Салық саясатында өзгерістер мен жаналықтар

Салық саяссаты өзгереді ... ... ... ... ... ... ... ... ... ... ... ... ... ...3
Салық әкімшілігіндегі өзгерістер мен жаналықтар ... ... ... 4

Еліміздің салық саясаты жуық арада біршама өзгеріске ұшырауы мүмкін. Енгізілуі мүмкін өзгерістерді Экономика және бюджеттік жоспарлау министрлігі қазірден талқыға сала бастапты. Кеше аталған министрлік осыған орай "дөңгелек үстел" өткізді. Оған бірқатар министрлік пен басқа да мемлекеттік ұйым өкілдерінен бастап ірілі-ұсақты кәсіпорын басшыларына дейін шақырылыпты. Пікірталастың қызу өткеніне қарағанда салық заңнамаларына енгізілетін ұсыныстар оңай қабылдана салмайын деп тұр...
Экономика және бюджеттік жоспарлау вице-министрі Бердібек Сапарбаевтің айтуынша, еліміздің салық саясатын қайта қарау экономикалық ахуалдағы оң өзгерістерге байланысты қажет болып отыр. Қолданыстағы Салық Кодексі 2002 жылы қабылданған еді. Сол кездегі ахуалға байланысты жекеленген салалар мен бірқатар салық төлеушілер айтарлықтай жеңілдіктерге ие болған. Соның арқасында әлгі салық төлеушілер нарықтағы орынын нықтап алды. Сол секілді, енді бас көтере бастаған кейбір салалар салықтан кіші-гірім болса да жеңілдіктер беруді сұрап отыр.
Енді енгізуі мүмкін өзгерістер қақында. Ең бастысы – ұлттық салық жүйесінің бәсекеге қабілеттілігін арттыру мақсатында корпоративтік табыс салығының ставкасы біршама азайтылуы мүмкін. Қазір ол 30 пайызды құрайды. 2008 жылдан бастап 25 пайызға, сосын шамамен 2009-2010 жылдарға қарай 20 пайызға дейін жеңілдету көзделіп отыр. Қосылған құн салығы (ҚҚС) да жыл санап азайтыла бермек. 2009 жылы ол 12 пайызға түсуге тиіс екен (қазір ҚҚС 14 пайызды құрайды). Келесі бір жаңалық – салық салмағы тұрғындардың қаншалықты дәулеттілігіне қарай белгіленуі жоспарланған. Мәселен, аса құнды мүлікке салық ставкасы да жоғары болмақ. Қазіргі кезде елімізде құны 10 миллион теңгеден асатын мүлікке 0,5 пайыздық ставкамен ғана бірыңғай салық салынады екен. 50 миллион теңгенің немесе 100 миллион теңгенің мүлкіне де сол салық. Яғни дәулетті адамдардың жылжымайтын мүлікке әуес келетіні осыдан болса керек. Салық саясатына өзгеріс ұсынушылар мынадай межелерді белгілеп отыр: егер мүліктің құны 30 миллион теңгеге дейін болса бұрынғыдай 0,05 – 0,5 пайыздық ставкамен салық төлейді. 50 миллион теңгеге дейін бағаланатын дүниеге – 1 пайыз, одан да қымбат дүниеге 2 пайыздық салық ставкасы белгіленетін болады.