Қазақстанда кеңестік мемлекет пен құқық жүйесінің пайда болуы және қалыптасуы

1. Қазақстандағы кеңестік мемлекет
2. Құқық жүйесінің пайда болуы
3. Жаңа мемлекет

1917 жылғы социалистік революция Қазақстанда тұратын халықтардың өмірін түбірімен өзгертті. Мемлекеттік өкімет билігі кеңестердің қолына көшті. Кеңес өкіметі: патшалық империяның бұғауында зардап шеккен халықтарды революция құлдықтан құтқарады, - деп жариялады. 1917 жылдың 15(2) қарашасында Ресей халықтары құқығының декларациясы қабылданды, ол Кеңес мемлекеті ұлт саясатының негізгі принциптерін жариялады. Онда былай делінген: патшалық заманында Ресей халықтары бір-біріне айдап салынды. Сондай саясаттың нәтижесінде халықтар бір-бірімен қырқысты, олар жаппай қырғынға ұшырады, құлдыққа түсті. Декларацияда мынадай уәде берілді: халықтарды бір-біріне жауықтырудың мұндай масқара саясатына тыйым салынады. Халықтардың бір-біріне толық сенімі орнайтын ашық та адал саясат жүргізіледі. Одан кейін ұлт саясатының мынадай негіздерге сүйенетіні жарияланды: Ресей халықтарының теңдігі мен тәуелсіздігі. Ресей халықтарының өзін-өзі емін-еркін билеуге құқықтылығы, тіпті одан бөлініп кетіп, дербес мемлекет құруға дейін еріктілігі. Ұлттық және ұлттық – діни артықшылықтар мен шектеушіліктердің қандай түрлерінің болса да жойылатындығы. Ресей аумағында мекендейтін аз ұлттар мен этникалық топтардың емін – еркін даму бостандығы. «Ресей халықтары құқығының декларациясы» ұлт мәселесі жөніндегі ең алғашқы құжат болды. Дәл осындай тарихи маңызы болған басқа бір құжат «Ресей мен Шығыстың барлық еңбекші мұсылмандарына» арналған Ресей халық комиссарлары кеңесінің үндеуі (1917 ж. 3-желтоқсан) еді. Үндеуін мұсылмандарға оның ішінде қазақтарға да арнай отырып, Кеңестік Ресей үкіметі былай деп мәлімдеді: « Бұдан былай сіздердің діни сенімдеріңіз бен әдет – ғұрыптарыңыз, сіздердің ұлттық және мәдени мекмелеріңіз ерікті және оларға ешкім қол сұға алмайды деп жарияланады.