Қазақстан Республикасы ұлттық банкінің алтынвалюта активтерін басқару жөніндегі инвестициялық стратегия

Осы Инвестициялық стратегия ( бұдан әрі-Стратегия) Қазақстан Республикасы Ұлттық Банкі Басқармасының 1999 жылғы 7 қазандағы № 324 қаулысымен бекітілген “Қазақстан Республикасы Ұлтық Банкі алтынвалюта активтерін басқарудың негізгі принциптері туралы” ережесіне, Қазақстан Республикасының Ұлттық Банкі Директорлар кеңесінің 1997 жылғы 4 наурыздағы № 72 қаулысымен бекітілген “Қазақстан Республикасы Ұлттық Банкінің алтынвалюта резервтерімен операциялар жүргізген кезде лимиттер белгілеу принциптері туралы” ережеге, Қазақстан Республикасы Ұлттық Банкі Басқармасының 1999 жылғы 2 желтоқсандағы № 414 қаулысымен бекітілген “Қазақстан Республикасы Ұлттық Банкінің алтынвалюта активтерін сыртқы басқаруға (Asset Management) беру тәртібі мен шарттары туралы” ережеге сәйкес әзірленді.
2. Осы Стратегия Қазақстан республикасы Ұлттық Банкінің алтынвалюта активтерін басқаруға байланысты операциялық қызметтерге реттеу және бақылау жүргізу үшін қолданылады.

3. Алтынвалюта активтерін басқарудың мақсаты осы Стратегияның шектеулері шеңберінде активтердің өтімділігін қолдау және кірістілікті барынша көбейту болып табылады.
Қазақстан Республикасы Ұлттық Банкінің алтынвалюта активтерін басқару жөніндегі жалпы стратегия
4. Алтынвалюта активтері валюта активтерінің қысқа мерзімді портфелі, ұзақ мерзімді портфелі және алтын портфеліне бөлінеді.
5. Алтынвалюта активтерін басқарудың тиімділігін бағалау осы Стратегияның шектеулерін сақтаған кезеңдегі алтынвалюта активтері портфельдерінің жоғары кірістілігі болып табылады. Жекелеген активтердің кірістілігі басқару тиімділігінің көрсеткіші бола алмайды. Теріс кірістілікпен активтерді сату тәуекелдерді азайту және күтіліп отырған жоғары кірістілікті жақсарту мақсатында иеленген уақытта рұқсат етіледі.
6. Осы Стратегияның шектеулері шеңберінде инвестициялау үшін олармен жасалған мынадай қаржы құралдары мен операцияларға рұқсат беріледі:
• - ААА – Standard &Poor;’s немесе Aaa – Moody’s кредиттік рейтингімен мемлекеттік және агенттік бағалы қағаздарды және Халықаралық Қаржы Ұйымдарының (ХҚҰ) бағалы қағаздарын сатып алу-сату,
• - ААА – Standard &Poor;’s немесе Aaa – Moody’s кредиттік рейтингімен тәуелсіз бағалы қағаздарды (басқа елдің валютасымен деноминирленген мемлекеттік бағалы қағаздар) және Халықаралық Қаржы Ұйымдарының (ХҚҰ) бағалы қағаздарын сатып алу/сату
• - қысқа мерзімді кредиттік рейтингі өтеуге дейінгі мерзімі бір жылдан аз А1 – Standard &Poor;’s немесе Р1 – Moody’s –ден төмен емес мемлекеттік, тәуелсіз және корпоративтік борыштық міндеттемелерді сатып алу және сату,
• - ұзақ мерзімді кредиттік рейтингі өтеуге дейінгі мерзімі бір жылдан көп А – Standard &Poor;’s немесе А2 – Moody’s –ден төмен емес мемлекеттік, тәуелсіз және корпоративтік борыштық міндеттемелерді сатып алу және сату,
• - рыноктық құны мәміле жасалған күнгі 100% мәміле сомасынан төмен болмайтын бағалы қағаздарды инвестициялау үшін рұқсат етілген ұзақ мерзімді кредиттік рейтингі А – Standard &Poor;’s немесе А3 – Moody’s –дан төмен емес қарсы әріптестермен кері және тікелей репо операциялары