Қазақстан аумағындағы электр энергетика саласының дамуы және өндіру түрлері

І. Кіріспе
ІІ. Негізгі бөлім
1) Қазақстан аумағындағы электр энергетика саласының
дамуы және өндіру түрлері.
2) Адамдарды электр тогы қауіпінен қорғау
ІІІ. Қорытынды
1) Электр энергиясының даму қарқынының жүзеге асырылуы.

Шаруашылықтың аса маңызды саласының бірі – электр энергетикасы. Бұл сала өнеркәсіп пен қоғамның барлық өндіргіш күштерінің аумақтық орналасуы мен дамуына әсер етеді. Сондықтан да электр энергетикасын республика шаруашылығының жетекші саласы деп атауға болады.
Жалпы электр энергиясын өндіруде еліміздің электр станциялары: жылу электр станциясы (ЖЭС), су электр станциясы (СЭС), атом электр станциясы (АЭС) деп бөлінеді.
Ғылыми – техникалық прогрестің басты бағытарының бірі – шаруашылықты электрлендіру. Өндірісте жаңа технологияны кеңінен пайдалануда, автоматтандыру мен копьютерлендіруде электр энергиясына деген сұраныс артады. Энергия мен жылуды көр қажет ететін өндірістер (алюминий, магний, титан өнеркәсіптері, ферроқорытпа өндірісі) электр энергиясын өндіретін орталықтың маңына шоғырланады. Мысалы, орташа есеппен 1 т алюминий өндіру үшін 18 мың кВт – сағ, ал маний өндіру үшін 20 мың квт-сағ электр энергиясы қажет. Ірі электр станцияларының маңына металлургия, электрохимия өндірістері орналастырылады.