Қонаев Дінмұхамед Ахметұлы

Қонаев Дінмұхамед Ахметұлы (12.1.1912, Алматы – 22.8.1993, сонда) – көрнекті қоғам және мемлекет қайраткері, ғалым. Қазақстан ҒА-ның акад. (1952), тех. Ғыл. Докт. (1969), үш мәрте Соц. Еңбек Ері (1972, 1976, 1982), 1936 ж. Мәскеудегі Түсті металдар және алтын интын бітірген. 1936 – 42 ж. Балқаш, Алтай, Риддер, Лениногор кен орындарында басшы қызмет атқарған. 1942 – 52 ж. Қазақ КСР Халық Комиссиарлары Кеңесі, кейіннен Қазақ КСР Министрлер Кеңесі Төрағасының орынбасары болды. 1925 ж . сәуірде Қазақстан ҒА-ның президенті болып сайланды. 1955-60 және 1962 – 64 ж. Қазақ КСР Министрелер Кеңесінің Төрағасы. 1960-62 ж. және 1964-86 ж. Қазақстан КП ОК-нің 1-хатшысы болды. Қонаев өмірінің 45 жылға жіығын ел басқару ісіне арнады, ширек ғасырға жуық Қазақстанның бірінші басшысы қызметін атқарды. Ол жауапты басшылық қызмет атқара жүріп, респубикадағы таукен ісін дамытуға қомақты үлес қосты.Респуликаны баскарған жылдары Қазақстанда жаңа өнеркәсіпті аудандар қалыптасып, елде жаңа қалалар мен ірі елді мекендер пайда болды. Павлодар-Екібастұз отын-қуат кешені, Қарағандыдағы ГРЭС-2, Шығ. Қазақстандағы Бұқтырма су электр ст., Павлодар трактор зауыты, т.б. кәсіпорындар осы кешенде іске қосылды. Маңғыстаудың мұнай кен орындары игерілді, теміржол құрылысты, көлік түрлері дамыды. Республика титан, магний, синтетик. Каучук өндіре бастады. Электротех., машина жасау, химия салалары тез дамыды. Жезқазған, Маңғцыстау және Торғай облыстары шаңырқ көтерді. Қ. Алматы обл-ның Кербұлақ алқабын игеруге, Қапшағай су қоймасын, Үлкен Алматы каналын салуға ерекше көңіл бөлді. Алайда Қазақстан экономикасы, жалпы алғанда, Одақ үшін шикізат базасы бағытында дамыды, мұнда көп жағдайда өнім шығаруға қол жетпеді. Бүкіл Кеңес Одағына тән экономиканың милитарлануы Қазақстанда да орын алды. Алматы, Өскемен, Петропавл, Орал, Степногорск, т.б. қалаларда үлкен заттар әскери өнім шығарумен айналысты. Қазақстанда кең алқаптарды алып жатқан полгондар мен әскери өнім шығаратын кәсіпорындар экологияға орасан зор нұқсан келтірді.