КСРО-ның құлауы және ТМД- ның құрылуы

1. КСРО.ның құлауы және ТМД. ның құрылуы
2. Президентті бүкілхалықтық сайлау
3. Қазақстанның Мемлекеттік Тәуелсіздігін жариялау

РСФСР, Беларусь және Украинаның басшылары желтоқсан айының басында Беларусь астанасы Минск қаласында бас қосты. Бұл респеубликалардың басшылары жүргізілген келіссөзден соң 1922 жылғы КСРО- ны құру туралы келісім- шарт күшін жойғанын мәлімдеп, Тәуелсіз Мемлекеттер Достастығын (ТМД) құру жөніндегі келісімге қол қойылды. Бұл кездесуге Қазақстран Президенті Н.Назарбаев та, басқа ортаазиялық республикалардың басшылары да шақырылмады. Халық арасында славян республикаларының өзіндік фактісі құрылып жатыр деген әңгіме тарай бастады.
1991 жылғы желтоқсанның 13- інде Орта Азия мен Қазақстан басшылары Ашхабад қаласында бас қосты. Беларусь кездесуінен кейін пайда болған қолайсыздықтың бәрін жеңе отырып, Орта Азия мен Қазақстан республикаларының басшылары Минск қаласында қабылданған шешімді қолдайтындықтары жөнінде хабарлады. Бұл бұрыңғы КСРО республикаларының, қазіргі тәуелсіз мемлекеттердің Алматыда бас қосуына мүмкіндік берді.
Желтоқсанның 20- сында тәуелсіз елдер одағы төңірегіндегі бірқыдыру мәселелерді талқылау үшін Әзірбайжан, Армения, Беларусь, Қазақстан, Қырғызстан, Молдова, РСФСР, Тәжікстан, Түркіменстан және Өзбекстан басшылары Алматыға жиналды. Оған Грузия бақылаушы есебінде ғана қатысты.
1991 жылғы желтоқсанның 21- інде жергілікті уақытпен он бір сағат отыз минутта тәуелсіз елдердің басшылары Қазақстан Президентінің Резиденциясына жиналды. М.С.Горбачев бұл жиынға шақырылған жоқ. Сағат 15- те күні бұрын әзірленген құжаттарды талқылау аяқталды. Жергілікті уақытпен сағат 17- де Алматыда он бір республиканың басшысы жиналыстың қорытынды құжаттарына өз қолдарын қойды.

«Қазақстан тарихы» 11 сынып К.Нұрпейісов, Б.Аяғанов, Н. Жақсылықов