Инфрақұрылымды, соның ішінде шағын кәсіпкерлікті дамыту

1. Инфрақұрылымды, соның ішінде шағын кәсіпкерлікті дамыту
2. Мемлекеттік даму институттары арқылы жүзеге асырылатын жобалардың тиімділігі. Нәтижелерді бағалау
3. Қорытынды
Өнеркәсіп
Кіші бизнес

Индустриялық-инновациялық даму стратегиясын жүзеге асыру мақсатында облыста «Технопарк UniscienTech» ЖШС құрылды.
Технопарктің негізгі міндеті – ғылыми-техникалық саланың, инновациялық бизнес қорларын біріктіру арқылы аймақта тиімді инновациялық кеңістік құру және сол арқылы ғылыми-техникалық дамуы мен ғылымның коммерциялануына жағдай жасау болып табылады.
Клиенттердің тиімді іріктелуі мен компаниялардың жобаларын жүзеге асыруда көмек көрсетуді қамтамасыз ету үшін «Технопарк UniscienTech» ЖШС жобаларды бағалауды олардың әкімшілік, ғылыми-техникалық, экономикалық, академиялық және жергілікті өнеркәсіптік ортасының сарапшыларын тарту арқылы ұйымдастырады. Клиенттерді іріктеу әзірленген шарттар бойынша коммерциялауға үлкен мүмкіндігі мен болашағы бар инновациялық жобаларды анықтау мақсатында жүргізіледі.
Қазіргі таңда облыста қаржы институттары (шағын бизнесті қолдау қорлары, несиелік серіктестіктер, микронесиелік ұйымдар, лизингтік компаниялар), шағын бизнесті қолдау орталықтары, консалтингтік фирмалар, кәсіпкерлер бірлестіктері, жергілікті атқару билігінің жанындағы консультативтік-кеңестік органдар ұсынған толыққанды кәсіпкерлікті қолдау инфрақұрылымы құрылған. Барлығы облыс бойынша шағын бизнесті қолдау инфрақұрылымынның 165 бірлігі бар. Тек 2006 жылдың өзінде ғана инфрақұрылымынның 45 бірлігі құрылған, оның ішінде кәсіпкерлік мәселесі жөніндегі Сараптамалаық кеңес – 9 бірлік, қалалар мен аудандарда шағын және орта бизнес мәселелері бойынша 10 комиссия, 7 шағын несие ұйымдары, 2 несие серіктестік, 17 консалтингтік фирма.
Қорлар, несие серіктестіктері, шағын несие ұйымдары мен лизингтік компаниялар кәсіпкерлерге қаржылай елеулі қолдау көрсетуде. Кәсіпкерлерге берілетін несиелердің едәуір бөлігін екінші деңгейлі банктер (93%), ауылдағы кәсіпкерлерге несие серіктестіктері (7%) береді.
«Кәсіпкерлікті қолдау және дамыту қоры» ҚФ және «Қарағанды лизингтік компаниясы» ЖШС кәсіпкерлерге елеулі қаржылай қолдау көрсетуде.
2006 жылы «Кәсіпкерлікті қолдау және дамыту қоры» ҚФ жалпы сомасы 116,0 млн.теңгелік 188 жобаны қаржыландырды. 2007 жылы жалпы сомасы 145,0 млн.теңгелік 250 жобаны қаржыландыру жоспарланып отыр, бұл 2006 жылғы деңгейден 25% жоғары.
2006 жылы «Қарағанды лизингтік компаниясы» ЖШС 23,0 млн.теңгеге 26 келісім-шарт жасады, 2007 жылы 23,2 млн.теңгеге 32 келісім-шарт жасамақшы (2006 жылға қарағанда 100,9%).
Қазақстан Республикасының «Жеке кәсіпкерлік туралы» Заңына сәйкес 2006 жылы облыс әкімдігінің жанында жеке кәсіпкерліктің мүдделеріне қатысты нормативтік-құқықтық актілерді қарастырумен айналысатын кәсіпкерлік мәселелері жөніндегі Сараптамалаық кеңес құрылады.
Сонымен қатар Салық клмитеті, Кедендік бақылау департаменті, Облыстық прокуратура мен Экономикалық және сыбайлас жемқорлықпен күрес жөніндегі департаменттің жанында шағын кәсіпкерлікті дамыту мәселелері жөніндегі Сараптамалаық кеңестер құрылып, жұмыс істеуде. Аталған Сараптамалаық кеңестердің құрамына кәсіпкерлер мен бизнесмендер қоғамдық ұйымдарының басшылары кіреді.
Облыста Шағын және орта бизнес мәселелері жөніндегі комиссия жұмыс істейді, онда әлеуметтік, кәсіпкерлерге мәдени және тұрмыстық мақсаттағы нысандардың құрылысы үшін жер тілімдерін бөлумен және мемлекеттік сатып алулармен байланысты мәселелерді шешетін заңнамалық және нормативтік актілерге ұсыныстар мен өзгерістер енгізу жөніндегі мәселелер қарастырылады. 2006 жылы Шағын және орта бизнес мәселелері жөніндегі комиссияның ұсынысы бойынша бизнес-асоциациялар мен табиғи монополиялар субъектілерінің арасында Қарағанды облысындағы шағын және орта бизнес нысандарын жылу және электр қуатымен қамтамасыз ету мәселелерін шешудегі ортақ іс әрекеттер туралы меморандумға қол қойылды.