Қазақстан республикасының банктері

1. Қазкоммерцбанк
2. Тұранәлем банкі
3. Қазақстан халық банкі
4. Альянс банк
5. Қазақстан республикасының ұлттық банкі
6. Цеснабанк

1990 жылы құрылған Қазкоммерцбанк қазіргі уақытта активі, несие қоржыны және пайда мөлшері бойынша ірі жекеменшік қаржы институты болып табылады. Мысалы, 2005 жылғы 31 желтоқсандағы қаржылық есеп-қисаптың халықаралық стандарттары бойынша есептелген банк активтері 1,195 триллион теңгеге (8,9 млрд.$) теңесті. Ал осы көлемнің 60%-н (5,4 млрд. $) қарыз «қоржыны» алады. 2005 жылы банк 20,563 миллиард теңге мөлшерінде (154,7 млн. $) пайда тапты. Бұл бір акцияға есептегенде 51,17 теңгені құрайды. Ал банктің меншік капиталы 2005 жылы 87,4 миллиард теңгеге дейін (652,1 млн. $) артты.Банктің негізгі қызметі дәстүрлі депозиттер қабылдау, теңге мен шетел валютасында қарыз бен несие беру болып табылады. Банк сонымен бірге клиенттердің дебеттік және кредиттік карточка, инкассация сияқты төлемдерін, сондай-ақ, бөлшек сауда банкингі сияқты ағымдағы шоттарына қызмет көрсету бойынша қызметтердің кең спектрін ұсынады. 2006 ж. 1 шілдедегі жай-күйі бойынша, Банк бас офистен басқа, Қазақстандағы 22 әмбебап филиалға және 69 операциялық бөлімшеге иелік етеді (ОБ ұғымы бұрынғы КЕБ пен БҚО-ны біріктірді).
Банк VISA және Europay/MasterCard (Cirrus/Maestro карточкаларын қосқанда) халықаралық жүйенің кредиттік және дебеттік карточкаларын шығарады. 2005 жылғы 31 желтоқсандағы жай-күйі бойынша Банк шығарған 409 960 карточка айналыста болды. Сондай-ақ, Банк American Express және Diners Club карточкаларын тарату жөніндегі уәкілетті агент болып табылады. 2001 жылы қазақстандық банктердің ішінде бірінші болып Қазкоммерцбанк магниттік лента мен чип құрамдастырылған смарт-карталар, ал 2005 жылы тағы да бірініші болып GoCard несиелік бонустық карталарын шығарды. Банк, сондай-ақ, Қазақстанда өз клиенттеріне қаржылық порталдар арқылы оқшауланған банктік қызметтер көрсету бойынша жетекші банк болып табылады: Homebank.kz – жеке тұлғалар үшін, Onlinebank.kz – заңды тұлғалар үшін.
«ТұранӘлем Банкі»АҚ қаржы нарығының барлық сегменттеріне қатысатын негізгі қаржы тобын құрайды. ТӘБ - Қазақстанның жүйе құрушы банкі, ТМД елдеріндегі банк желісін құруда көшбасшы. ТӘБ активтері 24,0 млрд., ал банктің меншікті капиталы 2,97 млрд. АҚШ долларына жетті. ТұранӘлем Банкі Қазақстанда саудалық қаржыландыру, шағын және орта бизнеске несие беру, ипотекалық несиелендіру саласында көшбасшылар қатарына бекем орнықты. 2007 жылы ТМД-дағы банктің активтерін топтастырып, дейін 50 млрд. АҚШ долларына дейін жеткізу көзделген. Банк географиялық әртараптандыру мен банк өнімдерінің аясын кеңейтуді, сондай-ақ, негізгі көрсеткіштерін тұрақты және қарқынды дамытуды көздейді.
«Қазақстан Халық Банкі» АҚ — өз клиенттерінің игілігі үшін 80 жылдан астам уақыт табысты қызмет етіп келе жатқан Қазақстан Республикасындағы аса ірі әмбебап коммерциялық банк, еліміздегі ең сенімді әрі қызметі барынша сараланған қаржылық құрылымдардың бірі.

«Қазақстан Халық Банкі» акционерлік қоғамы бұрынғы Қазақстан Республикасы Жинақ банкінің негізінде қайта құрылды және біраз жылдар бойы ҚР Үкіметінің зейнетақы мен жәрдемақы төлеу жөніндегі агенті болып келді. Активтері мен меншікті капиталының көлемі жағынан Халық банкі Қазақстан Республикасындағы екінші деңгейлі ірі банктердің үштігіне кіреді. 2007 жылғы 1 шілдедегі жағдай бойынша Банктің активтері 1,27 трлн. теңге, міндеттемелері – 1,13 трлн теңге, меншік капиталы (баланстық) – 132 млрд теңге, жарғылық капиталы 65,6 млрд теңгені құрады.