Менеджерге қойылатын талаптар

Менеджердің әр ұжым мүшесімен тіл табыса білуі біршама дәрежеде оның жеке басының қасиетіне байланысты. Ұжымды басқаруда менеджер білуі тиіс үш фактордың орны ерекше:
• ұжым жұмысын ұйымдастыра білу;
• әр қызметкермен тіл табыса білу;
• ұжым алдына қойылған міндеттерді шешу үшін әр қызметкерге ықпал етудің тәсілін таба білу.
Менеджердің негізгі міндеті капитал мен еңбекті қозғалысқа келтіру, негізгі жоспар мен оны орындаудың егжей-тегжейлі шараларын дайындау болып табылады. Кәсіпорынның өсуімен қатар кәсіпкерлік қабілет те өсуі қажет, сонымен бірге ол өзінің сонылығын, жан-жақтылығын, бастамашыл іс-әрекеттерге деген қабілетін, табандылығын сақтауы керек, тек сонда ғана ол табысты менеджер болып қала алады. Қазіргі заманғы бизнес талабына сай, оңды нәтижеге қол жеткізу үшін ең алдымен өндірісті жүргізудің мінсіз механизмін құру қажет. Мұндай мінсіз механизм кәсіпқой менеджердің қолында. Тиімді менеджер атына сай болу үшін бірінші керегі – ынта. Кез келген іске ынтамен кіріссең, міндетті түрде ләззат аласың. Қай салада да жетістікке жетесің. Заман талабына сай, бәсекеге қабілеттілік үшін жан-жақты болу керек. Еліміздің дамуына белгілі бір дәрежеде үлес қосу үшін бәріне үлгерген жөн. «Бітер істің басына жақсы келер қашанда» демекші, әр істі соңына дейін жеткізе білу керек, сонда ғана оңды нәтижеге қол жеткізуге болады. Қазіргі уақытта техника және ғылым өте тез дамытылады, сондықтан білімді әрдайым жаңарту керек. Мамандық білімін кітаптардан, газеттерден, теледидардан, радиодан толтыруға болады. Менің ойымша менеджер жақсы қасиеттерді өзінде дамытуы керек: қиын жағдайдан
қорықпауы керек; күйгелектенуден сақ болуы керек;өндіріс шешімін бірнеше варианттардан іздеуі керек;шыдамдылық болуы керек (артық сөз айтпау, ұрыспау керек, кешегі ұрысты бүгін жалғастырмау); патриот болуы керек. Барлық менеджерлер техникалық, коммуникациялық және аналитикалық білім мен басқару өнерін қажетсінеді.