Нарық қатынаста салық жүйесі

Пән: Салық
Жұмыс түрі: Дипломдық жұмыс
Тегін: Антиплагиат
Көлемі: 64 бет
Таңдаулыға:

МАЗМҰНЫ

Кіріспе . . . 3

І ТАРАУ Салықтар, оның жүйесі және әлеуміеттік экономикалық мәні

Қазақстан Республикасының салық туралы заңның дамуы……. . 8
Салық мәні және мазмұны. 22
Салық олардың әлеуметтік экономикалық мәні. . 30
Қазақстан Республикасының салық жүйесі. 33

ІІ ТАРАУ Нарық қатынаста салық жүйесі

2. 1 Заңды тұлғалардан алынатын табыс салығының облыстық бюджеттегі үлес салмағын талдау . . . ……40

2. 2 Іс-әрекет түрлері бойынша жеке тұлғалардан бюджетке түсетін салық . . 48

2. 3 Салықтық заңдылықтарды бұзғаны үшін қылмыстық

жауапкершілік . 57

2. 4 Салықтық заңдылықтарды бұзғаны үшін әкімшілік

жауапкершілік . . 62

ІІІ ТАРАУ Салық төлемдер мен салық органдарының өзара қарым-қатынастарының құқықтық негіздері

3. 1 Кеден органдарының салықтар алу жөніндегі өкілеттігі. 75

3. 2 Салық жүйесін тұтастай автоматтандыру жаңа мың жылдыққа жасалатын нақты қадам. . 85

3. 3 Салық төлеушілер мен мекемелері арасындағы қарым-қатынастың құқықтық негізін жетілдіру мәселелері

ҚОРЫТЫНДЫ. . 96

ПАЙДАЛАНҒАН ӘДЕБИЕТТЕР. . 98

Кіріспе

Мемлекеттік бюджет түсімдерінің ең басты көзі - салықтар. Өнеркәсібі дамыған елдердің бюджетіндегі салықтардың үлесі 90 пайызды құрайды. Салықтың негізгі түрлеріне табыс салығы, одан басқа қоғамның құқықты мүшелерінің табыстарына, корпорация пайдаларына салынатын салықтар жатады. Өндірістік бірлестіктер, кәсіпорындар, капитал иелері өздері жариялаған мәлімдемелері бойынша салық төлейді.

Салық мәлімдемесі салық төлеушілердің өз табыстарының мөлшері туралы хабары, ал жалдамалы еңбек адамдарынан салық жалақы төлегенде ұсталады.

Табыс салығын алу белгілі бір төменгі деңгейден басталады. Номиналдық табыстың ұлғаюына сәйкес табыс салығын өсірудің базасы жасалады, салық төлеушілердің саны артады, мемлекеттің шоғырландырылған жалпы қаржы-қаражаттары көбейеді. Салық салудың нормасы - салық ставкасы объектінің бір өлшеміне салынған мөлшері. Салық ставкаларының көптеген түрлері бар. Егер табыстың көлеміне байланыссыз салық төлеудің бірыңғай пайызды тағайындалса, олар пропорциялы ставкалар болады. Егер ставкалар табыстың өсуімен көбейсе, онда прогрессивті, үдемелі ставкалар болғаны. Салық салудың тәжірибесінде бір объектіге (мысалы, көлікке) оның құнына қарамастан салынатын қатаң ставкалар кездеседі.

Салық салу жүйесінің басты буыны - бірінші дүниежүзілік соғыс кезінде пайда болған корпорациядан алынатын салық. Салық акционерлік қоғамның таза пайдасынан алынады, яғни жалпы пайдадан басқаларды шегергеннен кейін, мысалы, жедел амортизация, табиғи кендердің азаюы, қайырымдылық қоры төлемдері және тағы басқа шығындар. Көптеген елдерде корпорация пайдаларына салық, салу ставка пропорциялары арқылы жүреді.

Салық салу тарихында жоғары пайдаға салық салу деген де бар. Ол пайданың белгілі мөлшерден артық болуына байланысты салынады. Мұндай шара әдетте төтенше жағдайларда, соғыс , экономикалық күйзеліс кездерінде қолданылады. Табыс салығының қатарына мүлік салығы капиталды пайдаланумен байланысты атқарылған істер салығы да жатады. Бірінші жағдайда салық мүліктің құнына қарай (жер, құрылыс) әрбір адамнан және заңды тұлғалардан алынады.

Капитал иесінен алынатын салық корпорациялардың бағалы қағаздарды сату, сатып алуынан түскен табыстардан алынады.

Тікелей табыс салықтарымен қатар жанама салықтар да маңызды рөл атқарады. Олар тауарлар немесе қызмет көрсету бағаларына қосылады. Бұл салықты тауарды тұтынушылар (сатып алушылар) төлейді. Қаржы ресурстарын бюджетке шоғырландырудың басты құралы тікелей салықтар, алайда жанама салықтардың да рөлі кеміген жоқ.

Жанама салықтар бугінде үш түрге бөлінеді: акциздер, фискалды, монопольді салықтар және кеден салығы. Бұлардың ішіндегі ең бастысы - акциздер. Олар тауар бағаларына немесе қызмет көрсету тарифтеріне қосылады. Әрбір елдің ерекшеліктеріне қарай акциздер халық тұтынатын тауарларға, транспорт, байланыс, тұрмыстық қызмет көрсету турлеріне салынады. Қазіргі кезде акциздің бір түрі - қосымша құнға салынады.

Фискалды (монопольді) салық - мемлекеттің монопольді өндіретін тауарларына салынатын жанама салық. Нақты елдердің ерекшеліктеріне қарай бұлардың қатарында темекі бұйымдары, алкогольдік ішімдіктер, сусындар, тұз және тағы басқа заттар болуы мүмкін. Фискалды (монопольді) салықтың түсімдері әдетте мемлекеттік бюджетке, біраз бөлігі, жергілікті үкіметтің бюджетіне түседі.

Жанама салықтың қатарында кеден, баж алымдары жатады. Олар тауарларды мемлекеттік шекарадан әрі - бері алып өткенде төленетін салықтар. Қазіргі кезеңде, әсіресе шет елдер тауарларынан алынатын кеден салығының маңызы зор. Кеден салығының механизмі арқылы мемлекет белгілі тауарлардың шеттен әкелінуін тежеп, өзінің ішкі рыногын шетелдік бәсекеден қорғайды. Қазіргі мемлекеттердің финанс жүйесінде маңызды рөлді орталық үкіметтің салықтарымен қатар, жергілікті жерлердің салықтары да атқарады. Олардың ішіндегі ең бастылары: меншік салықтары, әр түрлі жанама салықтар (темекі, ішімдікке, жанармайға және т. б. ) .

Жергілікті әкімшіліктің қажеттіктерін өтеуге өз салықтары жетіспегендіктен көптеген елдерде орталық үкіметтің жергілікті органдарға субвенция (көмек) беруі үшін белгілі сомалар бөлінеді. Жалпы, өзінің табиғаты жағынан субвенция дегеніміз - орталық үкіметке түсетін салықтың бір бөлігі, ол жергілікті бюджетке бөлініп беріледі.

Бұл дипломдық жұмыстың өзегі болып салықтық заңдылықтарды бұзғаны үшін қылмыстық және әкімшілік құқық бұзушылық алынып отыр.

Қазақстан өз алдына егемендік алған соңғы 13 жылда осы салық жүйесі бойынша бірнеше деген үлкен заңдар қабылданды. Атап айтқанда 12 маусым 2001 жылғы “Салық және бюджетке төленетін басқада да міндетті төлемдер туралы” Қазақстан Республикасының кодексі қабылданды. 16 шілде 1997 жылы Қазақстан Республикасының қылмыстық кодексі қабылданып онда салық заңдылықтарын бұзғаны үшін арнайы баптар, 30 қантар 2001 жылы Қазақстан Республикасының әкімшілік құқық бұзушылық туралы кодексі қабылданып ондада салық заңдылықтарын бұзғаны үшін арнайы баптар кіргізілді.

1-ТАРАУ. СалыҚтар, оныҢ жҮйесі жӘне Әлеуметтік - экономикалыҚ мӘні

1. 1. Қазақстан Республикасының салық туралы заңның дамуы

Салық мемлекеттік бюджет кірісінің негзгі көзі ретінде мемлекеттің әлеуметтік-бағдарламасын орындауда маңызы зор. Сонымен бірге салық жаңадан құрылған қосымша құнды алудың тәсілі ретінде салық төлеушілердің қаржылық күйіне шешуші әсер жасайды. Сондықтан да бұл мақала салық мәселеріне және салық қызметі органдарының жұмыс көкжиектеріне арналған.

Салық заңын реформалау кезінде біз басты міндетімізге қазіргі салық жүйесін ықшамдауды, салық төлеушілермен әділ қарым-қатынастарды ендіруді алдық, сөйтіп тауар өндірушілер өндірісті инвестендіруге жеткілікті сомадағы қаржы ресурстарын бағыттауға қажетті мүмкіндікке ие болды. Сондай-ақ әділеттік қағидасын қамтамасыз ету мақсатымен көптеген, тіпті еш негізделмеген жеңілдіктер қайта қарастырылды. Қабылданған Салық кодексінің қимылын зерттеу стратегиялық жоспар бойынша есептеулердің ақтайтынын көрсетті. Біз болжаған бюджет жоғалтулары Салық кодексіне ескерілген қосымша шығындармен жабылады.

Республикада жаңа салық заңын дайындау жөнінде жұмыс басталды. Бұл Қазақстан Республика Президентінің заң күші бар “Салық және бюджетке басқа да міндетті төлемдер туралы”

“Салық және бюджетке басқа да міндетті төлемдер туралы” Жарлығымен аяқ талды. Осы жаңа заңның ережелері 2001 жылдың 12 маусымнан бастап күшіне енді. Ол бұрынғы нақты өмір мен туындай бастаған қарым-қатынастардың талаптарына жауап бермейтін салық заңын түбегейлі түрде реформаларды.

Жаңа салық заңының негізгі мақсаты шаруашылық субъектілеріне салық ауыртпалығын азайтуды қамтамасыз ету болатын. Бұл жағдайға сан алуан мақсаттық қорларға қаржыларды таратуды қысқарту, сондай-ақ өз күшіндегі салық санын кеміту жолымен қол жеткізілді.

Мәселен, қазіргі кезде өнімнің (жұмыстың, қызмет көрсетудің) өзіндік құнының 5 пайыз мөлшерін құрайтын Қазақстан Республикасының экономикасын түрлендіру қорына, кәсіпорынның қарамағында қалатын пайданың 1 пайызын құрайтын кәсіпкерлік пен бәсекелесиікті дамытуды қолдайтын қорға, мөлшерлері аймақтарға байланысты жалақы қорының 5-тен 20 пайызға дейін құрайтын қалалық жолаушы көлігін ұстауға арналған шығындар жойылды.

Жаңа салық заңы салықтың бұрынғы 45 түрінің орнына 11 түрін анықтап енгізді.

Салық ауыртпалығын азайту жоғарыда көрсетілген себептерден басқа сондай-ақ салық салудың халықаралық принциптеріне жақындаған салық салынатын кірісті анықтау тәртібін өзгерту арқылы қамтамасыз етіледі. Салық салынатын жатқызудың қазіргі жүйесі кәсіпорындарды олардың қызметіне байланысты шығындарының жекелеген түрлерінің өзіндік құнына жатқызуға мүмкіндік бермеді.

Жаңа салық заңына сәйкес салық салынатын кіріс жылдық жиынтық кірістен осы кірісті шығарумен байланысты барлық шығындарды алып тастау жолымен табылады, сөйтіп шынайы салық базасы анықталады.

Салық салу тәртібін жүйелеу, қазіргі салықтардың тұрақтылығы және мемлекеттегі салықтық құқық қарым-қатынастарын реттейтін біртұтас заңның болуы барлық салық төлеушілердің мемлекет бюджетіне қанша және қашан төлеуін білудің негізін жасады. Мұндай заңдық норма салық төлеуші мен салық заңын сақтауды және мемлекет алдында салықтық міндеттемелердің түсуін қамтамасыз ететін салық органдарының қарым-қатынастарын мүлдем жеңілдетуге мүмкіндік береді.

Ақыр аяғында жаңа салық заңы ережелерінің ескіге қарағанда табыс есебінен салықтарды алу пайызын орташа есеппен 20 тармаққа дейін төмендетуге мүмкіндік жасайтынын атап айтқан жөн. Сондай-ақ мұнда Салық кодексін жасақтауға бұрынғы шақырылған депутаттар, Қазақстан өнеркәсіпшілер одағының, Қазақстан Президенті жанындағы кәсіпкерлер кеңесінің өкілдері, бірқатар ірі және шағын кәсіпорындардың басшылары мен бас есепшілерінің ат салысқанын атап өткен орынды. Салық кодексінің сан алуан ережелерін дайындаумен бірге олар нақты кәсіпорындарға негізіліп, нәтижелері қорытындыланып жатты.

Жаңа салық заңының ережелеріне егжей - тегжейлі тоқтамай-ақ олардың кейбіріне, яғни шаруашылық субъектілерінің қаржылық-шаруашылық қызметін жасақтауға мүмкіндік беретіндеріне тоқталып өтейік.

Тауарлық - материалдық құндылықтардың толық бағаланған сомасын қаржылық-шаруашылық қызметтің нәтижелеріне жатқызудың бұрынғы тәртібіне қарағанда жаңа заңда толық бағаланған соманы салық салынатын кірісте ескермей-ақ өзіндік айналым қаражатын толтыруға жұмсауға рұқсат етіледі.

Жаңа заңда сонымен бірге кәсіпорынды негізгі қорды жаңартуға ынталандыру мақсатымен амортизацияның үдетілген нормалары қарастырылады. Мұнда кәсіпорындарға өздерінің қарауы бойынша жаңа технологиялық жабдықтың үш жыл пайдаланғанынан кейін құңын толық алып тастауға мүмкіндік беретін мүлдем жаңа норма енгізілген.

Импорттық тауарлардың қосымша құнына салықты ендірумен бірге оны кедендік тіркеу кезінде дер кезінде төлеу мәселесі туындады. Бұл жағдай бойынша өнеркәсіптік өңдеуге арналған импорт тауарлары бойынша мәселе шешілді - оларға үш айға дейін мерзім ұзартылды.

Ал, қазіргі кезеңде кедендік тіркеу сәтінде автоматты түрде есепке алу жолымен импорттық жабдық пен дәрі-дәрмектерге қосымша құн салығын төлемеуге мүмкіндік беретін механизм өз күшінде.

Бас салық инспекциясы өз қызметінің басты міндетіне барлық салық төлеушілерге, Қазақстанның барлық тұрғындарына жаңа салық заңы мен салықтар бойынша нормативтік актілерді жеткізуді жатқызады. Бұл бір күндік емес, ұзақ жұмыс, салық жұмыскерлерін ресми парыздарынан аландауына мәжбүр етеді. Ең алдымен біреуді оқытпас бұрын өзің оқу жүйесін мықтап білуің қажет. Осыған байланысты Бас салық инспекциясының осы жұмыскерлерімен салық төлеушілер арасында және салық қызметінің лезді жұмысқерлерін оқыту бойынша кең көлемде түсіндіру жұмыстары жүргізілді. Жер - жерден салалық семинарлардан басқа Алматыда салық салу мәселерімен тікелей айналысатын барлық аймақтар жұмыскерлерімен апталық семинар өткізілді. 3 мың маман оқытылып шығарылды. Іс жүзінде барлық салаларды қызметкерлерімен салық заңын түсіндіру бойынша семинарлар жүргізілді, әрбір территориялық - әкімшілік бөлікте салық төлеушілермен семинарлар өткізілді, біздің мәлімет бойынша семинарларға барлығы шамамен 300 мың салық төлеушілер қатысты. Тұтастай алғанда республика бойынша 2, 5 мың семинар-кеңес өткізіліп, баспасөзде 1900 материал мен мақала жарияланған, ал радио мен теледидар бойынша 1766 рет әңгіме-дүкен ұйымдастырылған. Бұнда басқа барлық салық инспекцияларында телефондар анықталынып, солар бойынша салық төлеушілерге салық заңының мәселелері жөнінде жауаптар берілді.

Іс жүзінде Бас салық инспекциясының барлық басшылық құрамы радио және теледидар арқылы сөйледі, оның үстіне хабарлар тікелей эфир арқылы қазақ және орыс тілдерінде жүргізілді.

Салық кодексі енгізілгеннен бастап бугінгі күнге дейін оған ілеспелі нормативтік құжаттар дайындау жөнінде қызу жұмыстар істелінуде, 10 нұсқаунама әзірленіп шығарылды.

Қазақстан Республикасының ұкіметі 17 қаулы қабылдады, атап айтқанда:

- Қазақстан Республикасының территориясында акциздік салық маркаларын (ен-таңба) енгізу және ен-таңбалауға жататын акциздік тауарларды сату жөнінде;

- ауыл шаруашылығы өнімдерін өндірушілер көлік құралдарына салық төлеуден босатылу үшін арнаулы ауыл шаруашылық техника тізбегін бекіту жөнінде;

- салық төлеуші - заңды тұлғаның салықтар және бюджетке басқа да міндетті төлемдері бойынша мемлекет алдындағы келешегіне байланысты салық қызметті органдары тәркілеген оның мүлкін сату үшін арнайы ашық аукцион өткізудің тәртібі мен шарттары жөніндегі Ережені бекіту туралы;

- Қазақсган Республикасының базарларында тауарларды өткізу құқығы үшін салық жинау туралы;

- импорттық акцизді тауарларға акциз мөлшерлемесі және жеке тұлғалардың Қазақстан Республикасының кедендік бекетінен акциз салық салынбайтын акциздік тауарларды өткізу нормасы туралы;

- Қазақстан Республикасы Министрлер Кабинетінің 1995 жылғы 13 шілдедегі заңды тұлғаларды мемлекеттік тіркеу үшін салық төлеу бойынша Ережені бекіту жөніндегі 960 қаулысына өзгертулер мен толықтырулар енгізу туралы;

- Қазақстан Республикасында шығарылған акциздік тауарларға және ойын-сауық бизнесіне акциз мөлшерлемесі туралы;

- Қазақстан Республикасы Министрлер Кабинетінің 1995 жылғы 14 шілдедегі 974 қаулысына өзгертулер мен толықтырулар енгізу туралы.

Бұрындағы жылдың 21 желтоқсанында салык заңына қатысты Қазақстан Республикасы Президентінің заң күші бар «Қазақстан Республикасының кейбір заң актілері мен Қазақстан Республикасы Президентінің жарлықтарына өзгертулер мен толықтырулар туралың Жарлығы қабылданды.

Бұл заң елімізде қалыптасқан экономикалық ахуалды ескеретін жекелеген ережелерді, сондай-ақ Қазақстан Республикасы ұкіметі мен Президентінің құзырында қабылдаған жекелеген шешімдерін заңды түрде бекіту мақсатымен қабылданды.

Республикалық бюджетінде зейнетақы, жәрдемақы және басқа да әлеуметтік төлемдерді есептеу үшін жаңа көрсеткішті қабылдауға байланысты салық заңына мөлшері кезекті жылдың республикалық бюджетінде немесе басқа нормативтік құқық актісінде тағайындалатын есептік көрсеткішке салықты есептеу үшін ең төменгі жалақыны ауыстыру көрсеткіші бойынша тиісті түзетулер енгізілді.

Көптеген банктердің ауыр қаржылық күйін ескере отырып және тезірек олардың қаз тұрып кетуі үшін оларға салық заңында қарастырылған шектеулі көлемдердің орнына Қазақстан Республикасының Қаржы министрлігімен келісім бойынша Қазақстан Республикасы ұлттық банкісі тағайындаған мөлшерде күдікті және сенімсіз қарыздырға қарсы провизиялармен айырма есеп жасау құқысы берілді.

Көлік жолдарын пайдаланушылардың жылдың жиынтық кірісінен есеп айыру бөлігі бойынша заң тағайындаған айырма есеп тізбесі пысықталынды.

Өзгертулерде өндірісте тікелей қолданылатын технологиялық жабдық құнын үш жыл өткеннен кейін айырмалау тәртібі пысықталынды.

Арнаулы экономикалық аймақтарға инвестицияларды ынталандыру, осындай аймақтарда құру және кеңейту мақсатымен арнаулы экономикалық аймақ территориясында тіркелініп және қызмет атқаратын заңды тұлғалар кірістері үшін 20 пайыз көлемінде салықтың жеңілдік мөлшерлемесі тағайындалынды.

Қосымша табыс салығы бойынша мынадай жеңілдіктер енгізілді.

Ақмола қаласының инфрақұрылым дамытуға инвестицияларды ынталандыру мақсатымен кәсіпкерлік қызметпен айналысатын заңды және жеке тұлғалар үшін кіріс салығының 10 пайызынан аспайтын қаражат «Жаңа астанаң атты бюджеттен тыс қорға, Ақмола қаласында тұрғын үй салуға жұмсалған қаржы сомасына кеп құйылады және мақсатты міндетпен сол жылы нақты түрде пайдаланылады.

Сондай-ақ 1996 жылдың қаңтарында Салық кодексіне Қазақстан Республикасының ұкіметі анықтаған ұйымдарды заңды тұлғалардың табыс салығы, жер салығы мен мүлік-салығы төлемінен босату туралы толықтырулар енгізілді. Бұл ұйымдарға сонымен бірге Ақмола қаласында құрылыспен байланысты қызмет мерзімі бес жылдан артпайтын шетелдік қатысуымен құрылған мекемелер кіреді.

Күшіне енген салық заңы жеке тұлғаларды табыстарынан 1997 жылдың 1 қаңтарына дейін олардың салымдары бойынша банктер төлейтін пайыздармен салық төлеуден босату қарастырылған. Қазіргі заң тұрғындардың банктерге Норвегия, Моңғолия, Финляндия, Болгария, Оңтүстік Корея, Беларусь. .

Жеке кәсіпкерлікке салық салуды жетілдіру ісіндегі маңызды қадамның бірі - кәсіпкерлік қызметпен шұғылданатын жеке тұлғалардың патенттеуге көшуі.

Бұл тәртіп азаматтардың заңды тұлға құрмай-ақ сатып алған патенті негізінде кәсіпкерлік қызметін атқаруға болатынын қарастырады. Ал бұл кәсіпкер ретінде мемлекеттік тіркеу жөнінде куәлігі және лицензиясы болып табылады.

Салық қызметі органдарының кәсіпкерлік қызметпен айналысатын жеке тұлғаларға патенттер беру тәртібі туралы Қазақстан Республикасы ұкіметінің 1995 жылғы 16 тамыздағы қаулысымен бекіткен Ережесінде аталмыш қызметпен айналысқысы келген азаматтар тұрақты тұратын жері бойынша салық инепекциясына патент беру және салықтық тіркеуге салық төлеуші ретінде кезекке қою туралы өтініш беретіні көрсетілген. Салық инспекциясы келіп түскен өтінішті 10 күн мерзім ішінде қарауға тиіс.

Патент бір салық жылына жарайды деп есептелінеді. Әгәри лицензияларда мерзім бір жылдан кем болып көрсетілсе (егер қызмет лицензиялауға лайық болса) патент осы лицезияның іс мерзіміне беріледі.

Патент бөтендік бола алмайды, оны басқа адамдарға беруге тыйым салынады. Кәсіпкерлік қызметті атқару құқысына патенттерді сатып алған адамдар алған табыстары туралы декларация толтырмайды, соған сәйкес табыс салығының нақтылы көлемінің есебінен және оны бюджетке төлеуден босатылады.

Патент үшін төлем көлемін облыс (Алматы қаласы) бойынша салық инспекциясы адамдардың кәсіпкер ретінде жұмыс істегендегі жылдық кіріс сомасы мен өндірістік шығындар сомасы жөніндегі облыс (Алматы қаласы) бойынша орташа мәліметтермен жасақтайды.

Осыған ұқсас патент негізінде салық төлеу жөнінде жұмыс қазіргі кезде шағын кәсіпорындарда, қызмет көрсету аясындағы және басым түрде қолма-қол ақшамен жұмыс істейтін немесе шектеулі жұмыскерлер бар кәсіпорындарда жүргізілуде.

Бұл жұмыс аяқталуға жақын. Осынау ереженің шаруашылық субъектілеріне әсерін зерттеу үшін оны бір аймақтың шеңберінде жұмыс істеткізіп көру туралы шешім қабылданды. Мұндай іс-тәжірибе қабылданатын ереженің әлсіз және оны сәйкестендіруге мүмкіндік береді.

Осы тәртіп анағұрлым жетілген болуы үшін кәсіпкерлік қызметтің мүдделі субъектілері өздерінің ұсыныстары мен тілектерін айтқаны лазым. Салық төлеішілер мен салық органдары болашақта бірлесе отырып жұмыс істескенде, салық салу жүйесінде ебедейсіздіктер мен бұрыс шешімдерге жол бермеуге, өзара тиімді мәселелерін өтене түсінуіне мүмкіндік туар еді.

Салық салу мақсатында есептеу әдісі қабылданған кезден бастап алғаш рет заң щығарушы өнеркәсіп пен қызмет көрсетулердің аталған салаларында жұмыс істейтін кәсіпорындарға салық салу мақсаттарында аралас есептеу әдісін: кассалық және есептеу әдісін жүзеге асыру құқығын бекітіп берді. Сатқан кезден бастап рұқсат етілген 60 және 90 күн салық салу ауыртпалығын біраз жеңілдетуге мүмкіндік береді. Нөлдік ставка бойынша салық салынатын айналым тізбесіне тоқыма, тігін, былғары аяқ киім өнеркәсібі салаларының өнімін өткізу жөніндегі айналым енгізілген.

Аталған салалардың нөлдік ставка бойынша салық салынатын айналымы салық төлеушілерге сатып алынған материалдар, шикізат, қызмет көрсетулер бойынша қосылған құнға салынатын салықты өтеуге мүмкіндік береді, бұған сыртқы сауда келісім-шарты бойынша айналым мақсаттары үшін халықаралық шарттарға қатысушы елдерден солар бойынша қосылған құнға салынатын салық ескерілетін бағалар бойынша өзара есеп айырысулар көзделетін жағдайлар кірмейді.

Жер ауыл шаруашылық өнімін өндірудің негізгі құралы болып табылатын, сондай-ақ өздері өндірген ауыл шаруашылық өнімін ұқсатушы ауыл шаруашылық өндірісшілері едәуір салық жеңілдіктеріне ие болды. Салық төлеушілердің бұл санатының бірыңғай жер салығын төлеуге құқығы бар.

Ауыл шаруашылық өнімін өндірудің негізгі құралы жер болып табылатын немесе қызметі ауыл шаруашылық өнімін өндіру үшін жерді пайдаланумен байланысты, сондай-ақ өздері өндірген ауыл шаруашылық өнімін ұқсатушы заңды тұлғалар Әр Қаржы министрлігімен келісе отырып, Әр Мемлекеттік кіріс министрлігі белгілейтін тәртіп бойынша патент негізінде салықтар төлей алады.

Патенттің құнын есептеу кезінде бюджетке төленуге тиісті салық құны ауыл шаруашылық өнімін өндірудің негізгі құралы жер болып табылатын немесе қызметі ауыл шаруашылық өнімін өндіру үшін жерді пайдаланумен байланысты заңды тұлғалар үшін 80% кемітіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.