Цин империясы

XIXғ. басында маньчжурлар билігіндегі Қытайда ортағасырлық феодалдық қатынастар үстемдік етті.Ел өмірінде ілгерілеушілік байқалмады.Ауыл шаруашылығы,қолөнер өндірісі,армия мен флот,жалпы қоғам өмірі көнеден келе жатқан конфуцийлік дәстүрлер деңгейінде қалды.
Басқыншылық соғыс арқылы маньчжурлар құрған Цин империясының құрамына манчжурлардың өз атамекені Манчжурия,18 провинциядан тұратын бүкіл Қытай жері және Монғолия,Шыңжаң,Тибет аумақтары кірді.
1840-1842ж. болған бірінші апиын соғысында ағылшындар жеңіске жетіп,Цин империясын тізе бүктірді.Қытай жеңілгенін мойындап,еуропалықтар алдында тізе бүгіп,әділетсіз Нанкин келісімшартына қол қойды.Бұл келісімшарт бойынша Қытай ағылшындар үшін тағы да бес порт ашық деп жариялауға,орасан зор мөлшерде өтемақы төлеуге мәжбүр болды. «Гунхан» сауда монополиясын жойды.Нанкин келісімінен кейін Цин империясы жартылай отар елге айналып,шетелдіктерге тәуелділікке түсті.Осыдан кейін Англия мен Франция бірлесіп,Қытайды отарлауды кеңейту үшін екінші апиын соғысын бастады.1856-1860ж.болған екінші апиын соғысы кезінде Қытайдың ішкі жағдайы да өте ауыр халде болатын.1850ж.елдің оңтүстігіндегі Гуандунь,Гуанси провинцияларында шаруалар көтерілісі басталған еді.Оның көсемі Хунь Сюцюань болды.Ол маньчжурларды қуып шығу,барлық шаруаларға жерді тең бөліп беру талаптарын ұсынды.Ол Тайпинь тянго-ұлы игілікті аспан мемлекетін құруға ұмтылды.Сондықтан көтерілісшілерді тайпиндер деп атады.1851ж.көтерілісшілер Қытайдың оңтүстігін жаулап алып,жаңа мемлекеттіңқұрылғаны туралы жариялады.Хунь Сюцюань император болып жарияланып,ал оның жақтастары князь титулын алды.14жылға созылған Тайпиндер көтерілісі жеңіліспен аяқталды.1864 ж.күшпен басылды.Қытайда Цин билігі сақталып қалды.