Педагог мамандығы

І. Кіріспе бөлім
1.1 Педагог мамандығы туралы жалпы түсінік.

ІІ. Негізгі бөлім
2.1 Педагогтік әдеп . ұстаздық шеберліктің негізі.
2.2 Педагогтік әдепті меңгеру жолдары.
2.3 Ұстаздық шеберлік компоненттері.

ІІІ.Қорытынды бөлім.
3.1 Ұстаздық еткен жалықпас.

Ұстаздық – киелі әрі өте көне мамандық. Адамзатты ежелден ойландырып, толғандырып келе жатқан, қоғамдық құрылыс өзгеріп жатса қажеттілігін жоймаған маңызды мәселе – жас ұрпақты өмірге дайындау.
Бұл – қиынның қиыны. Себебі, әр адам қайталанбас жеке тұлға. Әр адамның жан дүниесі өзінше бір әлем. Уақыт озған сайын, қоғамдағы саяси-әлеуметтік қарым-қатынас дамыған сайын, бүкіл дүние жүзінде мемлекет аралық синтеграция күшейген сайын ұстаздықтың қызметі де қиындай түсері де анық.
Бүгінгі ұстаз шәкіртіне тәлім-тәрбие беріп қана қоймай, оны дүние жүзі білім, ақпарат, экономика кеңістігіне шығуға, яғни қатаң бәсеке жағдайда өмір сүруге тәрбиелеу керек. Ол нағыз ұстаздың қолынан келеді. Бала бойына білім нәрін себетін, адамгершілік дәнін егетін басты тұлға - ұстаз. Яғни жас ұрпақты оқытуда тиімді жағдайлар жасау көбіне мұғалімге байланысты. Мектептің жарқын болашағы мен гүлденуі үшін қазіргі мектеп жағдайында мұғалім қандай болуы керек деген сұрақ туары сөзсіз.
Тәуелсіздік алған осы жылдар ішінде егемен елдің, қоғамның әлеуметтік-саяси және басқа да салаларында түбегейлі өзгерістер болып жатыр. Соның бірі – білім беру саласы. Қай кезеңде болмасын жас ұрпаққа білім мен тәрбие беру қоғам алдындағы ең жауапты, маңызды іс болып қала береді. Сондықтан мемлекеттің даму, жаңару жолдарындағы жаңалықтар мен түрлі өзгерістер еліміздің білім беру саласына да өз әсерін тигізуде.
Бүкіл әлем білім беру кеңістігіне ұмтылыстар, қоғам дамуындағы қалыптасып отырған жаңа жағдаяттар, тыңнан туындаған мәселелр, өзгеріп жатқан өмірге бейімделу қажеттігі туындап отыр. Осыған байланысты мемлекетімізде білім беру мен жас ұрпақты тәрбиелеуге ерекше көңіл бөлуде.

И.Е Синицина «Педагогикалық әдеп
шеберліктің негізі»
Алматы – Рауан 1987 ж.