Талшықты оптикалық байланыс

Пән: Автоматтандыру, Техника
Жұмыс түрі: Дипломдық жұмыс
Тегін: Антиплагиат
Көлемі: 83 бет
Таңдаулыға:

КІРІСПЕ

Барлық экономикалық өзгертулердің мақсаты адам өміріне қамқорлық жасау болып табылады. Соның ішінде қызмет көрсету сферасы маңызды рөл атқарады. Сонымен қатар қызмет көрсету сферасының дамуы мынандай көрсеткіштерге байланысты: мемлекет экономикасының даму потенциалы, жалпы экономикалық өзгертулерге нарықтың белсенді әсері. Қазақстан Республикасы экономикалық дамудың маңызды кезеңінде, яғни бұл кезде қоғамдағы жалпы процестері қызмет көрсету процестерінің дамуынсыз мүмкін емес.

Қоғамдық құрылымды реформалаудағы динамикалық экономикалық және әлеуметтік процестер, нарықтың құрылымындағы негізгі шаруашылықта болып жатқан радикалды қадамдар Қазақстан Республикасының өндірістік инфраструктурасында керекті өзгертулер қажет етеді, соның ішінде қызмет көрсету нарығына көп көңіл бөліну керек.

Қазіргі таңда байланыс жолдарының және телекоммуникациялық жүйелерді кең пайдалануы маңызды мәселе. Дүниежүзілік тәжірибеге қарасақ, телекоммуникациялық жүйелердің қарқынды дамуы экономиканың жалпы динамикалы дамуына әсер етеді. Қазақстанда әлемдік экономикаға белсенді интеграциялануда, сондықтан байланыс пен информатиканың дамуына және оларға жаңа технологияларды енгіздіруге үлкен көңіл бөледі.

Информациялық алмасу көлемі қоғам дамуының деңгейін көрсетеді. Электробайланыс - бұл халықтың, мемлекеттік басқару орындарының, өндірістердің, ауыл шаруашылықтарының, мемлекеттік қорғаныс бөлімдерінің және байланыстағы күзеттердің қажеттіліктерін қанағаттандыратын мемлекеттік инфраструктураның бөлігі.

Дипломдық жұмыстың мақсаты - Астана және Көкшетау магистралінде талшықты оптикалық байланыс жүйесін (ТОБЖ) құрудағы экономикалық тиімділікті бағалау.

Опто-талшықты кабельдердің пайда болуымен цифрлық жүйелерде ақпаратты жоғарғы жылдамдықта жіберуге және регенерациялық пункттерді 100 км-ден ұзартуға қол жеткізілді, сондықтан бұл тақырыптың өзектілігін көрсетеді. ТОБЖ арқылы байланыстың өнімділігі жоғарылайды, металлдық кабельдермен салыстырсақ бұл көрсеткіш 100-ге дейін барады, яғни экономикалық тиімділіктің жоғары екенін көрсетеді. Ұшқыш аппараттар, жүзу қайықтар және басқада мобильді құрылысында опто-талшықты кабельді қолдануда, себебі жеңіл, кіші көлемді болуы, өртенбеуі жағдайды оңайлатты.

ТОБЖ-ның қолдану орталары өте кең - қалалық жүйелерде, ауылдық байланыста, борттық комплекстерден (самолеттер, ракеталар, кемелер) бастап алыс қашықтыққа тарайтын жоғарғы сыйымдылықты байланыс жүйелеріне дейін. Көп жақты мақсатқа арналған бірыңғай интегралды жүйелер ТОБЖ базасында күннен күнге дейін дамып жатыр. Кабельді теледидар жүйелерінде опто-талшықты кабельді қолданудың болашағы өте жоғары.

1 Жоба маңыздылығын айқындайтын жалпы ақпарат

1. 1 Жобаның маңыздылығы мен қажеттілігі

Телекоммуникацияның дамуы экономиканың дамуына байланысты, яғни неғұрлым экономика деңгейі жоғары болса, соғұрлым телекоммуникация деңгейі де жоғары болады. Сонымен қатар осы пікірді керіде қолдануға болады. Телекоммуникацияның өсуі жұмыс орнын көбейтумен қатар экономиканың басқа салаларының эффективтілігін көтереді. Экономиканың әр түрлі кезеңінде телекомуникация мен экономиканың салыстырмалы көрсеткіштерінің тәуілділігіне көңіл аудару қажет.

Қазіргі өркениеттің деңгейі тасымалданатын және өңделетін информацияның көлемімен анықталады. Теориялық және статистикалық зерттеулерге қарасақ, тасымалданатын ақпарат көлемінің өсуі жалпы өнім өсуінің квадратына пропорционалды, сонымен қатар байланыс саласына деген нақты сұраныс жоспарланған көрсеткіштерден әрдайым асып тұрады. Байланысты ТОБЖ арқылы цифрлық әдіспен кеңжолақты байланыс жүйесін құру көптеген қиындықтарды шешеді, олардың көбісі коаксиальді және өрілген қос кабельдерді пайдаланумен байланысты (байланыс қашықтығының шектілігі, жиіліктік бұрмалану) . Байланыс ұзындығы 500 м жоғары болып, қажетті сапада видеосигналды тасымалдаса да кеткен шығындарды ақтап шығарады.

Қазақстан - бәсекеге қабілетті және экономикасы тұрақты 50 алдыңғы қатарлы мемлекеттер тізіміне енуге мақсат қойған қуатты орталық-азия мемлекеті. Соңғы ЦРУ зерттеуі бойынша Қазақстан ЖҰӨ көлемі бойынша ірі мемлекеттер арасында 54-ші орын алады.

Қазақстанды Шығыс пен Батыс арасын байланыстыратын ірі транзиттік коридор ретінде қарастыруға болады. Сонымен қатар, елбасшысының республикамызды ең мықты 50 мемлекеттер қатарына жеткізу мақсаты еліміздегі бүкіл телекоммуникация жүйесін жоғарғы стандартқа көтермелеуде. Осы салада нарықтың және бәсекелестіктің дамуы көрсетілетін қызмет түрлерін кеңейтіп, сапасын жақсартады. Дұрыс бағалық саясат пен жаңа технологияларды енгізу арқылы тұтынушылардың талаптарын жоғарылатады. Айта кетерлік жайт, әлемдік қаржы дағдарысына қарамастан соңғы жарты жылда экономиканың кейбір секторларында, сонымен қатар телекоммуникация саласында көрсеткіштердің дамуы байқалған.

Телекоммуникация нарығы - мемлекет экономикасының болашағы зор және қарқынды дамушы салаларының бірі. Мемлекеттік бағдарламаларды орындау арқылы, информациялық және техникалық жетістіктерге қол жеткізіп әлемдегі ең мықты мемлекеттер қатарына кіруге жол ашады. Қазіргі заманғы технологиялар пайда болуымен, өмір сүруімізді тез арада өзгертуде, адамдар бейімделіп үлгермей жаңа технологияларға ауысып жатыр. Бүгінгі күнде адамдардың бір-бірімен араласуында қашықтық еш қандай кедергі болмайды, туристерге ғарышқа ұшу мүмкіндігі бар, мемлекеттік басқару ашық саясат жүргізуде, қазір өмірімізді информациялық технологияның дамуымен пайда болған заттарсыз елестете алмаймыз.

Магистральді желілерде ақпарат тасымалдау жылдамдығы төмен байланыс жүйесін қолданылуы және опто-талшықтың ескі түрлерінің болуы, сонымен қатар ақпаратты жоғарғы сапада тасымалдайтын байланыс жүйелеріне деген сұраныстың өсуі мен техникалық прогресстің жоғарғы темпі тасымалдау тракті мен нығыздаушы аппаратураларды жаңа технологияларға ауыстыруды міндеттейді. Байланыс операторлары үшін қымбат жабдықтар мен жоғарғы технологиялық процесстер сатып алу мен аппаратураны монтаждауды қиындатады. Қазіргі таңда опто-талшықты кабельдерді пайдалану кең масштабта қолданып жатыр деп толық айта алмаймыз, көп жүйелерде, магистральдардың кейбір аймақтарында әлі күнге дейін коаксиальді кабельдер қолданылып жатыр, сол себептен әлі де мынандай қиыншылықтардан құтылған жокпыз: өткізу жолағының тар болуынан аз көлемді ақпарат жібере алуы, желі трактінде байланыс сигналының сапасына әсер ететін сөну көрсеткішінің жоғары болуы және басқа да опто-талшықтан қалатын көрсеткіштері бар. Тағы да аппаратуралардың қосымша параметрлерін ұмытпағанымыз жөн, мысалға жабдықтардың алатын ауданы, оның да қосымша капиталды қажет етеді және одан басқа себептері жеткілікті. Бірнеше жыл немесе он жылдан астам жұмыс істеген аппаратуралар моральді тұрғыда ескіреді. Екі индустриялды қалалар арасындағы байланыс желісінің ұзындығы орташа алғанда 500-ден 1000 км дейін жетеді.

Қазақстан байланыс нарығында жаңа технологиялар енгізулер жүргізуде. Елімізде 3G технологиясының бірінші желілері, WiMAX пайдаланатын жаңа операторлар және цифрлы теледидар пайда болып жатыр. Осыған байланысты магистральді желілерде трафиктің күрт толуы байқалады. Осындай жағдайларда туындайтын қиындықтарды желінің өткізгіштік қасиетін жоғарылататын Dense Wavelength Division Multiplexing (DWDM) технологиясы шешіп береді.

DWDM - спектральді мультиплексірлеу технологиясы - мәліметтерді опто-талшық арқылы жіберудің жаңадан шыққан цифрлық жүйе технологиясы. Ол опто-талшықты жүйенің өткізгіштік қасиетін кабельдің сыйымдылығын кеңейтусіз-ақ жоғарлатуға мүмкіндік береді. Көп жылдар бұрын опто-талшықты желілер салынған кезде, телефонды трафик бойынша тек 10 немесе 100 канал ғана жасауға болатын еді. Ал қазіргі танда сол кабельдерде талшықтың санын көбейтпей-ақ DWDM технологиясы арқылы бірнеше он миллиондық каналдық трафик жасауға болады. Бұл технология талшық ішінде сигналдарды әр түрлі түске бояйды. Әрбір түс - бұл жаңа канал. Яғни, DWDM цифрлық сигналдарды нығыздап көптеген информация жібере алады.

DWDM-нің орнатылуымен байланыстың өздік құны өте үлкен шамаға азаяды. Егер бір дауыстық канал үшін бір жабдықтың өздік құнын санасақ және оған дейінгі жабдықтың бағасы жаңаның бағасымен тең болған жағдайда ең маңыздысы ақпарат таратушы каналдардың саны көбейеді. Ал егер байланыс каналының өздік құнын айтатын болсақ 3-4 есе азаяды. Бұрынғы технологияны сатып алғындай, тура сондай бағаға DWDM технологиясын сатып алып каналдар санын көбейтуге мүмкіндік алады.

DWDW технологиясы трафикті өсірумен қатар жүйенің сыйымдылығын жоғарылатады, сосын жүйенің жұмысын тоқтатпай енгіздіруге болады. Базалық станция мен коммутация түйіндерінің арасындағы желінің өткізгіштік қасиетін жоғарлатуға болады. Сонымен қатар, экономикалық маңызы бар, мысалға ұялы байланыс операторлары каналдардың көптеген сандарын басқа операторлардан жалға алады, егер өздері DWDM технологиясын қолданса ішкі тордың трафигін көбейтеді және каналды жалға алудың шығындарын азайтады. Жаңадан мобильді байланыстың үшінші ұрпағы өмірімізге келуі желінің жоғарғы өткізгіштігін талап етеді. 3G мобильді байланысының талаптарын тек DWDM-ді SDH, Ethernet сияқты кең жолақты сымсыз байланыспен қосып шешуге болады.

Бұл технология АҚШ-та кең таралған, себебі опто-талшықты байланыс жүйесі бұрыннан дамып келе жатыр. Опто-талшықты байланыс желісі бүкіл әлемде салынған, ең көбісі Еуропада, Азияда кең жасалынған. Сонымен қатар DWDM технологиясы тек өткізгіштікті көтеріп қана коймай, тағы сенімді технология болғандықтан мультисервистік және мобильді желілерде тіректі инфраструктураларда қолданылады.

DWDM-ның басқада ATM, IP, ASDL сияқты перспективті жүйелердің протоколдарымен жұмыс істей алуы байланыс көптеген түрлерінде қолдануға мүмкіндік береді. [1]

1. 2 Дипломдық жұмыстың мақсаты

Қазақстан Республикасының ұлттық байланыс жүйесін модернизациялау мен дамыту келесі негізгі бағыттарда жүргізіледі:

байланыстың өткізгіштігін жоғарлататын және жүйенің сенімділігін күшейтетін ақпарат тарататын жаңа технологияларды енгіздіру, мемлекеттік органдардың, өндірістердің, организациялардың, бүкіл елдің қажеттілігін көтеру мақсатында қызмет көрсетудің сапасын жоғарлату;

мемлекеттік басқармалардың және өкіметтің арасындағы электронды документ алмасуына жағдайлар жасалу керек, сонымен телемедицина, мультимедиа, видео-конференц байланысы, интернет кафе сияқты қызмет көрсетулердің түрлерін дамыт;

ақпаратты таратудың әлемдік жүйелеріне шығудың жолдарын кеңейту керек, сонымен қатар Интернет мүмкіндіктеріне көңіл бөліну керек;

транспорттық байланыстың протоколдары мен ақпараттық ресурстарды басқару протоколдарын бір жүйеге келтіру;

радиожиілікті спектрді рационалды қолдану мақсатында спутниктік технологияны пайдалануды реттеу, өндірістік-технологиялық байланыс арқылы ұлттық байланыстың тасымалдаушы каналдарын максималды қолдануды реттеу.

Қазақстан Республикасының Өкіметінің туризм саласындағы анықтаған ең маңызды мақсаттардың бірі - Қазақстанды орталықазия регионының туризм орталығына айналдыру. Жобамыздағы Ақмола облысы еліміздің туризм саласында ең маңызды орын алады, Боровое жерінің табиғаты әлемге танымал. Яғни мемлекеттік бағдарламамен осы өңірдің телекоммуникация жүйесін әлемдік деңгейде дамыту керек.

Мемлекеттік бағдарлама елімізде жоғарғы эффективті және бәсекелестікке қабілетті туристік индустрияны жасауға мүмкіндік береді, сонымен экономиканың аралас салаларын дамытады. Ол туризмді дамытудағы мемлекеттік политиканың стратегиясын, негізгі бағыттарын, приоритеттерін, мақсаттарын және механизмін анықтайды және туризмнің даму инфраструктурасының негізгі аспектілерін, мемлекеттік қадағалаудың эффективті механизмін құруды және осы саланың көтерілуін қамтиды. Көкшетау қаласындай рекреационды салалық шаруашылығы бар жерлер туристік потенциалды күшейтеді, мемлекетіміздің мықты туризмдік имиджін қалыптастыруға үлкен үлесін қосады.

Елімізде жоғарғы сапалы және бәсекелестікке қабілетті туристік комплекстарының қызмет көрсетулеріне әр түрлі туристік қызметтерде қазақстандық және шетел азаматтарының талаптарын толық қанағаттандыруға кең мүмкіншіліктер беретін жағдайлар жасалынып жатыр. Ұлттық туристік өнімінің сапа стандарттары жасалынған және қабылданған. Туризм инфраструктурасының дамуына және инвестициялық климаттың жақсаруына мынандай әрекеттер орындау керек:

- электр байланыс сызықтарын жүргізу;

- су жүйелерін салу және дамыту;

- телефонды сызықтарда қайта салулар мен модернизация жасау;

- транспортық жолдарды салу және реконструкция жасау керек.

Жаңа ақпараттық технологияларды енгіздіру Қазақстанның туристтік мүмкіншіліктері туралы барлық керекті ақпараттарды ұсына алуға мүмкіндік береді. Яғни республикамызда туризмнің дамуына барлық жағдайлар жасалынады. Енді Ақмола облысында телекоммуникация жүйесін дамыту үшін келесі іс-шаралар жасалыну керек:

а) участіктегі байланыс жағдайына талдау жасалынып оны модернизациялаудың біраз жолдарын табу;

б) байланысты тасымалдаушы аппаратты таңдап, оның мінездемелері көрсетілу;

в) оптикалық талшықтың моделін және мінездемесі көрсетілу;

г) оптокалық талшықтың дисперсиялық қасиеттерін және сигналдың өшуін есептеп, регенерациондық участоктің санын анықтау;

д) байланыс желісні автоматты басқару жүйесін таңдау;

е) еңбек қауіпсіздігіне талдау жасау;

ж) жобаның экономикалық көрсеткіштерін есептеу.

1. 3 ТОБЖ желісінің негізгі артықшылықтары

Опто-талшықты байланыс жүйесі - бұл ақпараттық желі, опто-талшықты желілер байланысушы элементтердің түйіндерін қосушы. ТОБЖ технологиясы тек қана талшықты оптиканы ғана қарастырмайды, сонымен қатар электронды таратушы құрылғыларды, оларды стандарттауды, тарату протоколдарын, желі топологиясын және желіні құрастыруларды қарастырады.

Бұл технологияның негізі 1958 жылы салынды. Ал 1980 жылы лабораториялық мақсатта спектралды нығыздауды (Wavelength Division Multiplexing, WDM) қолдана бастады. Одан бес жылдан кейін AT&T компаниясы спектралды тығыз нығыздауды (Dense Wavelength Division Multiplexing, DWDM) ойлап шығарды, ол кезде бір талшықта сигналды он каналда жіберуге қол жеткізілді [2] .

Оптикалық байланыс жүйесі - бұл ақпаратты тасымалдау үшін жарық сәулесін қолданатын жүйе. Өткізгіш орта ретінде ауа да болуы мүмкін, сонымен қатар оптикалық талшықта бола алады. Бұл процесс қалай жүреді? Кәдімгі жарық сәулесі әр түрлі сәуледен тұратындай, DWDM технологиясы жарық ағынын әр түрлі ұзындыққы бөліп тастайды.

Сурет 1. 1 Жарық ағынының оптикалық талшықта таралуы

Яғни бір талшық арқылы арқылы мыңнан аса стандарттық каналдар құруға болады. Себебі DWDM мультиплексоры ұзындығы әр түрлі максималды 160 толқын жасай алады. DWDM-нің приципиалды схемасы қарапайым. Бір талшық ішінде біренеше оптикалық каналадар жасау үшін SDH сигналдарын әр түрлі “түске бояйды”, бұл процесс 1. 1-ші суретте көрсетілген. “Боялған түстер” мультиплексор арқылы араласып оптикалық желі арқылы жіберіледі. Соңғы пункте кері процесс жүргізіледі, яғни “боялған түстердің” SDH сигналдары топтық сигналдардан ажыратылып, тұтынушыларға жіберіледі. Демультиплексор жұмысы 1. 2-ші суретте айқындалады.

Сурет 1. 2 Сигналды қабылдап, толқын түрлерін ажырату

Көпканалды ТОБЖ мемлекеттердің магистральді және зоналық желілерінде, қалалық телефондық станциялардың байланыстырушы желілерінің құрылғыларында көптеп қолданылады, себебі бір опто-талшық ішінде көп ақпараттық сигналдарды толқынның әр түрлі ұзындықтарында жіберуге болады, жалпы айтқанда оптикалық кабель арқылы үлкен көлемді ақпарат жіберуге болады. Әсіресе суастылық оптикалық магистральдердің эффективтілігі өте жоғары.

Ақпаратты таратудың физикалық принципіне байланысты ТОБЖ-да таратудың цифрлық жүйесі қолданылады.

Опто-талшықты кабельдің негізінде әр түрлі топологияда локальді есептегіш желілер құрылады. Мұндай желілердің арқасында есептегіш орталықтарды біріктіретін жоғарғы өткізгіштік қасиеті бар ақпараттық жүйе құруға мүмкіндік береді. Сонымен қатар жүйенің байланыс сапасы жоғары болады және ақпаратты заңсыз ұрлаудан қорғалған болады.

1. 4 ТОБЖ артықшылықтары

Ақпаратты ТОБЖ арқылы таратудың мыс кабельдермен салыстырғанда көптеген артықшылықтары бар. ТОБЖ-ның ақпараттық желілерге қарқынды енгізілуінің себебі артықшылықтары шығатын оптикалық талшықта сигналдың таралуында, негізгі артықшылықтары:

а) Кең жолақты өткізгіштігі болуы, тасымалдаушы жиіліктің жоғарлы-ғында 1014Гц. Мұндай қасиет бір оптикалық талшық арқылы секундына терабит ақпарат жіберудің потенциалды мүмкіншілігін береді. Оптикалық талшықтың өткізгіштігінің жоғары болуы - мыс немесе басқа тарату орталарымен салыстырғандағы ең маңызды артықшылықтарының бірі. Кәдімгі опто-талшық кабелінің түрлері 1. 3-ші суретте көрсетілген.

Cурет 1. 3 Оптикалық талшықты кабельдердің түрлері

б) Талшықтағы жарық сигналының аз өшулігі. Қазіргі таңда шығарылып жатқан отандық немесе шетелдік өндірушілердің өндірістік оптикалық талшықтарының өшу коэффициенттері 1 км қашықтықта толқын ұзындығы 1, 55 мкм болғанда 0, 2-0, 3 дБ көрсетеді. Аз өшуліктің және үлкен емес дисперсияның арқасында ретрансляциялық аймағы 100 км немесе одан да жоғары болатын байланыс жүйесін құруға болады.

в) Оптикалық талшықта шуыл деңгейінің төмен болуы код артықшылығы аз болып келетін әр қалай модуляцияланған сигналдарды жіберу арқылы өткізу жолағын кеңейтуге мүмкіндік береді.

г) Бөгеттерден жоғары қорғаныштылығы. Оптикалық талшық диэлектрлі материалдан жасалғандықтан, оптикалық кабельге жан-жақтағы мыс кабельді жүйелерінің және электромагниттік сәулелену жасай алатын электр құрылғыларының ешқандай кері әсері болмайды. Көп парлы мыс кабельдерінің қиылысқан жерлерінде кездесетін электромагниттік сәулелену оптикалық кабельде кездеспейді.

е) Аз салмақты және аз көлемді. Өткізгіштіктері бірдей болатындай мыс кабельдерінің көлемі оптикалық кабельдің көлемінен әлде-қайда асып түседі, яғни салыстырмалы түрде оптикалық кабельдің салмағы мен көлемі өте аз болып келеді. Мысалға, диаметрі 7, 5 см 900-парлы телефон кабелін 0, 1 см-лік бір оптикалық талшықпен алмастыруға болады. Егерде осы оптикалық талшықты “киіндіретін” болса, яғни қорғайтын қабықпен және болатты лентамен қаптайтын болса диаметрі 1, 5 см-ге дейін жетеді, бұл қарастырылып отырған телефон кабелінен бірнеше есе кіші.

д) Ақпаратпен заңсыз иемденуден мықты қорғанысы. Опто-талшықты ка-бельде радиодиапазондағы сәулелер қолданылмағандықтан жүйені бұзбайынша тасымалданушы ақпаратты тыңдау өте қиын. Оптикалық желі байланысының үздіксіз жұмыс істеуін қадағалау жүйесі талшықтың жоғарғы сезімталдық қасиетінің арқасында бұзылған байланыс каналын сол мезетте өшіріп, үрейлі сигналды қосады (1. 4-ші суретті қара) [4] .

Сурет 1. 4 ТОБЖ-дағы мониторингтік жүйенің схемасы

ж) Желі элементтерінің гальваникалық шешімділігі. Бұл артықшылығы-ның болуы оптикалық талшықтың изоляциялық қасиетінің болуы. Оптикалық талшық желіде кездесетін электрлік жерлеу ілмектерінен құтылуға мүмкіндік береді, мұндай жағдайлар изоляцияланбаған есептегіш жүйелердегі ғимараттардың әр түрлі нүктелерінде жерленген мыс кабельдермен байланысқан екі желілік құрылғыларда кездеседі. Сонымен қатар желілік құрылғыларға зиян келтіретін потенциалдар айырмашылығы пайда болуы мүмкін. Ал оптикалық талшық үшін мұндай проблема жоқ.

з) Жарылыс және өрт қауіпсіздігі. Оптикалық талшықта ұшқын пайда болуы мүмкін емес болғандықтан, химиялық, мұнайды қайта өндеуші өндірістерде үлкен қаупі бар технологияларда қолданудың қауіпсізділігін жоғарылатады.

и) Оптикалық талшықтың экономикалық тиімділігі. Мыспен салыстыр-ғанда оптикалық талшық арзан материалдан жасалынады, себебі оптикалық талшық жер бетінде кең таралған кварцтан жасалынады, оның негізі - кремний қос тотығы болып табылады. Қазіргі кезде оптикалық талшық пен мыс кабелі бағаларының ара-қатынасы 2:5 болып келеді. Сонымен қатар оптикалық талшықты кабель сигналды ұзақ қашықтықтарға ретрансляциясыз тасымалдауға мүмкіндік береді. Алыс қашықтықты желілерде қайталауыш санын азайтырады. Егер солитонды жүйелерді қолданса регенерациялық аймақтарды 4000 км-ге дейін ұзартуға болады.

к) Эксплутация уақытының ұзақтығы. Уақыт келе талшық деградацияға ұшырай бастайды, яғни кабельдің өшу коэффициенті өсе бастайды. Бірақта оптикалық талшықты жасайтын жаңа мықты технологиялардың арқасында бұл процесстер кәдімгідей азаяды. Бұл уақыт ішінде қабылдау-тасымалдаушы жүйелерінде көптеген жаңалықтар пайда болады.

л) Алысталған электр қорек көзінің болуы. Кейбір жағдайларда ақпарат-тық жүйелерге алыстатылған электр қорек көзі қажет болады. Ал оптикалық талшық мұндай рөл атқара алмайды. Бірақ осындай қажеттіліктерде аралас кабель қолданылады, яғни оптикалық талшықпен қатар кабельге өткізгіш мыс элементімен жабдықталады [8] .

1. 5 Оптикалық кабель түрін таңдау

Сыну көрсеткіші жоғары болатын оптикалық талшықтың өзекшесі сыну көрсеткіші өте аз қабықпен қапталған. Осы айырмашылықтың арқасында негізгі жарықтық ағын өзекшенің ішінде толық шағылып, өзекше бойымен таралады. Оптикалық талшықтың екі түрі бар: бірмодалы және көпмодалы.

Бірмодалы талшықтың көбінесе диаметрі 8 микрондай болады және талшық бойымен тек бір мода ғана тарайды. Соған байланысты мода аралық дисперсия болмайды, бірақ ішкі модалық дисперсия сияқты екінші реттік құбылыстар өткізгіштік жолағын шектейді. Өткізгіштік жолағының кең және өшу көрсеткішінің төмен болуына байланысты бірмодалық талшықтың ірі телекоммуникациялық жүйелерде қолданылуы өте тиімдірек келеді. Бірақ талшыққа сандық апертуралары аз болып келетін жарық сәулелерін енгіздіру үшін мықты лазерлік жүйелерді қолданудың қымбат болуы локальді жүйелерде қолданылуын шектейді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.