ISDN желісі


КІРІСПЕ . . . 2

1 ISDN желісі. . . 3

1. 1 ISDN желісінің құрылымы. . . . 3

1. 2 Каналдар коммутациясы . . 6

1. 3 ISDN-нің ISM пакеті7

1. 4 ISDN-нің тірек нүктелері және оның құрамына кіретін құрылғылар. . ………. . 9

1. 5 ISDN-нің спецификациялары. 11

1. 6 ISDN-де шақырудың өтуі. 12

1. 7 SS7 және ISDN желілері. . . 14

1. 8 BRI және PRI қызметтері. 15

ҚОРЫТЫНДЫ . . . 19

ҚОЛДАНЫЛҒАН ӘДЕБИЕТТЕР ТІЗІМІ . . . . . 20

КІРІСПЕ

Өткен күндерде қызметтер провайдерлерінің инфрақұрылымы аналогты қызметтердің жиынтығы болып келді. Аналогты қызметтер қысқа қашықтықтарда қолайлы, олар ақпаратты үлкен қашықтыққа беру кезінде қызмет көрсетудің сапасын және өткізу жолағының жеткілікті ұзындығын қамтамасыз ете алмайды. Аналогты сигнал өте қатты өшкен кезде, ол жай тек күшейтілуі мүмкін, бұл шуыл сигналын құрайтындардың күшеюіне де әкеледі.

Аналогты инфраструктура ешқашан да тұтынушыларға дыбыстық ағындарды, бейнеақпараттарды және деректерді беру үшін арналмаған. Қазіргі нарықта бұл талаптар өте қолайсыз, сондықтан да әр типті ақпаратты өңдеуді қамтамасыз ететін технологияны ойлап табу керек болды.

Қазіргі кездегі телекоммуникациялық технологиялар цифрлық принцип негізінде құрылған. Соның ішінде ISDN желісі көптеген уникальды мүмкіндіктерді қамтиды.

Басында ISDN (Integrated Services Digital Network - кешенді қызмет көрсететін цифрлық желі) желісі екі бөлек қызметті құрады: N-ISDN (тар жолақты) және B-ISDN (кең жолақты) .

ISDN технологиясы дыбыстық қызметтерді, бейнетрафикті және бір цифрлық желідегі деректерді өңдеу қызметтерін интеграциялау үшін арналған. ISDN желісі цифрлық болып табылады, сондықтан да ол стандартты аналогты қызметтерге қарағанда клиенттерге кең өткізу жолағын ұсынады. ISDN желісінде жылдамдықтың келесі номиналды мәндері қолданылады: BRI қызметі үшін 128кбит/с (берілгендерді беру үшін D каналы қолданылған жағдайда 144 кбит/с) және T1 PRI каналы үшін 1, 544 Мбит/с немесе E1 PRI каналы үшін 2, 048 Мбит/с.

1 ISDN желісі

Жалпы қолданылатын коммутирленетін телефондық желі бойынша дыбысты, бейнематериалдарды және компьютерлік деректерді тарату үшін арналған әлемде кең таралған ашық стандарт ISDN (Integrated Services Digital Network - кешенді қызмет көрсететін цифрлық желі) деген атпен белгілі. ISDN-ге алдын-ала стандарттар 1980 жылдардың ортасында жазылып шығарылды, ал соңғы нұсқасы 1990 жылдарда пайда болды. Nortel компаниясы жалпы қолданылатын желі бойынша ISDN арқылы қоңырауды алғаш рет 1987 жылы жүзеге асырды.

ISDN технологиясы мыс сымнан жасалған қарапайым байланыс жолдардың қолданылуын қарастырады. АТМ және SONET сияқты жылдам технологиядардан ерекшелігі, ISDN оптоталшықты кабельдердің прокладкасын талап етпейді. Бірақ АТС-ке ISDN-нің поддержкасының құрылғысы орнатылуы керек.

Соңғы жылдары ISDN-нің қамтитын территориясы кеңейді, бірақ бұл қызметке қол жеткізу әлі де төмен. 1999 жылдың ақпан айында ISDN бойынша Ұлттық Кеңестің (National ISDN Concil) басып шығарған магистралды желілерді қолданушылардың Калифорниялық тобының председателі Боб Ларрибьюдің деректері бойынша АҚШ-тағы абоненттік жолдардың шамамен 1%-і ISDN поддержкасының құрылғысымен қамтылған. АҚШ-қа қарағанда Еуропа елдері мен Жапонияда BRI ISDN кең таралған. Германия, Франция, Швейцария және Жапонияда BRI ISDN қолданушыларының көбіне қызмет көрсетуге мүмкіндіктер бар.

1. 1 ISDN желісінің құрылымы

ISDN (Integrated Services Digital Network) - сөзді, деректерді және көріністерді беруді біріктіретін, интеграцияланған қызметі бар цифрлық желі. Ол қарапайым стандартты аналогты телефон желісіне қарағанда, толық цифрланған желі. Байланыстың цифрлық арнасына бөгеулердің әсері аз. Ол байланыс сапасының жоғарғы дәрежесімен қамтамасыз етеді. Мұндай байланыс электр бөгеулерінен жақсы қорғалған және жасырын тыңдау құрылғыларының оларды тыңдауға мүмкіншілігі аз. ISDN желісі интегралданған қызмет көрсетуді қамтамасыз етеді, яғни сөзді, дауысты және бейнені бір желімен таратуға мүмкіндік береді. Сонда үш түрлі жүйенің орнына - телефонды желі, деректерді бір жекеленген линия арқылы беру және өнеркәсіптік телевидения - біреуі жетеді.

Қазіргі заманғы ISDN телефондары таза дауыстық байланысты қамтамасыз етеді, дамыған сервистік функциялар жиынтығына ие. ISDN-нің түрлі қондырғылары бар, мысалы бейнетелефондар бейнеконференцияларды ұйымдастыруға мүмкіндік береді. ISDN карталары интернетке 128 Кбит/с жылдамдықпен байланыс құра алады.

ISDN технологиясының артықшылығы, ол кем дегенде бір телефонды линияда екі телефон номері бола алады.

Телефон компаниялары көне аналогты қондырғыдан, жаңа цифрлық ISDN қондырғыларына ауыстыруда. ISDN интерфейстері компьютерлік жүйелерде орналасқан.

1960 жылы AT8T компаниясының инженерлері үлкен проблемаға тап болды, телефонды байланысты қолданушылардың саны көбейе бастады, ал аналогты телефонды байланыстың технологиясы бұл сұранысты қамтамасыз ете алмады.

Келесідей шешім қабылданды: 8 биттік амплитудалық мәнді цифрлы ағынды тудыру мақсатымен, бір аналогты сөздік сигналды секундына 8 кбит/с жылдамдықпен дискреттеу, содан кейін уақытша тығыздау принципі бойынша 24 мұндай ағынды 64 кбит/с жылдамдықпен екі мыс өткізгіш арқылы беру. Ол кезде Т1 сөз берудің биполярлық форматы қолданылады.

1-сурет. ISDN желісінің құрылымы

ISDN стандарты мыналарды қамтамасыз етеді:

Абоненттердің арасында толық цифрлы байланысты қамтамасыз етеді; Жиіліктің жұмыс жолағын динамикалық бөлу, оның көмегімен телефонды компанияның коммутациялау қондырғысы 64 кбит/с жиілік жолағын таратады; Қосылумен басқарылатын хабар беру стандарты. Бұл стандарттың мақсаты - түрлі фирмалардың қондырғыларын абоненттерге сатып алуға мүмкіндік береді, ол шақыруларды алып және беру телефонды компанияның коммутацияланған ISDN жүйесімен байланысты қамтамасыз етеді. 80 жылдардың аяғында ISDN-нің Америкада таралуы аз болған, алайда 1991 жылы ISDN жүйесі күнделікті қолданысқа енді. Екі жылдық период ішінде Америкадағы ISDN құрылғыларының саны 1993 жылы 17 контурдан, 1995 жылы 4-ға дейін жетті. Енді компьютердің коммутациялық қондырғысы және бейнеаппаратураларға жиілік интерфейсі қосылады және үй офистерін цифрлық сөзді беру, факсимильді копиялар, компьютерлік мәліметтерді және мәліметтерді және бейнеаппартураларын қамтамасыз етеді.

1993 жылы ISDN Америка абоненттерінің 57%-не қолдануға мүмкіндік берді. Американың үлкен қалаларында ISDN 100% қолдануға болады.

2-сурет. АҚШ-тағы ISDN желісінің қолданысқа ену диаграммасы.

ISDN желісінің құрылымы әр елде әр түрлі құрылған, бірақ негізгі принциптері бір. Францияда, Германияда және Ұлыбританияда ISDN-сервис почтасы абоненттерге 100% ыңғайлы.

3-сурет. Европа елдеріндегі телефонизациялау қарқыны.

Бұл мемлекеттердегі телефонизациялау темпі тез дамып келеді, себебі оның дәрежесі Америкадағыдай төмен болды. Бірақ оны жасауда АҚШ-та белгіленген стандартты ұстанады.

1. 2 Каналдар коммутациясы

ISDN технологиясы каналдарды коммутациялау негізінде құрылған. Онда шақыруларды маршрутизациялау этаптап орындалады. Егер сигналды маршрутты ескермей, тек негізгі трафиктің ілесу маршрутын ескерсек, онда шақыру соңғы пунктке жеткенше коммутатордан коммутаторға ауысады. Бұдан кейін маршрут бастапқы және соңғы пункттер арасында шақыруды беру үшін олардың біреуі жапқанға дейін ашық қалады. 4-суретті қарастырайық. Егер Кейт Криспен телефон арқылы сөйлескісі келсе, ол Кристің ISDN каналына сәйкес келетін нөмірді теруі керек. Мұндай нөмірді негізінен телефондық деп атайды, бірақ ISDN ортасында олар E. 164 форматты нөмірлер немесе мекен-жайлар деп аталады. Кейт 555-1212 нөмірін шақырған кезде, бұл шақыру желі бойында Крис орналасқан мекен-жайға дейін коммутацияланады, сөйтіп нәтижесінде байланыс орнатылады.

ISDN желісінің және де каналдарды уақыттық бөлуі бар (TDM) мультиплексирлеу қолданылатын барлық технологиялардың бір кемшілігі олар белгілі бір жағдайларда жеткілікті эффективті болмай қалады. Байланысу үшін барлық мүмкін болатын өткізу жолағының ұзындығы талап етілмеуі мүмкін, сондықтан каналдың қандай да бір бөлігі қолданылмайды. Бұл кемшілікті жою үшін статистикалық мультиплексирлеу сияқты әдістерді қолдану керек.

ISDN абоненттік каналдарды құру үшін қолданылатын технология болып табылады. Бұл ISDN желісіне жергілікті телефондық станция мен клиенттің резиденциясы арасында байланысты қамтамасыз ететін құрылғылар кіретінін білдіреді. Бірақ та орталық офистің коммутаторының арғы жағында басқа да технологиялар қолданылуы мүмкін, мысалы, АТМ, синхрондық оптикалық желі (SONET) немесе синхрондық цифрлық иерархия каналдары (SDH) . 5-суретте қызметтер провайдерінің цифрлық транспорттық желісімен өзара байланысатын ISDN абоненттік каналы көрсетілген.

5-сурет. ISDN локальдық желісінің жалпы сұлбасы.

ISDN желісінің бойымен шақырудың өтуі былай болуы мүмкін: шақыру ISDN желісінен желілік инфрақұрылым арқылы SONET каналына түседі де, содан кейін физикалық деңгейде қайтадан ISDN желісін келеді.

1. 3 ISDN-нің ISM пакеті

1988 жылы Европалық телефонды байланысты стандарттау институты EURO ISDN стандартын ұсынды.

ISM пакеті жиілік өнімдер үшін BASIC RATE ISDN-ді жасауды оңайлатады. ISDN желісі бойынша байланыс құру керек төменгі дәрежелі жүйелік программамен қамтамасыз етуді ISM ұйымдастырады.

ISM төрт негізгі функцияналдық модульдерден тұрады.

ISM ISDN желісі үшін программалық интерфейспен қамтамасыз ететін және деректерді шақыру, тарату функцияларымен басқарады және қатенің себебін анықтауға мүмкіндік беретін, аппаратты-тәуелсіз реентерабельный ішпрограммаларды елестеді.

Конфигурациялар модулі түрлі, атақты коммутациялық жүйелерде қолданылатын, хабар пакеттерінің параметрлері мен форматын өзгерте отырып ISM оны бағыттайды.

6-сурет. Конфигурациялар модулі.

Протоколдар модулі В типті арна байланыс арнасында қолданылатын арнайы протоколдарды орындау үшін ISM менеджерімен шақырылады.

7-сурет. ISM инженерін шақыру жолы

ISM протоколының үш модулі бар:

NULL - тек қана сөздік байланыс үшін; RAW - деректерді беру үшін; LAP-B - деректерді сенімді түрде беру. ISM пакеті құралдарының драйвері - физикалық желілік құрылғылармен пакеттер алмасатын, ішпрограммалар үзулерімен басқарылатын, аппаратты тәуелсіз құрылғылар.

ISDN сөз және ақпараттық жүйелерінің үйлесімділігін қамтамасыз ете алады. Компьютерлік қондырғыларды өндірушілерге ақпаратты компьютерлер арсында алмасуды телефонды линия бойынша ұйымдастыру, компьютерлік аппараттық құрылғыларды жасаудағы негізгі критериге айналған. Көп жағдайда компьютерлік қондырғылардың бағасын цифрлық байланыстың жаңа технологиясын максималды тиімді қолдануына байланысты болады. Соның нәтижесінде компьютерлерді өндірушілер, алыстатылған сөздік байланысты локальды компьютерлердегі деректер базасына қатынасты интеграциялай алатын, өз машиналарын коммутациялық интерфейсті біріктіреді. Мысалға, сіз American Express-тің ақшасыз номерін тергенде, телефонды компанияның локальды коммутаторы сіздің номеріңізді American Express-те орналасқан ISDN коммутаторын шақыру арқылы жеткізеді. American Express ішінен қайта бағыттау алдында оның коммутаторы бұл телефон номерді сәйкес компьютерге жеткізеді.

Үйден немесе офистан звондағанда компьютер сіздің телефон номеріңізді, сізді тану мақсатымен іздей бастайды. Содан кейін ол сіздің есебіңіз бар файлды табады және сіздің шақыруыңызды коммутаторға жеткізеді, содан кейін сіз жағымды дауысты естисіз. Егер сіздің есебіңіздің жағдайы нашар болса, сіз жағымсыздау дауыс естисіз.

1. 4 ISDN-нің тірек нүктелері және оның құрамына кіретін құрылғылар.

ISDN желісі үшін ISDN BRI каналдарымен байланысты әр түрлі желілік функцияларды суреттейтін тірек нүктелерінің жиынтығы анықталған. Бұл тірек нүктелер және құрылғылар бірліктері 8-суретте U, S, T, және R болып көрсетілген.

Сұраныс жасаушысының ғимаратындағы ISDN қондырғысы:

8-сурет. ISDN стандартының құрамына кіретін құрылғылар мен функционалды топтар және тірек нүктелері.

ISDN стандартының келесі құрылғылар мен функционалды топтар қатысады:

1 типті соңғы станция (NT1) 2 типті соңғы станция (NT2 ) 1 типті терминалды қондырғы (TE1) 2 типті терминалды қондырғы (TE2) - терминалды адаптер (TA) .

“Қолданушы интерфейсі” деген атпен белгілі U интерфейсі немесе U тірек нүктесі қызмет провайдерінің желісінен бірінші типті (NT1 - Network Terminator Type 1) клиенттік желілік соңына рұқсат нүктесін анықтайды. Бұл интерфейсті тағы да басқаша U каналының интерфейсі деп те атайды. Оған негізінен NT1 соңындағы RJ-45 модульдік разъемы сәйкес келеді. Ол АҚШ-та клиенттік рұқсат үшін қолданылады.

Одан әрі қарай S және T тірек нүктелері орналасқан. Бұл тірек нүктелері берілген жағдайдағыдай бөлек немесе S/T болып бірге қолданылуы мүмкін. Егер S/T интерфейсі бөлек болса, онда T тірек нүктесі NT1 мен NT2 құрылғыларының арасында орналасады да, ал S тірек нүктесі NT2 құрылғысының соңында орналасады. NT1 құрылғысы ISDN каналын үзеді, ал NT2 құрылғысы - бұл ISDN желісіне қатысты көп деңгейлі шешімдер қабылдайтын ISDN технологиясының интеллектуалды құрылғысы. Мұндай құрылғыларға маршрутизаторлар және жеке қолданылатын телефондық жүйелер (PBX - Private Branch Exchange немесе шағын АТС) жатады.

NT1 құрылғысының арғы жағындағы сымдардың екі жұбы S/T-ның шинасы деп аталады. Мұндай шинаға сегіз құрылғыға шейін қосылуға болады, бірақ олардың ішінен екеуі ғана бір уақытта жұмыс істей алады. S/T шинасының максималды рұқсат етілген ұзындығы шамамен 3000 футты құрайды және ол аяғында каналдағы эхоны, сызықтық шуылдарды және сигналдың бұрмалануын тоқтату үшін үзіледі. S/T шинасында берілгендерді беру және қабылдау үшін 3, 4, 5 және 6 нөмірлері бар контактылар қолданылады. S/T интерфейсі тарату үшін бірінші типті терминалды құрылғыны (TE1) немесе терминалды адаптерді (TA) қолданған кезде 3 және 6 контакттарын қолданады, ал қабылдау үшін - 4 және 5-ті. Егер S/T интерфейсі NT құрылғысымен қолданылса, онда контакттардың қолданылуы өзгереді: 3 және 6 - қабылдау үшін, ал 4 және 5 - тарату үшін.

TE1 - бұл ISDN желісіне қосылып, корректті түрде функционирлейтін құрылғы. Екінші типті терминалды құрылғылар (TE2) - бұл ISDN желісімен тікелей бірікпейтін құрылғылар. Мұндай құрылғыларға олардың сигналын ISDN желісінің корректті сигналына түрлендіру үшін арналған адаптер ТА талап етіледі. TE2 мен ТА құрылғыларының арасындағы байланыс сызығы R тірек нүктесі деп аталады.

АҚШ-та сатылатын құрылғылар түрлерінің көбінде TE1 мен ТА құрылғыларының функционалдығы бір блокқа біріктірілген. Осы себептен қолданушылар қандай да бір NT1 автономды құрылғыны алмаса, S/T шинасын қолданбайды. Бұндай жағдайда автономды құрылғы S/T шинасының сымдарының екі жұбының көмегімен соңғы құрылғыға қосылады. Мысалы, видеоконференцияны өткізу үшін ISDN модуліне. Құрылғылардың көпшілігі ISDN каналы бойымен аналогты байланыс үшін арналған дәстүрлі телефондық желінің интерфейсін (Plain Old Telephone Servise - POTS) құрайды. Бұл құрам аналогтық-цифрлық түрлендіргіштің көмегімен жүзеге асады.

Егер ISDN каналы орнатылып, бірақ оның жұмыс істеп тұрғанын сенбесеңіз, онда ISDN аналогты телефонын қосу керек. Осы кезде телефон тұтқасын көтерген кезде одан әлсіз дыбыс естіліп тұрса бұл ISDN қызметінің тактылы импульсі, ол бұл сигналдың келіп тұрғанын көрсетеді. Дегенмен де каналда құрал-жабдықтармен қамтамасыз ету жағынан қиындықтар туу мүмкін, бұл кезде провайдерден абонентті тексеруін сұраңыз. Клиент АТС-ке жақын орналасқан сайын телефон тұтқасында естілетін дыбыс жиіленеді.

Егер клиенттің резиденциясында ISDN желісіне қосылудың бірнеше пункттері болса, онда олардың әрқайсысына ISDN терминалды адаптерлерін қолдануға болмайды.

Миллиондаған адамдар күнделікті ISDN қызметінен келген есепшотты көріп, біртүрлі жағымсыз жағдайда болады. Бұның себебі, олардың төлейтін ақшасы 10 есе көбейіп кеткен сияқты болады.

Ол төмендегідей түсіндіріледі: Абонент уақытқа тәуелді (сағатына төленетін) пакет қосылуын қолданады. Яғни әр сағаттық тарифпен. Сондықтан оның тарифі жоғары болып көрінеді.

1. 5 ISDN-нің спецификациялары.

ISDN желісі халықаралық телекоммуникациялық одағы (International Telecommunications Union - ITU), Telcordia (бұрынғы Bellcore) және ANSI институты сияқты топтармен көптеген әр түрлі спецификацияларда стандартталған болатын. Осы топтардың барлығы да ISDN форумымен бірге ISDN структурасын модельдеумен айналысқан. I тобына тар жолақты және кең жолақты ISDN желілері үшін арналған стандарттар жиыны кіреді. Q тобына қызметтік сигналдарды таратуға және коммутациялауға қатысы бар стандарттар кірген. Осы топқа сонымен қатар SS7 жүйесі және интеллектуалды желілер (IN) сияқты сұрақтар да кірген. ISDN желісімен бірнеше стандарттар байланысты. Соның ішінде ең көп таралғандары мыналар:

I. 430 - BRI интерфейсінің физикалық деңгейін суреттейді. I. 431 - PRI интерфейсінің физикалық деңгейін суреттейді. Q. 921 - ISDN-нің берілгендер каналының деңгейінің спецификациясын құрайды. Q. 931 - шақыруларды басқарудың және қызметтік сигналдарды таратудың спецификациясын құрайды. ISDN-нің физикалық деңгейінің спецификацияларына I. 430 және I. 431 жатады. Олар ISDN каналдарының электрлік, механикалық және функционалды сипаттамаларын анықтайды. I. 430 спецификациясы 48 бит өлшеммен BRI фреймдерінің стандартын суреттейді. BRI фреймі секундына 4000 рет циклдық түрде қайталанады, бұл 192000 бит/с (48*4000) өткізу жолағының жалпы ұзындығын береді. BRI каналына тарату жылдамдығы 192 кбит/с рұқсат етілгеніне қарамастан, абоненттер көбінесе жалпы өткізу мүмкіндігінен 128 кбит/с-ін ғана қолданады. Егер берілгендерді тарату үшін қосымша D каналы қолданылса, онда жылдамдық 144 кбит/с-ке дейін жетеді, бірақ D каналын қолдану мүмкіндігі провайдерге тәуелді.

I. 431 спецификациясы T1 және E1 каналының PRI каналының электрлік стандарттарында қолданылуын суреттейді.

Q. 921 спецификациясы ISDN каналының функционалдылығының екінші деңгейін суреттейді. Ол Q. 931 хабарларын тарататын сенімді каналды ұйымдастыру үшін, сонымен қатар каналдың түгелдігін қамтамасыз ету үшін арналған. Q. 921 спецификациясында TEI өрістері түрінде адресация анықталған. TEI өрістері ISDN желісінің коммутаторы үшін соңғы құрылғыны идентифицирлейді. BRI каналдарында TEI мәндерінің үлкен жиынтығы қолданылады, себебі, олар негізінен көп байланысты конфигурацияда жүзеге асады. PRI каналы үшін TEI өрісі барлық уақытта нөльді құрайды, себебі, бұл каналдар “нүкте-нүкте” конфигурациясында Т және Е тасушыларының әдістерін қолданумен құрылған. SAPI идентификаторлары Q. 921 деңгейі Q. 931 деңгейіне рұқсат ала алатын және онымен хабарлар алмаса алатын пункттерді анықтайды.

Q. 931 спецификациясы шақыруларды басқару әдістерін және ISDN желісінде каналдарды басқаруды анықтайды. Q. 931 - бұл қолданушылық немесе желілік жаққа әрбір шақыру үшін функциялардың көп мөлшерін шақыруға мүмкіндік беретін хабарлар базасында құрылған сигналдық формат.

ISDN желісіндегі адресация телефондық нөмірлерді терудің (E. 164 адрестері) және субадрестердің көмегімен құрылған. Субадрестер бір телефондық нөмірге сәйкес келетін екі терминалды идентификациялау үшін қолданылады. Егер екі терминал үшін әр түрлі телефондық нөмірлер белгіленген болса, онда субадрестер қолданылмайды.

1. 6 ISDN-де шақырудың өтуі.

Шақырудың өтуі кезінде шақырушы жақ - шақыруды жіберуші, ал шақырылатын жақ - қабылдаушы болып табылады. Шақырушы жақ ISDN желісі бойымен шақырылатын жаққа Setup хабарын (байланыстың орнатылуы) жібереді. Сосын шақырушы жақ ISDN-нің локальды коммутаторынан Setup Acknowledge (байланыстың орнатылғандығы туралы) хабар алады. Setup Acknowledge хабары қызметтік сигналдарды этаптап тарату кезінде ғана қолданылады, ал қызметтік сигналдарды біріктіріп тарату кезінде Call Proceeding хабары Setup Acknowledge хабарынсыз жіберіледі. ISDN-нің өшірілген коммутаторы ISDN-нің өшірілген терминалына Setup хабарын жібереді және жауап ретінде Call Proceeding пен Alerting (ескерту) хабарларын алады. Alerting хабары желі бойымен жіберушінің ISDN коммутаторына беріледі, ал ол өз кезегінде бұл хабарды шақырушы жаққа жібереді. Дәл осылай, қарсы бағытта да, шақырылатын жақтан шақырушы жаққа Connect (қосылу) операторы жіберіледі. Ол байланыстың орнатылғандығын және жіберуші мен қабылдаушының арасында дыбысты тарату және берілгендер маршруты бар екендігін көрсетеді. Шақыруды орнатудың бұл базалық процедурасы 9-суретте көрсетілген.

9-сурет. Q. 931 шақыруын орнату процедурасы.

10-суретте схемалық түрде байланыстың үзілу процедурасы көрсетілген. Ол жеткілікті қарапайым. Мысалы, шақырушы жақ байланысты бірінші болып үзді дейік. Бұл жағдайда ол ISDN-нің локальды коммутаторына Disconnect (байланыстың үзілуі) хабарын жібереді, ал коммутатор Disconnect Request (үзілуге сұраныс) жағдайына ауысады да, В каналдарын шақыруды таратудан босата бастайды. Нәтижесінде бұл каналдар В бос каналдарының пулына қайта оралады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
ISDN жайлы жалпы түсінік
Қолданыстағы байланыс желілерін талдау
IP мен TCP кілттік протоколдары
ISDN қолданушы интерфейстері
Қалааралық байланыс операторларының қалааралық телефон желісін ұйымдастыруы
Ауқымды желілердің түрлері
DLS және ISDN технологиялары
Интеллектуалды желілер пәні бойынша дәрістер
Оптикалық талшықтардың сипаттамасы
Сандық коммутациялық жүйе neax61∑
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz