Көрмелік іс-шаралар маркетингі

1. Көрмелік шаралардың маркетингтегі маңызы
2. Көрмелік жиын классификациясы
3. Туристік фирманың көрмелерге қатысу процесі
4. Көрмелік стендті әзірлеу, безендіру
5. Көрме кезіндегі туристік фирма персоналдарының жұмысы

Көрмелік іс-шаралар қазіргі заманғы туристік маркетингте ерекше орын алады. Олар туристік кәсіпорындарға кең жағдайларды ұсынады, бір уақытта кең көлемді экономикалық, ұйымдастырушылық, техникалық және коммерциялық мәліметтерді ыңғайлы жағдайда алуға және таратуға мүмкіндіктер туғызады. Көрмелік жәрмеңкелер өндіріс дамуының өзінше бір айнасы, яғни мәліметтер биржасы, бағалардың термометрі, коньюктуралық өзгерістерді болжау құралы, сонымен қатар әлеуметтік құбылыс, экономикалық саяси және әлеуметтік жағынан тиімді. Мәселен, туристік мекеме көптеген мүмкіндіктерге ие, көрмені клиенттің көңілінен шығатындай етіп өткізу, түрлі шоу программалар, лотореялар, викториналардың көмегімен жоғарғы деңгейде ұйымдастыру.
Жәрмеңке және көрме шараларына қатысу, туристік фирманың маркетингтік коммуникациясын қалыптастыру үшін тиімді және берік құрал болып табылады. Бұрыннан өздігінен коммуникациялық іс-әрекетке бағытталған болатын, жәрмеңкелер және көрмелерге қатысу өзінше қиын бірегей іс-әрекеттер мен әдіс-тәсілдер комплексін құрайды. Олар маркетинг коммуникациясының негізгі элементтер комплексін құрайды. Бұларға рекламалар (түсті щит, көрмелер және т.б.) пропоганда, жеке сатылым (стендистер жұмысы), өткізуге стимулляция жасау (сувенирлер тарату, жеңілдіктер ұсыну т.б.) сияқты істер жасалады.
Қазіргі таңда «көрме» және «жәрмеңке» терминдері мағынасы жағынан жақын болып келгендіктен, біз бұл сөздерді синонимдес көреміз. Көрменің халықаралық бюросы көрмені – көрсету ретінде, яғни негізгі мақсаты халыққа қажетті құралдарды, заттарды демонстрациялау арқылы жариялау деп түсіндіреді, бұл адамдардың қадағалауымен болады.Халықаралық жәрмеңке одағы жәрмеңкені былай деп түсіндірген: бұл сол елдің салтымен байланысты экономикалық көрме үлгілерін білдіреді, қай мемлекетте орналасқанына байланысты өзінше ірі тауарлардың нарығын құрайды, белгілі бір шектелген уақыт аралығында белгілі бір жерде сатушыларға және тұтынушыларға өз өнімдерін көрсету және халықаралық ұлттық деңгейде келісім шарт жасауға болатын аса ірі тауар ортасы.

1. А.П. Дурович. Маркетинг в туризме: учеб. пособие-Минск: Новое здание, 2007- 439-462с.