Буденовск уран кенорны

Пән: Тау-кен ісі
Жұмыс түрі: Дипломдық жұмыс
Тегін: Антиплагиат
Көлемі: 73 бет
Таңдаулыға:

АҢДАТПА

Дипломдық жұмыс бес бөлімнен тұрады:

1 Буденовск кенорны жайлы жалпы мәліметтер мен геологиялық мақсаттар;

2 Буденовск уран кенорны ауданының геологиялық құрылысы;

3 Ұңғымадағы геофизикалық зерттеудің стандартты әдістері;

4 Ұңғымадағы геофизикалық әдістердің қосымша түрлері;

Бірінші бөлімде жалпы мәліметтер мен геологиялық мақсаттар, кенорынның ашылу тарихы, зерттелуі және барлануы жайлы мағлұматтар келтірілген. Сонымен қатар, бұл бөлімде геологиялық мақсаттар және сол мақсаттарды шешу жайлы айтылған. Буденовск уран кенорны ауданының геологиялық құрылысы және стратиграфиясы, тектоникасы, ауданның пайдалы қазбалары және гидрогеологиясы жайлы мәліметтер қарастырылған. Екінші үшінші бөлімдерде Буденовск кенорнында жүргізілетін стандартты және қосымша ҰҒЗ әдістері жайлы айтылған.

Дипломдық жұмыс -- бет мәтіннен, --- бет суреттен және - кестеден тұрады.

АННОТАЦИЯ

Дипломная работа состоит из пяти частей:

Общие сведение и геологические цели месторождения Буденовск;
Геологические строение уранового месторождения Буденовск;
Стандартные методы геофизических исследования в скважине;
Дополнительные виды геофизических методов в скважине;
Охрана труда и окружающей среды.

В первой чаете приведены общие сведение и геологические цели, история открытия месторождения, исследование и сведение о разведке. В том числе в этой главе приведены геологические задачи и их решение. Во второй чаете описанно геологическое строение и стратиграфия, тектоника, полезные ископаемые и гидрогеология уранового месторождения Буденовск. В третей и четвертой части рассмотренно стандартные и дополнительные методы ГИСа на месторождение Буденовск.

Дипломная работа содержит -- страниц, --рисунков, --таблиц.

ANNOTATION

The work of diploma consist of 5 pieces:

General information and geological aims;
Geological structure of the deposit of uranium Buddennovsk;
Geophysical ekamination of drill hole and standarts of metrods;
Supplementary types of wireline serves;
Profection of work and environment.

There are general information, and geological aims history of opening that deposit, survey and enploitation in the first part. So that, geological aims and their decision were discussed in this part. Region of deposit Buddennovsk and its geological structure, stratification second park. You can read about standarts, which are in the deposit of Buddennovsk and supplementary geological survey of drill holes in the third and forth parts.

The work of diploma consists from -- pages, -- pages of pictures and - tables.

КІРІСПЕ

Администраторлық аудан районы ҚР ОҚО Созақ ауданына кіреді. Ені 20-40 шақырым Қаратау жотасының солтүстік шығысымен қосылатын, орографиялық түрде үлкен жотаға ұқсас келеді. Негізі пайда болған аудан 2 әртүрлі геоморфологиялық аудандарға бөлінеді: жазық және төбелі. Қыраттық бет бедері жалпақ, дөңесті және өзенді алқапта жатыр, солтүстік және солтүстік -шығыс бағытында созылып жатыр және олар Қаратау жотасы мен Бетпақдаланың арасын алып жатыр. Мойынқұм құмды сілемі өтпелі кезеңде сортаңды және сор алқаптар солтүстік батыс бөліктерінде қарастырылады. Ерекше ірі сортаңды көлшіктер (Ақжайқын, Ащыкөл) Шу өзенінің төменгі жағында орыналасқан, ал Буденов бөлігі солтүстік - батысқа дейінгі жерді алып жатыр. Мойынқұмның солтүстік бөлігінде дөңесті және қуысты құмдар ені 20-30 шақырым кең бағытта созылып жатыр. Құмдар аллювиально-эоловогалық түрде пайда болған. Бұл аймақтың нақты белгілері 310 м, жазықтықтың жартысы 125 м бөліктерін құрайды.

1 Буденовск уран кенорнының геологиясы

1. 1 Буденовск кенорнының құрылуының геологиялық ерекшеліктері

Буденовск кенорнының пайда болған жері Шу-Сарысу кен орны. Оңтүстік батыс құрамына кіретін Мыңқұдық кен аймағының бөлігін алып жатыр. 1- суретте көрсетілгендей.

Аймақ климатты кенеттен континенталды қыста суық қарымен (40 ^º дейін) жазда (+40 ^º дейін) құрғақ, ыстық. Жарты жылдық жауын-шашын мөлшері 130-150мм де өзгеріп тұрады. Ал күз, қыс, және көктем кезеңдерінде көбейеді. (85 пайызға дейін) де, ал жаз айларында ерекше құрғақшылық болады. Ауаның орташа ылғалдылығы 56-59 пайыз шамасында. Аймақта қатты және үздіксіз жел соғып тұрады. Шаңды борандар және дауылдар орташа жылдамдығы 3, 8-4, 6 м-сек, солтүстік -шығыс бағытында жиі болып тұрады.

Шөлді және жартылай шөлді типті өсімдіктер сортаңды -баялыш және жиі сексеуіл түрлері кездеседі. Шу және Сарысу өзендері бойынан пиязшық және қамыс тамириск өсімдіктері көптеп кездеседі.

Ал жануар әлемі шөлді және жартылай шөлді аймақ түрлеріне ұқсас келеді. Шу, Ақсүмбе, және Сарысу өзендері гидрографиялық жүйе аймағында жұмыс жасауына берілген.

Өнеркәсіптік кәсіпорынның басты аймағы уран саласымен байланысты. ОҚО мамандыру салалары келесідей:мұнай өңдейтін, химиялық және азық түлік мамандары.

Қаратау және Ақсүмбе пункттеріне жататын тұрғындар оңтүстіктен 50 шақырым жерде орыналасқан. Аудан орталығы Шолаққорған -210 шакырым. Ал солтүстікте 40 шақырым жерде Инкай аймағы, Тайқоңыр елді-мекені орналасқан. Оңтүстік -Батыс бағытында 150 шақырым ара қашықтықта нөмері-6 кен басқарма орналасқан. (Қызылорда обл. Шиелі ауд) .

1-сурет. Жұмыс аймағының картасы

Жақын жердегі темір жол станцияларына жататындар: Созақ (120 шақырым) Шиелі. Жақын қалалар: Қызылорда (180 шақырым) Шымкент (330 шақырым) Жанатас (250 шақырым) өндіріспен айналысатын тұрғындардың басты алып жатқан жерлері.

Аймақты сумен жабдықтау палеоцен-эоцендік және борды кешендері қысымды жерасты суларының есебімен жүргізіледі.

ЛЭП-110 электр жарығын Қантағалық ТЭЦ-тен тартады. Ал мемлекеттік электр желісі 70 шақырым жерден өтеді.

2 Ауданның геологиялық құрылысы

2. 1 Стратиграфиясы

L-42-XXVII парақ аумағы геологиялық құрылысында кайнозой және мезозой шөгінді таужыныстары басым келеді. Палеозой шөгінді жаралымдары едәуір тереңде жатқандықтан (300-600 м) тек қана бұрғылау және геофизикалық зерттеулер барысында бөлінеді.

Палеозой эратемасы

Таскөмір жүйесі

Төменгі бөлім, турне жікқабаты (C ₁ t)

Серпухов және ортаңғы-жоғарғы карбон түзілімдеріне жататын таужыныстардың қызғылт түсті қатқабаты жер бетінде байқалмайды. Ол ауданның солтүстік-батыс жартысындағы № 28, 35, 55, 45, 63, 64 ұңғымаларында, 280-450 м тереңдікте айқындала түседі.

Қарастырып отырған кешен құрамында ұсақ түйірлі құмтастар басымырақ, ол ортатүйірлі қою қызыл-қошқыл, қызғылт түсті құмтастар сирек және ашық жасыл түсті құмтастар одан да сирек кездеседі. Құмтастар дәл сол түсті құмайт-құмтастармен және құмайттастармен қабаттасып келген. Қиыс қабаттасқан, катаклазданған құмтастар басым. Катаклаз жарықшаларын бойлай ақ немесе жасыл кальцит дамыған. Кейде әкті құмайттас қатпарлары байқалады.

Құмтастардың құрамы полимиктілі немесе далашпатты-кварцты және ортатүйірлі құрылымға ие. Олар кварцтың, микрокварциттердің, далашпаттарының, серицитті-кремнийлі тақтатастардың, қышқылды эффузивтердің, гранитоидтардың үшкірленіп жұмырланған сынықтарынан құралған. Мусковиттің және биотиттің, циркон түйірінің, апатит және турмалиннің дара жапырақшалары кездеседі. Сынықтардың (кесектердің) өлшемі 0, 04 мм-ден 1, 0 мм аралығында ауытқиды. Цементі бос жерлерді тотырумен сипатталады. Құрамы бойынша цемент карбонатты-серицитті немесе кальцитті, кейде серицит-кварцты және темірлі болып келеді.

Алевролиттер және алевропелиттер кейде әктастылы болып келеді. Кесектердің құрамы сияқты, құмтастардың құрамы алевролитті және алевропелит құрылымды. Цементінің құрамы кальцитті, серицитті-кремнийлі немесе темір болып келеді. Кесектерінің өлшемі 0, 05-0, 1 мм.

Зерттеліп жатқан ауданда осы түзілімдер ауқымында органикалық қалдықтар анықталмаған. Төменгі және ортаңғы таскөмірдің серпухов түзілімдерінің ашылған қалыңдығы 100 м болады.

Мезозой эратемасы

Мезозой түзілімдері зерттеліп жатқан ауданда соңғы бор кезеңінің шөгінді таужыныстарымен және ортаңғы-соңғы юра мору қыртысының жаралымдарымен сипатталады.

Мору қыртысының жаралымдары ортаңғы және жоғарғы таскөмірдің намюр жыныстарының үстіне орналасып, турон жікқабаты түзілімдерімен жабылған. Мору қыртысы қошқыл қызыл түсті саздардың дақтары және қабатшалары бар ашық жасыл түсті каолин саздармен сипатталған. Мору қыртысының табанында (негізінде) қызғылт түсті алевролиттің кесектері кездеседі. Мору қыртысы таужыныстарының қалыңдығы 2, 8 мм-ден аспайды.

К. В. Никифорованың (1960 ж) мәліметтері бойынша, Шу-Сарысу ойпатының солтүстік шетінде мору қыртысы төменгі-ортаңғы юра түзілімдерде кездеседі. Осыдан шығатыны, мору қыртысының жаралуы ортаңғы және соңғы юра уақытында немесе төменгі бордың бірінші жартысында жаралуы мүмкін.

Бор жүйесі

Жоғарғы бөлім. Турон жікқабаты (K ₂ t)

Турон жікқабатының түзілімдері зерттелген ауданның барлық жерінде дамыған.

Астында жатқан таскөмір түзілімдерімен жапсары анық байқалатын бұрыштық және стратиграфиялық үйлесімсіз болып келеді. Ал үстінде жатқан теңіздік палеоген түзілімдері Турон жікқабатының таужыныстарын терең шайылымды трансгрессиялық жатады.

Турон түзілімдерінің құрамында ақ және ашық-қоңыр ұсақ түйірлі диагональ қабатты құмдар басым болып келеді. Олар, өз кезегінде, нашар цементтелген құмтастармен, гравелиттермен, конгломераттармен және малтатастармен қабаттасады. Кейде қою сұр алевролит қабаттары және қоңыр темірлі құмтастардың қабатшалары кездеседі. Қабаттың табанында, негізінен, малтатастардың немесе нашар цементтелген конгломераттардың қабатшалары кездеседі. Жалпы, турон жікқабатының түзілімдері литологиялық құрамының үлкен қашықтықтарда салыстырмалы біртектілігімен ерекшелінеді.

Турон жікқабатының құмдары мен құмтастары үшкірлі немесе жұмырланған кварцтың (25-55, кейде 90 %), дала шпатының (5-8-ден 30 % дейін), кварцты-слюдалы тақтатастардың, кремнийлі таужыныстардың, қышқыл эффузивтердің, мусковит пен хлорит пластинкаларының сынықтарынан тұрады. Қосалқы түрде ильменит, гранат, эпидот, ставролит, марказит, гематит, монацит, циркон, рутил, лейкоксен, сирек барит, турмалин, және хромшпинелидтер кездеседі. Турон жікқабаты қимасының төменгі жағында бірлі-екілі корунд түйірлерінің кездесуі тән. Құмтастардың цементі базалық, құрамы бойынша сазды, сирек темірлі болып келеді.

Малтатастар, конгломераттар және гравелиттер жақсы жұмырланған сынықты материалдардан тұрады. Сынықты материалдар кварцпен, сирек микрокварциттермен, яшмалармен, кварцты порфирлермен, гранит-порфирлермен, кремнийлі жыныстармен сипатталады. Кейбір жағдайларда фосфориттер ұшырасады. Малтатастардың ірілігі 1-2 см-ден аспайды, кейде 3-4 см-ге жетеді. Цементі құмтасты-сазды, сирек темірлі болып келеді.

Алевролиттер және құмтасты саздар жолақты-қабатты бітімді және алевролитті немесе алевропелитті құрылымды болып келеді. Алевролиттердің сынықты материалының құрамы құмдар мен құмтастардың құрамдарына ұқсас болып келеді.

Саздар кварцтың, плагиаклаздың, рудалы минералдың және турмалиннің үшкір сынықтары бар гидрослюдалы-хлоритті құрамды болып келеді.

Жоғарыда сипатталған түзілімдердің жасы № 63 ұңғымадан (тереңдігі 329 м) алынған керндегі бай талшық тозаң кешендерінің негізінде анықталған.

Бор жүйесі түзілімдерінің максимал қалыңдығы ауданның солтүстік-батыстағы № 63 (тереңдігі 136, 3 м) ұңғыма бойынша, ал минимал қалыңдығы №45 (тереңдігі 6, 5 м) ұңғыма бойынша анықталған. Басқа ұңғымалар бойынша қалыңдығы 39-ден 80 м-ге дейін өзгереді.

Сенон жікқабаттар бірлестігі K ₂ sn

Сенон түзілімдері зерттелген ауданда ойыстардың біршама тереңдеген бөлікшелерінде сақталған. Қапқансор ойысында сенонның түзілімдері № 63 ұңғымада 302, 2 м тереңдікте кездестірілген. Осы ұңғымадағы керн материалдарының мәліметтері бойынша, сонымен қатар, жалпы геологиялық жағдайы бойынша сенонның таужыныстары турон жікқабатының түзілімдеріне үйлесімді жатады және тереңде шайылып палеоцен төменгі-ортаңғы эоценнің құмдары мен және құмтастарымен жабылған.

Сенон жікқабатшасы түзілімдерінің құрамына сұр, көбінесе орта түйірлі қара-сұр, кейде тіпті қара слюдалы алевролиттердің қабаттасулары бар кварцты құмдар және құмтастар кіреді. Құмдар мен құмтастардың сынықты материалы әдетте нашар жұмырланған.

Екінші және оныншы қабаттағы алевролиттерде спорлы-тозаңды кешендер кездескен. Олардың құрамы: талшықтар 31, 7 %, ашық тұқымдылардың тозаңдары 42, 6 %, жабық тұқымдылардың тозаңдары 25, 7 %.

Кайнозой эратемасы

Аудан көлемінде кайнозой түзілімдері палеоген және төрттік кезеңдердің барлық бөлімдерімен сипатталған. Неоген түзілімдерінен ортаңғы плиоценнің жыныстары белгілі.

Палеоген жүйесі

Палеоген түзілімдері аудан төңірегінде теңіздік және континенттік фациялармен сипатталады. Теңіз түзілімдері палеоценнен бастапқы олигоценді қоса уақыт аралығын қамтиды, ал континеттік фация - ортаңғы және жоғарғы олигоцен уақыт аралығын қамтиды.

Теңіз түзілімдері

Палеоцен-төменгі және ортаңғы эоцен ( Р ₂ ¹ - Р ₂ ² )

Палеоцен-төменгі және ортаңғы эоценге жатқызылған құмдар мен құмтастардың қабатшалары сипатталған аудан төңірегінде жаппай дамыған.

Палеоцен-төменгі және ортаңғы эоцен жыныстары турон-сенон жікқабаттарының түзілімдеріне трансгрессиялық жатады және жоғарғы эоцен-төменгі олигоценнің саздарымен үйлесімді жабылған. Осы түзілімдердің қимасында таужыныстардың өздеріне тән литологиялық құрамды үш будалар бөлінеді.

Төменгі буда өзара астаса орналасқан қара-сұр, жасыл-сұр және сарғылт-сұр алевролиттердің және саздардың қабаттасуы бар жасыл-сұр, ақ және сарғыт-сұр кварцты нашар цементтелген құмтастармен және құмдармен сипатталады.

Буданың жоғарғы бөлігінде әдетте шұбар (жасыл-сұр, сарғыт-сұр, қызғылт, қызыл) түсті құмтастар және саздар кездеседі. Ал буданың төменгі бөлігінде көп жағдайда конгломераттардың және малтатастардың қабаттары (0, 5-8 м аралығында) кездеседі. Буданың барлық түзілімдерінің қалыңдығы 56 м-ден 50-120 м аралығында өзгереді.

Ортаңғы буда көбінесе жасылдау реңді ұсақ түйірлі жақсы сұрыпталған кварцты-слюдалы құмдардан, нашар цементтелген сирек жасыл шұбар түсті саздардың қабаттасуы кездесетін құмтастар мен алевролиттерден тұрады. Буда түзілімдерінің қалыңдығы біршама қалыпты және 22-30 м, кейде 47 м-ге жетеді.

Жоғарғы буда ашық-сұр және жасыл-сұр құмдардың, құмтастардың және саздардың қабаттасуы кездесетін шұбар түсті саздардан және алевролиттерден құралады. Әдеттегідей, нағыз саздар көптеген сырғанау айналары бар әртүрлі бағыттарға бағытталып қарқынды мыжылған. Жоғарғы буда түзілімдерінің қалыңдығы 8 м-ден 45м-ге дейін өзгереді, яғни бұл жоғарғы және ортаңғы эоценнің шекараларында шайылудың болғанын білдіруі мүмкін.

Жалпы, құмдардың және құмтастардың қабаты үшін, қалыңдықтардың солтүстік-шығыстан (94 м) оңтүстік-батысқа қарай (150-202 м) өзгеруі байқалады.

Қиманың төменгі бөлігінде № 61 ұңғыма (тереңдігі 373 м) бойынша қара-сұр саздарда төменгі-ортаңғы эоценнің спорлы-тозаңды кешені кездескен. Бұл кешенде жабық тұқымдылар тозаңы 70, 5% және ашық тұқымдылар 25, 9 % құрайды.

Осы жоғарыда сипатталған мәліметтерді ескере отырып, құмтасты қабатты жасы палеоцен-төменгі және ортаңғы эоцен деп есептеледі.

Жоғарғы эоцен-төменгі олигоцен ( Р ₂ ³ - Р ₃ ¹ )

Жоғарғы эоцен-төменгі олигоцен түзілімдері бүкіл аудан көлемінде 1-ден 220 м тереңдіктерде көптеген ұңғымалармен ашылған. Олардың жер бетіне шығуы кішкентай төмпешіктер түрінде Шапшыр бұлағы ауданында, Қапқансор сортаңы және Тума шатқалы аудандарында кездеседі.

Жоғарғы эоцен-төменгі олигоцен таужыныстары жергілікті шайылумен көрінбейтін бұрыштық үйлесімсіздікпен ортаңғы эоцен түзілімдерімен қабаттасады және ортаңғы олигоценнің қызыл түсті саздарымен шайылып көмкерілген. Барлық жерде бұл түзілімдер түрлі көк-жасыл, қара-сұр жоғары бөлігінде сары-жасыл саздармен сипатталады. Бұл саздар сирек жұқа қабатты және жапырақ тәрізді, гипстелген және пириттелген болып келеді. Кварцты ұсақ түйірлі құмдардың және құмтастардың, бақалшақтастардың және құмтасты әктастардың қабаттасулары кездеседі.

Жоғарғы эоцен-төменгі олигоценнің шекарасы қимада шұбар саздардың будаларының пайда болуы бойынша жүргізіледі. Созақ ойысының біршама ойысқан жерінде бұл шекара нақты емес, себебі саздардың шұбар түсі тек қана жеке бір бөлікшелерде кішкентай дақ түрінде сақталады. Жоғарғы шекарасы сарғылт-жасыл немесе жасыл саздардың кеуектену жарықшақтармен және қызыл немесе кірпіш қызыл саздармен жапсарлары бойынша, сирек әр түрлі түйірлі кварцты-кремнийлі құмдармен жапсары бойынша жүргізіледі. Әдетте, қиманың ең төменгі бөлігі көбінесе құмтасты болып келеді. Созақ ойысының ауқымында қиманың дәл осы бөлігінде барлық дерлік ұңғымалар бойынша көрініс беретін қоңыр көмірлердің жұқа (5-10 см) қабатшалары кездеседі.

Жоғарғы эоцен-төменгі олигоценнің түзілімдерінің қалыңдықтары біршама ауытқымалы болып келеді, солтүстік-шығысында 50-70 м-ден батысында және оңтүстігінде 100-135 метрге дейін өзгереді.

Жоғарғы және төменгі эоценнің саздары бағытталған құрылымға ие болып келеді. Бұл құрылым қиманың жоғарғы жағында гидрослюдалы монтмориллонитті қатармен сипатталған, ал төменгі жағында монтмориллонитті гидрослюдалы қатармен сипатталған сазды минералдардың талшықтарының бірдей бағытталуымен байланысты. Жыныстардың жалпы массасының 83-100 пайызын сазды фракция, ал 0, 8-17 пайызын алевритті фракция құрайды. Құмтастармен құмдар жұқа және ұсақ түйірлі, сирек ірі тйірлі далашпатты кварцты болып келеді. Негізінен кварцтың, микроклиннің, плагиоклаздың, цирконның, турмалиннің, глаукониттің, кенді минералдардың бұрышты түйірлерінен және мусковиттің жапырақтарынан тұрады. Алевролиттерде құмдар тәрізді сынықты материалдарға ие болып келеді. Әктастар шомбал бітімді, ұсақ түйірлі құрылымды болып келеді. Олар кварцтың, плагиоклаздың бұрышты сынықтары және кенді минералдардың түйірлерінің қоспалары бар кальциттік микротүйірлі агрегаттарынан тұрады. Сынықтардың өлшемдері 0, 5 мм-ге дейін жетеді.

Барлық бөлінген стратиграфиялық кешендердің ішінде жоғарғы эоцен-төменгі олигоцен түзілімдері фауналармен біршама толығырақ сипатталған.

Континенттік түзілімдер

Ортаңғы олигоцен, бетпақдала свитасы ( Р ₂ ² bt)

Ортаңғы олигоцен түзілімдері сипатталып жатқан ауданның барлық жерінде дамыған. Олар ауданның солтүстік және оңтүстік бөліктерінде Тоғыскен және Құтантас белдерінде, Найман және Шолақеспе тауларында жер бетіне шығып көрініс береді. Ал ауданның басқа бөліктерінде олар төрттік түзілімдердің аз қалыңдықты жамылғыларымен жабындалған және шурфтармен және ұңғымалармен ашылады.

Бетпақдала свитасының таужыныстары жоғарғы эоцен-төменгі олигоценнің саздарына шайылумен көмкеріледі. Шөгінді түзілудегі үзілістің болғанын жоғарғы эоценнің-төменгі олигоценнің жоғарғы жағында қалыңдығы 2-4 м болып келетін мору қыртысының жаралуы дәлелдейді. Мору қыртысы жасыл және қара-жасыл саздардың түссізденуімен және оларда ортаңғы олигоценнің қызыл-қоңырсаздарымен толтырылған терең (2 метрге дейін) құрғақтану жарықшақтарының кездесуімен сипатталады.

Бетпақдала свитасының түзілімдері саздармен, құмдармен, құмтастармен, алевролиттермен және алевропелиттермен сипатталады.

Генетикалық жағынан бұлар негізінен көлдік, пролювийлік және аллювийлік түзілімдер. Қабаттың өзіне тән бір ерекшелігіне түзілімдердің негізінен қызыл және қызыл-қоңыр түсті болып келуі, қиманың жоғарғы бөліктерінде жыныстардың гипстелуі және марганецтенуі және кейбір қабаттардың жиі сыналануы жатады. Ортаолигоцендік түзілімдердің қалыңдығы тұрақты емес болып келеді. Қалыңдығы солтүстігінде 50-70 метрден оңтүстігінде 200-210 метрге дейін өзгереді.

Түзілімдердің созылу бағыты бойынша литологиялық құрамы әр түрлі болып келеді. Солтүстігінде және шығысында таужыныстардың сазды түрлері, ал батыс және оңтүстік бөліктерінде құмтасты таужыныстар басым болып келеді. Саздардың ағартылған түрлерінің солтүстіктен оңтүстікке және шығыстан батысқа қарай заңды түрде ұлғаюы байқалады.

Бетпақдала свитасының саздары қоңыр және қарқынды боялған кварцтың, дала шпатының құм және алевролит түйірлерінен тұратын сазды массалардан және слюданың қабыршақтарынан тұрады. Құрылымы псаммитопелитті, алевропелитті немесе пелитті болып келеді. Сазды 0, 1 мм фракцияларының құрамы 42, 0 ден 97 % және 100 %-ға дейін өзгереді.

Ортаңғы олигоцен құмдарымен құмтастары көбінесе ұсақ түйірлі, сирек әркелкі түйірлі, негізінен кремнийлі жыныстардың, дала шпаттарының және слюдалардың түйірлері кездесетін кварцты болып келеді.

Жоғарғы олигоцен, асқазансор свитасы ( Р ₂ ³ as)

Асқазансор свитасының түзілімдері сипатталып отырған ауданда салыстырмалы түрде кеңінен дамыған. Олар Тоғыскен, Құтантас белдерін, Кішіктас және Қыземшек шоқыларын, Тоғыскен белінен солтүстіктен оңтүстікке қарай үстірт тәрізді көтерілімдерді құрайды. Буденовск құмдарында бұл түзілімдер кішкентай жұрнақ тәрізді эолдық құмдар ішінде сағаланады, сонымен қатар шурфтармен және ұңғымалармен ашылады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.