Бағалық саясат жайлы

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 41 бет
Таңдаулыға:

Мазмұны

Кіріспе . . . 3

1-бөлім. Бағаның атқаратын қызметтері . . . 4

2-бөлім. Бағаға әсер ететін факторлар . . . 5

3-бөлім. Бағаны белгілеу үрдісі . . . 6

Бағаны жасау мақсатын анықтау . . . 7
Сұранысты анықтау . . . 8
Шығындарды бағалау . . . 10
Бәсекелестердің бағаларын және олардың тауарларын талдау . . . 10
Баға белгілеу, таңдау . . . 11
Түпкі бағаны белгілеу . . . 12

4-бөлім. Баға белгілеу тәсілдері . . . 12

Жаңа тауарға баға белгілеу . . . 12
Тауар номенклатурасы шеңберінде бағаны белгілеу . . . 13
Географиялық принцип бойынша баға белгілеу . . . 14
Баға арқылы жеңілдіктер жасау . . . 15
Тауардың өтімін ынталандыру үшін баға белгілеу . . . 15
Баға арқылы кемсітушілік . . . 16

5-бөлім. Бағалық саясат . . . 17

6-бөлім. Бағаға негізделмеген немесе сапалық бәсеке . . . 21

7-бөлім. Нарық жағдайында баға тағайынадау . . . 25

Бағаның өзгеру себептері . . . 25
Баға және сұраныс пен ұсыныстың заңдары . . . 26
Фирманың бағалық саясаты . . . 27
Баға түрлері . . . 29
Бағаларды тағайындау . . . 31Сұраныс факторлары . . . 32Өндірістік және маркетингтік шығындардың ықпалы . . . 33Бәсеке факторлары . . . 35Баға тағайындаудың негізгі тәсілдері . . . 36Сұраныс факторларына бағытталу әдісі . . . 36Нарыққа бағытталу әдісі . . . 37Шығындарға бағытталған әдіс . . . 37Бәсекеге бағытталған әдіс . . . 38

Қорытынды… . . . 39

Пайдаланған әдебиет тізімі . . . 40

КІРІСПЕ

Маркетинг кешенін құрайтын бір тәсіл бола тұра баға өте маңызды қызметтер атқарады. Сайып келгенде коммерциялық фирма әрекетінің түпкі нәтижесі көбінесе бағаға байланысты. Дұрыс таңдалып алынған баға стратегиясы тауардың бәсекелестік қабілетіне және кәсіпорынның өндіру-өткізу жұмысына ұзақ мерзім әсерін тигізеді. Бұған қоса тұтынушыларға (тауарды сатып алушыларға) тигізетін бағаның әсері де аса зор. Баға дегеніміз тауар құнының ақшалай белгісі. Құнмен бірге сұраныс пен ұсыныс бағаға өз әсерін тигізеді. Ол қаржы және пайда алудағы фирманың пәрменді маркетинг құралы. Тауардың бағасы клиентті тартуы да немесе тартпауы да мүмкін. Сондықтан баға орнатуда қандай мәселелер қарастырылады, оған қандай факторлар әсер етеді, әлемдік экономикадағы тәжірибелер мен практикалық қолданыстарды білу керек. Тауардың құны мен бағасының арасындағы байланысты түсіну керек. Ал ең маңыздысы, баға саясаты біздің елде қандай болу керек, соны білу қажет. Бұл жағдайларда Қазақстан республикасының ішкі және сыртқы экономикасымен танысамыз. Біздің Өкімет тауар және баға жайлы қабылдаған заңдарына тоқталамыз.

Біз бұл жұмыста бағалық саясатты, сапалық бәсекені, нарық жағдайында баға тағайындау қалай жүзеге асатыны, сұраныс пен тұтыну, баға түрлері жайында маліметтер келтіреміз. Осы маліметтерге сүйеніп, нарықта бағаның атқаратын рөлі мен оны реттеуші факторлармен танысамыз.

1-бөлім

Бағаның атқаратын қызметтері

Бағаның атқаратын қызметтері оның ішкі мәнін сипаттайды. Бағаның атқаратын бес қызметі белгілі :

Есеп жүргізу қызметі белгілі қажеттілікті тауардың қанағаттандыруы қоғамға қанша шығынды керек ететінін көрсетеді. Тауарды өндіру үшін қанша еңбек, шикізат, материалдар, басқа да өндіріс құрал-жабдықтары жұмсалғанын баға арқылы анықталады.
Ынталандыру қызметтінің мәні әр түрлі тауарларды өндіруге және тұтынуға бағаның тигізетін әсерімен анықталады. Өндірушінің табысқа жету әрекеті баға арқылы ынталандырылады. Бағаның осы қызметі шығынды кемітіп, пайданы көбейту үшін ғылыми-техникалық прогресті дамытуға, ресурстарды тиімді үнемдеуге, өнімнің сапасын жақсартуға ынталандырылады. Сапалы және жаңа тауар жоғарғы бағамен сатылса, пайда көбейеді.
Бөлу қызметін баға тауардың құнынан төмен, немесе жоғары ауытқуы арқылы орындайды. Бұнда баға арқылы ұлттық табыс экономика салалары арасында, мемлекет аймақтары арасында, қорлану және тұтыну қорлары арасында, тұрғындардың әртүрлі әлеуметтік топтары арасында бөлінеді және қайта бөлінеді.
Сұраныс пен ұсынысты тепе-теңдік қызметінде тұтыну және өндіру, ұсыныс пен сұраныс араларындағы арақатынасына баға күшті ықпал тигізеді. Өндіріс пен айырбас салаларында диспропорциялары қалыптасқаны туралы баға өз белгісін беріп және оларды сәкестендіру қажетіне қоғамды итермелейді. Сонымен баға сұраныс пен ұсыныстың сәйкестігін орнатуда икемді және пәрменді құралы болып табылады.
Өндірісті ұтымды орналастыру қызметінде баға механизмі арқылы экономиканың салалар арасындағы капиталдың құйылуы жүргізіледі. Өйткені әрбір сала өнімдерінің бағасы мен пайдасы әрқалай болғандықтан, капитал пайдасы жоғары салаға барынша құйылады. Ол сала өндірісі жоғары қарқынменен дамиды, тауары көбейеді. Тауарлар көбейген сайын, оның сұранысы төмендеп, бағасы мен пайдасы азаяды. Ол саладан сондықтан капитал алынып, пайдасы мен бағасы жоғары салаға ауытқиды. Осылайша қоғамға аса қажет өндірістерін дамытуға, қажеті аз салаларды кемітуге баға өз әсерін пәрменді тигізеді.

2-бөлім

Бағаға әсер ететін факторлар

Фирма баға стратегиясын таңдау үшін оған қандай факторлар әсер ететінін біле отырып, оларды таңдауы қажет. Көбінесе ол сыртқы себептерден болады. Бағаға әсер ететін негізгі факторлар: шығындар, тұтынушылар, тауар қозғалысына қатынасушылар, бәсекелестер және мемлекет. Осы факторларға қысқаша тоқталайық.

1. Шығындар түпкі бағаға аса қатты әсер етеді. Шығындар көлемі шикізат сатып алуға, жұмысшылардың жалақысын төлеуге, транспортқа, қоршаған ортаны қорғауға кеткен қаражатқа байланысты. Бұл шығындар бағаны белгілеу кезеңінде есепке алынып, бағадағы пайданың үлесіне қарай баға деңгейі белгіленеді. Баға деңгейі тұрақты болғанда, іс жүзінде шығындар көлемінің өзгерісі пайданың әрқалай көлемде түсуін белгілейді.

2. Тұтынушылар. Баға және сату көлемінің өзара тәуелділігін екі себеппен түсіндіруге болады. Біріншісі сұраныс пен ұсыныс заңының әрекеті және баға икемділігі; екіншісі әртүрлі нарық сегменттері тұиынушыларының бағаға деген жауап әрекеті.

Бағаны қабылдау және тауарды сатып алу бағытына қарай тұтынушыларды төрт топқа бөлуге болады:

♦ үнемдеп сатып алушылар тобы - бұл топтағы тұтынушылар тауар бағасына, сапасына, түр-түріне, яғни ассортиментіне көп көңіл бөледі және осы тұтынушыларға жарнама қатты әсер етеді;

♦ дербестендірілген сатып алушылар - бұлар тауар бейнесіне, сатушылардың қызмет көрсету деңгейіне көңіл бөледі;

♦ этикалық сатып алушылар - өздерінің сатып алуымен кішігірім фирмаларды қолдауға әзір және олардың тауарларына қымбат баға төлеуге дайын;

♦ көңілсіз сатып алушылар - а дегенде тауарды пайдалануының ыңғайлылығын және һолайлылығын бағалайды (баға көлеміне қарамайды ) .

3. Тауар қозғалысына қатынасушылар бағаны белгілеу үрдісінде маңызды рөл атқарады. Олалдың пікірімен санасуға тура келеді, өйткені олар тауардың өткізу көлемін ұлғайтуға, жағымды тауар бейнесін жасауға, сатып алуды жалғастыруға өз ықпалын тигізеді. Тауар тез арада сатылуы үшін өндіруші түпкі бағаны қатаң бақылауға алуы мүмкін, егерде:

1. Тауар бағасы алдын-ала келісіп белгіленсе;

2. Бөлшек саудасы аз болса;

3. Консигнация шарттарын пайдаланса;

4. Тауар қозғалысына қатынасушылар пайда көлемін жеткілікті алса.

Көтерме және бөлшек саудадағы тауар қозғалысының негізгі қатынасушылары бағаны қатаң қадағалауы мүмкін, егерде:

♦ өндірушіге өзінің маңызды екенін көрсете білсе;

♦ пайдасыз тауарды өткізуден бас тартса;

♦ бәсекелес өнімді қоса өткізіп, тұтынушының сатушыға деген адалдығын қалыптастырса.

4. Бәсекелестер. Маркетинг тұрғысынан фирма әрекетінің ортасы талданады. Баға бақылауының жағдайына байланысты бәсеке ортасы үш түрге бөлінеді:

♦ Бағаны нарық бақылайтын орта. Онда бәсеке деңгейі жоғары, тауар бір типтес, ұқсас деп сипатталады. Бұл ортада фирма тауарын төмен бағамен ұсынса, ол тауарға сұраныс көбеюі мүмкін, өйткені тұтынушылар бағасы төмендеген тауарға тез ауады. Ал басқа бәсекелестер жауап қайтару ретінде ұқсас тауарлардың бағасын төмендетуі мүмкін. Бірақ бәсекені баға “қақтығысына” айналдырмаған дұрыс болады. Сондықтан қолданған баға стратегиясының болашақ нәтижесін қарастыру аса маңызды іс.

♦ Бағаны фирма бақылайтын орта. Оған шектелген бәсеке тән және ұсынған тауарлардың ерекшеліктері болады. Бұл ортада фирманың жұмыс істеуі және іс-әректі оңайлау болады. Тауардың бағасы жоғары немесе төмен болса да оны алушы тұтынушылар әрдайым болады.

Бағаны мемлекет бақылайтын орта қоғамдық транспорт, энергетика, коммуналды қызмет және де басқа салаларда кездеседі. Мемлекет орындары тұтынушылардан және өндіруішілерден жан-жақты ақпарат жинаған соң нақты баға деңгейін белгілейді.

5. Мемлекет. Кәсіпорынның бағаны белгілеудегі еркіндігін мемлекет шектейді. Бұл шектеуді үш дәрежеге бөлуге болады:

• Мемлекет бағаны өзі белгілейді. Ол үшін келесі әдістерді пайдаланады:мемлекеттік прейскурант бағасын енгізу, еркін нарық бағасын бір деңгейде “қатыру”, монополист кәсіпорындардың ьағаларын жоғарыдан белгілеу.

• Мемлекет баға қою ережелерін бекітеді (реттелген бағалар қалыптасады) . Бағаны реттеу әдістері: кейбір тауарларға бағаның жоғарғы деңгейін орнату, бағаның негізгі көрсеткіштерін реттеу (пайданы, жанама салық көлемдерін және т. б. ), нақты тауарлардың бағасын бірлік көтеру дәрежесін анықтау.

• Арамзалық бәсекеге және нарықты монополиялауға шек қою үшін “нарықтық ойын” ережелерін орнатады (еркін келісімді бағалар қалыптасады) . Ол үшін мемлекет мына іс-әрекеттерді шектейді: кәсіпорындардың бағаны жоғары деңгейінде сақтау мақсатымен келісім қабылдауына шек қояды, өндірушілердің өз бағасын жабдықтаушыларға және сауда орындарына күшпен міндеттеуіне шек қояды, демпингке (бәсекелестерді жою мақсатымен тауарды өз құнынан төмен бағамен сатуға) шек қояды.

3-бөлім

Бағаны белгілеу үрдісі

Баға белгілеу ісі қиын және көпсатылы үрдісі болады. Оны жалпы алғанда қысқаша былай сипаттауға болады (1-сурет) .

1-сурет. Бағаны есептеудегі негізгі үрдісі

3. 1. Бағаны жасау мақсатын анықтау

Ең алдымен фирма нақты тауар арқылы қандай нәтижеге жетуді көздейтінін білуі қажет. Егерде нысаналы нарық таңдалып, нарық жайғасымы толық ойластырған болса, онда баға мәселесімен қатар маркетинг кешенін құру тәсілдері түсінікті болар еді. Баға құру стратегиясы негізінде нарық жайғасымын шешу арқылы ғана белгіленеді. Сол жағдайда фирма өзінің түпкілікті мақсатын белгілеуі мүмкін. Қаншалықты бұл мәселе анығырақ болса, соғұрлым баға қою ісі жеңілдейді. Іс жүзінде жиі кездесетін мақсаттар мынадай:

• Фирма өзінің өмір сүруін қамтамассыз ету. Бұл мақсат нарықта өндірушілер көбейіп кеткен жағдайда және тұтынушылардың қажеттері кенеи өзгерген кезде қолданылады. Өзінің тауарлары өтімін қамтамассыз ету үшін және жұмысын ойдағыдай дұрыс жүргізу үшін фирма көбірек сату мақсатымен бағаны төмендетеді.

• Күнделікті табыс көлемін максималдау. Фирма сұраныс пен шығындарын талдап, жоғары табыс беретін бағаны қояды. Бұл саясатта ұзақ мерзімдік мақсаттар шетте қалады да, күнделікті қаржы- қаражат көрсеткіштері фирмаға маңызды болады.

• Нарық үлесінде жетекші орын алу. Нарықтағы үлесі ұлғаю арқылы шығындары төмендеп, ұзақ мерзімдік табыс көлемі жоғарлайды. Осы мақсатпен фирмалар бағасын мүмкіндігінше төмендетіп, нарықты кеңірек қамтуға тырысады.

• Сапа көрсеткіштері жағынан жетекші орын алу. Нарыққа ұсынылған барлық тауарлардың ішіде фирма өзінің тауары жоғары сапалы болуына ұмтылады. Ол үшін ғылыми-техникалық зерттеулер жүргізіп, тауар көрсеткіштерін жақсартады және тауарына жоғары баға қойып, оның өте сапалы, жаңа технологиямен жасалғанын сатып алушыларға жеткізуі қажет.

3. 2. Сұранысты анықтау

Фирма белгіленген баға деңгейі тауарға деген сұраныстың өзгерісінен көрінеді. Баға мен сұраныс көлемінің байланысы сұраныс ирегі арқылы анықталады (2-сурет) . Ирек өзгерісі әртүрлі бағамен белгілі иерзімде нарықта қанша тауарлар сатылатынын көрсетеді. Кәдімгі жағдайда сұраныс пен баға кері байланыста болады, яғни баға көтерілген сайын сұраныс төмендейді, баға төмендеген сайын сұраныс өседі (2, а-сурет) . Ал беделді тауарлары ирегі өзгеше сипатталады (2, б-сурет) . Мысалы, сапалы парфюмерия өнімдерін шығаратын фирма бағасын р1 нүктеден р2 нүктеге дейін көтеріп, әтірлерін көбірек сатуы мүмкін. Тұтынушылар жоғарғы бағадағы әтірдің жоғары сапалы болғанын сезінеді де, оны сатып алуға ұмтылады. Ал, айталық, ең жоғары бағада (р3) сұраныс деңгейі р2 бағамен салыстырғандағы сұраныс көлемінен төмен болды делік. Бұл жағдайда сұраныс ирегі уу1 көрінісін алады. Сұраныс ирегінің бұл көрінісі айырықша өзгеріп кеткен, өйткеі тауардың беделі де өзгеше болғандықтан. Ол 2, б-суретінен анық байқалады.

Баға l Баға

р3

р2

р1 l 1

у1

р1

Q2 Q1 Сату көлемі (Q) Q1 Q2 Сату көлемі (Q)

а) жаппай тұтыну тауарлары ирегі б) беделі жоғары тауарлар ирегі

2-сурет. Сұраныс ирегінің екі нұсқасы

Сондықтан нарықта әрекеттенушілер тұтынушылардың баға өзгерісіне деген икемділігін (сезімталдығын) білгені жөн. Төменде 3, а-суретте р1 нүктедегі бағаны р2 нүктеге дейін көтеріп, сұраныс көлемін Q1-ден Q2-ге дейін шамалы төмендегенін көрсетіп отыр. Ал, 3, б-сурет бағаны шамамен сондай-ақ өзгерту арқылы сұраныстың тым астам төмендеуін сипаттайды. Егер де (сұранысқа әсер ететін факторларды өзгеріссіз қалдырып) бағанның осы өзгерісі сұранысты өзгертпеген болса, онда икемсіз сұраныс болатын еді. Ал біздің 3-суреттерімізде сұраныс азды-көпті өзгерді, бұны икемді сұраныс деп атайды. Алайда 3, а-суретте сұраныстың бағаға икемділігі төмендеу, 3, б-суретте, керісінше, икемділігі жоғары. Сұраныстың икемділігі мөлшерін (Cu) есептеп шығаруға болады. Ол үшін мына формула қолданылады:

Cu= сұраныс өзгерісі (%)

баға өзгерісі (%)

Айталық “А” және “В” тауарларының бағалары бірдей 10%-ке жоғарлады, алайда “А” тауардың сұранысы 1%-ке төмендеді, “В” тауардың сұранысы 20%-ке кеміді. “А” тауары сұранысы икемділігі 1/10-ға тең болады (демек, икемділігі төмен), ал “В” тауары сұранысының икемділігі 20/10-ға тең болады (икемділігі жоғары) .

Баға Баға

р2 р2

р1 р1

Q2 Q1 Сату көлемі (Q) Q2 Q1 Сату көлемі (Q)

а) икемсіз сұраныс б) икемді сұраныс

3-сурет. Икемсіз және икемді сұраныс

Сұраныс икемділігіне төмендегі факторлар әсер етеді:

♦ өзара алмасушы тауарлардың саны оларға қол жетерлігі;

♦ тауардың қажеттілікті қанағаттандырудағы маңыздылығы және тығыздығы ( тауардың қанша мөлшері қажеттердің қанша санын қанағаттандырады) ;

♦ тауарды қолдануға қажет қосымша заттар саны және олардың бағасы (мысалы, фотоаппаратқа пленка және т. б. заттар қажет) ;

♦ тұтынатын тауар мөлшері;

♦ тұтынушылардың табысы және сатып алуға кеткен шғын деңгейі (үлесі) ;

♦ бәсекелестер әрекетінің тиімділігі;

♦ өтімді ынталандыру шаралары.

Сұраныс икемділігін зерттеу жұмысы баға белгілеу және баға стратегиясын таңдау кезінде өте маңызды орын алады.

3. 3. Шығындарды бағалау

Сұранысқа қарай тауардың максималды бағасын анықтауға болады. Ал минималды баға фирманың шығындарымен шектеледі. Өйткені шығыннан төмен баға фирманы шығынға батырып, банкротқа апарады.

Фирманың шығындары екі түрлі - тұрақты және айнымалы болады. Тұрақты шығындары дегеніміз - олар өндірілген өнімнің көлемі өзгерсе де өзгермейтін шығындар (мысалы, ғимарат шығындары, жалдау, агрегаттарға, станоктарға, шойын жолдарға, т. б. еңбек құралдарына жұмсалған шығындар) . Демек, олар өндіріске, оның көлеміне тәуелсіз болады. Ал айнымалы шығындары - өндіріс деңгейіне тікелей байланысты шығындар (мысалы, отынға, шикізатқа, еңбек ақыға, жанар майға, суға және т. б. жұмсалған шығындары) . Өнімнің бір данасына шаққанда қысқа мерзім ішінде олар әдетте тұрақты болады. Ал жалпы сомасы өндірілген тауар санына байланысты өзгереді (көбейсе көбейіп, кемісе азаяды) . Сондықтан оларды айнымалы деп атайды.

Тұрақты және айнымалы шығындардың жиынтығы жалпы шығындар деп аталады. Фирма тауарына баға белгілегенде жалпы өндіріс шығындарын тауарды сатып қайтаруы тиіс. Олай болмаған жағдайда өндіріс үзіліп, тоқтайды. Өндіріс дамып, кеңеюі үшін баға шығындардан асып, пайда әкелуі керек. Осыдан келіп шығындарды үнемдеу қажеттілігі туындайды.

3. 4. Бәсекелестердің бағаларын және олардың тауарларын талдау

Максималды бағаны сұраныс, минималды бағаны шығындар анықтаса, орта баға мөлшеріне бәсекелестер және олардың нарықтағы стратегиялары әсер етеді. Сондықтан бәсекелестердің тауарларының өтімін, олардың сапасын және бағасын біліп отыру қажет. Ол үшін:

♦ фирма өкілдері бәсекелестердің тауарларымен танысу үшін оларды сатып алып талдайды;

♦ фирма бәсекелестердің прейскуранттарымен танысуы мүмкін;

♦ фирма бәсекелестері қолданатын өндіріс құрал-жабдықтарын сатып алып, оларды талдап деңгейін білуі мүмкін;

♦ бәсекелестердің тауарлары және бағалары жайлы тұтынушылардың пікірлерін сұрап, білуге болады.

3. 5. Баға белгілеу, таңдау

Тауардың нақты бағасын жоғарыда айтылған сұранысты, шығындарды және нарықтағы бәсекелестердің жағдайларын анықтап белгілеуге болады. Осы факторларды есепке ала отырып, маркетинг тәжірибесінде баламалы баға құру әдістері қалыптасқан:

Орта шығындарға пайданы қосу әдісі- бұл қолдануға ең оңай және кең тараған әдіс. Бұл әдісте тауардың өзіндік құнына (шығынға) орта пайданы қосып баға деңгейі белгіленеді. Кәсіпорын қосатын үстеме баға (орта пайда) әр тауар түріне стандартты (бірдей үлесінде) болуы мүмкін. Сонымен қатар шығынға қосылатын пайда мөлшері тауар түріне, оның бірлігінің құнына, сату көлеміне байланысты дифференциалдануы мүмкін. Бұл әдісте тұтынушылардың сұранысы мен бәсекелестердің ерекшеліктері есепке алынбайды. Әрине, бұл елеулі қателіктерге апаруы мүмкін. Алайда осы әдістің мына жағдайларында қолайлы да болуы мүмкін. Біріншіден, өндірушілер өздерінің шығындарын біле отырып, бағасын белгілесе, ысырапсыз саудаға қолы жетуі мүмкін. Оған қоса тұтынушылардың сұранысын және бәсекелестердің бағасын дәл анықтау да оңайға түсе қоймайды. Екіншіден, сатушы мен сатып алушы арасындағы қатынасты дұрыс орнату үшін бұл қолайлы әдіс. Үшіншіден, егер барлық фирмалар осы әдісті қолданса, баға бәсекесі төмендейді. Демек, қауіп-қатері төмендейді.

2. Нысаналы табысқа жетуге бағытталған әдіс. Бұл жағдайда фирма көздеген табыс көлеміне қарай бірден баға орнатады. Бірақ шығындардың орнын толтыру үшін бұл бағамен өнімнің белгілі көлемін өткізу қажет. Мұнда бағаның сұранысқа деген икемділігі өте маңызды рөл атқарады. Сондықтан бұл әдісті қолдану барысында жалпы шығындардың орнын толтырып, көзделген табысқа жеткізетін бағаның деңгейін дәл есептеп табу қажет. Демек, сату көлемінің көзделген деңгейіне жеткізетін бағаны іздеп табу мәселесі туындайды.

3. Тауардың “құндылығын сезіну” негізінде бағаны есептеу әдісі. Бұл әдісте шығындар екінші қатарға, ал тұтынушы мен олардың тауарды қабылдауы бірінші қатарға қойылады. Сатушы тауардың құндылығын алушыға көрсету үшін бағадан тыс әсер ету шараларын кеңінен қолданады: сервис қызметі, ерекше кепілдеме беру және т. б. жеңілдіктер мен ынталандыру әдістері.

4. Кәдулігі баға әдісі біркелкі тауарлар сатылатын нарықтарда қолданылады. Бәсеке деңгейі жоғары нарықта біркелкі тауар сататын фирманың бағаға әсер ету мүмкіндіктері шектелген. Бұл нарықта баға жақсы мәліметтелген. Сондықтан баға саясаты тұтынушылар мен өндірушілердің біртұтас әрекеттерінің қорытындысына қарай қалыптасды.

3. 6. Түпкі бағаны белгілеу

Бұл баға белгілеу үрдісінің соңғы сатысы. Жоғарыда қарастырылған әдістердің біреуін қолданып фирма өзінің бағасын есептейді. Баға белгілеу жұмысы фирма әрекетіндегі жауапты да күрделі іс екендігін айтпаса да болады. Оның үстіне фирма көптеген тауарлармен айналысады. Ол әр түрлі тауар түрлерін және ассортименттерін, географиялық аймақтарға байланысты ерекше шығындарын қамтып толық баға жүйесін құрайды. Сол баға жүйесіндегі әрбір тауарлар түрлерінің бағасымен нысаналы нарыққа шығып, өз мақсатына жетуге талпынады.

4-бөлім

Баға белгілеу тәсілдері

Фирма түпкі бағаны белгілеп, оның деңгейін, одан кейін маркетингті ортаның факторларына қарай анықтайды. Осы жұмыста келесі баға белгілеу тәсілдері қолданылады: жаңа тауарға баға белгілеу, тауар номенклатурасы шеңберінде баға белгілеу, гоеграфиялық принцип бойынша баға қою, жеңілдіктерді қолдана отырып баға белгілеу, өтімді ынталандыру үшін баға қою, баға арқылы кемсітушілік.

4. 1. Жаңа тауарға баға белгілеу

Баға құру мәселелері тауардың өміршеңдік кезеңіне тығыз байланысты. Әсіресе тауарды нарыққа енгізу сатысы баға белгілеу жұмысына көп талаптар қояды. Фирма нарыққа жаңа тауарды ұсынған кезде екі түрлі стратегиясын қолдануы мүмкін: “қаймағын алу” және нарыққа тауарды баянды енгізу стратегиялары (4-сурет) .

“Қаймағын алу” стратегиясы - нарыққа патенттелген жаңа тауарды ұсынған кезде фирма бірден жоғары баға қояды, кейін сату көлемі төмендеген сайын бағаны төмендетіп отырады. Бұл стратегияны төмендегі жағдайларда қолданған жөн:

♦ тұтынушылар көпшілігінің сұраныс деңгейі жоғары болса;

... жалғасы

Сіз бұл жұмысты біздің қосымшамыз арқылы толығымен тегін көре аласыз.