Қазақстан Республикасының Коммерциялық банктерінің несиелік ресурстарын қалыптастырудағы депозиттер

Пән: Банк ісі
Жұмыс түрі: Дипломдық жұмыс
Тегін: Антиплагиат
Көлемі: 100 бет
Таңдаулыға:

Мазмұны

Кіріспе

1-Бөлім. Қазақстан Республикасының Коммерциялық банктерінің несиелік ресурстарын қалыптастырудағы депозиттердің ғылыми теориялық негіздері . . . 6

1. 1 Депозиттер мен несиелiк ресурстардын экономикалық мәнi, түсiнiгi және олардың жiктелуi . . . 6

1. 2. Депозиттік операциялар немесе депозиттер нарығының экономикалық қалыптасуы . . . 23

1. 3 Шетел тәжібиресіндегі банктердiң депозиттерiнiң түрлерi мен оларды сақтандырудың экономикалық зерттемелері . . . 27

1. 4. Қазақстан Республиканың нарықтық экономика кезеңіедегі коммерциалық банктерінің депозиттік саясатты белгілеу . . . 37

2-Бөлім. Қазақстан Республикасы коммерциялық банктерінің депозит нарығын ғылыми талдауы . . . 42

2. 1 Коммерциялық банктердiң несие және депозит нарықтарындағы операцияларын салыстырмалы талдау . . . 42

2. 2. АҚ “Қазақстан Халық банк” қызметінде депозиттік операциялардың дамуы . . . 44

2. 3 Коммерциялық банктердiң депозиттiк портфелiнiң құрылымын талдау . . . 50

3-Бөлім. Коммерциялық банктердің несиелік ресурстарын қалыптастырудағы депозиттедің рөлін жетілдіру жолдары . . . 57

3. 1 Депозиттер нарығының дамуындағы өзекті мәселелері ретінде салымдарды кепілдеуінің өзекті мәселелері . . . 57.

3. 2 Депозиттiк портфельдi басқару және ондағы тәуекелдердi азайту жолдары . . . 62

3. 3 Коммерциялык банктердiң депозиттiк саясаты және оның депозиттердi жетiлдiрудегi жолдары . . . 69

Қорытынды . . . 77

Пайдаланылған әдебиеттер . . . 80

Кіріспе

Қазақстан Республикасының банк жүйесiнiң қызмет етуi тұрақталды десек те, кейбiр банктердiң кенеттен жабылып қалып, өз салымшыларының алдындағы мiндеттемелерiн орындай алмауы әлi де болса бұл жүйенiң қызмет етуiнде кемшiлiктердiң бар екендiгiн көрсетедi. Бұл кемшiлiк тек қана осы банкротқа ұшыраған банктiң менеджментiнде ғана емес, сонымен бiрге осы жүйенiң бас буыны Ұлттық банк тарапынан да кетiп отыр деп ұғуға болады. Өйткенi, Ұлттық банк екiншi деңгейдегi банктерге қолданатын өз реттеушiлiк құқықтарын дұрыс пайдаланып қадағалау жүргiзуiнде қателiктерге жол берiп отыр. Сондықтан банк жүйесiнiң қызмет етуi әр уақытта тәуекелмен байланысты болып отыратындығын дәлелдеудiң қажетi жоқ, ол әлемдiк банк тәжiрибесiнде әлдеқашан дәлелденген.

ҚР Коммерциялық банктерiнiң қызмет ету сапасы соңғы жылдары едәуiр жоғары деңгейге көтерiлiп, экономика секторларының барлығына дерлiк толық қызмет көрсетуде. Бүгiнгi таңдағы бұл жетiстiктердi олардың несие ресурстарымен қарыз алушыларды қамтамасыз етуiнен көруге болады. Қазiргi кезде жақсы бизнес жобасы бар көптеген тұлғалардың, банк жүйесiндегi алдыңғы қатардағы кез келген банктен әртүрлi шартпен, әртүрлi мерзiмге несие алу мүмкiндiгi бар.

Бүгiнгi күндерi несие ресурстарын құруда салымдардың, депозиттердiң рөлiнiң жоғары екенiн түсiнген үкiмет Қазақстан Республикасының коммерциялық банктердегi жеке тұлғалардың салымдарын сақтандыру қорын құрды.

Бұл қордың тәжiрибесi бүкiл дүние жүзi елдерiндегi нәтижелi қызмет көрсетiп жатқан осындай қорлардың тәжiрибесiнен тандап iрiктелiп алынып жатыр. Мұндай озық тәжiрибедегi қорлар АҚШ, Германия, Франция, Англия, Жапония және т. б. елдерде бар. Сонымен бiрге, елдiң көлеңкелi бизнесте жүрген және шетелдегi банктерде ашылған депозиттiк шоттарда сақталынып жатқан ақшаларын жария ету арқылы банк жүйесiне 500 млн. долларға жуық ақшалай қаражат тартылды. Yкiмет тарапынан Қазақстан Республикасының Коммерциялық банктерiнiң несиелiк ресурстарын көбейту мақсатында әр түрлi несиелiк ресурс тарту көздерi, яғни, шет ел үкiметтерi, Халықаралық қаржы ұйымдары және т. б. пайдаланылуда.

Бұл үкiмет тарапынан көрсетiлiп отырған қолдаулар болса, банктер өздерiнiң рейтингiсiнiң өсуiне байланысты халықтың, заңды ұйымдардың, резидент еместердiң уақытша бос ақшалай қаражатын депозит есебiнде тарта отырып, несиелiк ресурс ретiнде пайдаланып жатыр. Қазақстан Республикасы Коммерциялық банктерiнiң қызметiне iшкi және сыртқы инвесторлар қызығушылық танытып отыр. Олай деуiмiзге себеп - бiздiң елiмiздiң банктерiнiң акцияларының әлемдiк нарықта АДҚ және ДДҚ түрiнде айналыста болуы, банктердiң шетелдiк инвесторлардың қатысуымен ашылуы, шетел тұлғаларының Қазақстандық банктерде депозиттiк шоттар ашып, ақшаларын сақтауы және т. б. Казкоммерцбанк, ТұранӘлембанк және т. б банктердiң акциялары Лондон, Нью-Йорк, Франкфурт қор биржаларында айналыста жүр.

Банк жүйесiнiң капиталдануы дамып отырса да, әлi де көптеген кемшiлiктердiң бар екендiгiн атап айтуға болады. Бұл жiберiлiп отырған кемшiлiктер Қазақстанның нарықтық экономика жолына түскенiне онша көп бола қоймағандығымен түсiндiрiледi. Ең бiр өзектi проблемалы мәселенiң бiрi - ол банктiк жүйенiң халық пен кәсiпорындар алдындағы мiндеттемелерiн, яғни, депозиттiк салымдарын қайтарып беру бойынша кейбiр жағдайларда өз мiндеттемелерiн мезгiлiнде орындай алмай қалып отыруында болып тұр.

Жалпы банк тәжiрибесiнде бiр банктiң сенiмдi ақтай алмауы барлық банктерге, сонымен бiрге жалпы мемлекет экономикасына әсер ететiндiгiн ескеретiн болсақ, онда қадағалау органдары өз қызметтерiне мұқият болғаны дұрыс.

Коммерциялық банктердiң негiзгi қызметi салымдарды тартумен байланысты депозиттiк операциялар және осы кұрылған ресурстарды орналастырумен байланысты болған несиелiк операциялар болса, осы операцияларды жүргiзуде банктер өз кәсiби шеберлiктерiн, заңдық, әдiстемелiк, техникалық негiздерiн және т. б. тұстарды әр уақытта жетiлдiрiп отыруы қажет.

Бүгiнгi таңда банктер арқылы экономикаға инвестиция тарту барысында iшкi инвесторлардың қаражаттарын тарту мәселесi басты орында тұр. Ішкi инвестиция елдiң экономикасын несиелендiруге пайдаланылатын ұзақ мерзiмге арналған несие ресурсы бола алады. Қалай болған жағдайда да банк жүйесiне деген ел сенiмiн арттырып, олардың мүдделерiн жан-жақты қорғап, экономикаға қызмет етпей бос жатқан ақшалай қаражаттарын тарту әрбiр атқан күннiң басты мәселесi.

Коммерциялық банктердiң өздерiндегi бар несие ресурстарын сұранысқа ие болып отырған ұзақ мерзiмдi несиеге бере алмауы, ол да ресурстарды орналастыру барысындағы әлi де шешiлмеген мәселелердiң бар екенiн көрсетедi. Атай кетер болсақ, олар:

-депозиттiк салымдар көлемiнде қысқа және орта мерзiмдегi салымдар үлесiнiн көп болуы, бұл банктердiң ресурстарды ұзақ мерзiмге бере алмауына алып келедi;

- ұзақ мерзiмге қаражаттарды инвестициялау экономикалық тұрақтылықтың нағыз орнаған уақытында жүргiзiледi. Мұндай уақыт банк тұсынан қарағанда әлi де болса келе қоймаған сияқты және тағы басқа да көптеген себептерi бар.

Қазақстан Республикасының Коммерциялық банктерi қазiргi уақытта жеке және занды тұлғалардың уақытша бос ақшалай қаражатын банк жүйесiне депозит түрiнде тарту мақсатында қыруар жұмыстар атқарып жатыр. Олар өз тәжiрибелерiмен бiрге шетелдiк банктердiң озық тәжiрибелерiн де енгiзуде.

Олар әр түрлi шарттармен, мазмұнмен, мерзiммен жаңа депозиттiк салымдар түрлерiн ашу, пластикалық карточкалар арқылы төлемдер төлеу, электронды есеп айырысулар жүргiзу, сейфтiк сақтау қызметтерiн, интернет-банкинг қызметтерiн көрсету және т. б. тәжiрибелердi енгiзуде. Бұл қызметтердiң барлығы да банктерге депозиттiк салымдарды тартуга және несие ресурстарының көбейуiне әсер етiп отыр.

Несиелiк ресурстарды құрудағы депозиттердiң алатын рөлi мен экономикалық мәнi бойынша теориялық зерттеуте көптеген ғалымдарының еңбектерi арналған. Бұл ғалымдар: C. А. Аханов, A. B. Аникин, Ю. A. Бабичев, В. И. Колесников, О. И. Лаврушин, Г. Т. Калиева, Ж. O. Ихданов, Н. К. Мамыров, Г. С. Сейткасымов, Н. Н. Хамитов, А. Челекбай, және т. б.

Қазақстанда депозиттердiң несиелiк ресурстарға айналуындағы жағдай ғылыми-теориялық және тәжiрибелiк тұрғыдан ғалымдармен аз зерттелiп, әдебиеттерде көп жарияланбағандықтан, бүгiнгi нарықтық экономиканың жағдайында аса бiр зерттеудi талап ететiн өзектi тақырыптардың бiрi. Сондықтан, зерттелмеген мәселелерiнiң бар болуы ғылыми-теориялық зерттеулердi талап етедi және осы дипломдық жүмыстың тақырыбын тандап алуға негiз болды. Дипломдық жұмыстың құрылымы кiрiспеден, үш тараудан, қорытындыдан, пайдаланылған әдебиеттер тiзiмiнен тұрады.

Дипломдық зерттеудің мақсаты коммерциялық банктің экономикалық тұрақтылығын күшейту жүйесінде оның депозиттік саясатын жетілдіру бойынша ұсыныстарды дайындау болып табылады.

Зерттеу мақсатынан туындайтын негізгі міндеттер:

ақша-несие қатынастары жүйесіндегі «депозит» экономикалық категориясының мәні мен мазмұнын зерттеу;
банктік депозиттердің жіктелуін қарастыру;
халық қолындағы салымдарды коммерциялық банкке тартудағы бағыттарды жетілдіру жолдарын анықтау;
коммерциялық банктің тұрақтылығын күшейту мақсатында оның депозиттік саясатын оңтайландырудың перспективалы бағыттарды анықтау;
депозиттерді сақтандыру қорының қызметіне талдау жасай отырып, оны жетілдіру жолдарын анықтап беру.

1- Бөлім. Қазақстан Республикасының коммерциялық банктерінің несиелік ресурстарын қалыптастырудағы депозиттердің ғылыми теориялық негіздері.

1. 1 Депозиттер мен несиелiк ресурстардын экономикалық мәнi, түсiнiгi және олардың жiктелуi

Қазақстан Республикасының коммерциялық банктерi Қазақстан Республикасының Ата Заңы Конституцияға, "Қазақстан Республикасындағы банктер мен банктiк қызмет туралы"№2444 1995 жылдың 31 тамызындағы (2006 жылдың 17 мамырында қосымша енгізілді) Қазақстан Республикасының заңына, "Салық және бюджетке төленетiн басқа да мiндеттi төлемдер туралы" 12-мaycым 2001 жылғы, ҚР Кодексiне, "Валюталық реттеу және Волюталық бақылау туралы" Заңға, "Екiншi деңгейдегi банктердегi клиенттердiң банктiк шоттарын ашу, жүргiзу және жабу тәртiбi туралы" 1997 жылғы 4 наурыздағы және 17 мамырда 2006 жылы толтырылулар енгізілген заңға сәйкес депозиттiк операцияларды жүргiзедi.

Қандай болмасын банктің кредиттік ресурстарын негізінен алғанда банк клиенттерінен тартылып жұмылдырылған депозиттер (заңды және жеке тұлғалардың банкке сақтауға салған уақытша бос ақша қаражаттары) құрайды.

Депозит (латын тіліндегі мағынасы depositium-сақтауға берілген, қойылған зат) банк клиентінің банктік депозиттік (салымдық) шарт негізінде өз банкіне уақытша пайдалануына ақша қаражатын беруіне байланысты туындайтын банктік (экономикалық) қатынасты білдіреді.

Қазақстан Республикасының заң шығарушысы депозит деп депозитордың қайтарымдылық шарттылығымен оның алғашқы талап етуі бойынша немесе белгіленген мерзім өткеннен кейін толық мөлшерде бірден не болмаса бөліп-бөліп банктік депозит шартында келісілген үстемесімен не ондай үстемесіз (процентсіз) қайтарылуға тиіс банкке беретін ақша қаражатын есептеген.

Біздің ойымызша депозит банк клиентінің кез келген уақытта талап етуін және банктік депозит шартында көздеген мерзімнің аяқталуына орай толығымен немесе бөліп-бөліп, процентімен не процентсіз өзіне қайтару шарттылығымен өз банкіне сақтауға беретін ақша қаражаты болып табылады.

Банктер капиталының 90 пайызға жуығын әдетте, клиеттерден тартылған ақша қаражаттары құрайды. Нарықтық қатынастар аясындағы заңды немесе жеке тұлғалардың уақытша бос және өзге де қаражаттарын депозит (салымдар) ретінде банкке тарту депозиттік операциялар деп аталады.

Банктер үшін депозиттік операциялар олардың пасивті операцияларының басты түрі, ал осындай операциялардың нәтижесінде жұмылдырылған депозиттер (ақша қаражаттары) активті банктік операциялар жүргізудің негізгі ресурсы болып салынады.

Банкке қолма-қол және қолма-қол емес нысанда, ұлттық немесе шетелдік валютада белгілі бір мән-жайларды көздеп меншік иесі (клиент) берген депозиттер «банктегі ақшалар» ретінде өзінің иесіне ақшасын қандай болмасын түрде жұмсауына әрі капитал ретінде проценттік табыс алуына мүмкіндік береді.

Банктік депозиттер:

1) талап етілгенге дейінгі (талап етілмелі) депозит;

2) мерзімді депозит;

3) шарттылы депозит болып бөлінеді.

Талап етілгенге дейінгі депозит депозитордың өз ақша қаражатын банктен бірінші талап етуі бойынша бірден (толығымен) немесе ішінара (бөліп-бөліп) қайтарылады.

Мерзімді депозит банктік депозит шартында көзделген мерзімге салынады және осы келісілген мерзім өткеннен (аяқталғаннан) кейін қайтарылады.

Шарттылы депозит банктік депозит шартында белгіленген мән-жайлары туындағанға дейін салынады.

Талап етіліп алынатын депозит банкті алдын ала хабардар етпей (ескертпей) кез келген уақытта талап ету арқылы алынатын ақша қаражаттары болып табылады.

Бұл ретте талап етіліп алынатын депозитке ағымдағы, есеп айырысу, бюджеттік және т. б. шоттардағы есеп айырысуға немесе белгіленген мақсатта пайдалануға арналған қаражаттар жатады.

Ағымдағы есеп айырысуға арналған талап етілмелі депозиттердің банктер арқылы қозғалысы қолма қол ақшамен, чекпен, аудару жолымен және т. б. құжаттармен рәсімделеді.

Банктердің корреспонденттік шоттарындағы (Қазақстан Ұлттық Банкінің Есеп айырысу кассалық орталығындағы немесе корреспондент (коммерциялық) банктегі) қаражатар да талап етілмелі депозит болып табылады.

Дүниежүзілік банктік практикада пайдаланылатын контокорренттік (ағымдағы) шоттардағы қаражаттар даталап етілмелі депозитке жатады. Осы орайда көрініс табатын кредиттік сальдо банк клиентінің өз қаражатын, ал дебеттік сальдо банкттік шот иесінің банкке қарыз екенін білдіреді.

Талап етілмелі депозит банктік кореспонденттік шоттарда сақталатын, тұрақсыз (қалдық мөлшері әр дайым өзгеріп отыратын) сипаттағы депозит (салым) түрі болғандықтан аталмыш шот бойынша проценттік өсім төленбейді (тек сапалы әрі қосымша қызмет көрсетіледі) .

Депозиторлар (салымшылар) санатына орай заңды тұлғалардың депозиті мен жеке тұлғалар депозиті көрініс табады.

Мерзімді депозит банк клиентінің табыс табу мақсатында нақтылы белгіленген мерзімге банкке салған (сақтауға, пайдалануға берген) өз меншігіндегі ақша қаражатын білдіреді.

Белгілі мерзімге өз қарамағына берілген депозитке орай банк төлеуге тиіс проценттік ставка мөлшері салынған қаражат (депозит) шамасына (көлеміне) және оны сақтау (пайдалану) мерзіміне байланысты болады.

Мерзімді депозит (қаражаттары) депозиторға тек банктік депозит шартында көзделген мерзім аяқталған кезде ғана қайтарылады.

Мерзімді депозит белгілі бір негіздерге (себептерге) байланысты көзделген мерзімінен бұрын алынған жағдайда осы депозит түрі бойынша айқындалған проценттік өсім мөлшері айтарлықтай кемиді.

Депозиторларды қызықтыру үшін мерзімді депозит бойынша оларға күрделі пайыз түріндегі табыстар төленеді. Мерзімді депозит тек мерзімі аяқталғанда ғана алынады және ол бойынша банктік депозит шартында белгіленген пайыз мөлшері депозит (салым) сомасына белгілі кезең сайын есептелініп, осы есептелінген табысқа келесі кезеңде тағы да тиісті пайыз есептелінеді.

Мерзімді депозит бойынша белгіленген жай пайыздардың табысы сақтаулы қаражаттың нақтылы мөлшеріне банктік депозит шартында көзделген пайызды есептеу арқылы төленеді.

Банктер үшін депозит ссудалық капитал болып табылады.

Депозиттік операциялар еліміздің банктерінін «Қазақстан Республикасының Ұлттық Банкі туралы» Қазақстан Республикасының 30-бабының 2) -тармақшасымен, 36-1-бабымен, 49-бабымен, 52-1-бабының 5) -тармақшасымен, 57-бабының тиісті ережесімен; «Қазақстан Даму Банкі туралы» Қазақстан Республикасы заңының 5-бабының 5), 7) және 12) -тармақшаларымен; «Қазақстан Республикасындағы банктер және банк қызметі туралы» Қазақстан Республикасы заңының 2-бабымен, 26-бабымен, 30-бабының 2-тармағының а), б) және в) -тармақшаларымен, 31-бабының 2-тармағының а), б), в) -тармақшаларымен, 33-бабымен, 41-бабының тиісті ережесімен; «Лицензиялау туралы» Қазақстан Республикасы заңының 11-бабының 1) - тармақшасымен: «Қаржы рыногы мен қаржылық ұйымдарды мемлекеттік реттеу және қадағалау туралы» Қазақстан Республикасы заңының 9 - бабының 1 - тармағының 3) - тармақшасымен, 10 - бабының 5) - тармақшасымен: Қазақстан Республикасы Азаматтық кодексінің 756 - 767 - баптарымен, сондай - ақ Қазақстан Ұлттық Банкінің тиісті нормативтік құқықтық актілерімен және жасасылған банктік депозиттік шарттармен регламенттеледі.

Банктік депозит шартында жазбаша нысанындағы, заттай (депозит сомасы), ақылы және біржақты міндеттеуші сипаттағы клиент пен банктің өзара келісімі, сондай- ақ тиісті заңнамалық және заңға тәуелді нормативті құқықтық актілер негізінде жасалған құжатта банкке берілетін (салынатын ) депозит сомасы, оның мерзімі, пайыздары, оларды есептеу және төлеу тәртібі, депозиттердің міндеттері мен құқықтары, банктің міндеттері мен құқықтары, талаптардың шартта белгіленген мән- жайларды сақтау жөніндегі жауапгершілігі, талас- тартыстарды шешу тәртібі көзделеді.

Банктік депозит шартының нысанын (әдетте жазбаша нысанда) депозит түрлеріне орай банктер дербес әзірлейді.

Банктік депозит шарты бойынша бір тарап - банк екінші тараптан депозитордан депозит алуға және оны пайдаланғаны үшін аталмыш шартта көзделген мөлшерде және белгіленген тәртіппен оған сыйақы төлеуге әрі депозит түріне қарай ақша қаражаттарын уақытылы міндеттенеді.

Банкке тартылған депозиттердің түрлеріне орай клиенттің ақша қаражатын есепке алу мақсатында банктер өз клиентіне біріздендірілген жекелей код (БИК) береді.

Банктік депозит (салым) шарты жазбаша нысанда, сондай- ақ банктік заңнамада, Қазақстан Ұлттық Банкінің нормативтік құқықтық актілерінде және банктік тәжірибеде қолданылатын іскерлік айналым дағдыларында белгіленген талаптарға сай жасалады.

Депозитордың (салымшының) талабына сәйкес депозиттің салынғанын куәландыратын құжат депозитордың атына не болмаса көрсетілген үшінші тұлғаның атына рәсімделуі мүмкін.

Банктік депозит шаты келісілген депозит сомасының банктегі шотқа келіп түскен күнінен бастап жасалынды деп есептелінеді.

Банк клиенттері (депозиторлар) депозиттерін қолма - қол ақшамен де, қолма- қол ақшасыз аудару арқылы да енгізе алады.

Талап етілгенге дейін (талап етілмелі) депозит кез келген сомада және кез келген кезеңде жекелеген жарналар түрінде енгізіледі.

Мерзімді депозиттер мен шарттылы депозиттер бір жолғы жарна түрінде бірден енгізіледі.

Банк өз депозиторына банктік депозит шартында айқындалып көзделген мөлшерде және белгіленген тәртіппен депозит сомасына сыйақы төлейді.

Депозитор талап етілмелі депозит бойынша өзіне тиесілі сыйақыны депозит сомасынан бөлек алуға құқылы.

Талап етілмелі банктік депозит шарты мерзімсіз болып табылады.

Мерзімді депозит бойынша депозиторға тиесілі сыйақыны сақтау мерзімі аяқталғанда ғана берілетін депозит сомасынан бөлек алуға болады.

Мерзімді депозит бойынша белгіленген мерзімнің аяқталуына орай депозитор өзіне тиесілі сыйақыны да және депозит сомасына да толық мөлшерде алуға құқылы.

Депозиттардың алғашқы талап етуі бойынша банк депозиттінемесе оның бір бөлігін:

Талап етілмелі депозит бойынша - депозитор талабының банкке келіп тұсуіне орай;
Мерзімді депозит бойынша - банктік депозит шартында көзделген мерзімнің басталуына байланысты;
Шарттылы депозит бойынша- банктік депозит шартының басталуын және депозиттің қайтарылуын байланыстыратын мән- жайлар орын алған кезде беруге міндетті.

Шетел валютасымен салынған депозит тиісті заңнамада, банктік депозит шартында немесе банк пен депозитордың қосымша келісімінде өзгеше көзделмесе, шетел валютасымен қайтарылуға тиіс.

Депозитор банктердің депозиттік операциялары барысында өзіне көрсетілген банктік қызметтер шартта белгіленген тәртіппен ақы төлеуге міндетті.

Сонымен, депозитор талап етілмелі депозитті тиісті банктік шотқа кез келген сомада және кез келген кезеңде (уақытта) жекелеген жарналармен енгізе алады. Ал банкке мерзімді депозит пен шарттылы депозит салу кезінде депозитор қажетті мөлшердегі ақша қаражаты сомасын бірден енгізеді.

Жеке тұлғалардың жинақ кітапшасында шот ашқан банктің немесе оның филиалының орналасқан орны және атауы; депозиттің түрі; мерзімі; депозит шотының нөмірі; депозитордың фамилиясы, аты-жөні; шотқа салынған депозиттің сомасы; шоттан шығарылған ақша қаражатының сомасы; есептелген пайыз шамасы; шоттағы қаражатының қалдығы көрсетіледі.

Банктік депозит (салым) шарты біржақты міндеттеуші сипатта болғандықтан, міндетті тарап банк өзі жүзеге асыратын банктік операцияның депозитор құқығы мен талабына сай болуын қалайды.

Осыған орай банк:

1) жеке тұлғалардан депозит қабылдау және оларға қаражаттар беру орнында, көпшілікке көрінетін жерде тиісті банктік операцияларды жүзеге асыруға Қазақстан Ұлттық Банкі немесе Қазақстан Республикасының Қаржы рыногы мен қаржылық ұйымдарды реттеу және қадағалау жөніндегі Агенттігі берген лицензиялардың көшірмесін; бухгалтерлік баланспен, пайда және шығын туралы есептемемен және т. б. құжаттармен танысуға болатын адресті; белгіленген нысандағы баланстық есептемені; белгіленген нысанда жасалған пайда және шығын туралы есептемені; аудиторлық фирманың атауы және аудиторлық қызметті жүзеге асыру үшін Қазақстан Республикасының Агенттігі берген лицензияның нөмірі көрсетілген аудиторлық қорытындыны іліп қоюға;

2) депозитке қабылданған ақша қаражаттарының сақталымдығын қамтамасыз етуге;

3) шартта көзделген тәртіппен депозиторға депозит сомасын қайтаруға;

4) шартта көзделген жағдайлар мен тәртіпке орай депозит сомасына процент есептеуге және төлеуге;

5) депозитордың банктік шотына үшінші тұлғалардан келіп түскен қаражаттарды есептеуге;

6) жеке тұлғалардың депозиттерін міндетті сақтандыру жолымен және заңнамада көзделген жағдайларда өзге де тәсілдер арқылы қайтаруға міндеттенеді.

Қазақстан Республикасының заңнамасына сәйкес жарғылық капиталды төлегенін растайтын құжат ұсынуы қажет болатын жаңадан құрылған заңды тұлға үшін банктік депозит шарты (шарттылы депозит) негізінде банк уақытша жинақ шотын ашады.

Уақытша жинақ шоты бойынша жаңадан құрылатын заңды тұлғаның жарғылық капиталын қалыптастыруға және оларға банктік депозит шарты бойынша банк көрсететін қызметке ақы төлеуге байланысты операциялар жасалады, сондай-ақ осындай мән-жайлар аталмыш шартта көрсетілуге тиіс.

Уақытша жинақ шотын ашу үшін клиент банкке:

- уақытша жинақ шотын ашу туралы өтінішті;

... жалғасы

Сіз бұл жұмысты біздің қосымшамыз арқылы толығымен тегін көре аласыз.