Кәсіпорындағы маркетингтік қызметті ұйымдастыру туралы

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 89 бет
Таңдаулыға:

Кіріспе

Қазіргі уақытта Қазақстан Республикасының экономикасы түбегейлі жүйелік өзгерістер кезеңнің басынан өткеріп жатыр. Кәсіпорындар мен ұйымдарда басқарудың жаңа жүйесі қалыптасып келе жатқан кезінде негізгі құрамдарының бірі - маркетинг жүйесі. Қазақстанның маркетингінің қалыптасуының қажеттілігі жалпы әлемдік басқарудың теориясы мен практикасының тенденцияларымен анықталады. Қазақстанда маркетинг жүйесінің қалыптасуы бағыттары мен мүмкіндіктерін, шарттарын анықтау мақсатында маркетингтің дамуының теориялық тұжырымдамаларын құру және оның тәжірбиесін талдау маңызды мәселелердің бірі.

Бүгінгі таңда қалыптасқан экономикалық жағдайларда кәсіпорындар алдында тұрған жаңа мәселелерді пайымды шешу маркетинг принциптері мен әдістерін қолдану арқылы жүзеге асады. Осы тұрғыда маркетинг өндіруші көзқарасындағы тиімді шығын мен пайда кезінде сұранысты табу, болжау және оны қанағаттандыруға байланысты тұтынушыға негізделген тауар өндіру және басқару жүйесі ретінде сипатталады.

Қазақстан Республикасында өндірілетін тауарлар мен қызметтердің көпшілігі бойынша тұтынушылар мұқтаждығының қанағаттандырылуы деңгейі әлі де төмен, осы кезде өндіріс құралдары мен жекелей түрлерінің дамуы әр түрлі қарқынды жүруі салдарынан айтарлықтай ішкі салалық және аймақтық диспропорциялардың болуына әкеледі. Қазақстан Республикасы экономикасында болып жатқан құнсыздану үрдісі, жалпы өндірістік қуаттылықтар құнының қымбаттауы, сонымен қатар кәсіпорындардың қалыптасқан қаржылық жағдайындағы өз қоры есебінен дамыту және жаңғырту айтарлықтай ауыртпалықтар туғызады. Осындай көптеген ауыртпалықтарды туғызады. Осындай көптеген ауыртпалықтарды жеңуде маркетинг ғылым, кәсіпкерлік және нақты уақытпен тексерілген тәжірибелік әдістердің қоспасы ретінде рынок шарттарында кәсіпорындардың іс әрекетін жетілдіру мен өндірістік, өткізу, қаржылық және тағы да басқа да сол сияқты кең аумағында көптеген қателіктерден құтылуға көмектесуге қолайлы жағдайлар құратын әмбебап жүйе болып табылады.

Бүгінгі күні маркетингтің әр сипаттағы барлық анықтамалары толықтай тауар рыногымен тығыз байланысты болады және оған қатысты жекелей қолданылу ауқымына қарай тұтынушылық, өнеркәсіп тауарлары және қызметтері аумақтары бөлінеді.

«Қазақстан - 2030» стратегиясы ұсынған стратегиялық мақсаттарға жету экономиканы түбегейлі реформалау жөніндегі терең қылыми зерттеулерді, сонымен қатар отандық компаниялардың іс әрекеттерінде маркетингтің шетелдік тәжірибесін қолдану туралы практикалық ұсыныстар әзірлеу керек деп айтылып кеткен. Ал енді маркетингтің қысқаша мәніне тоқтала кетсек, маркетингтің эвалюциялық даму кезеңі бір ғасырдан асты. Ол ірі ауқымды өндіріс қалыптасып, бәсекелестіктің күрт шиеленіскен жағдайларында өндірісті басқару және өнімді өткізу әдісі ретінде ең алғаш АҚШ - та, содан кейін Еуропа елдерінде пайдаланыла бастады. XX ғасырдың 60 - жылдары маркетинг ғылыми тұрғыдан негізделді және толысқан нарық жағдайында өнімді сатудың тиімді әдісі ретінде кең қолданылды, 70 - жылдары өнеркәсіпте белсенді пайдаланылды, ал 80 - жылдары қызмет көрсету саласына және коммерциялық емес іс - әрекетке де енгізіле бастады. «Маркетинг» ұғымы ағылшынның «market» (нарық) сөзінен шыққан, ал «инг» жалғауы нарық жасаушы немесе нарық аумағындағы қызмет деңгейін сипаттайды. Маркетинг ірі ауқымды өндірістің қалыптасуы және бәсекелестіктің күрт шиеленіскен жағдайында өнімді өндіру мен өткізуді басқарудың әдісі ретінде бөлініп шықты.

Бұл тақырыптың өзектілігі нарықтық экономикада маркетингтің рөлі, яғни кәсіпорындағы маркетингтің рөлін және маркетингтік зерттеулерді талдау, маркетингті қалай ұйымдастыру мен жоспарлау керек екендігін қарастыру. Сондықтан мен маркетинг пәнінен дипломдық жұмысымның тақырыбын « Кәсіпорындағы маркетингтік қызметі ұйымдастыру» деп алдым. Ал мақсаты Қазақстан Республикасындағы маркетингтің қызметін ашу, атқаратын қызметін талдау, «Қазпочта» АҚ - ның құрылымын, оның нарықтағы рөлі мен ерекшеліктерін қарастыру.

Бүгінгі күні Қазпочта құрамында көптеген және кеңінен жайылған желілері бар серпінді дамып келе жатқан, яғни 14 облыстық филиалы, 2 почтамты, 20 қалалық және 155 аудандық почталық байланыс торабы, 532 қалалық және 2756 ауылдық почта байланысы бөлімшесі бар кешен болып табылады.

«Қазпочта» АҚ Қазақстанда жоғарғы технологиялық ақпараттық қоғам құруға қатысушы жетекші мүшелердің бірі. Компания ұжымы сапа мен жеделдікке дағдарлану арқылы Қазақстанның әлеуметтік- эканомикалық дамуына өзінің баға жетпес үлесін қосып келеді. « Қазпочта » АҚ еліміздің шалғай жатқан аудандарын қамтитын ең кең трансфер агенттік желіге ие. Жыл сайын « Қазпочта » АҚ почта байланысы бөлімшелерінде телефон желісіне қосылу және телефон терминалдарын сату жөніндегі өтініштер қабылдау пунктерін ұйымдастыру бойынша компаниялармен әріптестік қарым қатынастарды дамыту арқылы көрсетілген қызметтер кешенін кеңейтуде.

«Қазпочта» АҚ міндеті және миссиясы:негізгі қорларды жаңарту, жаңа және қолданыстағы технологияларды жаңғырту, техникалық қайта жарақтандыру және қолданыстағы жабдықтардың жөндеу пайдалану қызметін көрсететін паркті және почта жинақ жүйесінің объектілерін жақсарту арқылы почта жинақ қызметін көрсету сапасын жоғарылату, халыққа почта жинақ қызметін қол жетерлік етуді қамтамассыз ететін қаржылық механизмдерді құру, іскери белсенділікті өсіруге және шағын мен орташа бизнесті дамытуға қолғабыс болатын қызмет түрлерін кеңейту, пайдаланушылар мен қызметкерлердің қауіпсіздігін қамтамассыз ету үшін жағдай жасайтын, почта қызметін жүзеге асыратын, почта операторына сенілген почта жөнелтілімдерінің, почталық ақша аударымдарының, хат алмасу, почталық және өзге қатынастардың құпиясын, сонымен қатар почта қауіпсіздігінің күзет бөлімшелерін құру арқылы почта операторларының мүліктерін сақтауды қамтамассыз ету, азаматтардың ақпараттарды алуға, таратуға және беруге байланысты конститутциялық құқығын қамтамассыз ету. Қазпочтаның болашақта дамуының негізгі міндеті Қазақстан Республикасын қазіргі технологиялар мен халықаралық ынтымақтастықтың алдынғы нысандары базасында кең ауқымда почталық, қаржылық және агенттік қызмет көрсететін, тиімді жұмыс істейтін почта жинақ жүйесін құру.

«Қазпочта» АҚ мақсаты: почта байланысының инфрақұрылымын жақсарту, қала мен ауыл арасында почта жинақ инфрақұрылымын объектілерімен қамсыздандыру деңгейінде үзілісті қысқарту, ауыл халқы үшін қолжетерлік және почта жинақ жүйесінің базалық қызметтерінің қоғамдық құптауға барарлық сапасын қамтамассыз ету. Дипломдық жұмысымның маңыздылығын үш негізгі тарауға бөліп қарастырдым. Олар:

Бірінші бөлімде: Кәсіпорындағы маркетингтік қызметті ұйымдастырудың теориялық негіздері.

Екінші бөлімде: «Қазпочта» АҚ - ның маркетингтік қызметіне талдау.

Үшінші бөлімде: «Қазпочта» АҚ -ның маркетинг қызметін ұйымдастыруды жетілдіру. Қорытынды, қолданылған әдебиеттер және қосымшалардан тұрады.

1 КӘСІПОРЫНДАҒЫ МАРКЕТИНГТІК ҚЫЗМЕТТІ ҰЙЫМДАСТЫРУДЫҢ ТЕОРИЯЛЫҚ НЕГІЗДЕРІ

1. 1 Кәсіпорындағы маркетингті ұйымдастырудың мәні және оның қағидалары

Маркетингтің ұйымдастыру қызметі - маркетинг бойынша өздеріне жүктелген міндеттер мен қызметтерді орындайтын бөлімдер мен бөлімшелердің жиынтығы. Маркетингті ұйымдастырудың әр түрлі формалары бар, оларды таңдау кәсіпорынның мақсаттары, ресурстары болуы, басқарудың қалыптасқан құрылымы, өндірілген өнімнің, нарықтың және маркетингтік ортаның ерекшеліктері сияқты факторлар әсер етеді. Маркетингті басқару бұл табыс табу - күтпеген кездейсоқ өрістер бөлігін жоғарлату сияқты мекеменің алдына қойған мақсаттарына жету үшін мақсатты сатып алушылармен пайдалы алмастыруды белгілеу, нығайту және қолдау шараларын жолдау, жоспарлау және оларды жүзеге асыруды бақылау.

Маркетингті басқару жүйесінің құрылымы функционалдық немесе жағрафиялық принципке, шығарылатын тауарлар немесе игірілмек нарықтар түріне, тауарлы нарықтық жобаға және басқа әдістерге сәйкестене қалыптастырылады.

Кәсіпорынның өзі микроорта күштерінің бірі болып есептеледі. Кәсіпорынның құрамында оның басшылары, бухгалтериясы, маркетинг, өндіріс материалдық - техникалық жабдықтау, қаржы, жоспарлау және тағы да басқа қызметтермен жұмыс жасайды. Олардың әрқайсысының мақсаты мен міндеті әр түрлі белгіленген.

Кәсіпорынның мақсатына жетуі үшін көп жағдайда үш факторға тәуелді: таңдап алынған стратегияға, маркетинг қызметін ұйымдастыру, құрылымының қандай деңгейде әрекет жасағанына.

Маркетинг басқаруды функционалды ұйымдастырудың мағынасы мынадай: маркетингтің жеке элементтерін іске асыратын бөлімдерді мамандар басқарады, ал барлық жұмысын толығынан басқару және бөлімдердің жұмыстарын үйлестіру фирманың маркетинг - директорына тапсырылады.

Маркетингтік қызметті ұйымдастыру төменде көрсетілген белгілер бойынша құрылады.

Функцияналдық ұйым - тауарлары мен нарық мөлшері аз кәсіпорындарда қолданылады. Бұл қағида еңбектің функцияналдық бөлінуіне негізделген ( 1 - сурет) .

Басқарылатын процестердің мамандануы, кадрлар құзіретінің нақты түрде анықталуы, тауар ассортиментінің аз мөлшерде тұрақты өндірілуі маркетингті ұйымдастырудың осы формасының тиімділігін анықтайды.

1 - сурет - Маркетингті басқарудың функционалдық құрылымы.

Ұйымның мұндай формасы номенклатурасы шектеулі орта және шағын кәсіпорындарға тән.

Функционалдық құрылым қағидасы маркетингтік ұйымдастырудың барлық басқа формалары үшін негіз болып табылады. Фунционалдық ұйымдастырудың мынадай артықшылықтары бар:

Басқарудың қарапайымдылығы
Басқару процестерінің мамандануы мен стандартталуы шешім қабылдау тиімділігін жоғарылатады
Қызметкерлердің кәсіби мамандығының өсуіне әсер етеді
Басқару функцияларында қайталану болмайды

Кәсіпорындағы маркетингті функционалдық ұйымдастырудың кемшіліктері:

Басқару шешімдерін үйлестіруде кездесетін қиыншылықтар
Тауарлар сапасына жеткілікті мән берілмейді
Жаңа енгізулерге жылдам бейімделмейді
Фирманың жалпы мүддесімен салыстырғандағы эгоизм мен жеке мүдделерінің болуы

Маркетингті тауарлық ұйымдастыру - маркетингтік құрылымның бұл түрін қолдану өндіріс пен өткізудің арнайы шарттарын талап ететін өнім ассортименті мен өткізу көлемі үлкен кәсіпорындар үшін тиімді. Тауарлық ұйымдастыруда маркетинг бөлімі тауар немесе тауар тораптары бойынша құрылады. Тауарлық ұйымдастыру функционалдық функционалдық ұйымдастыруға қарағанда, үлкен шығындарды талап етеді. Сондықтан да ұйымдастырудың бұл формасы әр тауардың сату көлемі жұмыс барысында кездесетін ұқсастықтардың шығындарын ақтайтын дамыған елдердегі ірі диверсификацияланған компанияларда таралған. Ұймдастырудың мұндай түнде барлық тауарларға ( мысалы: корпоративтік стратегия ) қатысты жалпы функциялар басқарудың жоғары эшалондарында жүргізіледі.

2 - сурет - Маркетингті басқарудың тауарлық құрылымы.

Маркетингтің тауарлық ұйымдастыру формасының артықшылықтары:

Тауар бойынша маркетинг кешенін оңтайландыру мүмкіндігі
Тауар бойынша туындаған мәселелерді лайықты үйлестіріп, шұғыл әсер етуі
Сыртқы орта жағдайына жақсы бейімделуі

Маркетингтік тауарлық ұйымдастыруының кемшіліктері:

Функцияналдық құрылымымен салыстырғанда едәуір қымбат
Тауар бойынша сарапшы бола тұрып, менеджерлер міндетті қызмет аясын ескермейді.
Тауарлық топ қызметкерлерінің әрі тікелей басшыларына да, әрі функционалдық қызмет басшыларына да екі жақты бағынуы туындаған мәселелерді жедел шешуді қиындатады.

Маркетинг қызметін ұйымдастырудың нарықтық үлесі әр түрлі нарықта тұтынушылардың қалауы бірдей емес, ал тауарлар арнайы қызметті талап ету жағдайында қолданады. Бұл формада маркетинг ұйымдастырылады. Нарық сала ретінде және біртекті тұтынушылар сегментті түрінде де болады. Мысалы, дербес компьютерлер жеке тұтынушыларға, өнеркәсіптік кәсіпорындарға, мемлекеттік мекемелер сияқты бірнеше нарық сегменттерінде сатылуы мүмкін.

Маркетинг қызметін ұйымдастырудың нарықтық үлгісі маркетинг қызметінің тауарлық бейімделу жүйесіне ұқсас. Нарықпен жұмыс жасайтын менеджер өткізу мен басқа да іс әрекеттер бойынша жылдық және келешектегі жоспарларды дайындауға жауап береді. Оның негізгі артықшылығы - фирманың маркетингтік әрекеті нарық сегменттерінің ерекшеліктеріне байланысты құрылады.

Маркетингті нарықтық ұйымдастырудың артықшылықтары:

Өз тұтынушыларының талғамы мен қажеттілігін жақсы білу
Нарық ерекшелігін ескере отырып, сенімді болжау жасау

Кемшіліктері:

Міндетті іс әрекеттің қайталануы
Ұйымдық құрылымның күрделілігі
Тауар ассортиментін нашар білу

Маркетингті географиялық принцип бойынша ұйымдастыру - ірі компаниялар кеңейтілген нарыққа өнім шығарғанда ( ұлттық немесе халықаралық нарыққа) маркетинг қызметі географиялық принцип бойынша ұйымдастырылады. Мұндай құрылымдарды тауарға әр түрлі талап қоятын аймақтарда үлкен өткізу ауданы бар кәсіпорындар қолданады. Оны өткізуді басқаратын басты және оған бағынатын аймақтық басқармалар құру арқылы ұйымдастыруға болады.

Маркетингті ұйымдастырудың бұл түрі бір аймақтағы тұтынушылар қажеттілігінен ерекшеленген жағдайда тиімді болып саналады. Сонымен қатар ол аймақтық нарықта өткізу тәжірибесін тиімді жүзеге асыруға және тұтынушы қажеттілігін аз шығынмен қанағаттандыруға мүмкіндік береді. Мұндай ұйымдастырудың негізгі басымдылықтары - шығындардың аз болуы және өз тұтынушыларымен байланыстың жақсы болуы.

Ал кемшіліктері: қызметтердің қайталануы мен оларды үйлестіру проблемалары.

Маркетингті ұйымдастырудың аралас түрі - көптеген кәсіпорындар өзінің маркетинг бөлімін аралас түрде құрады. Бұл жағдайда функционалды- тауарлық- нарықтық сияқты жоғарыда қарастырылған маркетинг қызметін құру қағидалары негіз болады.

Маркетингті матрицалық ұйымдастыру - кем дегенде екі белгімен негізделеді. Матрицалық құрылымның мысалы ретінде маркетингтік бағдарламаны және функционалды ұйымды немесе менеджмент жобасы мен өнім бойынша басқаруды айтуға болады. Матрицаның әрбір бөлігі екі бөліктен тұрады ( 3- сурет ) .

Маркетингті матрицалық ұйымдастырудың басты артықшылығы - ақпараттың шоғырлануы есебінің қызметтің өте жақсы үйлестірілуі.

Ал кемшіліктеріне орындаушы жауапкершілігінің төмендеуі, құзыретке байланысты дау тартыстар, тәртіпсіздіктер болуы жатады.

Ұйымдық құрылым формасын таңдағанда, кәсіпорын мынадай қағидаларды ескеруі қажет:

Құрылым қарапайымдылығы. Күрделі жүйе басқарудың икемділігі мен жылдамдығын жоғарылатуға әкелуі мүмкін.
Басқару сатыларының аздығы. Басқару шешімдерін шұғыл қабылдауға мүмкіндік беретіндей аз сатылып болуы қажет.
Бөлімшелер арасындағы байланыс жүйелерінің тиімділігі
Орындалатын қызметтердің нақтылығы және өзгерістер кезінде олардың орындалуға ыңғайлылығы.

Қазіргі кезде көптеген қазақстандың өнеркәсіптік кәсіпорындарда, коммерциялық және кәсіпкерлік құрылымдарда, банктерде негізінен маркетинг бөлімдері функционалдық белгі бойынша құрылған.

3 - сурет - Маркетингті басқарудың матрицалық құрылымы.

Кәсіпорын қызметін тиімді ұйымдастыру үшін сәйкес маркетинг бөлімін құру жеткіліксіз. Алдымен оны жоғары білікті және құзырлы маркетинг мамандармен жабдықтау қажет. Олар зерделі, құзырлы, тіл тапқыш, болашақтағы жағдайды болжай білетін, дұрыс шешім қабылдай алатын, жаңашылдыққа, қарқынды өсуге ұмтылатын және дау дамайды баса білетін мамандар болуы қажет. Мысалы: «Қазпочта» АҚ -ң маркетингті басқарудың ұйымдық құрылымын келтірейік.

4 - сурет - « Қазпочта» АҚ-ң маркетингті басқаруының ұйымдық құрылымы.

Маркетинг мәселелері тек қана экономиканы ғана емес, сондай - ақ психология мен әлеуметтану аумағын да қамтиды. Сондықтан да маркетинг бойынша маман мәдениетті, адамгершілігі мол және тиянақты болуы қажет.

Маркетинг саласындағы ірі мамандардың бірі П. Друкер «Маркетинг маманның өндіріс цикілінің соңына емес, басына қою керек, маркетинг бизнестің әр кезеңіне бірігіп, кірігуі қажет» деп атайды.

Кәсіпорында жаңа тауарды шығарудан бастап, тұтынушыға өткізуге дейінгі барлық маркетинг кешенінің функцияларын орындайтын маркетингті басқару құрылымын құру қажет. Бұл құрылым кәсіпорын қызметінің тиімділігіне бағытталып, ары қарай қарыштап дамуына жағдай жасауы қажет. [4, 62 б]

Қазіргі кәсіпорынның маркетингі көп мақсатты мінез - құлықтан тұрады. Стратегиялық мақсаттарды жетумен бірге көптеген ағымды және оперативті шешімдерді шешу керек. Экономикалық проблемалардан басқа әлеуметтік, ұйымдастырушылық, ғылыми - техникалық проблемалардан басқа күтпеген жағдайда шешім қабылдау қажет. Маркетингтің мақсаттары келесі жүйелік 5 - суретте көрсетілген, мақсаттардың белгілері бойынша жіктелуі. Маркетингтік мақсаттардың жіктелуі мақсаттарды жобалауды нақтылау және сәйкесінше әдістер мен жүйені қолдану. Маркетингтің мақсаттары әртүрлі және олардың саны көп. Кәсіпорынның меншік түріне, формасына, масштабына қарамастан оның құрамына жүйелі түрде анықтамай жұмыс жасай алмайды. Кәсіпорында шаруашылық дамудың бағыттарының стратегиялық құрамы және оның бәсекеге қабілеттілікті құру бағдарламасының қамтамассыз етілуінің рөлі бесінші суретте көрсетілген. Егер де кәсіпорын нақты даму мақсаттарын анықтамаса, осы мақсатқа жетудің жолдарын қарастырмаса, ол нарықтық экономикада өз қызметін жүргізе алмайды.

5 -сурет - Кәсіпорынныі маркетингтік мақсаттарының жүйесі.

Маркетингті қайта құру біріншіден, ескі маркетингтік тәсілдерден жаңа тәсілдерге бір қалыпты өтуді, екіншіден, маркетингті қайта құру үшін бірнеше жағдайларды атап өтуге жөн. Соның қатарында:

Фирмаға жаңа маркетингтік және ұйымдастырушылық әдістерді енгізу үшін алдын - ала анализ жасау.
Қайта құрудың әдісі мақсатталған бағдарламаның жасалуы.
Осы бағдарламаны басқару үшін құрылымды құру.
Қайта құруды түзету үшін басқарудың әдістері мен факторларын қалыптастыру.

Жаңалықты енгізудегі кәсіпорынның қаржылық, материалдық және еңбектің ресурстардың бар болуы мен қатар оның жолында негізгі ұйымдық және психологиялық барьерларды анықтау маңызды. Ұйымдастырушылық жоспарда мынандай кедергілер болуы мүмкін:

Бөлімшелер арасындағы конфликт
Бөлімшелер арасында коммуникацияның жақсы дамымағандағы
Ұйымдастырушылық жұмыстарға жаңа талаптар мен қалыптасқан ынталандыру жүйесі арасында қайшылықтар
Не болса да қалыптасқан қарым қатынасты сақтап қалу

Барлық барьерлердің ішінен мамандар жоғарғы басқарушылық кәсіпорындағы маркетингтің жаңа әдістеріне көп мән береді. Жаңалықты енгізгенде басшылардың көмегі маңызды ал жаңартпашылықтарды енгізгенде кәсіпорын басшылары жағынан көңіл бөлінгенін талап етеді. Маркетингтегі жаңалық жауапкершілік пен өкілеттілікті қайта тағайындауды, шешім қабылдау процедураларын өзгертеді.

Нарық сегментін талдау - маркетинг тұрғысынан қарағанда рыноктар бір біріне ұқсамайтын әрбір рынокта ерекше тұтынушылардан тұрады. Ал коммерциялық әрекет табысты болуы үшін тұтынушылардың әр түрлі категориясының айрықша талабын есепке алу керек. Міне, осы рынокты сегменттеудің негізі болады.

Сонымен рынокты сегменттеу дегеніміз - рыноктағы тұтынушыларды әртүрлі топтарға бөлу жіне әр топтың талабына сай жеке тауар мен оның маркетинг кешенін ұсыну болады. Рынокты сегменттеу ұғымын тұңғыш рет елуінші жылдары Смит Уэнделл пайдаланды және бұл тәсіл жалпы маркетинг статегиясы ретінде ұсынылады. Сегменттеудің мақсаты өндірісте жетілген және өткізетін тауарға нақтылы сатып алушыны қамтамассыз ету болып табылады. Маркетинг іс- тәжірибесінде рынокты сегменттеу арқылы кәсіпорын мынандай нәтижелерге ие болады:

Тұтынушылардың әртүрлі тауарға деген қажеттілігін қанағаттандыру деңгейі максималды дәрежеге жеткізу
Фирманың тауарды өңдеуге, өндіруге, өткізуге кеткен шығындарды ұтымды және үйлесімді болуын қамтамассыз етеді
Әлуетті тұтынушылардың іс - әрекетін айқындап, талдау негізінде қолайлы маркетинг стратегиясын жасауға көмектеседі
Тауардың, кәсіпорынның бәсекеге қабілетін жоғарлатуды қамтамассыз етеді.
Бұрын басқа кәсіпорындар ескермеген жаңа рынок сегментіне шығу арқылы бәсекелестік күресті жоюға немесе төмендетуге мүмкіндік береді. Бұл бәсекеге кететін шығындарды азайтады.

Нарық нишасын анықтау - кәсіпорынның коммерциялық табысы өзінің нарығын табумен ғана емес, сонымен бірге бос орынды (рыноктық ниша) табумен байланысты, яғни кәсіпорынның бәсекелестік артықшылығын жүзеге асыруға мүмкіндік беретін нақты тұтынушылары бар әрекет өрісі. Нишаның көлемі тұтынушылар сегментінің масштабымен анықталады, яғни осы сегментті құрайтын потенциялды сатып алушылардың санымен және сатып алу бейімділік факторымен. Басқаша айтқанда нақты сегменттің ішінен сатып алушылар тауар ассортиментінің ішіндегі өнімге қанша тауарды тұтынатыны анықталады. Нарықтың нишасының сиымдылығы келесі формула арқылы есептеуге болады:

(1)

ЕР = X*П*У немесе ЕР = Х*Н

Мұнда:

ЕР - i - ші тұтынушылық сегменттің нарық сиымдылығы j -ші тауарлық секторына қолдану.

X - i- ші тұтынушылық сегментте мүмкін болатын тұтынушылардың саны.

П - i-ші тұтынушылық сегментте орташа сатып алушылық қаржылық потенциалы.

У - j-ші тауарлық сектордың өнімін сатып алуға мүмкін болатын i-ші сегменттің шығындар деңгейі.

Н - j-ші тауарлық сектор бойынша i- ші сегменттің бір бірлікке нақты сатып алынатын тауарлар саны.

Егер j-ші тауарлық сектор бойынша барлық тұтынушылық сегменттердің көлемін қоссақ, j- ші тауарлық сектордың (ЕР) нарықтық сиымдылығы болады:

ЕР = ∑ X*H (2)

Жалпы нарық сиымдылықта (dn) әрбір нишаның бөлігі келесідей анықталады:

Dn = EP / EP (3)

Ниша вертикалды және горизонтальды болуы мүмкін (немесе олардың қосылуы) . Вертикальды нишаға бағытталған маркетинг бір немесе ұқсас тауар ассортименті бойынша тұтынушылар тобын қажеттілігін қанағаттандыру. Горизонтальды нишаға бағытталған маркетинг әртүрлі тауар ассортименті бойынша бір немесе ұқсас тұтынушылар тобының қажеттіліктерін қанағаттандыруға бағытталған. Ол мақсатты түрде тұтынушылар үшін қызмет және тауар ассортиментін ұлғайтуды көздейді, олардың арасында тығыз байланыс бар болуын ескеріп.

1. 2 Кәсіпорындағы маркетингтік қызметті ұйымдастырудың ерекшеліктері

... жалғасы

Сіз бұл жұмысты біздің қосымшамыз арқылы толығымен тегін көре аласыз.