Өндіріс циклы

ЖОСПАР

БЕТТЕР

КІРІСПЕ . . . 3-4

І БӨЛІМ.

1. 1 ҰЙЫМ ҚЫЗМЕТІНІҢ ҚҰРЫЛЫМДАРЫН АУДИТТЕУДІҢ МӘНІ . . . 5-10

1. 2 ӨНДІРІС ЦИКЛЫ ЖӘНЕ ОНЫҢ АУДИТІНІҢ МӘНІ . . . 11-13

ІІ БӨЛІМ.

2. 1 ӨНДІРІС ЦИКЛЫН РЕТТЕУШІ НОРМАТИВТІК-ҚҰҚЫҚТЫҚ ҚҰЖАТТАР АРҚЫЛЫ СӘЙКЕСТІККЕ ТЕКСЕРУ . . . 13-15

2. 2 ӨНДІРІСТЕГІ ШЫҒЫНДАР ҚАЛЫПТАСУЫНЫҢ НЕГІЗДІЛІГІН ТЕКСЕРУ . . . 15-24

2. 3 ТӘЖІРИБЕДЕГІ ӨНДІРІС ЦИКЛЫ ШОТТАРЫНЫҢ ӨЗАРА БАЙЛАНЫСЫ . . . 24-29

III БӨЛІМ.

3. 1 ӨНДІРІС ЦИКЛЫН АУДИТТЕУ БАҒДАРЛАМАСЫ . . . 30-31

3. 2 ӨНДІРІС ЦИКЛЫ БОЙЫНША АУДИТОРЛЫҚ ҚОРЫТЫНДЫ . . . 32-38

ҚОРЫТЫНДЫ . . . 39

ПАЙДАЛАНЫЛҒАН ӘДЕБИЕТТЕР . . . 40

КІРІСПЕ

Жаңа Қазақстан өзінің дербес даму жолын таңдап, жылдан жылға әлемдік қоғамдастықта зор құрмет пен беделге қол жеткізе отырып, алға қарай нық сеніммен ілгерілеп келеді. Мұның өзі Қазақстанның одан әрі дамуын тұрлаулы, осы заманғы және болашағы зор экономикалық, әлеуметтік және саяси негізге қоюға мүмкіндік береді.

Елбасының халқымызға жолдаған жыл сайынғы Жолдауы Қазақстанды жеделдете жан-жақты жаңғырта жаңарту жолы таңдалып алынғандығын көрсетеді. Яғни, жаңа бәсекелестік артықшылықтар қалыптастыру арқылы елімізді жаһандық экономикаға кіріктіруге бағытталған мемлекеттік саясат қабылданды. Бухгалтерлік есепке алу және аудит саласын дамыту тұжырымдамасының міндеті Қазақстан Республикасының экономикасында бухгалтерлік есепке алу, қаржылық есеп беру және аудит жүйелерінің өздеріне тән функцияларды одан әрі дәйекті түрде және ойдағыдай орындау үшін қолайлы жағдайлар мен алғышарттарды қамтамасыз ету болып табылады.

Елбасымыз басқа елдердің бәсекелес өндірістері мен салаларына, сондай-ақ нақ сол халықаралық нарықтарға қатысатын трансұлттық корпорацияларға салыстырмалы талдау жүргізіп, біздің келешегі зор өндірістерді, соның ішінде ішкі нарықты дамыту жөнінде жасалаған іс-қимылдың тиімділігіне баға беріп, олардың экспорттық әлеуетін арттыру мүмкіндігін қарастыру қажеттілігін атап көрсетті.

Сонымен қатар, Қазақстанда халықаралық бәсекеге қабілеттілік деңгейіне жете алатын, жоғары технологиялық жаңа өндірістерді дамыту қажетілігі мен өнеркәсіптік құрылымын өзгертуге қабілетті, әрі ауқымды зор жобалар әзірлеу қажеттілігіне аса назар аударылды. Бүгінгі күні өндірістік саланы алатын болсақ, ең алдыңғы қатардағы мәселелерге өндіретін өнім түрлеріне зор мән бере отырып, өндіруге кеткен шығындардың ауқымын неғұрлым азайтып және өзіндік құнын дұрыс, әрі дәл анықтау міндеті жатады. Сондықтан, нарықтық экономиканың жағдайында аудиторлық есепті жүргізу, басқару жүйесінің ең маңызды және міндетті шарты болып табылады. Аудиторлық тексеру өндірістің хал-ахуалын, экономикалық жағдайын анықтап, негізгі міндеттерді нақты сипаттайтын бірден- бір жүйе.

Шаруашылық тетіктегі өзгерістермен және нарықтық институттардың нақты жасалып отырған іс шараларымен байланысты аудиторлық тексеру өзгерістерді жеделдету, экономикадағы қаржылық ақпараттың сапасын арттыруға, ХҚЕС-тың қолдану мүмкіншіліктерін дамытуға, сондай-ақ қаржылық тәртіптің күшейюіне әсер етуі мүмкін. Ол өндіріс процесін, айналым, бөлу мен тұтыну және кәсіпорын қаржы жағдайын айқын көрсетіп, басқарушылық шешім қабылдаудың негізі болып табылады. Бухгалтерлік есеппен қатар аудиторлық тексеру де басқару процесінің маңызды бөлігі ретінде, кәсіпорынның ағымдағы қызметін бақылау, оның стратегиясы мен тактикасын, жоспарлау, ресурстарын тиімді пайдаланып, нәтижесін бағалауға, сонымен қатар дұрыс басқарушы шешім қабылдауға қажетті ақпараттармен қамтамасыз етеді. Әкімшіл- әміршіл жүйеден экономиканы басқарудың нарықтық тетіктеріне көшу бизнестің әр түрлі салаларындағы шаруашылық операциялар жөніндегі уақытылы және анық сенімді ақпарат алуға деген қажеттіліктерді арттырады. Бухгалтерлік есеп, аудит және экономикалық талдау бизнестің жағдайы туралы ақпаратты өңдеу мен дұрыстығын тексерудің жалпы қабылданған жинақтау жүйелері ретінде қызмет атқарады. Қазақстан Республикасында кезеңдік реформалау нәтижесінде шаруашылық жүргізуші субъектілердің бухгалтерлік есебін, қаржылық бақылауы мен іс- қызмет аудитін ұйымдастыру бойынша халықаралық талаптарға сай құқықтық- нормативтік база жасалды.

Өнеркәсібі дамыған батыс елдерінің халықаралық іс- тәжірибесі экономиканың тепе- теңдігін қамтамасыз етуде және өндірістік, ғылыми- техникалық және қаржылық әлеуетті ұтымды пайдалануда нарықтық тетіктердің тиімді екендігін дәлелдеді. Нарық жағдайында тәуелсіз тауар өндіруші болып шығатын шаруашылық жүргізуші субъект экономиканың басты буыны болып табылады. Нарық кәсіпорынды өзінің шаруашылық қызметін басқарудың жаңа әдістері мен жүйелерін игеруге батыл әрекет жасауға ынталандырады.

Жоғарыдағыларды негізге ала отырып, курстық жұмысымның мақсаты: аудиттің, соның ішінде өндіріс үрдісіндегі аудиттің кәсіпорын үшін маңызы; аудиттің басқарушылық шешімдер қабылдаудағы мәні мен рөлі; өндіріс циклінің кәсіпорынның қызмет нәтижесіне әсерін бағалау.

Осы мақсатқа жету үшін мен өз курстық жұмысымда кәсіпорынның шаруашылық циклдерінің аудитінің ерекшелігін, оның ішінде өндірістік цикл аудитінің мәні мен ерекшелігін зерттеу және аудиттеу үрдісін кәсіпорынның тәжірибесінде іс жүзінде көру.

1. 1 ҰЙЫМ ҚЫЗМЕТІНІҢ ҚҰРЫЛЫМДАРЫН АУДИТТЕУДІҢ МӘНІ.

Аудит - кәсіпорынға қызмет көрсету аясында жүргізілетін бақылау жүйесін талдау үшін менеджмент арқылы анықталатын қызмет. Аудиттің көмегімен бақылау және талдау іске асырылады, сонымен қатар жүйелерді жақсартуға, жетілдіруге ұсыныстар беріледі. Оның басты міндеті- тексеру жүргізілген ұйымның дайындап тапсырған қаржылық қорытынды есебінің шындыққа сәйкестігін айқындау, оның белгілі бір кезеңдегі қызметінің нәтижесін және қаржылық жағдайын бағалау. Аудиторлық қорытынды есеп негізінен жоғарғы тұрған ұйымдарға, акционерлерге, кредиторларға және тағы басқаларға арналған. Халықаралық тәжірибе көрсеткендей, егер тексеру сегменттері ретінде шаруашылық операцияларын атқарған кезде пайда болған шаруашылық операцияларының циклі деп аталатын, есептің жеке объектілері арасындағы байланысты бөлсе, аудиторлық тексеруді жүргізу процесі оңтайлы болады. Іс әрекеттің әр түрлі салаларында сан мен бірізділік бірдей болмағанмен, экономиканың нақты секторындағы көптеген компаниялар үшін маңыздылары мыналар:

1. Сатып алу циклі (алу мен дайындау), кредиторлық борыштың пайда болуына әкелетін тауарлы- материалды құндылықтарды дайындау мен айналымнан тыс активтерді жасау және алу жөніндегі шаруашылық операцияларды біріктіреді.
2. Өндіріс цикліне еңбек құралдарын (материалды емес активтер мен негізгі құралдар), еңбек керек жарақтарын (тауарлы- материалды құндылықтарды) және өнімді дайындау мен шығару үшін еңбектің өзін (өндірістік шаруашылық жұмыстарын орындау мен оларға төлеу) өндірістік тұтыну бойынша шаруашылық операциялары кіреді.
3. Өткізу мен табыс табу циклінде дайын өнімді өткізуге, дебиторлық борыштың пайда болуы мен қаржылық қорытынды жасаумен байланысты операциялар бар.
4. Қаржылық- инвестициялық цикл процестер мен операциялардың активтерді алу, іс- әрекеттің әр түрлі салалары мен инвестициялау, бағалы қағаздарға немесе басқа кәсіпорынға салу, дивидент пен пайыз алу жөніндегі сан алуандық сипатталады.
5. Төлеу цикліне қолма- қол және қолма- қол емес ақша қозғалысына, дебиторлық және кредиторлық борышты ақшалай төлеу жолымен де, өзара талаптарды есепке алу немесе айырбас операциялар арқылы да өтеуге байланысты шаруашылық операциялары жатады.

Бақылау жүйесінің тиімділігі көбіне есепті мерзімнің аяқталуына дейін бағаланады, бұл аудиторларға әрбір цикл бойынша бақылаудың сапасын бағалауға, тестілеу процедураларын жүзеге асыруға және жыл соңында орындалатын тексерудің алдын- ала бағдарламасына өзгерістер енгізуге мүмкіндік береді. Соңынан аудиторлық жұмыстың ақырғы жоспары жасалады. Сонымен бірге әрбір циклдің жалпы және арнайы бағыттары бойынша тексерістің нақтылы процедураларын анықтайды.

Өткізу циклін бақылау мен кірістерді алу тиімділігін бағалаған кезде мыналардың барысында жүзеге асатын шаруашылық операциялары қарастырылады: тапсырыстарды қабылдау; несиелер беру; тауарлар мен көрсетілген қызметтерді ұсыну; тұтынушыларға шот көшірмелерін беру; борышты (мерзімі өткен шоттарды) төлету; ақшалай түсім алу.

Шығарылған өнім тұтынушыларын айқындап алу, қаржыландыру көздерін, ақша алуды, айналыман тыс актив қорларын сатып алуды, еңбек пен материалдардың дайын өнімге айналуы, оларды өткізу мен кіріс алуды анықтау кіретінін, іс- әрекеттің әрқилы түрлеріне циклдық амал- тәсілді қолдану қолайлы екенін атап өткен жөн. Әдетте тауарлар мен көрсетілетін қызметтерді өткізу процесіне қызметтің мынадай түрлері кіреді: сатып алушылардың тапсырыстарын алу мен тіркеу; несие мен тауарларды жөнелту жағдайларын белгілеу; тапсырыстарды орындау (тауарлар жөнелтуді тіркеу немесе көрсетілген қызмет ұсыну) туралы белгі кіреді.

Аудитор кірістік операцияларды көрсетуде қолданылатын бухгалтерлік есептің жүйесін, сондай- ақ бақылау әдістемесін талдағанда негізінде сауда операциялары санкцияланғанын және тиісті тәртіппен тіркелгенін, яғни бақылау мақсаттары орындалғандығын растайтын процедураларға көңіл бөлінеді. Мұндай мақсаттар аудиттің кіріс алу шоттарының аяқталуы, дәлдігі мен болуы сияқты міндеттерімен тығыз өндіріледі.

Саудамен айналысатын ұйымдарда сатып алушылардан тапсырыстар алу өткізу циклі мен табыс табудың басы деп саналады. Тапсырыстарды түсу шамасына қарай арнайы кітапқа жазады, алдын ала нөмірленген бланкілерде тіркейді, одан әрі өңдеу үшін тігеді немесе компьютерге енгізеді.

Сатып алушылардың тапсырыстарын түсу шамасына қарай бақылаудың мақсаты ықтимал тиеуге дайындық болып табылады. Мұндай бақылаудың болмауы немесе тиімділігінің жеткіліксіздігі қаржылық есептерді бұрмалауға әкеліп соқтырады. Дегенмен аудитор сауда тапсырыстары процедураларымен транспорттық жүкқұжаттар жасалып болмаған мезетке дейін таныса алады. Сатып алу циклі шығыстардың ең ірі циклінің ісі барысында мүлік шығарылатын немесе алынатын, ақша мен капитал жинақталатын мәліметтердің барлығының бөлігі болып табылатындықтан, оларды орындау мәліметтері де туындайды, онда алғашында сатып алу, иелікке жұмсау циклінің аудиті негізгі мақсаттарына жету деңгейін анықтау үшін іріктемелі тексерулер жүргізіледі.

Сатып алу, иелікке алу мен жұмсау циклінің аудиті бар болу мен көріну, құқықтар мен міндеттемелер, бағалау немесе бөлу, ұсыну мен ашып көрсету сияқты қаржылық есептің сапасын айқындау принциптері мен белгілеріне сәйкес бейімделіп жүргізіледі.

Шаруашылық операциясының әрбір циклі бойынша аудиттің белгілі мақсатқа жету деңгейі анықталуы керек. Аудиттің қабылданған бағдарламасына сәйкес кәсіпорын іс әрекеттерінің кейбір операциялары немесе участкелері тұтас немесе іріктемелі тәсілмен тексеріледі. Мысалы, тауарлар мен көрсетілген қызметтер үшін төлемді алу сатысында ақшалай қаражатты қорғау бақылаудың маңызды мақсаты болып табылады. Бұл мақсатқа жетуге бағытталған бақылаудың процедуралары ақшаның банкке немесе тікелей компанияға түсу- түспеуіне байланысты.

Eгер ақша компанияға почтамен жіберілсе, онда ол чек түрінде келеді, қолма- қол ақша немесе чектерді сөренің ар жағында тексеруші, не болмаса, сатушы қабылдайды. Клиенттің банк арқылы көбіне есеп шотқа аудару немесе телеграфтық аударыммен жүзеге асады.

Cапа бойынша жеңілдіктер аз кездеседі, оларды растау қиын, әдетте сатып алушының шағымын бағалауға негізделген. Сонымен қатар оларға санкция бере алатын және қандай жағдайда екендігін шешетін компания бақылайды. Санкциялау мен жеңілдіктерді құжаттауға қатысты тиісті шешімге жетуге мүмкіндік беретін белгілі бір есептілік бар. Тіркелмелген жеңілдіктер инкассаланбаған дебиторлық борышты қарау барысында анықталады.

Әдетте барлық кіргізілген мәліметтер жазылатын ақшалай түсімдер туралы күн сайынғы есеп әзірленеді. Бір күн ішіндегі барлық түсімнің сомасын енгізілгеннен кейін әдетте алғашқы тізіліммен немесе пакет сомасын және мөрленген депозит салымы туралы бланк көшірмелерін немесе басқа банктік түбіртектермен салыстырады, әдетте түсімдерді қабылдаумен шұғылданбайтын адамның мұндай салыстыруды жүргізуі барлық түсімдердің тіркелуін қамтамасыз етеді.

Тауарлар мен қызметтер үшін төлем алу процесінің соңғы кезеңі- Бас кітапта қорытынды шығару. Еңбекті қолмен атқаруы ұйымдастыруда жиынтық сома ақшалай түсімді тіркеу журналынан және жеңілдіктерді тіркеу журналынан жазбаларды оқтын-оқтын (әдетте ай сайын) Бас кітапта көшіреді. Бұл опрациялар компьютермен жасалса, толықтыруларды Бас кітапқа енгізу үшін ақшалай түсімдердің файлы (мұнда сондай-ақ тұрақты сатып алушыларға санкцияланған жеңілдіктер туралы мәліметтер болуы мүмкін) қолданылады. Ақшалай түсімдер мен жеңілдіктер жайлы мәліметтер енгізу және оларды өңдеуге қабылдау шамасына қарай дебиторлық шоттардың файлдары жеңілдетіліп, босатылады. Жеңілдіктер туралы мәліметтер егер олар типтік тұрпатта болмаса, әдетте жеке- жеке енгізіледі, егер олар өңдеуге қабылданса, онда дебиторлық шоттардың файлы толықтырылды. Рет бойынша нөмірленген кредиттік жазбалар және олардың файлына өзгерістер енгізіледі, ол сосын Бас кітапқа толықтырулар енгізу үшін қолданылады.

Жазбаларды дебиторлар шоттарының аналитикалық есебі кітабына көшіруді әдетте қаржы жұмысымен шұғылданбайтын адамдар атқарады; Бас кітапқа жазбаларды көшіруді дебиторлық шоттардың аналитикалық есебі кітабына толықтырулар немесе файл енгізілетін компьютер немесе адам орындайды. Міндеттемелерді осылай бөлу дәлдік мақсаттарына да жауап береді. Мұндай амалдың тиімділігі әдетте Бас кітаппен және дебиторлық шоттардың аналитикалық есебі кітабымен жиі- жиі салыстырумен нығаяды. Сатып алушыларға шоттардан көшірмені мезгіл- мезгіл есептеу де барлық ақшалай түсімдер мен әртүрлі жеңілдіктерді толық тіркеуді қамтамасыз етуде жәрдемдеседі.

Аудитор жоғарыда көрсетілген мақсаттарға кәсіпорынның есептік және құрылымдық саясаты талаптарын жалпы тексеру амалын жүргізе отырып, жетеді. Аналитикалық процедуралардың қорытындылары баланс баптарының тестілерін анықтауда елеулі фактор болып табылады. Сатып алу, өндіріс, өткізу мен кірістерді алу циклдеріндегі барлық шоттар негізділігіне, толықтығына, дәлдігінің бар екендігіне, мерзімі сақталуына, есеп шоттары мен бағалау белгілеріне, заңдылығына, мәліметтерді ұсыну мен ашып көрсетуге тестіленеді. Аналитикалық процедуралардың ең маңызды типтерінің бірі- өткен жылдар ішіндегі мәліметтермен салыстыру үшін салыстырмалы көрсеткіштерді пайдалану. Дебиторлық және кредиторлық борышқа, өзара есептесулерді орындауға, ірі және әдеттен тыс салалармен міндеттемелерге шолу жасау қажет.

Ерекше көңіл бөлуге тұрарлық типтік және дебиторлар мен кредиторлардың шоттары болып тікелей көрсетілмеген міндеттемелер, ұзақ уақыт бойы төленбеген ірі айналымдар мен шоттар, еншілес компаниялардың дебиторлары мен кредиторларының шоттары, ресми тұлғалардың, директорлардың және т. c. c. шоттары табылады. Аудитор мәнділігі жөнінен әрі қарай қандай шоттар қаралуға тиісті екендігін айқындау үшін баланс кезіндегі (уақыт бойынша сынама баланс) шоттардың тізіліміне шолу жасауы тиіс.

Кезеңді зерттеу аяқталған соң аудиторлар тиімділігін өлшеу үшін тексерілетін циклдің бақылау сапасын бағалауға тиіс. Бақылаудың күшті жақтарын анықтау үшін әдетте ішкі бақылау жұмысы принциптеріне негізделетін жүйелілік құрылымы қолданылады. Бақылаудың бағыттары егжей- тегжейлі және ерекшелікті болуы мүмкін. Іс- тәжірибе жүзінде шаруашылық операцияларының барлық түрлері жеті негізгі тармақ бойынша бақыланады: шынайылық, толықтық, рұқсат, дәлдік, жіктеу, есеп пен мерзімділігі. Басшылық пен аудиторлық ұйым қаржылық есеп көрсеткіштерінің анықтығына және қаралатын жүйенің әрбірі үшін бақылаудың тиімділігі бағалауға қалай әсер ететіндігін түсіну үшін шаруашылық операциялары циклдерінің қай жүйесіне күшті және әлсіз жақтары бар екендігін анықтауы қажет. Cондықтан бақылаудың жеткіліксіздігі салдары ретінде елеулі қателер жоқтығын дәлелдеуге болатын тиісті жыл сайынғы процедураларды белгілеуді талап етіледі.

1. 2 ӨНДІРІС ЦИКЛЫ ЖӘНЕ ОНЫҢ АУДИТІНІҢ МӘНІ

Өндіріс циклінің аудитін жүзеге асырудағы технологиялық процесінің айрықшалылығына және саланың ерекшеліктеріне байланысты әр түрлі айырмашылықтар болады. Белгілі болғандай, өндірістік цикл- белгілі бір уақыт аралығында қатаң қайталанып отыратын және технологиялық кезекпен атқарылатын операциялар жиыны. Әрбір өндірістік циклдің аралығында бір уақытта көптеген шаруашылық операциялар орындалады, сондықтан да әрбір кәсіпорында ішкі аудит қызметін ұйымдастыру қажет.

Сонымен қатар ақпараттың шынайылығы оның толықтығына (жеткіліктілігіне) де тәуелді болады. Толықтылықты анықтау кезінде келесі қағидаларды есепе алу қажет: тәуелсіз көзден (үшінші түлғадан) алынған ақпарат, экономикалық субъектілердің қызметкерлерінен тікелей алынған ақпаратқа қарағанда шынайылығы жоғары; аудиторлық қызметтің тексеруі немесе тәуелсіз өзіндік талдау нәтижелерінде алынған ақпараттық шынайылығы басқа түлғалардан алынған мәліметтерге қарағанда жоғары; құжаттар және жазбаша хабарламалар түріндегі аудиторлық ақпарат ауызша формадағы ақпаратқа қарағанда шынайылығы жоғары болады. Әр түрлі көздерден алынған ақпарат сәйкестендірілуі қажет. Ақпараттың сапасы және дәлелділігі оның шынайы көрсеткішке жақын болуына және уақтылығына байланысты болады, немесе кері жағдайда ол кажетті емес немесе артық болуы мүмкін. Ақпаратты жинау барысында аудиторлық тексерудің бағдарламасына және жалпы жоспарына немесе басқа мақсаттарға, мысалы, төлем қабілеттілікті және рентабельділікті жоспарлау, негіздеу қажет.

1-кесте. Өндіріс циклы бойынша ақпарат көздері

Өндірістік циклды аудиторлық тексеру және ақпаратты таңдау үшін, аудит бағдарламасының әр бөлімі бойынша және ұйым бойынша жалпы қажетті нормативті-анықтамалық және есеп ақпараттарының негізгі тізімдерін жасау және айқындалу қажет. Мысалы, өндірістік циклға аудиторлық тексеруді жүргізу барысында «Бухгалтерлік есеп туралы» заң, «ұйымның есеп саясаты» міндетті нормативті құжаттар болып табылады. Объектіге қатысты тексеру жүргізуде аудиторлар кәсіпорында қолданылатын құжаттарды зерттейді. Өндіріс циклы бойынша ақпарат көздерінің тізімі 1- кестеде келтірілген.

Әр тексеруші аудитор өзінің жұмысында жоғарыда келтірілген нормативтік-құқықтық құжаттарды негізге ала отырып, бақылаудың әр түрлі әдістерін және тәсілдерін неғұрлым ыңғайлы сәйкестірілсе, солғұрлым ол өзінің мақсатына тиімді түрде қол жеткізеді. Осыған байланысты негізгі әдістерді және тәсілдерді жақсы білу аудиторлық қызметтің тиімділігін елеулі дәрежеге арттырады. Жалпы ғылыми әдістемелік тәсілдер таным әдістеріне негізделеді. Өндірістік циклдың аудиттің басты міндеті - өндірісті басқару мақсаттарына қол жеткізуді қамтамасыз ету. Бұл үшін ішкі аудит кәсіпорын басшылығын дұрыс басқару шешімдерін қабылдау үшін жасалған талдаудың нәтижелерімен, белгілі бір бөлімшенің қызметіне баға берумен, ұсыныстармен және уақытылы дұрыс ақпаратпен қамтамасыз етеді.

Өндірістік цикл аудитінің әдістері - кәсіпорынның өндірістік және қаржылық шаруашылық қызметін тексеру бойынша тәсілдердің және қаржы- шаруашылық, экономикалық, ұйымдастырушылық, оперативті-техникалық және нақты әдістердің жиынтығын білдіреді. Өндірістік цикл аудитін жүргізу кезінде аудиторлық дәлелдемелерді алу үшін аудитор жоғарыда көрсетілген 1- сызбада көрсетілген тексерудің әр түрлі басқа тәсілдері және әдістерін қалауы бойынша қолданады.

1-сызба. Тексеру барысында аудиторлық дәлелдемені алу әдістері

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс