Сыртқы істер Министрлігінің Валюта-қаржы департаменті

Сыртқы істер Министрлігі сыртқы саясат қызметін жүзеге асыратын және дипломатиялық қызмет органдарының біртұтас жүйесін басқаратын Қазақстан Республикасының орталық атқарушы органы болып табылады. Сыртқы істер Министрлігі өзінің қызметін Үкімет мақұлдаған Қазақстан Республикасының Конституциясы мен заңдары, халықаралық келісімдер, Президенттің, Қазақстан Республикасының Үкіметінің актілері, Сыртқы істер Министрлігі туралы ережеге сәйкес атқарады. Қазақстан Республикасының Сыртқы істер Министрлігінің қызметі Қазақстан Республикасы Н.Ә. Назарбаев анықтаған Қазақстан Республикасының сыртқы саяси курсын іске асыруға бағытталған.
Сыртқы істер Министрлігі Қазақстан Республикасының Үкіметінің құрылымына кіреді. Қазақстан Республикасының шет елде сыртқы саяси, сыртқы экономикалық стратегиясын іске асыратын, дипломатиялық қызмет органдарының жүйесін басқаратын орган ретінде, Министрлік міндетті түрде тиісті бағыттар бойынша басқа мемлекеттік органдармен ықпалдасады.
Сыртқы істер Министрлігінің негізгі міндеттеріне мыналар кіреді:
• Қазақстан Республикасының сыртқы саясатының негізгі бағыттары мен тұжырымдамаларын жасау және осы мәселелер бойынша Қазақстан Республикасының Президенті мен мемлекет Үкіметіне ұсыныстарды көрсету;
• Қазақстан Республикасының сыртқы саяси курсын іске асыру;
• Дипломатиялық тәсілдер мен әдістермен егемендікті, қауіпсіздікті, Қазақстан Республикасының территориалды тұтастығы мен мызғымастығын, оның басқа мемлекеттермен қарым-қатынасында саяси, сауда-экономикалық және тағы да басқа мүдделерін қорғауды қамтамасыз ету;
• Қазақстан Республикасының сыртқы экономикалық байланыстардың дамуына ықпалдасу;
• Сыртқы экономикалық байланыстар сферасында келісімдік-құқықтық базаның жетілдіруі және Қазақстан Республикасының халықаралық экономикалық және қаржылық ұйымдарға кіруі бойынша жұмыстар жүргізу;
• Әлемдегі саяси және экономикалық жағдайды, шет мемлекеттердің сыртқы және ішкі саясаттарын, халықаралық ұйымдардың қызметтерін зерттеу;
• Шет мемлекеттер мен халықаралық ұйымдар байланысында Қазақстан Республикасының бірегей сыртқы саяси, ішкі саяси курсы мен инвестициялық саясатын жүргізуді қамтамасыз ету мақсатымен басқа орталық атқарушы органдардың халықаралық қызметін үйлестіру;
• Мемлекеттік органдарды сыртқы және ішкі саясатты жүзеге асыру үшін қажетті ақпаратпен қамтамасыз ету;
• Қазақстан Республикасының мемлекеттік органдарын, бұқаралық ақпарат құралдарын Қазақстан Республикасының сыртқы саясаты мен халықаралық жағдайы туралы хабарлау;