Екінші деңгейлі банктегі банктік есептің теориялық негіздері

Пән: Банк ісі
Жұмыс түрі: Дипломдық жұмыс
Тегін: Антиплагиат
Көлемі: 77 бет
Таңдаулыға:

МАЗМҰНЫ

Кіріспе . . . 8

1 Екінші деңгейлі банктегі банктік есептің теориялық негіздері ……… . . . ……. . 10

Екінші деңгейлі банктердің экономикадағы орны мен маңызы . . . 10
Екінші деңгейлі банк қызметін нормативті - құқықтық реттеу . . . 12
АТФ Банктің экономикалық сипаттамасы мен есеп саясатының құрылымы . . . 15
Шетел тәжірибесіндегі банктік есеп және еліміздегі банктер есебінің ерекшелігі . . . 31

2 Қазақстан Республикасындағы АТФ банктік есебі . . . 37

2. 1 Екінші деңгейлі банктер қызметіндегі операциялардың түрлері мен оларды ұйымдастыру . . . 37

2. 2 Несие операцияларның есебі және оның маңызы . . . 41

2. 3 Нарықтық жағдайдағы ипотекалық және тұтынушылық несие және оның есебінің орны . . . 48

3 АТФ банктің банктік операцияларының аудиті . . . 55

3. 1 Аудиттік тексеруді ұйымдастыру және оның бағдарламасы . . . 55

3. 2 АТФ Банкінің есебінің ішкі аудиты . . . 69

3. 3 Қазақстан Республикасында аудиттың қалыптасуы мен жетілдіру шаралары . . . 70

Қорытынды . . . 74

Пайдаланылған әдебиеттер тізімі . . . 77

Қосымшалар . . . 79

Кіріспе

Қазақстан Республикасының Президенті Н. Ә. Назарбаев өзінің «Қазақстан-2030» атты халыққа жолдауында үшінші ұзақ мерзімді басымдық ретінде шетел инвестицияларының деңгейі жоғары, дамыған нарықтық экономикаға негізделген экономикалық өсуді көрсетеді. Бұл басымдықты жүзеге асыру үшін инфляцияны қолайлы деңгейге түсіре отырып, стра-тегиялық күшті ілгерілуге бағытталу көрсетіледі. Бұл орайда, таяудағы жылдарда біз назарымызды экономиканың нақты секторына, оны сауықтыруға, фискальды және монетарлық қатаң шектеулер жағдайындағы өсу мен күшті әлеуметтік саясатқа аударамыз деп көрсетілген.

Қазақстанның алдыңғы қатарлы коммерциялық банктері өзінің табыс базасын кеңейту үшін, табыстылықты және бәсекелік қабілеттілігін жоғарлату үшін өзінің клиенттеріне кең ауқымды операциялар мен қызметтер көрсетуге ұмтылатыны белгілі. Бұл жерде есте ұстайтын жағдай, банк қызметінің дамуы клиенттер және банктің өзі үшін минималды шығындармен банк қызметтерін көрсетуді, клиенттерге қажетті қызметтерге қолайлы бағаларды пайдалануды білдіреді.

Коммерциялық банктер өз клиенттерінің ақшаларын сақтауға қолайлы әртүрлі депозиттерді ұсынады, бұл бір жағынан өтімділікке деген клиенттерінің қажеттілігін қанағаттандырады. Көптеген клиенттер үшін облигациялар немесе акциялар жұмсағанға қарағанда, мұндай ақшаны сақтау формасы тиімді болып табылады.

Банк операцияларының тиімді, икемді жүйесі кең ауқымды клиенттерімен ішкі жинақтарды шоғырландыруға жағдай жасау керек. Осыған байланысты өзгермелі экономиканың қалыптасып келе жатқан қажеттілігіне жауап бере алатын икемді банктік қызмет көрсету мәселесі ерекше мәнге ие болып отыр.

Қазіргі дамып жатқан ақпараттық технологиялар заманында өз шаруашылығын жалғастыру үшін, қызмет ауқымын кеңейтіп, жоғары пайдаға қол жеткізу үшін көптеген кәсіпорындар тауардың жаңа түрін шығаруға, жаңа қызметтерді ұсынуға ұмтылуда. Осыған орай банктер де жаңа қызметтерді ендіруге және бұрынғы қызметтерді жетілдіруге үлкен назарын аударып отыр.

Жаңа қызметтерге пластикалық карточкалар, банкаралық электрондық есеп-айырысулар, элемдік Интернет байланыс жүйесіндегі қаржы нарығының құрылуы жатады.

Біздің еліміздегі қазіргі банктік институттар аталған жаңа қызметтерді атқара бастады. Клиенттің заказы бойынша маркетингтік зерттеуді, валюталық операцияларды, басқа да қызметтерді, соның ішінде, трасталық, ақпараттық-анықтамалық консультациялық, қор және т. б. жүргізеді.

Бүгінгі Қазақстан экономикасындағы дағдарыстық процестер банк секторының жағдайын қиындатады. Сенімді пайда табу мүмкіндігі қысқарылуда. Банктің серіктестері мен клиенттерінің қаржылық қиыншылықтары, төлей алмау дағдарысы банк жағдайын қиындатады. Олардың ішіндегі ең тиянақсыздары шығынға ұшырайды.

Банк секторын дамытудың маңызды бағыттары болып елде филиалдар желісін кеңейту, таяу шетелдердің банк мекемелерімен байланыс орнату, Азияның қаржылық нарықтарына шығуға ұмтылу табылады. Банктік сферада өндірістер енгізілуде, бұл өзгерістер несие нарығы коньюнктурасының тұрақсыздығынан, банкаралық бәсекелестіктің күшеюімен байланысты.

Банк ісі нәтижесінде белгілі адамдардың күтімі, сезімі және жоспарларына әсер етеді.

Банктер қазіргі бәсекелестікте аман қалуды емес, өз клиенттерінің үміттері ақталуы үшін тырысуы тиіс. Банк сенімділігі - акционерлер мен клиенттердің қаражаты сақталатын және көбейетін негізгі құраушының маңыздысы.

Банк жүйесі - нарықтық экономиканың маңызды құрылымының бірі. Банктер мен тауар өндірісінің қалыптасуы бір-бірімен параллель арқылы жүзеге асады. Банктер қаржылық есеп жүргізу шаруашылықты несиелендіру, капиталды бөлу кезінде өндірістің жалпы тиімділігін арттырады және әлеуеметтік еңбектің өнімділігінің өсуіне әкеліп соқтырады.

Дамыған тауарлық және қаржылық нарықтық құрылымының шартында банк жүйесі шұғыл қиындатады. Нәтижесінде жаңа қаржы кеңселері, жаңа несие құралдары мен клиенттерді күту әдістері пайда болды.

Несие жүйесін орнату, капиталдың нарықта тиімді жұмыс істеу механизмін, коммерциялық құрылымның қызмет етуінің жаңа әдістерін іздестіру шарттары жүргізілуде. Табанды, тиімді банк жүйесін ұйымдастыру - Қазақстандағы экономикалық реформаның маңызды және төтенше міндеттерінің бірі.

Банктер біздің өмірге нық енген. Олар экономиканың өмір құныдылығын қамтамасыз етіп отырады. Қазақстандағы банк жүйесінің дамуында Халық банкі мен оның даму стратегиясы ерекше орын алады. Халық банкінің негізгі міндеті өзінің «Қазақстандағы тұтынушы және бірлескен банк жүйесінің қаржылық іске асырушысы» ұстанымын бекіту. Осыған орай банкке өзінің мемлекеттік сектор алдындағы міндетін коммерциялық мақсаттарды өздерінің жекешелендіру бағдарламаларымен бір орынға қоя отырып орындауы тиіс. Банктердің осындай балансты ұстап тұру мүмкіндігі оның жетістігінің сәті болып табылады.

Халыққа қызмет көрсетіп жүрген банктер ролін жандандырудың мәні мынада: шығынды азайта отырып, барынша жоғары нәтижеге қол жеткізуге, банктік қызмет көрсетуінде клиенттер қажеттіліктерін толықтай қанағаттандыруға, жеке тұлғаларға банктік қызмет көрсету сапасын

жақсартуға, банктік қызметтер спектрін кеңейтуге және олардың өзіндік құнын төмендетуге жағдай жасау.

Жоғарыда аталған көптеген мәселелердің шешу жолдарын табу үшін оған терең үңіліп, барлық тақырыптарға жеке - жеке тоқталып, ашатындай етіп, кешенді түрде қарастыру қажет. Банктік қызметтердің дамуы мен перспективалары - біздің еліміздегі арнайы ғылыми түрде аз зерттелген мәселе болса да, банк саласында қызмет атқарып жүрген көптеген экономисттердің көкейінде жүрген маңызды сұрақтардың бірі.

Бұл жұмысты жазу барысында тақырыптың қазіргі нарықтық жағдайда өте актуалды және маңыздылығын атап өткім келеді. Қарыз алушының несиелік және төлем қабілеттілігі туралы мәліметтер банк үшін өте маңызды, әсіресе оның табыстылығы мен өтімділігі банкке тікелей байланысты. Ссудалық операциларды жүргізу барысында тәуекелді төмендету үшін банк клиенттің несие қабілеттілігін жан-жақты комплексті қарау арқылы жүзеге асыруға болады.

Сол себепті бітіру жұмысымда төмендегі сұрақтарға ерекше назар аудардым:

несиелік механизмнің мәні және маңызы.
Қарыз алушының несиелік қабілеттілігінің экономикалық мәні, маңызы және талдауы.

Бітіру жұмысымның мақсаты - несиелік және төлем қабілеттілік мәнін ашу, сонымен қатар осы экономикалық категорияларды зерттеу.

Несиелік механизмнің қызмет етуін анықтау арқылы оны жақсарту жолдарын анықтау, несиені басқару кезінде экономикалық әдістерді қолдану арқылы несиенің экономикалық шегін анықтауға болады. Ақша айналымы жағынан қарасақ, халық шаруашылығының несиелік салымдары, қарыз уақытылы және толық қайтару, ақша ресурстарын тиімді қолдануға мүмкіндік береді.

Қазіргі таңда несиелік шегі туралы сұрақтар жақсы өңделген. Оларды нақты сандық көлемін анықтай алады деп қабылдауға болмайды. Мұндағы басты мақсат өзгеріп отырытын, яғни тұрақсыз жағдайда несиенің қажеттілігі мен мүмкіндігін анықтау.

Дипломдық жұмыстың басты мақсаты: ҚР-сының коммерциялық банктің функцияларын және операциларының дамуын талдап мәселесін ашу. Осы мақсатын ашу үшін мына міндеттемелерді орындау керек:

Коммерциялық банктің мәнін ашу;
Коммерциялық банктердің функцияларын талдау;
Банктің активті және пассивті операцияларын қарастыру;
Банктің функцияларының және операцияларының дамуын талдау;
Коммерциялық банктердің қызметтерін жетілдіру жолдарын қарастыру.

1 ЕКІНШІ ДЕҢГЕЙЛІ БАНКТЕГІ БАНКТІК ЕСЕПТІҢ ТЕОРИЯЛЫҚ

НЕГІЗДЕРІ

1. 1 Екінші деңгейлі банктердің экономикадағы орны мен маңызы

Банк жүйесi - нарықтық экономиканың ең маңызды әрi ажырағысыз құрылымы. Банктер мен ақша-тауар қатынасы тарихи тұрғыда қатар (параллель) дамып, бiр-бiрiмен тығыз байланыста болды. Банктер басқарудың барлық деңгейiндегi халық шаруашылығымен күн сайын тiкелей байланысты. Банктер арқылы ұдайы өндiрiс процесiне қатысушылардың экономикалық мүдделерi қанағаттандырылып отырды. Бұл арада банктер қаржы делдалдары ретiнде халықтың жинақ ақшасын, шаруашылық органдардың капиталын және басқа да шаруашылық процесiнен босаған еркiн ақшалай қаражатты тартып, оларды қарыз алушыларга уақытша пайдалануы үшiн бердi, бұл қаражатпен ақшалай есеп айырысуды жүргізді, экономикаға басқа да көптеген қызмет түрлерiн көрсеттi. Банктерге шоғырландырылған қаражат өндiрiстiң тиiмдiлiгiн арттыруға және қоғамдық өнімдердiң айналысқа түсуiне тiкелей ықпалын тигiздi.

Банктер нарықтық экономикада ең басты қаржылық делдалдар болып табылады. Өз қызметiнiң процесiнде олар ақша нарығында тауарға айналатын жаңа талаптар мен мiндеттемелердi тудырады. Мәселен, банктер клиенттердiң салым ақшаларын қабылдай отырып, жаңа мiндеттеменi - депозиттi құрады, ал жаңа талаптың ссудасын қарыз алушыға бередi.

Жаңа мiндеттеменi және жаңа талапты тудыратын бұл процесс қаржылық делдалдың негiзiн құрайды. Қаржы ресурстарының несие берушiден қарыз алушыға қозғалысы, орналасуы, ағылуы және осылармен байланысты болатын қаржы институттарынның қызметi қаржылық делдал деп аталады.

Банктер ақшалай капиталды әр түрлi көздерден шоғырландыра отырып, ақшалай қаражаттың жалпылама «пұлын» қалыптастырады әрi оларды қолданысқа түсетiн капиталға айналдырады және шарттары әр қилы несиелер талабын қанағаттандырады.

Банктер нарықтық экономикада монополистерге айналып, барлық қаржылық капиталдарға ие болады. Олар делдалдық қызметтiң негiзiнен шығып, ұдайы өндiрiстің барлық фазасының салаларына дендей енедi. Несие жүйесi «сыйқырлы күшке» ие және ең қатерлi жолмен нақты өндiрiске араласуы ықтимал. Басқа тұста К. Маркс «Сауда мен өнеркәсiпке үстемдiгiн жүргiзетiн ағылшын банкiсi секiлдi мекеменiң орасан зор билiгiне» назар аударады. Банктер шаруашылық өмiрдiң орталығына, барлық экономиканың ең басты жүйке торабына айналды.

Банк жүйесінің мақсаттары мен мiндеттерi негiзiнен тұтас экономиканы басқарудың мақсаттары мен мiндеттерiне ұқсас. Алайда, банктер басқарудың қосалқы жүйесi ретiнде экономиканы баскарудың жалпы мақсаттарына қол жеткiзудi қамтамасыз ететiн өзiндiк ерекшелiгі бар жеке мiндеттердi орындайды. Банктердiң рөлi экономиканы басқарудың органы ретiнде өздерiнiң қызметтерiн орындау процесiнде және банк iсiн ұйымдастырудың жалпы принциптерi сақталғанда анықталады.

Банктер экономиканы басқару процесiнде экономикалық қатынасты бiлдiретiн басқарудың экономикалық әдiстерiн пайдалнады, ал, әрбiр коғамның экономикалық қатынасы ең алдымен мүдде ретiнде алға шығады, ал, экономикалық мүдде өндiрiстiң мақсаты, оның қозғаушы факторы болып табылады. Осыған қарай экономикалық әдістердiң көмегiмен басқару экономикалық мүдделерге ықпал етуден тұрады. Мүдденiң осындай ұгымына қарай былайша тұжырым жасауга болады: оларға кажеттiлiктердi канағаттандыру арқылы әсер етуге болады және басқарудың, экономикалық әдiстерiне жүгiну арқылы банктермен, мысалы, әр түрлi несие қаражатына мұқтаж әр қилы экономика буындарының қажеттiлiктерiн канағаттандыратын несиелеу жолымен немесе қоғамдық өнімнің ұдайы қозгалысын қамтамасыз ететiн, экономиканың тоқтаусыз (үзiлiссiз) жұмыс істеуi үшiн экономиканың қажеттiлiктерiн қанағаттандыруға арналган қолма-кол ақшасыз есеп айырысуды жүзеге асыру жолымен ықпал етуге болады. Банктер уақытша қайтарылмаған несие үшiн жоғары пайызды, мерзiмi кешiктiрiлген төлем үшiн өтемақыны, есеп айырысу операциясы барысында бұрмаланган ереже үшiн айыппұлды өндiрiп алу арқылы өз мүдделерiн ғана емес, сонымен қатар, осы операцияларға қатысушы басқалардың да мүдделерiн қорғайды.

Банктер өз қызметтерiн орындау процесiнде қызметтiк (экономикалық) салалық (министрлiктер, ведомоствалар, компаниялар, фирмалар) және аумақтық (жергiлiктi органдар) басқару органдарымен өзара тығыз байланысты болады, яғни әрекеттеседі.

Банктер экономикалық басқарудың органдары болып табылғандықтан, өз клиенттерiнiң алдындағы олардың жауапкершiлiгi экономикалық сипатта болады.

Банктердiң экономикалық жауапкершлiгi ең алдымен өздерi қызмет көрсететiн шаруашылық органдардың қай ведомствоға жататынына және қандай меншiк түрiнде кiретiнiне қарамастан олардың шаруашылық және қаржылық қызметiнiң нәтижелерiмен байланысты. Банктердiң айналысына оларға (банктерге) тәуелсiздiк болатын немесе банктердi өздерi дербес тыңдайтын құқыққа ие фирмалар мен компаниялар топтасады. Банктер бiрдей жағдайда пайданы қамтамасыз ететiн несие саясатын жүргiзеді, өзiне клиенттерiне тиiмдi операцияларды ұйымдастырады.

Банк жүйесiне коғамның барлық ақша қорлары, атап айтқанда, мемлекеттiң қаражаты, шаруашылық буындардың қаражаты, халықтың жинақ ақшасы және т. б. жиынтықталған. Банктер осы қорларды қалыптастыруға белсендi қатысады, олардың пайдаланылуына бақылау қояды, ақша айналымын реттейдi әрі осылайша ұдайы өндiрiс процесiнiң барысына әсерiн тигiзеді.

1. 2 Екінші деңгейлі банк қызметін нормативті - құқықтық реттеу

Бухгалтерлік есеп реформасының бастапқы үрдісінде Ұлттық банкте және екінші деңгейлі банктердегі бухгалтерлік есеп сұрақтарына байланысты банк жүйесінде нормативтік базаның тұрақты жетілдірілуі жүргізіледі.

Қазақстан Республикасының заңына сәйкес заңды тұлға болып табылатын банктер бухгалтерлік есепті бағыныштылығы мен меншік формасынан тәуелсіз Ұлттық банктің нұсқаулары мен талаптарына сәйкес, сондай-ақ Қаржы министрлігі қабылдаған негізгі құжаттар мен нормативтік актілер талабына сәйкес жүргізіледі. Банкте бухгалтерлік есептің заңдылық базасы келесі құжаттардан тұрады:

-ҚР Азаматтық кодекс. 2009 ж. 01 ақпанда өзгертулер мен толықтырулар енгізілген;

-ҚР Салық кодексі №209-11 2010 ж. 02 сәуір айындағы өзгертулер мен толықтырулар енгізілген;

-Қр Президентінің «Бухгалтерлік есеп туралы» Заң күші бар Жарлығы, №2732 1995 жылдың 25 желтоқсанында енгізілген (24. 06. 2002 ж. өзгерістер мен қосымшалар) ;

-«ҚР Ұлттық банк туралы » 05 ақпан 2007 жылғы Заң;

-«ҚР банк және банк қызметтері туралы» 1995 жылғы 31 тамыздағы өзгертулер мен толықтырулар енгізілген Заң;

-«ҚР-ғы төлемдер және ақша аудару туралы» Заң;

-«Бағалы қағаздар нарығы туралы» 1997 жылдағы 5 наурыздағы Заң;

-«ҚР валюталық реттеу туралы» 1996 жылғы 24 желтоқсанда толықтырулар мен өзгертулер енгізілген заң;

-Бухгалтерлік есептің халықаралық стандарттары, және қаржылық есептіліктің халықаралық стандарттары, Қазақстан стандарттары;

-ҚР-ның екінші деңгейлі банктері бухгалтерлік есептің шот жоспары.

Қазақстан бухгалтерлік есеп жүйесін реттеудің төрт деңгейлі жүйесі бар деп санауға болады (1-сызба) .

Заң актілері: Заң актілері

Жалпы стандарт: Жалпы стандарт

Жалпы стандарт: Шот жоспары

Заңды және номативті актілер: Заңды және номативті актілер

Нұсқаулар, ұсыныстар, ережелер, сипаттамалар: Нұсқаулар, ұсыныстар, ережелер, сипаттамалар

Есеп саясаты: Есеп саясаты

Сызба 1. Қазақстан бухгалтерлік есеп жүйесін реттеудің төрт деңгейлі жүйесі

Бірінші деңгейлі бухгалтерлік жүйені Қазақстан Республикасында бухгалтерлік есеп туралы заң құрайды. Бүгінгі таңда Қазақстан Республикасында «Бухгалтерлік есеп туралы» заң 1995 жылдың 25 желтоқсанынан бастап әрекет етуде. Бухгалтерлік есеп заңы мемлекетте бухгалтерлік есеп жүйесін анықтайды, қаржылық есеп беру үрдісін дайындағанда және пайдаланғанда, ішкі бақылау мен сыртқы аудитті талап етуде, заңды және жеке тұлғалардың талаптары мен міндеттерінде есептің жалпы ережесі мен негізгі принциптерін орнатады.

Екінші деңгейлі бухгалтерлік есеп жүйесін реттеу бухгалтерлік есеп стандартын, шот жоспарын және бухгалтерлік есеп жүйесімен тікелей байланысты емес, бірақ банк қызметімен байланысты болып келетін заң актілерінен тұрады. «ҚР ҰБ туралы» заң коммерциялық банктерді реттеудегі және мемлекеттің ақша несие саясатындағы Ұлттық банктің рөлін анықтайды. «Банк және банк қызметтері туралы» заң банк жүйесінің және банк қызметінің маңызын, олардың жүзеге асуының тәртібін, банктердің құрылуын және өтімділігін, банк қызметін реттеу және депозиторлардың мүддесін қорғау, бухгалтерлік есептің ұйымдастырылуы тәртібін және банктерде аудиторлық тексеріс жүргізу және олардың қызметін тоқтатудың мәндерін ашып көсетеді. «Төлемдер және ақшаны аудару туралы» заң мемлекетте төлемдерді және ақшаны аударуды жүзеге асыруды реттейді. Ақшаны почта байланысы мекемелері арқылы аудару қатынасынан басқа «Бағалы қағаздар нарығы туралы» заң бағалы қағаздар нарығын құқықтық реттеуге, республика экономикасының даму жолына салу әрбір тұлғаның өз меншігін иемдену және иелік ету құқығының барынша жүзеге асуына заңдық негіздер салды.

Нарықтық экономика жағдайында банкттерде бухгалтерлік есептің жүзеге асуын жетілдірудің бірден-бір бағыты оның есеппен есептіліктің халықаралық стандарттарына көшу мерзімдерін бекіткен.

Бүгінгі таңда әлемдік тәжірибе бойынша бухгалтерлік есепте екі әр түрлі бағыт бар: континеттік және англо-американдық. Континенттік бағыт мемлекеттік органдардың талабына сай есептілікті дамытса, англо-американдық бағыт кредиторлар мен инвесторлар алдында есеп беруді мақсат етеді.

Компания қызметінде, сондай-ақ банк саласында да шетелинвесторлары мен кредиторлардың рөлі өсуін ескере отырып, әлемдік тәжірибеде бухгалтерлік есеп стандартын бірегейлеу беталысы байқалуда. Қазіргі қолданыстағы бухгалтерлік есептің халықаралық стандарты (JAS _s ) кейбір елдерде тіпті ұлттық деп саналады немесе оның негізінде ұлттық стандарт жасалады.

Қазіргі қолданыстағы реттеуші органдардың есеп беруге қоятын талаптарында есеп беру заңдылығының ұлттық ерекшелігінде, салық салуда, бухгалтерлік есепті бірегейлеу проблемасының тарихи ерекшеліктері бар. Осыған байланысты американдық қаржы есебінің стандартын (SFAS) айта кетуге болады. Қазіргі кезде (халықаралық бухгалтерлік есеп стандарты-41) қабылдануы көп уақытты талап ететін 120 стандарт қабылданған. Кейбір стандарт халықаралық деңгейге қарағанда біршама прогрессивті, әсіресе бұл бағалы қағаздар есебінде, табыс салығы, мүмкін және шартты міндеттемелерде ерекше байқалады. Ұлттық стандарттар біршама нақтырақ болады, бірақ бухгалтерлік есептің халықаралық стандартындағы есеп беру мәселері, мысалы, топтардың шоғырландырма есебі ұлттық стандарттық талабына толық жауап бере алады.

Қазақстанның 1996 жылғы бухгалтерлік стандарты 1997 ж. 1 қаңтарында іске қосылды. Бүгінгі таңда 30 стандарт бар. Олар бухгалтерлік есепті реттеудің екінші деңгейін көрсетеді, оларды ҚР бухгалтерлік есеп жөніндегі Ұлттық комитеті жасап, бекіткен. Стандарттар қаржылық есеп беруді көрсететтін барлық субьектілер міндетті түрде орындайтын нормативтік-құқтық болып табылады.

Банктерді одан әрі жетілдіру және бухгалтерлік есептің халықаралық стандартына жақындастыру үшін, 2000 жылы ҚР ҰБ Басқармасының №325 қаулысымен бекітілген, бухгалтерлік бас кітапты құрастыруға арналған бухгалтерлік есептің ұсақ-түйегіне дейін ескерілген шот жоспары жасалынды.

Бухгалтерлік есепті реттеудің үшінші дегейі - бұл стандарттарды тәжірибеде қолданудың нұсқаулары мен ұсыныстары және тәжірибелік сипаттамасы.

Бухгалтелік есепті реттеудің төртінші деңгейі - банктің есеп саясаты. «бухгалтерлік есеп және қаржылық есеп беру туралы» заң бекіткендей, Қазақстанның бухгалтерлік есеп органдардың нормативтік актісімен, реттеуші бухгалтерлік есеп туралы заңын басшылыққа ала отырып, банктер өздерінен есеп саясатын өздері қалыптастырады. Сондай-ақ банкте қабылдаған есеп саясаты жылдан жылға өзгеріссіз қолданылатындығын көрсетеді.

Олар тек қана бухгалтерлік есепті реттеудің жүзеге асыратын, оны жүргізуді ұйымдастырудың жаңа тәсілдері жасалғанда немесе оның қызмет жағдайы толық өзгергенде органдардың нормативтік актілері немесе республикалық заңдары өзгергенде қайта қаралуы мүмкін. Бухгалтерлік есеп мәліметтерінің салыстырмалылығын қамтамасыз ету мақсатында, есеп саясатына өзгертулер қаржылық жылдың басынан бастап енгізуі керек.

Банктің есеп саясаты ұғымына ол таңдаған бухгалтерлік есепті жүргізуі әдісінің жиынтығы кіреді: банктің жарғалық қызметін топтастырудың әдісі және бағалау, активтердің құндылығын өтеу, құжат айналымын ұйымдастыру тәсілдері, бухгалтерлік есепте шоттрад қолдану әдістері, есеп тіркелімінің жүйесі, ақпараттарды өңдеу және басқа да сәйкес келетін әдістер, амалдар, тәсілдер.

Есеп саясатын қалыптастыру үшін банк бухгалтерлік есепті нақты бағытта жүргізу және ұйымдастыру заңды және нормативтік актілер шегіндегі, мемлекеттегі бухгалтерлік есепті реттеу нормативке жататын бірнеше әдістің біреуін таңдайды.

1. 3 АТФ Банктің экономикалық сипаттамасы мен есеп саясатының

құрылымы

АҚ «АТФБанк» 1995 құрылып, қазіргі таңда ең лидерлі банктер қатарына ие болып тұр. АТФБанкінің бас бөлімшесіннің Алматы қаласы, Төле би көшесі 177А үйінде орналасқан.

АҚ «АТФ-Банк» «Қазақстан Республикасындағы банктер және банктік қызметтер туралы» заңға сәйкес мынадай операцияларды орындай алады:

- заңда көрсетілген тәртіппен өз бағалы қағаздарын шығару (чектерді,

вексельдерді, аккредитивтерді, депозиттік сертификаттарды, акцияларды және басқа да қаржылық міндеттемелерді) ; - клиенттердің тапсырмалары бойынша сенімдік операцияларды (қаражаттарды қарау және орналастыру, бағалы қағаздарды басқару) ;

... жалғасы

Сіз бұл жұмысты біздің қосымшамыз арқылы толығымен тегін көре аласыз.