Қазақстан және Шанхай Ынтымақтастық Ұйымы

1) Кіріспе бөлім.
а) Шанхай Ынтымақтастық Ұйымы.

2) Негізгі бөлім
б) Шанхай Ынтымақтастық Ұйымының қүнтізбесі.
в) Қазақстан.Қытай: ынтымақтастықтың бүгіні мен болашағы.
г) Шанхай ұйымының аясында.

3) Қорытынды бөлім.

Шанхай Ынтымақтастық Ұйымы 2001 жылы «Шанхай бестігінен» (Қазақстан, Ресей, Кытай, Қырғызстан және Тәжікістан) құрылған. ШЫҰ-ның негізі – Шекара аумағында әскери саласында сенімді нығайту туралы Шанхай келісімі (1996 жылы) және Шекара аумағында қарулы күштердің өзара қысқартылуы туралы Мәскеу келісімі (1997 жылы) болып табылады.
Аталған екі тарихи келісімнің біріншісіне қол қою үшін 1996 жылы Шанхай қаласында бес мемлекет басшысы кездесіп, ол «Шанхай бестігі» деген атауға негіз болды. Шанхайдағы, оған ілесе бір жылдан кейін Мәскеуде өткен саммиттер алты жылдан соң көп жақты ынтымақтастық ұйымына айналған құрылымның негізін қалады.
Қазақстан, Шанхай ынтымақтастық ұйымымен ықпалдасуды өзінің сыртқы саясатының басым бағыттарының бірі ретінде қарастыра отырып, аталған Ұйымға ерекше мән береді.
Шанхай Ынтымақтастық Ұйымы осы өңірдегі мемлекеттердің қауіпсіздік және сенім шараларын нығайту мәселелерін бірлесіп шешу ұмтылысының нәтижесінде пайда болды. Ұйымның мүдделері саяси, экономикалық және мәдени–гуманитарлық салаларға таралды.
Терроризм, экстремизм және тағы басқа сыртқы қауіптер аймақтағы мемлекеттерді Шанхай Ынтымақтастық Ұйымының құрамында бірігуге итермелейді.
Шанхай Ынтымақтастық Ұйымы – белгілі бір күштерге қарсы қимылдайтын әскери одақ немесе тұйық қоғамдастық емес. Ол – халықаралық ынтымақтастыққа ұмтылған ашық ұйым. ШЫҰ-ның қазіргі жағдайдағы мән беретін мәселелері – аймақтағы бейбітшілікті, тұрақтылықты және қауіпсіздікті сақтау, әсіресе, сауда–экономикалық ынтымақтастықтың дамуы.
«Шанхай үдерісінің» ең жоғары жетістігі – Қытай шекарасындағы шиеленісушіліктің әлсіреуі. Дипломатиялық және әскери сарапшылардан тұратын Бірлескен Бақылау Тобы шекара бойындағы 100 шақырымдық қауіпсіздік аймақтарда өзара тексерістерді жүргізеді.
Шанхай Ынтымақтастық Ұйымының органдары:
Мемлекет Басшыларының Кеңесі
Үкімет Басшыларының Кеңесі
Сыртқы істер министрлерінің Кеңесі
Министрліктер және/немесе ведомстволар басшыларының Кеңесі
Ұлттық Үйлестірушілердің Кеңесі
Хатшылық
Өңірлік Терроризмге Қарсы Құрылым (ӨТҚҚ)
ӨТҚҚ Кеңесі

1) Мейрамбек ТӨЛЕПБЕРГЕН, “Егемен Қазақстан”.2008 жыл 18 маусым.
2) Әлида ӘШІМБАЕВА,“Әлемдік рынок”.
3) Гүлбаршын АЙТЖАНБАЙ, ”Егемен Қазақстан”.2008 жыл 25 маусым.
4) Қазақстан Республикасының Президенті Н.Ә.Назарбаевтың 2008 жылдың ақпан айындағы Қазақстан халқына жолдауы.