арқылы мемлекет халықтың табысын төлеп отырады.

Ж. Б. Сэйдің көзқарасы бойынша «салық - мемлекеттің халыққа көрсеткен пайдалы қызметі үшін төленетін төлем». Осы салық салуға байланысты әр дәуірде мемлекет қайратеерлері, экономистер, философтар, ойшылдар көптеген еңбектер жазған. Мысалы, Ф. Аквинский "Салықтарды ұрлаудың рұхсат етілген нысаны ретінде анықтады.

Салықтар мемлекетпен бірге пайда болды және мемлекеттің өмір сүріп, дамуының негізі болып табылады. Адамзат дамуының бүкіл тарихи бойына салық нысандары мен әдістері өзгереді, игерілді, мемлекеттің қажеттеліктері мен сұрау салуларына бейімделді. Салықтар тауар-ақша қатынастарының ахуалына әсер ете отырып, олардың дамыған жүйесінде айтарлықтай өрбіді. Мемлекет құрылымының өзгеруі, өркендеуі әрқашан салық жүйесінің қайта құрылуымен, жаңаруымен қабаттаса жүреді.

Белгілі философ Фрэнсис Бэкон салықтарды төлеу - әрбір азаматтың қасиетті борышы деген еді.

Қазіргі кезде Қазақстан Республикасы егеменді, тәуелсіз ел болғандықтан экономикамыз дамып нарықтық механизмдер ене бастады. Соның ішінде салық жүйесі өте маңызды орынды алады. Кез-келген мемлекетке шындығында дербес, тәуелсіз ел болу үшін тұрақты қаржылық негіз қажет. Дамыған елдердің тәжірбиесі бойынша, нарықтық экономика шарттары негізінде мемлекеттің негізгі қаржы көзі болып мемлекеттік, халық пен шаруашылық жүргізуші субъектілерден жиналатын салықтар болып табылады.

Салықтар дегеніміз мемлекеттік бюджетке заңды және жеке тұлғалардан белгілі бір мөлшерде төленетін төлемдер болып табылады.

Салықтар - шаруашылық жүргізуші субъектілердің, жеке тұлғалардың мемлекетпен екі арадағы мемлекеттік орталықтандырылған қаржы көздерін құруға байланысты туындайтын қаржылық катынастарды сипаттайтын экономикалық категория.

Салықтардың экономикалық мәні мынада:

- біріншіден, салықтар шаруашылық жүргізуші субъектілер мен халық табысының қалыптасуындағы қаржылық қатынастардың бір бөлігін көрсетеді;

- екіншіден, шаруашылық жүргізуші субъектілер мен халық табысының белгілі бір мелшерін мемлекет үлесіне жинақтап, жинақтаудың қаржылық қатынастарын көрсетеді.

Салықтар мемлекеттің құрылуымен бірге пайда болды және мемлекеттің өмір сүруі мен дамуының негізгі қаржылық көзі болып табылады. Мемлекет құрылымының өзгеруі, өркендеуі қашан да болса оның салық жүйесінің кқайта құрылуымен, жаңаруымен бірге қалыптасады.

Мемлекет салықтарды экономиканы дамыту, тұрақтандыру барысында қуатты экономикалық тетік ретінде пайдаланады.

Тұңғыш рет Қазақстан Республикасында заңнамалық деңгейде салық салудың қағидалары баянды етілген. Қазақстанның салық заңнамасында сонымен бірге салық және бюджетке төленетін басқа да міндетті төлемдерді төлеудің міндеттілігі, салық салудың айқындығы, әділдігі, салық жүйесінің біртұтастығы және салық заңнамасының жариялылығы қағидалары негізделеді.

Салық төлеуші салық заңнамасына сәйкес салықтық міндеттемелерін толық көлемінде және белгіленген мерзімдерде орындауға міндетті.

Салықтар және бюджетке төленетін басқа да міндетті төлемдер айқын болуға тиіс. Салық салудың айқындығы салық төлеушінің салықтық міндеттемелері туындауының, орындалуының және тоқталуының барлық негіздері мен тәртібін салық заңнамасында белгілеу мүмкіндігін білдіреді.

Еліміздегі салық салу «Салық және бюджетке төленетін басқа да төлемдер туралы» Қазақстан Республикасының Кодексінде белгіленген тәртіп бойынша жалпыға бірдей және міндетті болып табылады. Жеке сипаттағы салық жеңілдіктерін беруге тыйым салынады.

Салық салу мәселелерін реттейтін нормативтік-құқықтық актілер ресми басылымдарда міндетті түрде жариялануға жатады.

Мемдекетке түсетін салық түсімдерінің сипатты ерекшелігі олардың сан алуан қоғамдық қажеттерге кейін иесіз пайдаланылуы болып табылады. Осысымен салықтардың мемлекет, сондай-ақ басқа жергілікті органдар белгілейтін түрлі міндетті мақсатты жарналардан, төлем аударымдарынан айырмашылығы болады; бұған әлеуметтік сақтандыру аударылатын қатаң мақсатты аударымдар, соның ішінде бюджеттен тыс қорларға төленетін Жарналар мен аударымдар жатады, олар белгілі бір, ұзақ мерзімді көлемде өнімнің, жұмыстың және қызметтер көрсетудің өзіндік құнынан, табыстан (пайдадан), еңбекке ақы төлеу қорынан, амортизациядан және басқа көздерден есептелінеді.

Салықтардың мәнін толықтыру үшін олардың экономикалық маңызы олардың атқаратын қызметіне тікелей қатысты.

Салықтардың мынадай негізгі қызметтері (функциялары) бар:

- фискалдық;

- реттеушілік;

- бақылаушылық;

- қайта бөлу.

Салықтардың бірінші қызметі фискалдық кызмет. Бұл қызмет арқылы мемлекеттік бюджеттің кіріс бөлімі құрылып, салықтардың қоғамдық міндеті артады. Себебі, салықтар мемлекеттік бюджеттің кірісін топтастыра отырып, әлеуметтік, әскери, қорғаныс, тағы да басқа шаралардың іске асуын қамтамассыз етеді.

Мемлекеттік бюджеттің кіріс көзін құрайтың негізгі қаржылық көздер -салықтар.

Салықтардың екінші маңызды қызметі ол, реттеушілік кызметі.

Реттеушілік қызметі салық механизмі арқылы іске асады. Оның ішіндегі негізгі тетіктері салық ставкалары мен салық жеңілдіктері. Салықтық реттеудің тетіктері тек қана өндірістің дамуын реттеп қана қоймай, сонымен қатар ақша және баға саясаты, шетелдік инвесторларды ынталандыру, шағын және кіші кәсіпкерлікті дамыту жұмыстарын жүзеге асыруы қажет.

Салықтардың келесі негізгі қызметі ол бақылаушылық қызметі , яғни садықтық бақылау.

Салықтардың бақылаушылық қызметі арқылы салық механизмінің қызмет етуінің тиімділігі бағаланады қаржы ресурстарының қимылына бақылау ісі жүргізіледі, салық жүйесі мен бюджет саясатын жетілдіру жолдары қарастырылады. Салықтық бақылауды тиімді жүргізу арқылы салықтық тәртіпті қатаң сақтау, салық төлеушілердің заңға сәйкес төлейтін салықтары мен алымдарын толық және уақытылы бюджетке төлеп отыруы қамтамассыз етіледі.

Қайта бөлу қызметі арқылы түрлі субектілердің табысының бір бөлігі мемлекеттің қарамағына өтеді. Бұл қызметтің іс-әрекетінің ауқымы жалпы ішкі салықтардың алатын үлесі арқылы анықталады; ол ұлттық табыстың мемлекеттендірілуі дәрежесін көрсетеді.

Нарықтық экономиканың қалыптасу кезеңінде салық салу саясатының негізгі бағыты-салық жүйесін кұру және оның тиімді қызмет етуіне мүмкіншілік беретін салық механизмін іске асыру.

Салық салу процесінде нақтылы салық төлеуші орындауға тиіс салықтық міндеттемелер салықтық заң актілерінде белгіленген әрбір салықтық құрамдас бөліктерінің жиынтыгы - салық элементтері арқылы айқындалады.

Салық элементтеріне:

Салық субъектісі - салықты және бюджетке төленетін басқа міндетті төлемдерді төлеу жөніндегі заңды тұлға.

Қазақстанда салық төлеушілер:

- резидент және резидент емес заңды тұлғалар;

- Қазақстан Республикасының азаматтары, шетел азаматтары және азаматтығы жоқ адамдар болып жіктеледі:

Салық объектісі - заң жүзінде белгіленген салық салуға негіз болатын табыс, мүлік, қызмет көрсету, ақшалай операциялар және т. б көптеген тауарлы материалдық игіліктер;

Салық көзі салық салынатын табыс. Салық салынатын табыс жылдық жиынтық табыс пен шегерімдердің айырмасы ретінде анықталады.

Салық базасы;

Салық базасын есепке алу тәртібі;

Салық ставкасы - бір өлшем бірлігінен алынатын салық мөлшері. Ставкалар тұрақты немесе пайыз нысанында белгіленеді.

Пайыздық салық ставкасы прогрессивтік, регрессивтік және пропорционалдык (тұрақты) болып бөлінеді.

Прогрессивтік ставкалар салық салынатын табыстың өсуіне сәйкес ұлғайып отырады.

Регрессивті салық ставкасы - салық салынатын табыс мөлшерінін өсуіне қарай салық ставкасының төмендеуі;

Салық өлшем бірлігі - есептеу үшін берілген салық объектісінін өлшем бірлігі;

Салық оклады - салық төлеушінің белгілі бір объектісінен төлейтін салық сомасы;

Салық жеңілдіктері - заңға сәйкес салық төлеушіні салықтан босату;

Салықты төлеу мерзімі - салықтар мен басқа да міндетті төлемдердін бюджетке төлену уақыты;

Салық төлеу тәртібі - белгіленген мерзімде салықты төлеген кезде алдымен бюджетке қандай салықтар төлеу керек екенін, яғни төлеу кезіндегі белгілі бір дәйектілікті белгілейді.

Мемлекет аумағындағы салықтарды белгілеу мынадай нысандағы нормативтік актілер:

а) Парламент қабылдаған ҚР заңы;

ә) Президент шығарған ҚР заңы;

б) ҚР Президентінің заң күші бар жарлығы арқылы жүзеге асырылады.

Салық салу қағидалары :

Салық механизмінің қызметі белгілі қағидаларға сүйеніп іске асырылады. Қазақстан Республикасының Салық Кодексі салық ісін мынадай қағидаларға негізделіп жүргізілуін талап етеді:

- міндеттілік қағидасы бойынша салық төлеуші салықтық міндетін толық және бекітілген мерзімде орындауы тиіс;

- әділеттілік қағидасы бойынша Қазақстан Республикасында салық салу жалпыға бірдей және міндетті болады, жеке түрдегі жеңілдік жасауға рұқсат етілмейді;

- нақтылық қағидасы бойынша Қазақстан Республикасындағы бюджетке төленетін төлемдер мен салықтар нақты болуы тиіс;

- біртұтастылық қағидасы бойынша Қазақстан Республикасы аумағында жалпыға бірдей салық жүйесі қолданылады;

- жариялылық қағидасы бойынша салықты реттеуші нормативтік құқықтық кесімдер ресми басылымдарда жарық қөреді.

Салық ісін тиімді ұйымдастыру мақсатында салықтарды белгілі топтарға жіктейміз:

Салықтарды мынадай ерекшелік белгілері бойынша жіктейміз

1. Салық салу объектісіне байланысты:

Тікелей салықтар - тікелей табысқа немесе мүлікке салынады. Оған корпорациялық табыс салығы, жеке табыс салығы, жер салығы, көлік құралдарына салынатын салық және т. б жатады. Нақты салықтар салық төлеушінің мүлкінің кейбір түрлеріне (үй, жер, кәсіп, ақшалай қапитал және т. с. с. ) салынады. Жеке тура салықтар - бұл жеке адамдар мен заңды ұйымдардың табыстары мен мүлкіне салынатын салықтар. Нақты салықтардан айырмашылығы - жеке салық салу әрбір салық төлеушінің табысы мен мүлкін де, оның қаржы жағдайын да ескереді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.