Біржан мен Сара операсы жайлы

Аса көрнекті композитор Мұқан Төлебаев шығармалары жолында «Біржан мен Сара» операсы ең маңызды орын алады. Ол- қазақ өнері мен өркениетінің алтын қорына қосылды. «Біржан мен Сара»- қазақ мәдениетінің ұлттық көрінісі. Ол көп ғасырлар бойғы халықтық әншілік дәстүрінің тәжірибесін, орыстың опералық классикасының ең жақсы традицияларын оқып – үйреніп және қолдану негізінде туды.
Опера бірден баурап алады, тыңдаушыларын елең еткізер сезім күшімен, лиризмімен, музыка тілінің дәстүрлі әуенділігімен, динамикалығымен, екі әншінің жеке бастарындағы трагедиялар әлеуметтік-тарихи құбылыс пен тартыс деңгейіне көтере білген драмалық сюжетімен сүйсіндіреді.
Спектакльдің тұңғыш қоюшы – режисері Қазақ ССР хылық артісі Құрманбек Жандарбеков. Тыңдаушылардың аға ұрпағы Сара мен Біржан партияларын алғаш орындаушылар – СССР халық әртісі Күләш Байсейтованың және Қазақ ССР халық әртістері Шабал Байсекова, Әнуарбек Үмбетпаев, Байғали Досымжановтардың есімдерін аса құрметпен және алғыс сезіммен атайды.
М.Төлебаев Алматы обылысы Бөрлі төбе ауданының Қарашыған ауылында кедей шаруа жанұясында 1913 жылы дүниеге келді. Баланың тәрбиесіне оның ағасы – Апырбай Әуелбаев – белгілі домбырашы, суырып салма ақын өз әсерін тигізді. Мұқанды тәрбиелеуші Апырбай көптеген айтыстарға қатысты. Мұқан әншілерді және домбырашыларды көп тыңдайтын. Туған жерінің әндеріне деген сүйіспеншілігін арттыра түскен сол әндерді оған үйреткен анасы Тәжібала болды. Ол Музыканы өте жақсы көретін және ақындыққа жақындығы да бар болатын.